| Library / Tipiṭaka / តិបិដក • Tipiṭaka / ជាតកបាឡិ • Jātakapāḷi |
៣៧៧. សេតកេតុជាតកំ (៦-១-២)
377. Setaketujātakaṃ (6-1-2)
៨.
8.
មា តាត កុជ្ឈិ ន ហិ សាធុ កោធោ, ពហុម្បិ តេ អទិដ្ឋមស្សុតញ្ច;
Mā tāta kujjhi na hi sādhu kodho, bahumpi te adiṭṭhamassutañca;
មាតា បិតា ទិសតា 1 សេតកេតុ, អាចរិយមាហុ ទិសតំ បសត្ថា។
Mātā pitā disatā 2 setaketu, ācariyamāhu disataṃ pasatthā.
៩.
9.
អគារិនោ អន្នទបានវត្ថទា 3, អវ្ហាយិកា តម្បិ ទិសំ វទន្តិ;
Agārino annadapānavatthadā 4, avhāyikā tampi disaṃ vadanti;
ឯសា ទិសា បរមា សេតកេតុ, យំ បត្វា ទុក្ខី សុខិនោ ភវន្តិ។
Esā disā paramā setaketu, yaṃ patvā dukkhī sukhino bhavanti.
១០.
10.
ខរាជិនា ជដិលា បង្កទន្តា, ទុម្មក្ខរូបា 5 យេមេ ជប្បន្តិ មន្តេ;
Kharājinā jaṭilā paṅkadantā, dummakkharūpā 6 yeme jappanti mante;
កច្ចិ នុ តេ មានុសកេ បយោគេ, ឥទំ វិទូ បរិមុត្តា អបាយា។
Kacci nu te mānusake payoge, idaṃ vidū parimuttā apāyā.
១១.
11.
បាបានិ កម្មានិ កត្វាន រាជ, ពហុស្សុតោ ចេ ន 7 ចរេយ្យ ធម្មំ;
Pāpāni kammāni katvāna rāja, bahussuto ce na 8 careyya dhammaṃ;
សហស្សវេទោបិ ន តំ បដិច្ច, ទុក្ខា បមុញ្ចេ ចរណំ អបត្វា។
Sahassavedopi na taṃ paṭicca, dukkhā pamuñce caraṇaṃ apatvā.
១២.
12.
សហស្សវេទោបិ ន តំ បដិច្ច, ទុក្ខា បមុញ្ចេ ចរណំ អបត្វា;
Sahassavedopi na taṃ paṭicca, dukkhā pamuñce caraṇaṃ apatvā;
មញ្ញាមិ វេទា អផលា ភវន្តិ, សសំយមំ ចរណមេវ 9 សច្ចំ។
Maññāmi vedā aphalā bhavanti, sasaṃyamaṃ caraṇameva 10 saccaṃ.
១៣.
13.
ន ហេវ វេទា អផលា ភវន្តិ, សសំយមំ ចរណមេវ សច្ចំ;
Na heva vedā aphalā bhavanti, sasaṃyamaṃ caraṇameva saccaṃ;
កិត្តិញ្ហិ បប្បោតិ អធិច្ច វេទេ, សន្តិំ បុណេតិ 11 ចរណេន ទន្តោតិ។
Kittiñhi pappoti adhicca vede, santiṃ puṇeti 12 caraṇena dantoti.
សេតកេតុជាតកំ ទុតិយំ។
Setaketujātakaṃ dutiyaṃ.
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / ខុទ្ទកនិកាយ (អដ្ឋកថា) • Khuddakanikāya (aṭṭhakathā) / ជាតក-អដ្ឋកថា • Jātaka-aṭṭhakathā / [៣៧៧] ២. សេតកេតុជាតកវណ្ណនា • [377] 2. Setaketujātakavaṇṇanā
