| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
377. සෙතකෙතුජාතකං (6-1-2)
377. Setaketujātakaṃ (6-1-2)
8.
8.
මා තාත කුජ්‌ඣි න හි සාධු කොධො, බහුම්‌පි තෙ අදිට්‌ඨමස්‌සුතඤ්‌ච;
Mā tāta kujjhi na hi sādhu kodho, bahumpi te adiṭṭhamassutañca;
මාතා පිතා දිසතා 1 සෙතකෙතු, ආචරියමාහු දිසතං පසත්‌ථා.
Mātā pitā disatā 2 setaketu, ācariyamāhu disataṃ pasatthā.
9.
9.
අගාරිනො අන්‌නදපානවත්‌ථදා 3, අව්‌හායිකා තම්‌පි දිසං වදන්‌ති;
Agārino annadapānavatthadā 4, avhāyikā tampi disaṃ vadanti;
එසා දිසා පරමා සෙතකෙතු, යං පත්‌වා දුක්‌ඛී සුඛිනො භවන්‌ති.
Esā disā paramā setaketu, yaṃ patvā dukkhī sukhino bhavanti.
10.
10.
ඛරාජිනා ජටිලා පඞ්‌කදන්‌තා, දුම්‌මක්‌ඛරූපා 5 යෙමෙ ජප්‌පන්‌ති මන්‌තෙ;
Kharājinā jaṭilā paṅkadantā, dummakkharūpā 6 yeme jappanti mante;
කච්‌චි නු තෙ මානුසකෙ පයොගෙ, ඉදං විදූ පරිමුත්‌තා අපායා.
Kacci nu te mānusake payoge, idaṃ vidū parimuttā apāyā.
11.
11.
පාපානි කම්‌මානි කත්‌වාන රාජ, බහුස්‌සුතො චෙ න 7 චරෙය්‍ය ධම්‌මං;
Pāpāni kammāni katvāna rāja, bahussuto ce na 8 careyya dhammaṃ;
සහස්‌සවෙදොපි න තං පටිච්‌ච, දුක්‌ඛා පමුඤ්‌චෙ චරණං අපත්‌වා.
Sahassavedopi na taṃ paṭicca, dukkhā pamuñce caraṇaṃ apatvā.
12.
12.
සහස්‌සවෙදොපි න තං පටිච්‌ච, දුක්‌ඛා පමුඤ්‌චෙ චරණං අපත්‌වා;
Sahassavedopi na taṃ paṭicca, dukkhā pamuñce caraṇaṃ apatvā;
මඤ්‌ඤාමි වෙදා අඵලා භවන්‌ති, සසංයමං චරණමෙව 9 සච්‌චං.
Maññāmi vedā aphalā bhavanti, sasaṃyamaṃ caraṇameva 10 saccaṃ.
13.
13.
න හෙව වෙදා අඵලා භවන්‌ති, සසංයමං චරණමෙව සච්‌චං;
Na heva vedā aphalā bhavanti, sasaṃyamaṃ caraṇameva saccaṃ;
කිත්‌තිඤ්‌හි පප්‌පොති අධිච්‌ච වෙදෙ, සන්‌තිං පුණෙති 11 චරණෙන දන්‌තොති.
Kittiñhi pappoti adhicca vede, santiṃ puṇeti 12 caraṇena dantoti.
සෙතකෙතුජාතකං දුතියං.
Setaketujātakaṃ dutiyaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [377] 2. සෙතකෙතුජාතකවණ්‌ණනා • [377] 2. Setaketujātakavaṇṇanā
