| Library / Tipiṭaka / д̇ибидага • Tipiṭaka / жуул̣аваг̇г̇абаал̣и • Cūḷavaggapāḷi |
сзд̇аван̣н̣аад̣̇иануж̇аананам̣
Setavaṇṇādianujānanaṃ
298. д̇зна ко бана самаязна д̇ид̇т̇ияаанам̣ сзяяааяо сзд̇аван̣н̣аа хонд̇и, гаал̣аван̣н̣агад̇аа бхууми, г̇зругабаригаммагад̇аа бхид̇д̇и. б̣ахуу мануссаа сзяяаабзгкагаа г̇ажчанд̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, вихаарз сзд̇аван̣н̣ам̣ гаал̣аван̣н̣ам̣ г̇зругабаригамма’’нд̇и .
298. Tena kho pana samayena titthiyānaṃ seyyāyo setavaṇṇā honti, kāḷavaṇṇakatā bhūmi, gerukaparikammakatā bhitti. Bahū manussā seyyāpekkhakā gacchanti. Bhagavato etamatthaṃ ārocesuṃ. ‘‘Anujānāmi, bhikkhave, vihāre setavaṇṇaṃ kāḷavaṇṇaṃ gerukaparikamma’’nti .
д̇зна ко бана самаязна парусааяа бхид̇д̇ияаа сзд̇аван̣н̣о на нибад̇ад̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, т̇усабин̣д̣ам̣ д̣̇ад̇ваа баан̣игааяа бадиб̣аахзд̇ваа сзд̇аван̣н̣ам̣ нибаад̇зд̇у’’нд̇и. сзд̇аван̣н̣о аниб̣анд̇ханийяо ход̇и…бз… ‘‘ануж̇аанаами, бхигкавз, сан̣хамад̇д̇игам̣ д̣̇ад̇ваа баан̣игааяа бадиб̣аахзд̇ваа сзд̇аван̣н̣ам̣ нибаад̇зд̇у’’нд̇и. сзд̇аван̣н̣о аниб̣анд̇ханийяо ход̇и…бз… ‘‘ануж̇аанаами, бхигкавз, иггаасам̣ бидтамад̣̇д̣̇а’’нд̇и.
Tena kho pana samayena pharusāya bhittiyā setavaṇṇo na nipatati. Bhagavato etamatthaṃ ārocesuṃ. ‘‘Anujānāmi, bhikkhave, thusapiṇḍaṃ datvā pāṇikāya paṭibāhetvā setavaṇṇaṃ nipātetu’’nti. Setavaṇṇo anibandhanīyo hoti…pe… ‘‘anujānāmi, bhikkhave, saṇhamattikaṃ datvā pāṇikāya paṭibāhetvā setavaṇṇaṃ nipātetu’’nti. Setavaṇṇo anibandhanīyo hoti…pe… ‘‘anujānāmi, bhikkhave, ikkāsaṃ piṭṭhamadda’’nti.
д̇зна ко бана самаязна парусааяа бхид̇д̇ияаа г̇зругаа на нибад̇ад̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, т̇усабин̣д̣ам̣ д̣̇ад̇ваа баан̣игааяа бадиб̣аахзд̇ваа г̇зругам̣ нибаад̇зд̇у’’нд̇и. г̇зругаа аниб̣анд̇ханийяаа ход̇и …бз… ‘‘ануж̇аанаами, бхигкавз, гун̣д̣агамад̇д̇игам̣ д̣̇ад̇ваа баан̣игааяа бадиб̣аахзд̇ваа г̇зругам̣ нибаад̇зд̇у’’нд̇и. г̇зругаа аниб̣анд̇ханийяаа ход̇и…бз… ‘‘ануж̇аанаами, бхигкавз, саасабагуддам̣ сид̇т̇ад̇злага’’нд̇и. ажжуссаннам̣ ход̇и…бз… ‘‘ануж̇аанаами, бхигкавз, жол̣агзна бажжуд̣̇д̇харид̇у’’нд̇и.
Tena kho pana samayena pharusāya bhittiyā gerukā na nipatati. Bhagavato etamatthaṃ ārocesuṃ. ‘‘Anujānāmi, bhikkhave, thusapiṇḍaṃ datvā pāṇikāya paṭibāhetvā gerukaṃ nipātetu’’nti. Gerukā anibandhanīyā hoti …pe… ‘‘anujānāmi, bhikkhave, kuṇḍakamattikaṃ datvā pāṇikāya paṭibāhetvā gerukaṃ nipātetu’’nti. Gerukā anibandhanīyā hoti…pe… ‘‘anujānāmi, bhikkhave, sāsapakuṭṭaṃ sitthatelaka’’nti. Accussannaṃ hoti…pe… ‘‘anujānāmi, bhikkhave, coḷakena paccuddharitu’’nti.
д̇зна ко бана самаязна парусааяа бхуумияаа гаал̣аван̣н̣о на нибад̇ад̇и. бхаг̇авад̇о зд̇амад̇т̇ам̣ аарожзсум̣. ‘‘ануж̇аанаами, бхигкавз, т̇усабин̣д̣ам̣ д̣̇ад̇ваа баан̣игааяа бадиб̣аахзд̇ваа гаал̣аван̣н̣ам̣ нибаад̇зд̇у’’нд̇и. гаал̣аван̣н̣о аниб̣анд̇ханийяо ход̇и…бз… ‘‘ануж̇аанаами, бхигкавз, г̇ан̣д̣умад̇д̇игам̣ д̣̇ад̇ваа баан̣игааяа бадиб̣аахзд̇ваа гаал̣аван̣н̣ам̣ нибаад̇зд̇у’’нд̇и. гаал̣аван̣н̣о аниб̣анд̇ханийяо ход̇и…бз… ‘‘ануж̇аанаами, бхигкавз, иггаасам̣ гасаава’’нд̇и.
Tena kho pana samayena pharusāya bhūmiyā kāḷavaṇṇo na nipatati. Bhagavato etamatthaṃ ārocesuṃ. ‘‘Anujānāmi, bhikkhave, thusapiṇḍaṃ datvā pāṇikāya paṭibāhetvā kāḷavaṇṇaṃ nipātetu’’nti. Kāḷavaṇṇo anibandhanīyo hoti…pe… ‘‘anujānāmi, bhikkhave, gaṇḍumattikaṃ datvā pāṇikāya paṭibāhetvā kāḷavaṇṇaṃ nipātetu’’nti. Kāḷavaṇṇo anibandhanīyo hoti…pe… ‘‘anujānāmi, bhikkhave, ikkāsaṃ kasāva’’nti.
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / жуул̣аваг̇г̇а-адтагат̇аа • Cūḷavagga-aṭṭhakathā / вихаараануж̇аананагат̇аа • Vihārānujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ман̃жабийтаад̣̇иануж̇аананагат̇ааван̣н̣анаа • Mañcapīṭhādianujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / вихаараануж̇аананагат̇ааван̣н̣анаа • Vihārānujānanakathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / вихаараануж̇аананагат̇аа • Vihārānujānanakathā
