| Library / Tipiṭaka / ತಿಪಿಟಕ • Tipiṭaka / ಚೂಳವಗ್ಗಪಾಳಿ • Cūḷavaggapāḷi |
ಸೇತವಣ್ಣಾದಿಅನುಜಾನನಂ
Setavaṇṇādianujānanaṃ
೨೯೮. ತೇನ ಖೋ ಪನ ಸಮಯೇನ ತಿತ್ಥಿಯಾನಂ ಸೇಯ್ಯಾಯೋ ಸೇತವಣ್ಣಾ ಹೋನ್ತಿ, ಕಾಳವಣ್ಣಕತಾ ಭೂಮಿ, ಗೇರುಕಪರಿಕಮ್ಮಕತಾ ಭಿತ್ತಿ। ಬಹೂ ಮನುಸ್ಸಾ ಸೇಯ್ಯಾಪೇಕ್ಖಕಾ ಗಚ್ಛನ್ತಿ। ಭಗವತೋ ಏತಮತ್ಥಂ ಆರೋಚೇಸುಂ। ‘‘ಅನುಜಾನಾಮಿ, ಭಿಕ್ಖವೇ, ವಿಹಾರೇ ಸೇತವಣ್ಣಂ ಕಾಳವಣ್ಣಂ ಗೇರುಕಪರಿಕಮ್ಮ’’ನ್ತಿ ।
298. Tena kho pana samayena titthiyānaṃ seyyāyo setavaṇṇā honti, kāḷavaṇṇakatā bhūmi, gerukaparikammakatā bhitti. Bahū manussā seyyāpekkhakā gacchanti. Bhagavato etamatthaṃ ārocesuṃ. ‘‘Anujānāmi, bhikkhave, vihāre setavaṇṇaṃ kāḷavaṇṇaṃ gerukaparikamma’’nti .
ತೇನ ಖೋ ಪನ ಸಮಯೇನ ಫರುಸಾಯ ಭಿತ್ತಿಯಾ ಸೇತವಣ್ಣೋ ನ ನಿಪತತಿ। ಭಗವತೋ ಏತಮತ್ಥಂ ಆರೋಚೇಸುಂ। ‘‘ಅನುಜಾನಾಮಿ, ಭಿಕ್ಖವೇ, ಥುಸಪಿಣ್ಡಂ ದತ್ವಾ ಪಾಣಿಕಾಯ ಪಟಿಬಾಹೇತ್ವಾ ಸೇತವಣ್ಣಂ ನಿಪಾತೇತು’’ನ್ತಿ। ಸೇತವಣ್ಣೋ ಅನಿಬನ್ಧನೀಯೋ ಹೋತಿ…ಪೇ॰… ‘‘ಅನುಜಾನಾಮಿ, ಭಿಕ್ಖವೇ, ಸಣ್ಹಮತ್ತಿಕಂ ದತ್ವಾ ಪಾಣಿಕಾಯ ಪಟಿಬಾಹೇತ್ವಾ ಸೇತವಣ್ಣಂ ನಿಪಾತೇತು’’ನ್ತಿ। ಸೇತವಣ್ಣೋ ಅನಿಬನ್ಧನೀಯೋ ಹೋತಿ…ಪೇ॰… ‘‘ಅನುಜಾನಾಮಿ, ಭಿಕ್ಖವೇ, ಇಕ್ಕಾಸಂ ಪಿಟ್ಠಮದ್ದ’’ನ್ತಿ।
Tena kho pana samayena pharusāya bhittiyā setavaṇṇo na nipatati. Bhagavato etamatthaṃ ārocesuṃ. ‘‘Anujānāmi, bhikkhave, thusapiṇḍaṃ datvā pāṇikāya paṭibāhetvā setavaṇṇaṃ nipātetu’’nti. Setavaṇṇo anibandhanīyo hoti…pe… ‘‘anujānāmi, bhikkhave, saṇhamattikaṃ datvā pāṇikāya paṭibāhetvā setavaṇṇaṃ nipātetu’’nti. Setavaṇṇo anibandhanīyo hoti…pe… ‘‘anujānāmi, bhikkhave, ikkāsaṃ piṭṭhamadda’’nti.
ತೇನ ಖೋ ಪನ ಸಮಯೇನ ಫರುಸಾಯ ಭಿತ್ತಿಯಾ ಗೇರುಕಾ ನ ನಿಪತತಿ। ಭಗವತೋ ಏತಮತ್ಥಂ ಆರೋಚೇಸುಂ। ‘‘ಅನುಜಾನಾಮಿ, ಭಿಕ್ಖವೇ, ಥುಸಪಿಣ್ಡಂ ದತ್ವಾ ಪಾಣಿಕಾಯ ಪಟಿಬಾಹೇತ್ವಾ ಗೇರುಕಂ ನಿಪಾತೇತು’’ನ್ತಿ। ಗೇರುಕಾ ಅನಿಬನ್ಧನೀಯಾ ಹೋತಿ …ಪೇ॰… ‘‘ಅನುಜಾನಾಮಿ, ಭಿಕ್ಖವೇ, ಕುಣ್ಡಕಮತ್ತಿಕಂ ದತ್ವಾ ಪಾಣಿಕಾಯ ಪಟಿಬಾಹೇತ್ವಾ ಗೇರುಕಂ ನಿಪಾತೇತು’’ನ್ತಿ। ಗೇರುಕಾ ಅನಿಬನ್ಧನೀಯಾ ಹೋತಿ…ಪೇ॰… ‘‘ಅನುಜಾನಾಮಿ, ಭಿಕ್ಖವೇ, ಸಾಸಪಕುಟ್ಟಂ ಸಿತ್ಥತೇಲಕ’’ನ್ತಿ। ಅಚ್ಚುಸ್ಸನ್ನಂ ಹೋತಿ…ಪೇ॰… ‘‘ಅನುಜಾನಾಮಿ, ಭಿಕ್ಖವೇ, ಚೋಳಕೇನ ಪಚ್ಚುದ್ಧರಿತು’’ನ್ತಿ।
Tena kho pana samayena pharusāya bhittiyā gerukā na nipatati. Bhagavato etamatthaṃ ārocesuṃ. ‘‘Anujānāmi, bhikkhave, thusapiṇḍaṃ datvā pāṇikāya paṭibāhetvā gerukaṃ nipātetu’’nti. Gerukā anibandhanīyā hoti …pe… ‘‘anujānāmi, bhikkhave, kuṇḍakamattikaṃ datvā pāṇikāya paṭibāhetvā gerukaṃ nipātetu’’nti. Gerukā anibandhanīyā hoti…pe… ‘‘anujānāmi, bhikkhave, sāsapakuṭṭaṃ sitthatelaka’’nti. Accussannaṃ hoti…pe… ‘‘anujānāmi, bhikkhave, coḷakena paccuddharitu’’nti.
ತೇನ ಖೋ ಪನ ಸಮಯೇನ ಫರುಸಾಯ ಭೂಮಿಯಾ ಕಾಳವಣ್ಣೋ ನ ನಿಪತತಿ। ಭಗವತೋ ಏತಮತ್ಥಂ ಆರೋಚೇಸುಂ। ‘‘ಅನುಜಾನಾಮಿ, ಭಿಕ್ಖವೇ, ಥುಸಪಿಣ್ಡಂ ದತ್ವಾ ಪಾಣಿಕಾಯ ಪಟಿಬಾಹೇತ್ವಾ ಕಾಳವಣ್ಣಂ ನಿಪಾತೇತು’’ನ್ತಿ। ಕಾಳವಣ್ಣೋ ಅನಿಬನ್ಧನೀಯೋ ಹೋತಿ…ಪೇ॰… ‘‘ಅನುಜಾನಾಮಿ, ಭಿಕ್ಖವೇ, ಗಣ್ಡುಮತ್ತಿಕಂ ದತ್ವಾ ಪಾಣಿಕಾಯ ಪಟಿಬಾಹೇತ್ವಾ ಕಾಳವಣ್ಣಂ ನಿಪಾತೇತು’’ನ್ತಿ। ಕಾಳವಣ್ಣೋ ಅನಿಬನ್ಧನೀಯೋ ಹೋತಿ…ಪೇ॰… ‘‘ಅನುಜಾನಾಮಿ, ಭಿಕ್ಖವೇ, ಇಕ್ಕಾಸಂ ಕಸಾವ’’ನ್ತಿ।
Tena kho pana samayena pharusāya bhūmiyā kāḷavaṇṇo na nipatati. Bhagavato etamatthaṃ ārocesuṃ. ‘‘Anujānāmi, bhikkhave, thusapiṇḍaṃ datvā pāṇikāya paṭibāhetvā kāḷavaṇṇaṃ nipātetu’’nti. Kāḷavaṇṇo anibandhanīyo hoti…pe… ‘‘anujānāmi, bhikkhave, gaṇḍumattikaṃ datvā pāṇikāya paṭibāhetvā kāḷavaṇṇaṃ nipātetu’’nti. Kāḷavaṇṇo anibandhanīyo hoti…pe… ‘‘anujānāmi, bhikkhave, ikkāsaṃ kasāva’’nti.
Related texts:
ಅಟ್ಠಕಥಾ • Aṭṭhakathā / ವಿನಯಪಿಟಕ (ಅಟ್ಠಕಥಾ) • Vinayapiṭaka (aṭṭhakathā) / ಚೂಳವಗ್ಗ-ಅಟ್ಠಕಥಾ • Cūḷavagga-aṭṭhakathā / ವಿಹಾರಾನುಜಾನನಕಥಾ • Vihārānujānanakathā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಮಞ್ಚಪೀಠಾದಿಅನುಜಾನನಕಥಾವಣ್ಣನಾ • Mañcapīṭhādianujānanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಜಿರಬುದ್ಧಿ-ಟೀಕಾ • Vajirabuddhi-ṭīkā / ವಿಹಾರಾನುಜಾನನಕಥಾವಣ್ಣನಾ • Vihārānujānanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ವಿಹಾರಾನುಜಾನನಕಥಾವಣ್ಣನಾ • Vihārānujānanakathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ವಿಹಾರಾನುಜಾನನಕಥಾ • Vihārānujānanakathā
