| Library / Tipiṭaka / திபிடக • Tipiṭaka / மஹாவக்³க³-அட்ட²கதா² • Mahāvagga-aṭṭhakathā |
ஸெட்டி²ப⁴ரியாதி³வத்து²கதா²
Seṭṭhibhariyādivatthukathā
330. பஸதேனாதி ஏகஹத்த²புடேன. பிசுனாதி கப்பாஸபடலேன. யத்ரஹி நாமாதி யா நாம. கிம்பிமாயந்தி கிம்பி மே அயங். உபஜானாமேதஸ்ஸ ஸங்யமஸ்ஸாதி கதஸ்ஸ ச ரோகூ³பஸமஸ்ஸ ச உபகாரங் ஜானாமாதி அதி⁴ப்பாயோ.
330.Pasatenāti ekahatthapuṭena. Picunāti kappāsapaṭalena. Yatrahi nāmāti yā nāma. Kimpimāyanti kimpi me ayaṃ. Upajānāmetassa saṃyamassāti katassa ca rogūpasamassa ca upakāraṃ jānāmāti adhippāyo.
331. ஸப்³பா³லங்காரங் துய்ஹங் ஹோதூதி ராஜா கிர ‘‘ஸசே இமங் க³ண்ஹிஸ்ஸதி, பமாணயுத்தே டா²னே நங் ட²பெஸ்ஸாமி. ஸசே ந க³ண்ஹிஸ்ஸதி, அப்³ப⁴ந்தரிகங் நங் விஸ்ஸாஸகங் கரிஸ்ஸாமீ’’தி சிந்தெத்வா ஏவமாஹ. அப⁴யகுமாரஸ்ஸாபி நாடகானம்பி சித்தங் உப்பஜ்ஜி ‘‘அஹோ வத ந க³ண்ஹெய்யா’’தி. ஸோபி தேஸங் சித்தங் ஞத்வா விய ‘‘இத³ங் மே தே³வ அய்யிகானங் ஆப⁴ரணங், நயித³ங் மய்ஹங் க³ண்ஹிதுங் பதிரூப’’ந்தி வத்வா அலங் தே³வாதிஆதி³மாஹ. அதி⁴காரங் மே தே³வோ ஸரதூதி கதஸ்ஸ உபகாரங் மே தே³வோ ஸரதூதி அத்தோ². ராஜா பஸன்னோ ஸப்³பா³காரஸம்பன்னங் கே³ஹஞ்ச அம்ப³வனுய்யானஞ்ச அனுஸங்வச்ச²ரங் ஸதஸஹஸ்ஸஉட்டா²னகங் கா³மஞ்ச மஹாஸக்காரஞ்ச த³த்வா தேன ஹி ப⁴ணேதிஆதி³மாஹ.
331.Sabbālaṅkāraṃ tuyhaṃ hotūti rājā kira ‘‘sace imaṃ gaṇhissati, pamāṇayutte ṭhāne naṃ ṭhapessāmi. Sace na gaṇhissati, abbhantarikaṃ naṃ vissāsakaṃ karissāmī’’ti cintetvā evamāha. Abhayakumārassāpi nāṭakānampi cittaṃ uppajji ‘‘aho vata na gaṇheyyā’’ti. Sopi tesaṃ cittaṃ ñatvā viya ‘‘idaṃ me deva ayyikānaṃ ābharaṇaṃ, nayidaṃ mayhaṃ gaṇhituṃ patirūpa’’nti vatvā alaṃ devātiādimāha. Adhikāraṃ me devo saratūti katassa upakāraṃ me devo saratūti attho. Rājā pasanno sabbākārasampannaṃ gehañca ambavanuyyānañca anusaṃvaccharaṃ satasahassauṭṭhānakaṃ gāmañca mahāsakkārañca datvā tena hi bhaṇetiādimāha.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
203. ஸெட்டி²ப⁴ரியாவத்து² • 203. Seṭṭhibhariyāvatthu
204. பி³ம்பி³ஸாரராஜவத்து² • 204. Bimbisārarājavatthu
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஜீவகவத்து²கதா²வண்ணனா • Jīvakavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஜீவகவத்து²கதா²தி³வண்ணனா • Jīvakavatthukathādivaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / பாசித்யாதி³யோஜனாபாளி • Pācityādiyojanāpāḷi / 203. ஸெட்டி²ப⁴ரியாதி³வத்து²கதா² • 203. Seṭṭhibhariyādivatthukathā
