| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
203. ஸெட்டி²ப⁴ரியாதி³வத்து²கதா²
203. Seṭṭhibhariyādivatthukathā
330. யா நாமாதி யா நாம க⁴ரணீ. கிம்பி மாயந்தி எத்த² ஏகாரலோபஸந்தீ⁴தி ஆஹ ‘‘கிம்பி மே அய’’ந்தி. இமினா யகாராதே³ஸஸந்தி⁴ங் நிவத்தேதி, ‘‘ம்யாய’’ந்திபி பாடோ², ஏவங் ஸதி ஆதே³ஸஸந்தி⁴யேவ, ந லோபஸந்தி⁴. அயங் க⁴ரணீ மே கிஞ்சி தெ³ய்யத⁴ம்மங் கிம்பி த³ஸ்ஸதீதி யோஜனா. தஸ்ஸ சாதி ஸப்³பி³ஸ்ஸ ச, கதஸ்ஸாதிபி பாடோ². ரோகூ³பஸமஸ்ஸ சாதி மம ரோக³ஸ்ஸ உபஸமஸ்ஸ ச, இமேஹி பதே³ஹி ஸங்யமஸ்ஸாதி பத³ஸ்ஸ அத்த²ங் த³ஸ்ஸேதி. ‘‘உபகார’’ந்தி இமினா உபஜானாமீதி எத்த² உபஸத்³த³ஸ்ஸ அத்த²ங் த³ஸ்ஸேதி. அதி⁴ப்பாயோதி க⁴ரணியா ஆஸயோ.
330.Yā nāmāti yā nāma gharaṇī. Kimpi māyanti ettha ekāralopasandhīti āha ‘‘kimpi me aya’’nti. Iminā yakārādesasandhiṃ nivatteti, ‘‘myāya’’ntipi pāṭho, evaṃ sati ādesasandhiyeva, na lopasandhi. Ayaṃ gharaṇī me kiñci deyyadhammaṃ kimpi dassatīti yojanā. Tassa cāti sabbissa ca, katassātipi pāṭho. Rogūpasamassa cāti mama rogassa upasamassa ca, imehi padehi saṃyamassāti padassa atthaṃ dasseti. ‘‘Upakāra’’nti iminā upajānāmīti ettha upasaddassa atthaṃ dasseti. Adhippāyoti gharaṇiyā āsayo.
331. ‘‘ஸப்³பா³லங்காரங் துய்ஹங் ஹோதூ’’தி இத³ங் வசனங் ராஜா ஸபா⁴வதோ ஆஹ, உதா³ஹு கிஞ்சி சிந்தெத்வாதி ஆஹ ‘‘ராஜா’’திஆதி³. தத்த² இமந்தி அலங்காரங். பமாணயுத்தேதி காரணானுரூபே. நந்தி ஜீவகங். நாடகானம்பீதி பஞ்சஸதிகானங் நாடகானம்பி. ஸோபீதி ஜீவகோபி. தேஸந்தி அப⁴யகுமாரனாடகானங். மேதி மய்ஹங், ந பதிரூபந்தி ஸம்ப³ந்தோ⁴. அய்யிகானந்தி மாதாமஹீனங். கதஸ்ஸ மே உபகாரந்தி யோஜனா. இமினா அதி⁴காரோ ச உபகாரோ ச அத்த²தோ ஸதி³ஸந்தி த³ஸ்ஸேதி. ராஜா பஸன்னோ த³த்வா ஆஹாதி ஸம்ப³ந்தோ⁴.
331. ‘‘Sabbālaṅkāraṃ tuyhaṃ hotū’’ti idaṃ vacanaṃ rājā sabhāvato āha, udāhu kiñci cintetvāti āha ‘‘rājā’’tiādi. Tattha imanti alaṅkāraṃ. Pamāṇayutteti kāraṇānurūpe. Nanti jīvakaṃ. Nāṭakānampīti pañcasatikānaṃ nāṭakānampi. Sopīti jīvakopi. Tesanti abhayakumāranāṭakānaṃ. Meti mayhaṃ, na patirūpanti sambandho. Ayyikānanti mātāmahīnaṃ. Katassa me upakāranti yojanā. Iminā adhikāro ca upakāro ca atthato sadisanti dasseti. Rājā pasanno datvā āhāti sambandho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi
203. ஸெட்டி²ப⁴ரியாவத்து² • 203. Seṭṭhibhariyāvatthu
204. பி³ம்பி³ஸாரராஜவத்து² • 204. Bimbisārarājavatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / ஸெட்டி²ப⁴ரியாதி³வத்து²கதா² • Seṭṭhibhariyādivatthukathā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / ஜீவகவத்து²கதா²வண்ணனா • Jīvakavatthukathāvaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / ஜீவகவத்து²கதா²தி³வண்ணனா • Jīvakavatthukathādivaṇṇanā
