| Library / Tipiṭaka / তিপিটক • Tipiṭaka / মহাৰগ্গ-অট্ঠকথা • Mahāvagga-aṭṭhakathā |
সেট্ঠিভরিযাদিৰত্থুকথা
Seṭṭhibhariyādivatthukathā
৩৩০. পসতেনাতি একহত্থপুটেন। পিচুনাতি কপ্পাসপটলেন। যত্রহি নামাতি যা নাম। কিম্পিমাযন্তি কিম্পি মে অযং। উপজানামেতস্স সংযমস্সাতি কতস্স চ রোগূপসমস্স চ উপকারং জানামাতি অধিপ্পাযো।
330.Pasatenāti ekahatthapuṭena. Picunāti kappāsapaṭalena. Yatrahi nāmāti yā nāma. Kimpimāyanti kimpi me ayaṃ. Upajānāmetassa saṃyamassāti katassa ca rogūpasamassa ca upakāraṃ jānāmāti adhippāyo.
৩৩১. সব্বালঙ্কারং তুয্হং হোতূতি রাজা কির ‘‘সচে ইমং গণ্হিস্সতি, পমাণযুত্তে ঠানে নং ঠপেস্সামি। সচে ন গণ্হিস্সতি, অব্ভন্তরিকং নং ৰিস্সাসকং করিস্সামী’’তি চিন্তেত্ৰা এৰমাহ। অভযকুমারস্সাপি নাটকানম্পি চিত্তং উপ্পজ্জি ‘‘অহো ৰত ন গণ্হেয্যা’’তি। সোপি তেসং চিত্তং ঞত্ৰা ৰিয ‘‘ইদং মে দেৰ অয্যিকানং আভরণং, নযিদং ময্হং গণ্হিতুং পতিরূপ’’ন্তি ৰত্ৰা অলং দেৰাতিআদিমাহ। অধিকারং মে দেৰো সরতূতি কতস্স উপকারং মে দেৰো সরতূতি অত্থো। রাজা পসন্নো সব্বাকারসম্পন্নং গেহঞ্চ অম্বৰনুয্যানঞ্চ অনুসংৰচ্ছরং সতসহস্সউট্ঠানকং গামঞ্চ মহাসক্কারঞ্চ দত্ৰা তেন হি ভণেতিআদিমাহ।
331.Sabbālaṅkāraṃ tuyhaṃ hotūti rājā kira ‘‘sace imaṃ gaṇhissati, pamāṇayutte ṭhāne naṃ ṭhapessāmi. Sace na gaṇhissati, abbhantarikaṃ naṃ vissāsakaṃ karissāmī’’ti cintetvā evamāha. Abhayakumārassāpi nāṭakānampi cittaṃ uppajji ‘‘aho vata na gaṇheyyā’’ti. Sopi tesaṃ cittaṃ ñatvā viya ‘‘idaṃ me deva ayyikānaṃ ābharaṇaṃ, nayidaṃ mayhaṃ gaṇhituṃ patirūpa’’nti vatvā alaṃ devātiādimāha. Adhikāraṃ me devo saratūti katassa upakāraṃ me devo saratūti attho. Rājā pasanno sabbākārasampannaṃ gehañca ambavanuyyānañca anusaṃvaccharaṃ satasahassauṭṭhānakaṃ gāmañca mahāsakkārañca datvā tena hi bhaṇetiādimāha.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
২০৩. সেট্ঠিভরিযাৰত্থু • 203. Seṭṭhibhariyāvatthu
২০৪. বিম্বিসাররাজৰত্থু • 204. Bimbisārarājavatthu
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / জীৰকৰত্থুকথাৰণ্ণনা • Jīvakavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / জীৰকৰত্থুকথাদিৰণ্ণনা • Jīvakavatthukathādivaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / পাচিত্যাদিযোজনাপাল়ি • Pācityādiyojanāpāḷi / ২০৩. সেট্ঠিভরিযাদিৰত্থুকথা • 203. Seṭṭhibhariyādivatthukathā
