| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
২০৩. সেট্ঠিভরিযাদিৰত্থুকথা
203. Seṭṭhibhariyādivatthukathā
৩৩০. যা নামাতি যা নাম ঘরণী। কিম্পি মাযন্তি এত্থ একারলোপসন্ধীতি আহ ‘‘কিম্পি মে অয’’ন্তি। ইমিনা যকারাদেসসন্ধিং নিৰত্তেতি, ‘‘ম্যায’’ন্তিপি পাঠো, এৰং সতি আদেসসন্ধিযেৰ, ন লোপসন্ধি। অযং ঘরণী মে কিঞ্চি দেয্যধম্মং কিম্পি দস্সতীতি যোজনা। তস্স চাতি সব্বিস্স চ, কতস্সাতিপি পাঠো। রোগূপসমস্স চাতি মম রোগস্স উপসমস্স চ, ইমেহি পদেহি সংযমস্সাতি পদস্স অত্থং দস্সেতি। ‘‘উপকার’’ন্তি ইমিনা উপজানামীতি এত্থ উপসদ্দস্স অত্থং দস্সেতি। অধিপ্পাযোতি ঘরণিযা আসযো।
330.Yā nāmāti yā nāma gharaṇī. Kimpi māyanti ettha ekāralopasandhīti āha ‘‘kimpi me aya’’nti. Iminā yakārādesasandhiṃ nivatteti, ‘‘myāya’’ntipi pāṭho, evaṃ sati ādesasandhiyeva, na lopasandhi. Ayaṃ gharaṇī me kiñci deyyadhammaṃ kimpi dassatīti yojanā. Tassa cāti sabbissa ca, katassātipi pāṭho. Rogūpasamassa cāti mama rogassa upasamassa ca, imehi padehi saṃyamassāti padassa atthaṃ dasseti. ‘‘Upakāra’’nti iminā upajānāmīti ettha upasaddassa atthaṃ dasseti. Adhippāyoti gharaṇiyā āsayo.
৩৩১. ‘‘সব্বালঙ্কারং তুয্হং হোতূ’’তি ইদং ৰচনং রাজা সভাৰতো আহ, উদাহু কিঞ্চি চিন্তেত্ৰাতি আহ ‘‘রাজা’’তিআদি। তত্থ ইমন্তি অলঙ্কারং। পমাণযুত্তেতি কারণানুরূপে। নন্তি জীৰকং। নাটকানম্পীতি পঞ্চসতিকানং নাটকানম্পি। সোপীতি জীৰকোপি। তেসন্তি অভযকুমারনাটকানং। মেতি ময্হং, ন পতিরূপন্তি সম্বন্ধো। অয্যিকানন্তি মাতামহীনং। কতস্স মে উপকারন্তি যোজনা। ইমিনা অধিকারো চ উপকারো চ অত্থতো সদিসন্তি দস্সেতি। রাজা পসন্নো দত্ৰা আহাতি সম্বন্ধো।
331. ‘‘Sabbālaṅkāraṃ tuyhaṃ hotū’’ti idaṃ vacanaṃ rājā sabhāvato āha, udāhu kiñci cintetvāti āha ‘‘rājā’’tiādi. Tattha imanti alaṅkāraṃ. Pamāṇayutteti kāraṇānurūpe. Nanti jīvakaṃ. Nāṭakānampīti pañcasatikānaṃ nāṭakānampi. Sopīti jīvakopi. Tesanti abhayakumāranāṭakānaṃ. Meti mayhaṃ, na patirūpanti sambandho. Ayyikānanti mātāmahīnaṃ. Katassa me upakāranti yojanā. Iminā adhikāro ca upakāro ca atthato sadisanti dasseti. Rājā pasanno datvā āhāti sambandho.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰগ্গপাল়ি • Mahāvaggapāḷi
২০৩. সেট্ঠিভরিযাৰত্থু • 203. Seṭṭhibhariyāvatthu
২০৪. বিম্বিসাররাজৰত্থু • 204. Bimbisārarājavatthu
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰগ্গ-অট্ঠকথা • Mahāvagga-aṭṭhakathā / সেট্ঠিভরিযাদিৰত্থুকথা • Seṭṭhibhariyādivatthukathā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / জীৰকৰত্থুকথাৰণ্ণনা • Jīvakavatthukathāvaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / জীৰকৰত্থুকথাদিৰণ্ণনা • Jīvakavatthukathādivaṇṇanā
