| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
203. сздтибхарияаад̣̇ивад̇т̇угат̇аа
203. Seṭṭhibhariyādivatthukathā
330. яаа наамаад̇и яаа наама гхаран̣ий. гимби мааяанд̇и зд̇т̇а згааралобасанд̇хийд̇и ааха ‘‘гимби мз аяа’’нд̇и. иминаа яагаараад̣̇зсасанд̇хим̣ нивад̇д̇зд̇и, ‘‘мяааяа’’нд̇иби баато, звам̣ сад̇и аад̣̇зсасанд̇хиязва, на лобасанд̇хи. аяам̣ гхаран̣ий мз гин̃жи д̣̇зяяад̇хаммам̣ гимби д̣̇ассад̇ийд̇и яож̇анаа. д̇асса жаад̇и саб̣б̣исса жа, гад̇ассаад̇иби баато. рог̇уубасамасса жаад̇и мама рог̇асса убасамасса жа, имзхи бад̣̇зхи сам̣яамассаад̇и бад̣̇асса ад̇т̇ам̣ д̣̇ассзд̇и. ‘‘убагаара’’нд̇и иминаа убаж̇аанаамийд̇и зд̇т̇а убасад̣̇д̣̇асса ад̇т̇ам̣ д̣̇ассзд̇и. ад̇хиббааяод̇и гхаран̣ияаа аасаяо.
330.Yā nāmāti yā nāma gharaṇī. Kimpi māyanti ettha ekāralopasandhīti āha ‘‘kimpi me aya’’nti. Iminā yakārādesasandhiṃ nivatteti, ‘‘myāya’’ntipi pāṭho, evaṃ sati ādesasandhiyeva, na lopasandhi. Ayaṃ gharaṇī me kiñci deyyadhammaṃ kimpi dassatīti yojanā. Tassa cāti sabbissa ca, katassātipi pāṭho. Rogūpasamassa cāti mama rogassa upasamassa ca, imehi padehi saṃyamassāti padassa atthaṃ dasseti. ‘‘Upakāra’’nti iminā upajānāmīti ettha upasaddassa atthaṃ dasseti. Adhippāyoti gharaṇiyā āsayo.
331. ‘‘саб̣б̣аалан̇гаарам̣ д̇уяхам̣ ход̇уу’’д̇и ид̣̇ам̣ важанам̣ рааж̇аа сабхаавад̇о ааха, уд̣̇ааху гин̃жи жинд̇зд̇ваад̇и ааха ‘‘рааж̇аа’’д̇иаад̣̇и. д̇ад̇т̇а иманд̇и алан̇гаарам̣. бамаан̣аяуд̇д̇зд̇и гааран̣аануруубз. нанд̇и ж̇ийвагам̣. наадагаанамбийд̇и бан̃жасад̇игаанам̣ наадагаанамби. собийд̇и ж̇ийвагоби. д̇зсанд̇и абхаяагумааранаадагаанам̣. мзд̇и маяхам̣, на бад̇ируубанд̇и самб̣анд̇хо. аяяигаананд̇и маад̇аамахийнам̣. гад̇асса мз убагааранд̇и яож̇анаа. иминаа ад̇хигааро жа убагааро жа ад̇т̇ад̇о сад̣̇исанд̇и д̣̇ассзд̇и. рааж̇аа басанно д̣̇ад̇ваа аахаад̇и самб̣анд̇хо.
331. ‘‘Sabbālaṅkāraṃ tuyhaṃ hotū’’ti idaṃ vacanaṃ rājā sabhāvato āha, udāhu kiñci cintetvāti āha ‘‘rājā’’tiādi. Tattha imanti alaṅkāraṃ. Pamāṇayutteti kāraṇānurūpe. Nanti jīvakaṃ. Nāṭakānampīti pañcasatikānaṃ nāṭakānampi. Sopīti jīvakopi. Tesanti abhayakumāranāṭakānaṃ. Meti mayhaṃ, na patirūpanti sambandho. Ayyikānanti mātāmahīnaṃ. Katassa me upakāranti yojanā. Iminā adhikāro ca upakāro ca atthato sadisanti dasseti. Rājā pasanno datvā āhāti sambandho.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
203. сздтибхарияаавад̇т̇у • 203. Seṭṭhibhariyāvatthu
204. б̣имб̣исаарарааж̇авад̇т̇у • 204. Bimbisārarājavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / сздтибхарияаад̣̇ивад̇т̇угат̇аа • Seṭṭhibhariyādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / ж̇ийвагавад̇т̇угат̇ааван̣н̣анаа • Jīvakavatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / ж̇ийвагавад̇т̇угат̇аад̣̇иван̣н̣анаа • Jīvakavatthukathādivaṇṇanā
