| Library / Tipiṭaka / तिपिटक • Tipiṭaka / महावग्ग-अट्ठकथा • Mahāvagga-aṭṭhakathā |
सेट्ठिभरियादिवत्थुकथा
Seṭṭhibhariyādivatthukathā
३३०. पसतेनाति एकहत्थपुटेन। पिचुनाति कप्पासपटलेन। यत्रहि नामाति या नाम। किम्पिमायन्ति किम्पि मे अयं। उपजानामेतस्स संयमस्साति कतस्स च रोगूपसमस्स च उपकारं जानामाति अधिप्पायो।
330.Pasatenāti ekahatthapuṭena. Picunāti kappāsapaṭalena. Yatrahi nāmāti yā nāma. Kimpimāyanti kimpi me ayaṃ. Upajānāmetassa saṃyamassāti katassa ca rogūpasamassa ca upakāraṃ jānāmāti adhippāyo.
३३१. सब्बालङ्कारं तुय्हं होतूति राजा किर ‘‘सचे इमं गण्हिस्सति, पमाणयुत्ते ठाने नं ठपेस्सामि। सचे न गण्हिस्सति, अब्भन्तरिकं नं विस्सासकं करिस्सामी’’ति चिन्तेत्वा एवमाह। अभयकुमारस्सापि नाटकानम्पि चित्तं उप्पज्जि ‘‘अहो वत न गण्हेय्या’’ति। सोपि तेसं चित्तं ञत्वा विय ‘‘इदं मे देव अय्यिकानं आभरणं, नयिदं मय्हं गण्हितुं पतिरूप’’न्ति वत्वा अलं देवातिआदिमाह। अधिकारं मे देवो सरतूति कतस्स उपकारं मे देवो सरतूति अत्थो। राजा पसन्नो सब्बाकारसम्पन्नं गेहञ्च अम्बवनुय्यानञ्च अनुसंवच्छरं सतसहस्सउट्ठानकं गामञ्च महासक्कारञ्च दत्वा तेन हि भणेतिआदिमाह।
331.Sabbālaṅkāraṃ tuyhaṃ hotūti rājā kira ‘‘sace imaṃ gaṇhissati, pamāṇayutte ṭhāne naṃ ṭhapessāmi. Sace na gaṇhissati, abbhantarikaṃ naṃ vissāsakaṃ karissāmī’’ti cintetvā evamāha. Abhayakumārassāpi nāṭakānampi cittaṃ uppajji ‘‘aho vata na gaṇheyyā’’ti. Sopi tesaṃ cittaṃ ñatvā viya ‘‘idaṃ me deva ayyikānaṃ ābharaṇaṃ, nayidaṃ mayhaṃ gaṇhituṃ patirūpa’’nti vatvā alaṃ devātiādimāha. Adhikāraṃ me devo saratūti katassa upakāraṃ me devo saratūti attho. Rājā pasanno sabbākārasampannaṃ gehañca ambavanuyyānañca anusaṃvaccharaṃ satasahassauṭṭhānakaṃ gāmañca mahāsakkārañca datvā tena hi bhaṇetiādimāha.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi
२०३. सेट्ठिभरियावत्थु • 203. Seṭṭhibhariyāvatthu
२०४. बिम्बिसारराजवत्थु • 204. Bimbisārarājavatthu
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / जीवकवत्थुकथावण्णना • Jīvakavatthukathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / जीवकवत्थुकथादिवण्णना • Jīvakavatthukathādivaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi / २०३. सेट्ठिभरियादिवत्थुकथा • 203. Seṭṭhibhariyādivatthukathā
