| Library / Tipiṭaka / ತಿಪಿಟಕ • Tipiṭaka / ಮಹಾವಗ್ಗ-ಅಟ್ಠಕಥಾ • Mahāvagga-aṭṭhakathā |
ಸೇಟ್ಠಿಭರಿಯಾದಿವತ್ಥುಕಥಾ
Seṭṭhibhariyādivatthukathā
೩೩೦. ಪಸತೇನಾತಿ ಏಕಹತ್ಥಪುಟೇನ। ಪಿಚುನಾತಿ ಕಪ್ಪಾಸಪಟಲೇನ। ಯತ್ರಹಿ ನಾಮಾತಿ ಯಾ ನಾಮ। ಕಿಮ್ಪಿಮಾಯನ್ತಿ ಕಿಮ್ಪಿ ಮೇ ಅಯಂ। ಉಪಜಾನಾಮೇತಸ್ಸ ಸಂಯಮಸ್ಸಾತಿ ಕತಸ್ಸ ಚ ರೋಗೂಪಸಮಸ್ಸ ಚ ಉಪಕಾರಂ ಜಾನಾಮಾತಿ ಅಧಿಪ್ಪಾಯೋ।
330.Pasatenāti ekahatthapuṭena. Picunāti kappāsapaṭalena. Yatrahi nāmāti yā nāma. Kimpimāyanti kimpi me ayaṃ. Upajānāmetassa saṃyamassāti katassa ca rogūpasamassa ca upakāraṃ jānāmāti adhippāyo.
೩೩೧. ಸಬ್ಬಾಲಙ್ಕಾರಂ ತುಯ್ಹಂ ಹೋತೂತಿ ರಾಜಾ ಕಿರ ‘‘ಸಚೇ ಇಮಂ ಗಣ್ಹಿಸ್ಸತಿ, ಪಮಾಣಯುತ್ತೇ ಠಾನೇ ನಂ ಠಪೇಸ್ಸಾಮಿ। ಸಚೇ ನ ಗಣ್ಹಿಸ್ಸತಿ, ಅಬ್ಭನ್ತರಿಕಂ ನಂ ವಿಸ್ಸಾಸಕಂ ಕರಿಸ್ಸಾಮೀ’’ತಿ ಚಿನ್ತೇತ್ವಾ ಏವಮಾಹ। ಅಭಯಕುಮಾರಸ್ಸಾಪಿ ನಾಟಕಾನಮ್ಪಿ ಚಿತ್ತಂ ಉಪ್ಪಜ್ಜಿ ‘‘ಅಹೋ ವತ ನ ಗಣ್ಹೇಯ್ಯಾ’’ತಿ। ಸೋಪಿ ತೇಸಂ ಚಿತ್ತಂ ಞತ್ವಾ ವಿಯ ‘‘ಇದಂ ಮೇ ದೇವ ಅಯ್ಯಿಕಾನಂ ಆಭರಣಂ, ನಯಿದಂ ಮಯ್ಹಂ ಗಣ್ಹಿತುಂ ಪತಿರೂಪ’’ನ್ತಿ ವತ್ವಾ ಅಲಂ ದೇವಾತಿಆದಿಮಾಹ। ಅಧಿಕಾರಂ ಮೇ ದೇವೋ ಸರತೂತಿ ಕತಸ್ಸ ಉಪಕಾರಂ ಮೇ ದೇವೋ ಸರತೂತಿ ಅತ್ಥೋ। ರಾಜಾ ಪಸನ್ನೋ ಸಬ್ಬಾಕಾರಸಮ್ಪನ್ನಂ ಗೇಹಞ್ಚ ಅಮ್ಬವನುಯ್ಯಾನಞ್ಚ ಅನುಸಂವಚ್ಛರಂ ಸತಸಹಸ್ಸಉಟ್ಠಾನಕಂ ಗಾಮಞ್ಚ ಮಹಾಸಕ್ಕಾರಞ್ಚ ದತ್ವಾ ತೇನ ಹಿ ಭಣೇತಿಆದಿಮಾಹ।
331.Sabbālaṅkāraṃ tuyhaṃ hotūti rājā kira ‘‘sace imaṃ gaṇhissati, pamāṇayutte ṭhāne naṃ ṭhapessāmi. Sace na gaṇhissati, abbhantarikaṃ naṃ vissāsakaṃ karissāmī’’ti cintetvā evamāha. Abhayakumārassāpi nāṭakānampi cittaṃ uppajji ‘‘aho vata na gaṇheyyā’’ti. Sopi tesaṃ cittaṃ ñatvā viya ‘‘idaṃ me deva ayyikānaṃ ābharaṇaṃ, nayidaṃ mayhaṃ gaṇhituṃ patirūpa’’nti vatvā alaṃ devātiādimāha. Adhikāraṃ me devo saratūti katassa upakāraṃ me devo saratūti attho. Rājā pasanno sabbākārasampannaṃ gehañca ambavanuyyānañca anusaṃvaccharaṃ satasahassauṭṭhānakaṃ gāmañca mahāsakkārañca datvā tena hi bhaṇetiādimāha.
Related texts:
ತಿಪಿಟಕ (ಮೂಲ) • Tipiṭaka (Mūla) / ವಿನಯಪಿಟಕ • Vinayapiṭaka / ಮಹಾವಗ್ಗಪಾಳಿ • Mahāvaggapāḷi
೨೦೩. ಸೇಟ್ಠಿಭರಿಯಾವತ್ಥು • 203. Seṭṭhibhariyāvatthu
೨೦೪. ಬಿಮ್ಬಿಸಾರರಾಜವತ್ಥು • 204. Bimbisārarājavatthu
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಸಾರತ್ಥದೀಪನೀ-ಟೀಕಾ • Sāratthadīpanī-ṭīkā / ಜೀವಕವತ್ಥುಕಥಾವಣ್ಣನಾ • Jīvakavatthukathāvaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ವಿಮತಿವಿನೋದನೀ-ಟೀಕಾ • Vimativinodanī-ṭīkā / ಜೀವಕವತ್ಥುಕಥಾದಿವಣ್ಣನಾ • Jīvakavatthukathādivaṇṇanā
ಟೀಕಾ • Tīkā / ವಿನಯಪಿಟಕ (ಟೀಕಾ) • Vinayapiṭaka (ṭīkā) / ಪಾಚಿತ್ಯಾದಿಯೋಜನಾಪಾಳಿ • Pācityādiyojanāpāḷi / ೨೦೩. ಸೇಟ್ಠಿಭರಿಯಾದಿವತ್ಥುಕಥಾ • 203. Seṭṭhibhariyādivatthukathā
