| Library / Tipiṭaka / ਤਿਪਿਟਕ • Tipiṭaka / ਮਹਾવਗ੍ਗਪਾਲ਼ਿ • Mahāvaggapāḷi |
੨੦੩. ਸੇਟ੍ਠਿਭਰਿਯਾવਤ੍ਥੁ
203. Seṭṭhibhariyāvatthu
੩੩੦. ਤੇਨ ਖੋ ਪਨ ਸਮਯੇਨ ਸਾਕੇਤੇ ਸੇਟ੍ਠਿਭਰਿਯਾਯ ਸਤ੍ਤવਸ੍ਸਿਕੋ ਸੀਸਾਬਾਧੋ ਹੋਤਿ। ਬਹੂ ਮਹਨ੍ਤਾ ਮਹਨ੍ਤਾ ਦਿਸਾਪਾਮੋਕ੍ਖਾ વੇਜ੍ਜਾ ਆਗਨ੍ਤ੍વਾ ਨਾਸਕ੍ਖਿਂਸੁ ਅਰੋਗਂ ਕਾਤੁਂ। ਬਹੁਂ ਹਿਰਞ੍ਞਂ ਆਦਾਯ ਅਗਮਂਸੁ। ਅਥ ਖੋ ਜੀવਕੋ ਕੋਮਾਰਭਚ੍ਚੋ ਸਾਕੇਤਂ ਪવਿਸਿਤ੍વਾ ਮਨੁਸ੍ਸੇ ਪੁਚ੍ਛਿ – ‘‘ਕੋ, ਭਣੇ, ਗਿਲਾਨੋ, ਕਂ ਤਿਕਿਚ੍ਛਾਮੀ’’ਤਿ? ‘‘ਏਤਿਸ੍ਸਾ, ਆਚਰਿਯ, ਸੇਟ੍ਠਿਭਰਿਯਾਯ ਸਤ੍ਤવਸ੍ਸਿਕੋ ਸੀਸਾਬਾਧੋ; ਗਚ੍ਛ, ਆਚਰਿਯ, ਸੇਟ੍ਠਿਭਰਿਯਂ ਤਿਕਿਚ੍ਛਾਹੀ’’ਤਿ। ਅਥ ਖੋ ਜੀવਕੋ ਕੋਮਾਰਭਚ੍ਚੋ ਯੇਨ ਸੇਟ੍ਠਿਸ੍ਸ ਗਹਪਤਿਸ੍ਸ ਨਿવੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਦੋવਾਰਿਕਂ ਆਣਾਪੇਸਿ – ‘‘ਗਚ੍ਛ, ਭਣੇ ਦੋવਾਰਿਕ, ਸੇਟ੍ਠਿਭਰਿਯਾਯ ਪਾવਦ – ‘વੇਜ੍ਜੋ, ਅਯ੍ਯੇ, ਆਗਤੋ, ਸੋ ਤਂ ਦਟ੍ਠੁਕਾਮੋ’’’ਤਿ। ‘‘ਏવਂ, ਆਚਰਿਯਾ’’ਤਿ ਖੋ ਸੋ ਦੋવਾਰਿਕੋ ਜੀવਕਸ੍ਸ ਕੋਮਾਰਭਚ੍ਚਸ੍ਸ ਪਟਿਸ੍ਸੁਤ੍વਾ ਯੇਨ ਸੇਟ੍ਠਿਭਰਿਯਾ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਸੇਟ੍ਠਿਭਰਿਯਂ ਏਤਦવੋਚ – ‘‘વੇਜ੍ਜੋ , ਅਯ੍ਯੇ, ਆਗਤੋ; ਸੋ ਤਂ ਦਟ੍ਠੁਕਾਮੋ’’ਤਿ। ‘‘ਕੀਦਿਸੋ, ਭਣੇ ਦੋવਾਰਿਕ, વੇਜ੍ਜੋ’’ਤਿ? ‘‘ਦਹਰਕੋ, ਅਯ੍ਯੇ’’ਤਿ। ‘‘ਅਲਂ, ਭਣੇ ਦੋવਾਰਿਕ, ਕਿਂ ਮੇ ਦਹਰਕੋ વੇਜ੍ਜੋ ਕਰਿਸ੍ਸਤਿ? ਬਹੂ ਮਹਨ੍ਤਾ ਮਹਨ੍ਤਾ ਦਿਸਾਪਾਮੋਕ੍ਖਾ વੇਜ੍ਜਾ ਆਗਨ੍ਤ੍વਾ ਨਾਸਕ੍ਖਿਂਸੁ ਅਰੋਗਂ ਕਾਤੁਂ। ਬਹੁਂ ਹਿਰਞ੍ਞਂ ਆਦਾਯ ਅਗਮਂਸੂ’’ਤਿ। ਅਥ ਖੋ ਸੋ ਦੋવਾਰਿਕੋ ਯੇਨ ਜੀવਕੋ ਕੋਮਾਰਭਚ੍ਚੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਜੀવਕਂ ਕੋਮਾਰਭਚ੍ਚਂ ਏਤਦવੋਚ – ‘‘ਸੇਟ੍ਠਿਭਰਿਯਾ, ਆਚਰਿਯ, ਏવਮਾਹ – ‘ਅਲਂ, ਭਣੇ ਦੋવਾਰਿਕ, ਕਿਂ ਮੇ ਦਹਰਕੋ વੇਜ੍ਜੋ ਕਰਿਸ੍ਸਤਿ? ਬਹੂ ਮਹਨ੍ਤਾ ਮਹਨ੍ਤਾ ਦਿਸਾਪਾਮੋਕ੍ਖਾ વੇਜ੍ਜਾ ਆਗਨ੍ਤ੍વਾ ਨਾਸਕ੍ਖਿਂਸੁ ਅਰੋਗਂ ਕਾਤੁਂ। ਬਹੁਂ ਹਿਰਞ੍ਞਂ ਆਦਾਯ ਅਗਮਂਸੂ’’’ਤਿ। ‘‘ਗਚ੍ਛ, ਭਣੇ ਦੋવਾਰਿਕ, ਸੇਟ੍ਠਿਭਰਿਯਾਯ ਪਾવਦ – ‘વੇਜ੍ਜੋ, ਅਯ੍ਯੇ, ਏવਮਾਹ – ਮਾ ਕਿਰ, ਅਯ੍ਯੇ, ਪੁਰੇ ਕਿਞ੍ਚਿ ਅਦਾਸਿ। ਯਦਾ ਅਰੋਗਾ ਅਹੋਸਿ ਤਦਾ ਯਂ ਇਚ੍ਛੇਯ੍ਯਾਸਿ ਤਂ ਦਜ੍ਜੇਯ੍ਯਾਸੀ’’’ਤਿ। ‘‘ਏવਂ, ਆਚਰਿਯਾ’’ਤਿ ਖੋ ਸੋ ਦੋવਾਰਿਕੋ ਜੀવਕਸ੍ਸ ਕੋਮਾਰਭਚ੍ਚਸ੍ਸ ਪਟਿਸ੍ਸੁਤ੍વਾ ਯੇਨ ਸੇਟ੍ਠਿਭਰਿਯਾ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਸੇਟ੍ਠਿਭਰਿਯਂ ਏਤਦવੋਚ – ‘‘વੇਜ੍ਜੋ, ਅਯ੍ਯੇ, ਏવਮਾਹ – ‘ਮਾ ਕਿਰ, ਅਯ੍ਯੇ, ਪੁਰੇ ਕਿਞ੍ਚਿ ਅਦਾਸਿ। ਯਦਾ ਅਰੋਗਾ ਅਹੋਸਿ ਤਦਾ ਯਂ ਇਚ੍ਛੇਯ੍ਯਾਸਿ ਤਂ ਦਜ੍ਜੇਯ੍ਯਾਸੀ’’’ਤਿ। ‘‘ਤੇਨ ਹਿ, ਭਣੇ ਦੋવਾਰਿਕ, વੇਜ੍ਜੋ ਆਗਚ੍ਛਤੂ’’ਤਿ। ‘‘ਏવਂ, ਅਯ੍ਯੇ’’ਤਿ ਖੋ ਸੋ ਦੋવਾਰਿਕੋ ਸੇਟ੍ਠਿਭਰਿਯਾਯ ਪਟਿਸ੍ਸੁਤ੍વਾ ਯੇਨ ਜੀવਕੋ ਕੋਮਾਰਭਚ੍ਚੋ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਜੀવਕਂ ਕੋਮਾਰਭਚ੍ਚਂ ਏਤਦવੋਚ – ‘‘ਸੇਟ੍ਠਿਭਰਿਯਾ ਤਂ, ਆਚਰਿਯ, ਪਕ੍ਕੋਸਤੀ’’ਤਿ ।
330. Tena kho pana samayena sākete seṭṭhibhariyāya sattavassiko sīsābādho hoti. Bahū mahantā mahantā disāpāmokkhā vejjā āgantvā nāsakkhiṃsu arogaṃ kātuṃ. Bahuṃ hiraññaṃ ādāya agamaṃsu. Atha kho jīvako komārabhacco sāketaṃ pavisitvā manusse pucchi – ‘‘ko, bhaṇe, gilāno, kaṃ tikicchāmī’’ti? ‘‘Etissā, ācariya, seṭṭhibhariyāya sattavassiko sīsābādho; gaccha, ācariya, seṭṭhibhariyaṃ tikicchāhī’’ti. Atha kho jīvako komārabhacco yena seṭṭhissa gahapatissa nivesanaṃ tenupasaṅkami; upasaṅkamitvā dovārikaṃ āṇāpesi – ‘‘gaccha, bhaṇe dovārika, seṭṭhibhariyāya pāvada – ‘vejjo, ayye, āgato, so taṃ daṭṭhukāmo’’’ti. ‘‘Evaṃ, ācariyā’’ti kho so dovāriko jīvakassa komārabhaccassa paṭissutvā yena seṭṭhibhariyā tenupasaṅkami, upasaṅkamitvā seṭṭhibhariyaṃ etadavoca – ‘‘vejjo , ayye, āgato; so taṃ daṭṭhukāmo’’ti. ‘‘Kīdiso, bhaṇe dovārika, vejjo’’ti? ‘‘Daharako, ayye’’ti. ‘‘Alaṃ, bhaṇe dovārika, kiṃ me daharako vejjo karissati? Bahū mahantā mahantā disāpāmokkhā vejjā āgantvā nāsakkhiṃsu arogaṃ kātuṃ. Bahuṃ hiraññaṃ ādāya agamaṃsū’’ti. Atha kho so dovāriko yena jīvako komārabhacco tenupasaṅkami; upasaṅkamitvā jīvakaṃ komārabhaccaṃ etadavoca – ‘‘seṭṭhibhariyā, ācariya, evamāha – ‘alaṃ, bhaṇe dovārika, kiṃ me daharako vejjo karissati? Bahū mahantā mahantā disāpāmokkhā vejjā āgantvā nāsakkhiṃsu arogaṃ kātuṃ. Bahuṃ hiraññaṃ ādāya agamaṃsū’’’ti. ‘‘Gaccha, bhaṇe dovārika, seṭṭhibhariyāya pāvada – ‘vejjo, ayye, evamāha – mā kira, ayye, pure kiñci adāsi. Yadā arogā ahosi tadā yaṃ iccheyyāsi taṃ dajjeyyāsī’’’ti. ‘‘Evaṃ, ācariyā’’ti kho so dovāriko jīvakassa komārabhaccassa paṭissutvā yena seṭṭhibhariyā tenupasaṅkami; upasaṅkamitvā seṭṭhibhariyaṃ etadavoca – ‘‘vejjo, ayye, evamāha – ‘mā kira, ayye, pure kiñci adāsi. Yadā arogā ahosi tadā yaṃ iccheyyāsi taṃ dajjeyyāsī’’’ti. ‘‘Tena hi, bhaṇe dovārika, vejjo āgacchatū’’ti. ‘‘Evaṃ, ayye’’ti kho so dovāriko seṭṭhibhariyāya paṭissutvā yena jīvako komārabhacco tenupasaṅkami, upasaṅkamitvā jīvakaṃ komārabhaccaṃ etadavoca – ‘‘seṭṭhibhariyā taṃ, ācariya, pakkosatī’’ti .
ਅਥ ਖੋ ਜੀવਕੋ ਕੋਮਾਰਭਚ੍ਚੋ ਯੇਨ ਸੇਟ੍ਠਿਭਰਿਯਾ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਸੇਟ੍ਠਿਭਰਿਯਾਯ વਿਕਾਰਂ ਸਲ੍ਲਕ੍ਖੇਤ੍વਾ ਸੇਟ੍ਠਿਭਰਿਯਂ ਏਤਦવੋਚ – ‘‘ਪਸਤੇਨ, ਅਯ੍ਯੇ, ਸਪ੍ਪਿਨਾ ਅਤ੍ਥੋ’’ਤਿ । ਅਥ ਖੋ ਸੇਟ੍ਠਿਭਰਿਯਾ ਜੀવਕਸ੍ਸ ਕੋਮਾਰਭਚ੍ਚਸ੍ਸ ਪਸਤਂ ਸਪ੍ਪਿਂ ਦਾਪੇਸਿ। ਅਥ ਖੋ ਜੀવਕੋ ਕੋਮਾਰਭਚ੍ਚੋ ਤਂ ਪਸਤਂ ਸਪ੍ਪਿਂ ਨਾਨਾਭੇਸਜ੍ਜੇਹਿ ਨਿਪ੍ਪਚਿਤ੍વਾ ਸੇਟ੍ਠਿਭਰਿਯਂ ਮਞ੍ਚਕੇ ਉਤ੍ਤਾਨਂ ਨਿਪਾਤੇਤ੍વਾ 1 ਨਤ੍ਥੁਤੋ ਅਦਾਸਿ। ਅਥ ਖੋ ਤਂ ਸਪ੍ਪਿਂ ਨਤ੍ਥੁਤੋ ਦਿਨ੍ਨਂ ਮੁਖਤੋ ਉਗ੍ਗਞ੍ਛਿ। ਅਥ ਖੋ ਸੇਟ੍ਠਿਭਰਿਯਾ ਪਟਿਗ੍ਗਹੇ ਨਿਟ੍ਠੁਭਿਤ੍વਾ ਦਾਸਿਂ ਆਣਾਪੇਸਿ – ‘‘ਹਨ੍ਦ, ਜੇ, ਇਮਂ ਸਪ੍ਪਿਂ ਪਿਚੁਨਾ ਗਣ੍ਹਾਹੀ’’ਤਿ। ਅਥ ਖੋ ਜੀવਕਸ੍ਸ ਕੋਮਾਰਭਚ੍ਚਸ੍ਸ ਏਤਦਹੋਸਿ – ‘‘ਅਚ੍ਛਰਿਯਂ 2 ਯਾવ ਲੂਖਾਯਂ ਘਰਣੀ, ਯਤ੍ਰ ਹਿ ਨਾਮ ਇਮਂ ਛਡ੍ਡਨੀਯਧਮ੍ਮਂ ਸਪ੍ਪਿਂ ਪਿਚੁਨਾ ਗਾਹਾਪੇਸ੍ਸਤਿ। ਬਹੁਕਾਨਿ ਚ ਮੇ ਮਹਗ੍ਘਾਨਿ 3 ਭੇਸਜ੍ਜਾਨਿ ਉਪਗਤਾਨਿ। ਕਿਮ੍ਪਿ ਮਾਯਂ ਕਿਞ੍ਚਿ 4 ਦੇਯ੍ਯਧਮ੍ਮਂ ਦਸ੍ਸਤੀ’’ਤਿ। ਅਥ ਖੋ ਸੇਟ੍ਠਿਭਰਿਯਾ ਜੀવਕਸ੍ਸ ਕੋਮਾਰਭਚ੍ਚਸ੍ਸ વਿਕਾਰਂ ਸਲ੍ਲਕ੍ਖੇਤ੍વਾ ਜੀવਕਂ ਕੋਮਾਰਭਚ੍ਚਂ ਏਤਦવੋਚ – ‘‘ਕਿਸ੍ਸ ਤ੍વਂ, ਆਚਰਿਯ, વਿਮਨੋਸੀ’’ਤਿ? ਇਧ ਮੇ ਏਤਦਹੋਸਿ – ‘‘ਅਚ੍ਛਰਿਯਂ ਯਾવ ਲੂਖਾਯਂ ਧਰਣੀ, ਯਤ੍ਰ ਹਿ ਨਾਮ ਇਮਂ ਛਡ੍ਡਨੀਯਧਮ੍ਮਂ ਸਪ੍ਪਿਂ ਪਿਚੁਨਾ ਗਾਹਾਪੇਸ੍ਸਤਿ। ਬਹੁਕਾਨਿ ਚ ਮੇ ਮਹਗ੍ਘਾਨਿ ਸਜ੍ਜਾਨਿ ਉਪਗਤਾਨਿ। ਕਿਮ੍ਪਿ ਮਾਯਂ ਕਿਞ੍ਚਿ ਦੇਯ੍ਯਧਮ੍ਮਂ ਦਸ੍ਸਤੀ’’ਤਿ। ‘‘ਮਯਂ ਖੋ, ਆਚਰਿਯ, ਆਗਾਰਿਕਾ ਨਾਮ ਉਪਜਾਨਾਮੇਤਸ੍ਸ ਸਂਯਮਸ੍ਸ। વਰਮੇਤਂ ਸਪ੍ਪਿ ਦਾਸਾਨਂ વਾ ਕਮ੍ਮਕਰਾਨਂ વਾ ਪਾਦਬ੍ਭਞ੍ਜਨਂ વਾ ਪਦੀਪਕਰਣੇ વਾ ਆਸਿਤ੍ਤਂ। ਮਾ ਖੋ ਤ੍વਂ, ਆਚਰਿਯ, વਿਮਨੋ ਅਹੋਸਿ। ਨ ਤੇ ਦੇਯ੍ਯਧਮ੍ਮੋ ਹਾਯਿਸ੍ਸਤੀ’’ਤਿ। ਅਥ ਖੋ ਜੀવਕੋ ਕੋਮਾਰਭਚ੍ਚੋ ਸੇਟ੍ਠਿਭਰਿਯਾਯ ਸਤ੍ਤવਸ੍ਸਿਕਂ ਸੀਸਾਬਾਧਂ ਏਕੇਨੇવ ਨਤ੍ਥੁਕਮ੍ਮੇਨ ਅਪਕਡ੍ਢਿ। ਅਥ ਖੋ ਸੇਟ੍ਠਿਭਰਿਯਾ ਅਰੋਗਾ ਸਮਾਨਾ ਜੀવਕਸ੍ਸ ਕੋਮਾਰਭਚ੍ਚਸ੍ਸ ਚਤ੍ਤਾਰਿ ਸਹਸ੍ਸਾਨਿ ਪਾਦਾਸਿ। ਪੁਤ੍ਤੋ – ਮਾਤਾ ਮੇ ਅਰੋਗਾ ਠਿਤਾਤਿ ਚਤ੍ਤਾਰਿ ਸਹਸ੍ਸਾਨਿ ਪਾਦਾਸਿ। ਸੁਣਿਸਾ – ਸਸ੍ਸੁ ਮੇ ਅਰੋਗਾ ਠਿਤਾਤਿ ਚਤ੍ਤਾਰਿ ਸਹਸ੍ਸਾਨਿ ਪਾਦਾਸਿ। ਸੇਟ੍ਠਿ ਗਹਪਤਿ – ਭਰਿਯਾ ਮੇ ਅਰੋਗਾ ਠਿਤਾਤਿ ਚਤ੍ਤਾਰਿ ਸਹਸ੍ਸਾਨਿ ਪਾਦਾਸਿ ਦਾਸਞ੍ਚ ਦਾਸਿਞ੍ਚ ਅਸ੍ਸਰਥਞ੍ਚ।
Atha kho jīvako komārabhacco yena seṭṭhibhariyā tenupasaṅkami, upasaṅkamitvā seṭṭhibhariyāya vikāraṃ sallakkhetvā seṭṭhibhariyaṃ etadavoca – ‘‘pasatena, ayye, sappinā attho’’ti . Atha kho seṭṭhibhariyā jīvakassa komārabhaccassa pasataṃ sappiṃ dāpesi. Atha kho jīvako komārabhacco taṃ pasataṃ sappiṃ nānābhesajjehi nippacitvā seṭṭhibhariyaṃ mañcake uttānaṃ nipātetvā 5 natthuto adāsi. Atha kho taṃ sappiṃ natthuto dinnaṃ mukhato uggañchi. Atha kho seṭṭhibhariyā paṭiggahe niṭṭhubhitvā dāsiṃ āṇāpesi – ‘‘handa, je, imaṃ sappiṃ picunā gaṇhāhī’’ti. Atha kho jīvakassa komārabhaccassa etadahosi – ‘‘acchariyaṃ 6 yāva lūkhāyaṃ gharaṇī, yatra hi nāma imaṃ chaḍḍanīyadhammaṃ sappiṃ picunā gāhāpessati. Bahukāni ca me mahagghāni 7 bhesajjāni upagatāni. Kimpi māyaṃ kiñci 8 deyyadhammaṃ dassatī’’ti. Atha kho seṭṭhibhariyā jīvakassa komārabhaccassa vikāraṃ sallakkhetvā jīvakaṃ komārabhaccaṃ etadavoca – ‘‘kissa tvaṃ, ācariya, vimanosī’’ti? Idha me etadahosi – ‘‘acchariyaṃ yāva lūkhāyaṃ dharaṇī, yatra hi nāma imaṃ chaḍḍanīyadhammaṃ sappiṃ picunā gāhāpessati. Bahukāni ca me mahagghāni sajjāni upagatāni. Kimpi māyaṃ kiñci deyyadhammaṃ dassatī’’ti. ‘‘Mayaṃ kho, ācariya, āgārikā nāma upajānāmetassa saṃyamassa. Varametaṃ sappi dāsānaṃ vā kammakarānaṃ vā pādabbhañjanaṃ vā padīpakaraṇe vā āsittaṃ. Mā kho tvaṃ, ācariya, vimano ahosi. Na te deyyadhammo hāyissatī’’ti. Atha kho jīvako komārabhacco seṭṭhibhariyāya sattavassikaṃ sīsābādhaṃ ekeneva natthukammena apakaḍḍhi. Atha kho seṭṭhibhariyā arogā samānā jīvakassa komārabhaccassa cattāri sahassāni pādāsi. Putto – mātā me arogā ṭhitāti cattāri sahassāni pādāsi. Suṇisā – sassu me arogā ṭhitāti cattāri sahassāni pādāsi. Seṭṭhi gahapati – bhariyā me arogā ṭhitāti cattāri sahassāni pādāsi dāsañca dāsiñca assarathañca.
ਅਥ ਖੋ ਜੀવਕੋ ਕੋਮਾਰਭਚ੍ਚੋ ਤਾਨਿ ਸੋਲ਼ਸਸਹਸ੍ਸਾਨਿ ਆਦਾਯ ਦਾਸਞ੍ਚ ਦਾਸਿਞ੍ਚ ਅਸ੍ਸਰਥਞ੍ਚ ਯੇਨ ਰਾਜਗਹਂ ਤੇਨ ਪਕ੍ਕਾਮਿ। ਅਨੁਪੁਬ੍ਬੇਨ ਯੇਨ ਰਾਜਗਹਂ ਯੇਨ ਅਭਯੋ ਰਾਜਕੁਮਾਰੋ ਤੇਨੁਪਸਙ੍ਕਮਿ, ਉਪਸਙ੍ਕਮਿਤ੍વਾ ਅਭਯਂ ਰਾਜਕੁਮਾਰਂ ਏਤਦવੋਚ – ‘‘ਇਦਂ ਮੇ, ਦੇવ, ਪਠਮਕਮ੍ਮਂ ਸੋਲ਼ਸਸਹਸ੍ਸਾਨਿ ਦਾਸੋ ਚ ਦਾਸੀ ਚ ਅਸ੍ਸਰਥੋ ਚ। ਪਟਿਗ੍ਗਣ੍ਹਾਤੁ ਮੇ ਦੇવੋ ਪੋਸਾવਨਿਕ’’ਨ੍ਤਿ। ‘‘ਅਲਂ, ਭਣੇ ਜੀવਕ; ਤੁਯ੍ਹਮੇવ ਹੋਤੁ। ਅਮ੍ਹਾਕਞ੍ਞੇવ ਅਨ੍ਤੇਪੁਰੇ ਨਿવੇਸਨਂ ਮਾਪੇਹੀ’’ਤਿ। ‘‘ਏવਂ, ਦੇવਾ’’ਤਿ ਖੋ ਜੀવਕੋ ਕੋਮਾਰਭਚ੍ਚੋ ਅਭਯਸ੍ਸ ਰਾਜਕੁਮਾਰਸ੍ਸ ਪਟਿਸ੍ਸੁਤ੍વਾ ਅਭਯਸ੍ਸ ਰਾਜਕੁਮਾਰਸ੍ਸ ਅਨ੍ਤੇਪੁਰੇ ਨਿવੇਸਨਂ ਮਾਪੇਸਿ।
Atha kho jīvako komārabhacco tāni soḷasasahassāni ādāya dāsañca dāsiñca assarathañca yena rājagahaṃ tena pakkāmi. Anupubbena yena rājagahaṃ yena abhayo rājakumāro tenupasaṅkami, upasaṅkamitvā abhayaṃ rājakumāraṃ etadavoca – ‘‘idaṃ me, deva, paṭhamakammaṃ soḷasasahassāni dāso ca dāsī ca assaratho ca. Paṭiggaṇhātu me devo posāvanika’’nti. ‘‘Alaṃ, bhaṇe jīvaka; tuyhameva hotu. Amhākaññeva antepure nivesanaṃ māpehī’’ti. ‘‘Evaṃ, devā’’ti kho jīvako komārabhacco abhayassa rājakumārassa paṭissutvā abhayassa rājakumārassa antepure nivesanaṃ māpesi.
ਸੇਟ੍ਠਿਭਰਿਯਾવਤ੍ਥੁ ਨਿਟ੍ਠਿਤਂ।
Seṭṭhibhariyāvatthu niṭṭhitaṃ.
Footnotes:
Related texts:
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਮਹਾવਗ੍ਗ-ਅਟ੍ਠਕਥਾ • Mahāvagga-aṭṭhakathā / ਸੇਟ੍ਠਿਭਰਿਯਾਦਿવਤ੍ਥੁਕਥਾ • Seṭṭhibhariyādivatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ਜੀવਕવਤ੍ਥੁਕਥਾવਣ੍ਣਨਾ • Jīvakavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਜੀવਕવਤ੍ਥੁਕਥਾਦਿવਣ੍ਣਨਾ • Jīvakavatthukathādivaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੨੦੩. ਸੇਟ੍ਠਿਭਰਿਯਾਦਿવਤ੍ਥੁਕਥਾ • 203. Seṭṭhibhariyādivatthukathā
