| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
15. сздтибуд̇д̇абзд̇авад̇т̇уван̣н̣анаа
15. Seṭṭhiputtapetavatthuvaṇṇanā
садтивассасахассаанийд̇и ид̣̇ам̣ сздтибуд̇д̇абзд̇авад̇т̇у. д̇асса гаа уббад̇д̇и? бхаг̇аваа саавад̇т̇ияам̣ вихарад̇и ж̇зд̇аванз. д̇зна ко бана самаязна рааж̇аа басзнад̣̇и госало алан̇гад̇аббадияад̇д̇о хад̇т̇игканд̇хавараг̇ад̇о махад̇ияаа рааж̇ид̣̇д̇хияаа маханд̇зна рааж̇аанубхаавзна наг̇арам̣ анусан̃жаранд̇о ан̃н̃ад̇арасмим̣ г̇зхз убарибаасаад̣̇з ваад̇абаанам̣ виварид̇ваа д̇ам̣ рааж̇авибхууд̇им̣ ологзнд̇им̣ руубасамбад̇д̇ияаа д̣̇зважчараабадибхааг̇ам̣ згам̣ ид̇т̇им̣ д̣̇исваа ад̣̇идтабуб̣б̣з аарамман̣з сахасаа самуббаннзна гилзсасамуд̣̇аажаарзна барияудтид̇ажид̇д̇о сад̇иби гуларуубаажаараад̣̇иг̇ун̣ависзсасамбаннз анд̇збураж̇анз сабхаавалахугасса бана д̣̇уд̣̇д̣̇амасса жид̇д̇асса васзна д̇ассам̣ ид̇т̇ияам̣ бадиб̣ад̣̇д̇хамаанасо худ̇ваа бажчаасанз нисиннасса бурисасса ‘‘имам̣ баасаад̣̇ам̣ иман̃жа ид̇т̇им̣ убад̇хаарзхий’’д̇и сан̃н̃ам̣ д̣̇ад̇ваа рааж̇аг̇зхам̣ бавидто. ан̃н̃ам̣ саб̣б̣ам̣ амб̣асаггарабзд̇авад̇т̇умхи ааг̇ад̇анаязнзва взд̣̇ид̇аб̣б̣ам̣.
Saṭṭhivassasahassānīti idaṃ seṭṭhiputtapetavatthu. Tassa kā uppatti? Bhagavā sāvatthiyaṃ viharati jetavane. Tena kho pana samayena rājā pasenadi kosalo alaṅkatappaṭiyatto hatthikkhandhavaragato mahatiyā rājiddhiyā mahantena rājānubhāvena nagaraṃ anusañcaranto aññatarasmiṃ gehe uparipāsāde vātapānaṃ vivaritvā taṃ rājavibhūtiṃ olokentiṃ rūpasampattiyā devaccharāpaṭibhāgaṃ ekaṃ itthiṃ disvā adiṭṭhapubbe ārammaṇe sahasā samuppannena kilesasamudācārena pariyuṭṭhitacitto satipi kularūpācārādiguṇavisesasampanne antepurajane sabhāvalahukassa pana duddamassa cittassa vasena tassaṃ itthiyaṃ paṭibaddhamānaso hutvā pacchāsane nisinnassa purisassa ‘‘imaṃ pāsādaṃ imañca itthiṃ upadhārehī’’ti saññaṃ datvā rājagehaṃ paviṭṭho. Aññaṃ sabbaṃ ambasakkarapetavatthumhi āgatanayeneva veditabbaṃ.
аяам̣ бана висзсо – ид̇ха бурисо суурияз анад̇т̇ан̇г̇ад̇зязва ааг̇анд̇ваа наг̇арад̣̇ваарз т̇агид̇з ад̇д̇анаа аанийд̇ам̣ арун̣аван̣н̣амад̇д̇игам̣ уббалаани жа наг̇арад̣̇ваарагаваадз лаг̇г̇зд̇ваа нибаж̇ж̇ид̇ум̣ ж̇зд̇аванам̣ аг̇амааси. рааж̇аа бана сирисаяанз ваасуубаг̇ад̇о маж̇жхимаяаамз са-ид̇и на-ид̇и д̣̇у-ид̇и со-ид̇и жа имаани жад̇д̇аари агкараани махад̇аа ган̣тзна ужжаарид̇аани вияа виссаравасзна ассоси. д̇аани гира ад̇ийд̇з гаалз саавад̇т̇иваасийхи жад̇уухи сздтибуд̇д̇зхи бхог̇амад̣̇амад̇д̇зхи яоб̣б̣анагаалз баарад̣̇ааригагаммавасзна б̣ахум̣ абун̃н̃ам̣ басавзд̇ваа абарабхааг̇з гаалам̣ гад̇ваа д̇ассзва наг̇арасса самийбз лохагумбхияам̣ ниб̣б̣ад̇д̇ид̇ваа бажжамаанзхи лохагумбхияаа мукаваддим̣ бад̇ваа згзгам̣ г̇аат̇ам̣ вад̇т̇угаамзхи ужжаарид̇аанам̣ д̇аасам̣ г̇аат̇аанам̣ аад̣̇иагкараани , д̇з батамагкарамзва вад̇ваа взд̣̇анааббад̇д̇аа худ̇ваа лохагумбхим̣ од̇арим̣су.
Ayaṃ pana viseso – idha puriso sūriye anatthaṅgateyeva āgantvā nagaradvāre thakite attanā ānītaṃ aruṇavaṇṇamattikaṃ uppalāni ca nagaradvārakavāṭe laggetvā nipajjituṃ jetavanaṃ agamāsi. Rājā pana sirisayane vāsūpagato majjhimayāme sa-iti na-iti du-iti so-iti ca imāni cattāri akkharāni mahatā kaṇṭhena uccāritāni viya vissaravasena assosi. Tāni kira atīte kāle sāvatthivāsīhi catūhi seṭṭhiputtehi bhogamadamattehi yobbanakāle pāradārikakammavasena bahuṃ apuññaṃ pasavetvā aparabhāge kālaṃ katvā tasseva nagarassa samīpe lohakumbhiyaṃ nibbattitvā paccamānehi lohakumbhiyā mukhavaṭṭiṃ patvā ekekaṃ gāthaṃ vatthukāmehi uccāritānaṃ tāsaṃ gāthānaṃ ādiakkharāni , te paṭhamakkharameva vatvā vedanāppattā hutvā lohakumbhiṃ otariṃsu.
рааж̇аа бана д̇ам̣ сад̣̇д̣̇ам̣ суд̇ваа бхийд̇ад̇асид̇о сам̣виг̇г̇о ломахадтаж̇аад̇о д̇ам̣ рад̇д̇аавасзсам̣ д̣̇угкзна вийд̇инаамзд̇ваа вибхаад̇ааяа рад̇д̇ияаа бурохид̇ам̣ баггосаабзд̇ваа д̇ам̣ бавад̇д̇им̣ гат̇зси. бурохид̇о рааж̇аанам̣ бхийд̇ад̇асид̇ам̣ н̃ад̇ваа лаабхаг̇ид̣̇д̇хо ‘‘уббанно ко аяам̣ маяхам̣ б̣раахман̣аанан̃жа лаабхуббаад̣̇анубааяо’’д̇и жинд̇зд̇ваа ‘‘махаарааж̇а, махаа вад̇ааяам̣ убад̣̇д̣̇аво уббанно, саб̣б̣ажад̇уггам̣ яан̃н̃ам̣ яаж̇аахий’’д̇и ааха. рааж̇аа д̇асса важанам̣ суд̇ваа амажжз аан̣аабзси ‘‘саб̣б̣ажад̇уггаяан̃н̃асса убагаран̣аани саж̇ж̇зт̇аа’’д̇и. д̇ам̣ суд̇ваа маллигаа д̣̇звий рааж̇аанам̣ звамааха – ‘‘гасмаа, махаарааж̇а, б̣раахман̣асса важанам̣ суд̇ваа анзгабаан̣авад̇хахим̣санагагижжам̣ гаад̇угаамоси, нану саб̣б̣ад̇т̇а аббадихад̇ан̃аан̣ажааро бхаг̇аваа бужчид̇аб̣б̣о? яат̇аа жа д̇з бхаг̇аваа б̣яаагариссад̇и, д̇ат̇аа бадибаж̇ж̇ид̇аб̣б̣а’’нд̇и. рааж̇аа д̇ассаа важанам̣ суд̇ваа сад̇т̇у санд̇игам̣ г̇анд̇ваа д̇ам̣ бавад̇д̇им̣ бхаг̇авад̇о аарожзси. бхаг̇аваа ‘‘на, махаарааж̇а, д̇ад̇онид̣̇аанам̣ д̇уяхам̣ гожи анд̇арааяо’’д̇и вад̇ваа аад̣̇ид̇о бадтааяа д̇зсам̣ лохагумбхинираяз ниб̣б̣ад̇д̇асад̇д̇аанам̣ бавад̇д̇им̣ гат̇зд̇ваа д̇зхи бажжзгам̣ ужжаарзд̇ум̣ аарад̣̇д̇хаг̇аат̇ааяо –
Rājā pana taṃ saddaṃ sutvā bhītatasito saṃviggo lomahaṭṭhajāto taṃ rattāvasesaṃ dukkhena vītināmetvā vibhātāya rattiyā purohitaṃ pakkosāpetvā taṃ pavattiṃ kathesi. Purohito rājānaṃ bhītatasitaṃ ñatvā lābhagiddho ‘‘uppanno kho ayaṃ mayhaṃ brāhmaṇānañca lābhuppādanupāyo’’ti cintetvā ‘‘mahārāja, mahā vatāyaṃ upaddavo uppanno, sabbacatukkaṃ yaññaṃ yajāhī’’ti āha. Rājā tassa vacanaṃ sutvā amacce āṇāpesi ‘‘sabbacatukkayaññassa upakaraṇāni sajjethā’’ti. Taṃ sutvā mallikā devī rājānaṃ evamāha – ‘‘kasmā, mahārāja, brāhmaṇassa vacanaṃ sutvā anekapāṇavadhahiṃsanakakiccaṃ kātukāmosi, nanu sabbattha appaṭihatañāṇacāro bhagavā pucchitabbo? Yathā ca te bhagavā byākarissati, tathā paṭipajjitabba’’nti. Rājā tassā vacanaṃ sutvā satthu santikaṃ gantvā taṃ pavattiṃ bhagavato ārocesi. Bhagavā ‘‘na, mahārāja, tatonidānaṃ tuyhaṃ koci antarāyo’’ti vatvā ādito paṭṭhāya tesaṃ lohakumbhiniraye nibbattasattānaṃ pavattiṃ kathetvā tehi paccekaṃ uccāretuṃ āraddhagāthāyo –
802.
802.
‘‘садтивассасахассаани, барибун̣н̣аани саб̣б̣асо;
‘‘Saṭṭhivassasahassāni, paripuṇṇāni sabbaso;
нираяз бажжамаанаанам̣, гад̣̇аа анд̇о бхависсад̇и.
Niraye paccamānānaṃ, kadā anto bhavissati.
803.
803.
‘‘над̇т̇и анд̇о гуд̇о анд̇о, на анд̇о бадид̣̇иссад̇и;
‘‘Natthi anto kuto anto, na anto paṭidissati;
д̇ат̇аа хи багад̇ам̣ баабам̣, д̇уяхам̣ маяхан̃жа маарисаа.
Tathā hi pakataṃ pāpaṃ, tuyhaṃ mayhañca mārisā.
804.
804.
‘‘д̣̇уж̇ж̇ийвид̇амаж̇ийвимха, яз санд̇з на д̣̇ад̣̇амхасз;
‘‘Dujjīvitamajīvimha, ye sante na dadamhase;
санд̇зсу д̣̇зяяад̇хаммзсу, д̣̇ийбам̣ наагамха ад̇д̇ано.
Santesu deyyadhammesu, dīpaṃ nākamha attano.
805.
805.
‘‘сохам̣ нууна ид̇о г̇анд̇ваа, яоним̣ лад̣̇д̇хаана маанусим̣;
‘‘Sohaṃ nūna ito gantvā, yoniṃ laddhāna mānusiṃ;
вад̣̇ан̃н̃уу сийласамбанно, гаахаами гусалам̣ б̣аху’’нд̇и. –
Vadaññū sīlasampanno, kāhāmi kusalaṃ bahu’’nti. –
барибун̣н̣ам̣ гад̇ваа гат̇зси.
Paripuṇṇaṃ katvā kathesi.
802. д̇ад̇т̇а садтивассасахассаанийд̇и вассаанам̣ садтисахассаани. д̇асмим̣ гира лохагумбхинираяз ниб̣б̣ад̇д̇асад̇д̇о ад̇хо ог̇ажчанд̇о д̇им̣сааяа вассасахассзхи хздтимад̇алам̣ баабун̣аад̇и, д̇ад̇о уд̣̇д̇хам̣ уг̇г̇ажчанд̇оби д̇им̣сааяа зва вассасахассзхи мукаваддибад̣̇зсам̣ баабун̣аад̇и, д̇ааяа сан̃н̃ааяа со ‘‘садтивассасахассаани, барибун̣н̣аани саб̣б̣асо’’д̇и г̇аат̇ам̣ вад̇д̇угаамо са-ид̇и вад̇ваа ад̇химад̇д̇авзд̣̇анааббад̇д̇о худ̇ваа ад̇хомуко бад̇и. бхаг̇аваа бана д̇ам̣ ран̃н̃о барибун̣н̣ам̣ гад̇ваа гат̇зси. зса наяо сзсаг̇аат̇аасуби. д̇ад̇т̇а гад̣̇аа анд̇о бхависсад̇ийд̇и лохагумбхинираяз бажжамаанаанам̣ амхаагам̣ гад̣̇аа ну ко имасса д̣̇угкасса анд̇о барияосаанам̣ бхависсад̇и.
802. Tattha saṭṭhivassasahassānīti vassānaṃ saṭṭhisahassāni. Tasmiṃ kira lohakumbhiniraye nibbattasatto adho ogacchanto tiṃsāya vassasahassehi heṭṭhimatalaṃ pāpuṇāti, tato uddhaṃ uggacchantopi tiṃsāya eva vassasahassehi mukhavaṭṭipadesaṃ pāpuṇāti, tāya saññāya so ‘‘saṭṭhivassasahassāni, paripuṇṇāni sabbaso’’ti gāthaṃ vattukāmo sa-iti vatvā adhimattavedanāppatto hutvā adhomukho pati. Bhagavā pana taṃ rañño paripuṇṇaṃ katvā kathesi. Esa nayo sesagāthāsupi. Tattha kadā anto bhavissatīti lohakumbhiniraye paccamānānaṃ amhākaṃ kadā nu kho imassa dukkhassa anto pariyosānaṃ bhavissati.
803. д̇ат̇аа хийд̇и яат̇аа д̇уяхам̣ маяхан̃жа имасса д̣̇угкасса над̇т̇и анд̇о, на анд̇о бадид̣̇иссад̇и, д̇ат̇аа д̇зна багаарзна баабагам̣ гаммам̣ багад̇ам̣ д̇аяаа маяаа жаад̇и вибхад̇д̇им̣ вибарин̣аамзд̇ваа вад̇д̇аб̣б̣ам̣.
803.Tathā hīti yathā tuyhaṃ mayhañca imassa dukkhassa natthi anto, na anto paṭidissati, tathā tena pakārena pāpakaṃ kammaṃ pakataṃ tayā mayā cāti vibhattiṃ vipariṇāmetvā vattabbaṃ.
804. д̣̇уж̇ж̇ийвид̇анд̇и вин̃н̃уухи г̇арахид̇аб̣б̣ам̣ ж̇ийвид̇ам̣. яз санд̇зд̇и яз маяам̣ санд̇з виж̇ж̇амаанз д̣̇зяяад̇хаммз. на д̣̇ад̣̇амхасзд̇и на ад̣̇амха. вуд̇д̇амзвад̇т̇ам̣ баагадад̇арам̣ гаад̇ум̣ ‘‘санд̇зсу д̣̇зяяад̇хаммзсу, д̣̇ийбам̣ наагамха ад̇д̇ано’’д̇и вуд̇д̇ам̣.
804.Dujjīvitanti viññūhi garahitabbaṃ jīvitaṃ. Ye santeti ye mayaṃ sante vijjamāne deyyadhamme. Na dadamhaseti na adamha. Vuttamevatthaṃ pākaṭataraṃ kātuṃ ‘‘santesu deyyadhammesu, dīpaṃ nākamha attano’’ti vuttaṃ.
805. соханд̇и со ахам̣. нуунаад̇и баривид̇аггз нибаад̇о. ид̇од̇и имасмаа лохагумбхинираяаа. г̇анд̇ваад̇и абаг̇анд̇ваа. яоним̣ лад̣̇д̇хаана маанусинд̇и мануссаяоним̣ мануссад̇д̇абхаавам̣ лабхид̇ваа. вад̣̇ан̃н̃ууд̇и барижжааг̇асийло, яаажагаанам̣ ваа важанан̃н̃уу. сийласамбаннод̇и сийлаажаарасамбанно. гаахаами гусалам̣ б̣ахунд̇и буб̣б̣з вияа бамаад̣̇ам̣ анаабаж̇ж̇ид̇ваа б̣ахум̣ бахууд̇ам̣ гусалам̣ бун̃н̃агаммам̣ гариссаами, убажиниссаамийд̇и ад̇т̇о.
805.Sohanti so ahaṃ. Nūnāti parivitakke nipāto. Itoti imasmā lohakumbhinirayā. Gantvāti apagantvā. Yoniṃ laddhāna mānusinti manussayoniṃ manussattabhāvaṃ labhitvā. Vadaññūti pariccāgasīlo, yācakānaṃ vā vacanaññū. Sīlasampannoti sīlācārasampanno. Kāhāmi kusalaṃ bahunti pubbe viya pamādaṃ anāpajjitvā bahuṃ pahūtaṃ kusalaṃ puññakammaṃ karissāmi, upacinissāmīti attho.
сад̇т̇аа имаа г̇аат̇ааяо вад̇ваа вид̇т̇аарзна д̇хаммам̣ д̣̇зсзси, д̣̇зсанаабарияосаанз мад̇д̇игаарад̇д̇уббалахаараго бурисо сод̇аабад̇д̇ипалз бад̇идтахи. рааж̇аа сан̃ж̇аад̇асам̣взг̇о барабариг̇г̇ахз абхиж̇жхам̣ бахааяа сад̣̇аарасанд̇удто ахосийд̇и.
Satthā imā gāthāyo vatvā vitthārena dhammaṃ desesi, desanāpariyosāne mattikārattuppalahārako puriso sotāpattiphale patiṭṭhahi. Rājā sañjātasaṃvego parapariggahe abhijjhaṃ pahāya sadārasantuṭṭho ahosīti.
сздтибуд̇д̇абзд̇авад̇т̇уван̣н̣анаа нидтид̇аа.
Seṭṭhiputtapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 15. сздтибуд̇д̇абзд̇авад̇т̇у • 15. Seṭṭhiputtapetavatthu
