| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
206. сздтибуд̇д̇авад̇т̇у
206. Seṭṭhiputtavatthu
333. д̇зна ко бана самаязна б̣аараан̣асзяяагасса сздтибуд̇д̇асса могкажигааяа гийл̣анд̇асса анд̇аг̇ан̣тааб̣аад̇хо ход̇и, язна яааг̇уби бийд̇аа на саммаа барин̣аамам̣ г̇ажчад̇и, бхад̇д̇амби бхуд̇д̇ам̣ на саммаа барин̣аамам̣ г̇ажчад̇и, ужжаароби бассаавоби на баг̇ун̣о. со д̇зна гисо ход̇и лууко д̣̇уб̣б̣ан̣н̣о уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о. ат̇а ко б̣аараан̣асзяяагасса сздтисса зд̇ад̣̇ахоси – ‘‘маяхам̣ ко буд̇д̇асса д̇аад̣̇исо ааб̣аад̇хо, язна яааг̇уби бийд̇аа на саммаа барин̣аамам̣ г̇ажчад̇и, бхад̇д̇амби бхуд̇д̇ам̣ на саммаа барин̣аамам̣ г̇ажчад̇и, ужжаароби бассаавоби на баг̇ун̣о. со д̇зна гисо лууко д̣̇уб̣б̣ан̣н̣о уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о. яам̣нуунаахам̣ рааж̇аг̇ахам̣ г̇анд̇ваа рааж̇аанам̣ ж̇ийвагам̣ взж̇ж̇ам̣ яаажзяяам̣ буд̇д̇ам̣ мз д̇игижчид̇у’’нд̇и. ат̇а ко б̣аараан̣асзяяаго сздти рааж̇аг̇ахам̣ г̇анд̇ваа язна рааж̇аа мааг̇ад̇хо сзнияо б̣имб̣исааро д̇знубасан̇гами, убасан̇гамид̇ваа рааж̇аанам̣ мааг̇ад̇хам̣ сзнияам̣ б̣имб̣исаарам̣ зд̇ад̣̇авожа – ‘‘маяхам̣ ко, д̣̇зва, буд̇д̇асса д̇аад̣̇исо ааб̣аад̇хо, язна яааг̇уби бийд̇аа на саммаа барин̣аамам̣ г̇ажчад̇и, бхад̇д̇амби бхуд̇д̇ам̣ на саммаа барин̣аамам̣ г̇ажчад̇и, ужжаароби бассаавоби на баг̇ун̣о. со д̇зна гисо лууко д̣̇уб̣б̣ан̣н̣о уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о. саад̇ху д̣̇зво ж̇ийвагам̣ взж̇ж̇ам̣ аан̣аабзд̇у буд̇д̇ам̣ мз д̇игижчид̇у’’нд̇и.
333. Tena kho pana samayena bārāṇaseyyakassa seṭṭhiputtassa mokkhacikāya kīḷantassa antagaṇṭhābādho hoti, yena yāgupi pītā na sammā pariṇāmaṃ gacchati, bhattampi bhuttaṃ na sammā pariṇāmaṃ gacchati, uccāropi passāvopi na paguṇo. So tena kiso hoti lūkho dubbaṇṇo uppaṇḍuppaṇḍukajāto dhamanisanthatagatto. Atha kho bārāṇaseyyakassa seṭṭhissa etadahosi – ‘‘mayhaṃ kho puttassa tādiso ābādho, yena yāgupi pītā na sammā pariṇāmaṃ gacchati, bhattampi bhuttaṃ na sammā pariṇāmaṃ gacchati, uccāropi passāvopi na paguṇo. So tena kiso lūkho dubbaṇṇo uppaṇḍuppaṇḍukajāto dhamanisanthatagatto. Yaṃnūnāhaṃ rājagahaṃ gantvā rājānaṃ jīvakaṃ vejjaṃ yāceyyaṃ puttaṃ me tikicchitu’’nti. Atha kho bārāṇaseyyako seṭṭhi rājagahaṃ gantvā yena rājā māgadho seniyo bimbisāro tenupasaṅkami, upasaṅkamitvā rājānaṃ māgadhaṃ seniyaṃ bimbisāraṃ etadavoca – ‘‘mayhaṃ kho, deva, puttassa tādiso ābādho, yena yāgupi pītā na sammā pariṇāmaṃ gacchati, bhattampi bhuttaṃ na sammā pariṇāmaṃ gacchati, uccāropi passāvopi na paguṇo. So tena kiso lūkho dubbaṇṇo uppaṇḍuppaṇḍukajāto dhamanisanthatagatto. Sādhu devo jīvakaṃ vejjaṃ āṇāpetu puttaṃ me tikicchitu’’nti.
ат̇а ко рааж̇аа мааг̇ад̇хо сзнияо б̣имб̣исааро ж̇ийвагам̣ гомаарабхажжам̣ аан̣аабзси – ‘‘г̇ажча, бхан̣з ж̇ийвага, б̣аараан̣асим̣ г̇анд̇ваа б̣аараан̣асзяяагам̣ сздтибуд̇д̇ам̣ д̇игижчаахий’’д̇и. ‘‘звам̣, д̣̇зваа’’д̇и ко ж̇ийваго гомаарабхажжо ран̃н̃о мааг̇ад̇хасса сзнияасса б̣имб̣исаарасса бадиссуд̇ваа б̣аараан̣асим̣ г̇анд̇ваа язна б̣аараан̣асзяяаго сздтибуд̇д̇о д̇знубасан̇гами, убасан̇гамид̇ваа б̣аараан̣асзяяагасса сздтибуд̇д̇асса вигаарам̣ саллагкзд̇ваа ж̇анам̣ уссаарзд̇ваа д̇ирогаран̣ияам̣ баригкибид̇ваа т̇амбхз уб̣б̣анд̇хид̇ваа 1 бхарияам̣ бурад̇о табзд̇ваа уд̣̇аражчавим̣ уббаадзд̇ваа анд̇аг̇ан̣тим̣ нийхарид̇ваа бхарияааяа д̣̇ассзси – ‘‘басса д̇з саамигасса ааб̣аад̇хам̣, иминаа яааг̇уби бийд̇аа на саммаа барин̣аамам̣ г̇ажчад̇и, бхад̇д̇амби бхуд̇д̇ам̣ на саммаа барин̣аамам̣ г̇ажчад̇и, ужжаароби бассаавоби на баг̇ун̣о; иминааяам̣ гисо лууко д̣̇уб̣б̣ан̣н̣о уббан̣д̣уббан̣д̣угаж̇аад̇о д̇хаманисант̇ад̇аг̇ад̇д̇о’’д̇и. анд̇аг̇ан̣тим̣ винивзтзд̇ваа анд̇аани бадибавзсзд̇ваа уд̣̇аражчавим̣ сиб̣б̣ид̇ваа аалзбам̣ ад̣̇ааси. ат̇а ко б̣аараан̣асзяяаго сздтибуд̇д̇о нажирассзва арог̇о ахоси. ат̇а ко б̣аараан̣асзяяаго сздти ‘буд̇д̇о мз арог̇о тид̇о’д̇и 2 ж̇ийвагасса гомаарабхажжасса сол̣асасахассаани баад̣̇ааси. ат̇а ко ж̇ийваго гомаарабхажжо д̇аани сол̣асасахассаани аад̣̇ааяа бунад̣̇зва рааж̇аг̇ахам̣ бажжааг̇ан̃чи .
Atha kho rājā māgadho seniyo bimbisāro jīvakaṃ komārabhaccaṃ āṇāpesi – ‘‘gaccha, bhaṇe jīvaka, bārāṇasiṃ gantvā bārāṇaseyyakaṃ seṭṭhiputtaṃ tikicchāhī’’ti. ‘‘Evaṃ, devā’’ti kho jīvako komārabhacco rañño māgadhassa seniyassa bimbisārassa paṭissutvā bārāṇasiṃ gantvā yena bārāṇaseyyako seṭṭhiputto tenupasaṅkami, upasaṅkamitvā bārāṇaseyyakassa seṭṭhiputtassa vikāraṃ sallakkhetvā janaṃ ussāretvā tirokaraṇiyaṃ parikkhipitvā thambhe ubbandhitvā 3 bhariyaṃ purato ṭhapetvā udaracchaviṃ uppāṭetvā antagaṇṭhiṃ nīharitvā bhariyāya dassesi – ‘‘passa te sāmikassa ābādhaṃ, iminā yāgupi pītā na sammā pariṇāmaṃ gacchati, bhattampi bhuttaṃ na sammā pariṇāmaṃ gacchati, uccāropi passāvopi na paguṇo; imināyaṃ kiso lūkho dubbaṇṇo uppaṇḍuppaṇḍukajāto dhamanisanthatagatto’’ti. Antagaṇṭhiṃ viniveṭhetvā antāni paṭipavesetvā udaracchaviṃ sibbitvā ālepaṃ adāsi. Atha kho bārāṇaseyyako seṭṭhiputto nacirasseva arogo ahosi. Atha kho bārāṇaseyyako seṭṭhi ‘putto me arogo ṭhito’ti 4 jīvakassa komārabhaccassa soḷasasahassāni pādāsi. Atha kho jīvako komārabhacco tāni soḷasasahassāni ādāya punadeva rājagahaṃ paccāgañchi .
сздтибуд̇д̇авад̇т̇у нидтид̇ам̣.
Seṭṭhiputtavatthu niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / рааж̇аг̇ахасздтивад̇т̇угат̇аа • Rājagahaseṭṭhivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 205. рааж̇аг̇ахасздтивад̇т̇угат̇аа • 205. Rājagahaseṭṭhivatthukathā
