| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
2. сзд̇ужчад̇т̇зраг̇аат̇ааван̣н̣анаа
2. Setucchattheragāthāvaṇṇanā
маанзна ван̃жид̇аасзд̇и ааяасмад̇о сзд̇ужчад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ бун̃н̃ам̣ убажинанд̇о д̇иссасса саммаасамб̣уд̣̇д̇хасса гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ д̇иссам̣ бхаг̇аванд̇ам̣ д̣̇исваа басаннамаанасо сумад̇хурам̣ банасапалам̣ абхисан̇кад̇ам̣ наал̣игзрасаал̣авам̣ ад̣̇ааси. со д̇зна бун̃н̃агаммзна д̣̇звалогз ниб̣б̣ад̇д̇ид̇ваа абараабарам̣ д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з ан̃н̃ад̇арасса ман̣д̣алигаран̃н̃о буд̇д̇о худ̇ваа ниб̣б̣ад̇д̇и, сзд̇ужчод̇исса наамам̣ ахоси. со бид̇ари мад̇з раж̇ж̇з бад̇идтид̇о уссаахасад̇д̇ийнам̣ абхаавзна рааж̇агижжаани вираад̇хзнд̇о раж̇ж̇ам̣ барахад̇т̇аг̇ад̇ам̣ гад̇ваа д̣̇угкаббад̇д̇ияаа сам̣взг̇аж̇аад̇о ж̇анабад̣̇ажааригам̣ жаранд̇ам̣ бхаг̇аванд̇ам̣ д̣̇исваа убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа баригаммам̣ гаронд̇о д̇ад̣̇ахзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.17.13-17) –
Mānenavañcitāseti āyasmato setucchattherassa gāthā. Kā uppatti? Ayampi purimabuddhesu katādhikāro tattha tattha bhave vivaṭṭūpanissayaṃ puññaṃ upacinanto tissassa sammāsambuddhassa kāle kulagehe nibbattitvā viññutaṃ patto ekadivasaṃ tissaṃ bhagavantaṃ disvā pasannamānaso sumadhuraṃ panasaphalaṃ abhisaṅkhataṃ nāḷikerasāḷavaṃ adāsi. So tena puññakammena devaloke nibbattitvā aparāparaṃ devamanussesu saṃsaranto imasmiṃ buddhuppāde aññatarassa maṇḍalikarañño putto hutvā nibbatti, setucchotissa nāmaṃ ahosi. So pitari mate rajje patiṭṭhito ussāhasattīnaṃ abhāvena rājakiccāni virādhento rajjaṃ parahatthagataṃ katvā dukkhappattiyā saṃvegajāto janapadacārikaṃ carantaṃ bhagavantaṃ disvā upasaṅkamitvā dhammaṃ sutvā paṭiladdhasaddho pabbajitvā parikammaṃ karonto tadaheva arahattaṃ pāpuṇi. Tena vuttaṃ apadāne (apa. thera 1.17.13-17) –
‘‘д̇иссасса ко бхаг̇авад̇о, буб̣б̣з паламад̣̇аасахам̣;
‘‘Tissassa kho bhagavato, pubbe phalamadāsahaṃ;
наал̣игзран̃жа баад̣̇аасим̣, каж̇ж̇агам̣ абхисаммад̇ам̣.
Nāḷikerañca pādāsiṃ, khajjakaṃ abhisammataṃ.
‘‘б̣уд̣̇д̇хасса д̇амахам̣ д̣̇ад̇ваа, д̇иссасса д̇у махзсино;
‘‘Buddhassa tamahaṃ datvā, tissassa tu mahesino;
мод̣̇аамахам̣ гаамагаамий, убабаж̇ж̇им̣ яамижчагам̣.
Modāmahaṃ kāmakāmī, upapajjiṃ yamicchakaṃ.
‘‘д̣̇взнавуд̇з ид̇о габбз, яам̣ д̣̇аанамад̣̇ад̣̇им̣ д̇ад̣̇аа;
‘‘Dvenavute ito kappe, yaṃ dānamadadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘ид̇о д̇зрасагаббамхи, рааж̇аа инд̣̇асамо аху;
‘‘Ito terasakappamhi, rājā indasamo ahu;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа гилзсз г̇араханд̇о –
Arahattaṃ pana patvā kilese garahanto –
102.
102.
‘‘маанзна ван̃жид̇аасз, сан̇каарзсу сам̣гилиссамаанаасз;
‘‘Mānena vañcitāse, saṅkhāresu saṃkilissamānāse;
лаабхаалаабхзна мат̇ид̇аа, самаад̇хим̣ наад̇хиг̇ажчанд̇ий’’д̇и. – г̇аат̇ам̣ абхааси;
Lābhālābhena mathitā, samādhiṃ nādhigacchantī’’ti. – gāthaṃ abhāsi;
д̇ад̇т̇а маанзна ван̃жид̇аасзд̇и ‘‘сзяяохамасмий’’д̇иаад̣̇инаяаббавад̇д̇зна маанзна ад̇д̇уггам̣санабаравамбханаад̣̇ивасзна гусалабхан̣д̣ажчзд̣̇анзна виббалад̣̇д̇хаа. сан̇каарзсу сам̣гилиссамаанаасзд̇и аж̇жхад̇д̇игаб̣аахирзсу жагкаад̣̇ийсу жзва руубаад̣̇ийсу жа сан̇кад̇ад̇хаммзсу сам̣гилиссамаанаа, ‘‘зд̇ам̣ мама, зсохамасми, зсо мз ад̇д̇аа’’д̇и д̇ам̣нимид̇д̇ам̣ д̇ан̣хааг̇аахаад̣̇ивасзна сам̣гилзсам̣ аабаж̇ж̇амаанаа. лаабхаалаабхзна мат̇ид̇аад̇и бад̇д̇ажийвараад̣̇ийнан̃жзва вад̇т̇аад̣̇ийнан̃жа лаабхзна д̇зсам̣язва жа алаабхзна д̇ам̣нимид̇д̇ам̣ уббаннзхи анунаяабадигхзхи мат̇ид̇аа мад̣̇д̣̇ид̇аа абхибхууд̇аа. нид̣̇ассанамад̇д̇ан̃жзд̇ам̣ авасидталогад̇хаммаанамбзд̇т̇а сан̇г̇ахо д̣̇адтаб̣б̣о. самаад̇хим̣ наад̇хиг̇ажчанд̇ийд̇и д̇з зваруубаа буг̇г̇алаа самаад̇хим̣ самат̇авибассанаавасзна жид̇д̇згаг̇г̇ад̇ам̣ гад̣̇аажиби на винд̣̇анд̇и на бадилабханд̇и на баабун̣анд̇и самаад̇хисам̣вад̇д̇анигаанам̣ д̇хаммаанам̣ абхаавад̇о, ид̇арзсан̃жа бхаавад̇о. ид̇хааби яат̇аа маанаад̣̇ийхи абхибхууд̇аа авид̣̇д̣̇асуно самаад̇хим̣ наад̇хиг̇ажчанд̇и, на звам̣ вид̣̇д̣̇асуно. д̇з бана маад̣̇исаа д̇зхи анабхибхууд̇аа самаад̇хим̣ ад̇хиг̇ажчанд̇зваад̇и б̣яад̇ирзгамукзна ан̃н̃ааб̣яаагаран̣анд̇и взд̣̇ид̇аб̣б̣ам̣.
Tattha mānena vañcitāseti ‘‘seyyohamasmī’’tiādinayappavattena mānena attukkaṃsanaparavambhanādivasena kusalabhaṇḍacchedanena vippaladdhā. Saṅkhāresu saṃkilissamānāseti ajjhattikabāhiresu cakkhādīsu ceva rūpādīsu ca saṅkhatadhammesu saṃkilissamānā, ‘‘etaṃ mama, esohamasmi, eso me attā’’ti taṃnimittaṃ taṇhāgāhādivasena saṃkilesaṃ āpajjamānā. Lābhālābhena mathitāti pattacīvarādīnañceva vatthādīnañca lābhena tesaṃyeva ca alābhena taṃnimittaṃ uppannehi anunayapaṭighehi mathitā madditā abhibhūtā. Nidassanamattañcetaṃ avasiṭṭhalokadhammānampettha saṅgaho daṭṭhabbo. Samādhiṃ nādhigacchantīti te evarūpā puggalā samādhiṃ samathavipassanāvasena cittekaggataṃ kadācipi na vindanti na paṭilabhanti na pāpuṇanti samādhisaṃvattanikānaṃ dhammānaṃ abhāvato, itaresañca bhāvato. Idhāpi yathā mānādīhi abhibhūtā aviddasuno samādhiṃ nādhigacchanti, na evaṃ viddasuno. Te pana mādisā tehi anabhibhūtā samādhiṃ adhigacchantevāti byatirekamukhena aññābyākaraṇanti veditabbaṃ.
сзд̇ужчад̇т̇зраг̇аат̇ааван̣н̣анаа нидтид̇аа.
Setucchattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 2. сзд̇ужчад̇т̇зраг̇аат̇аа • 2. Setucchattheragāthā
