| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
6. ஸேவனாஸுத்தவண்ணனா
6. Sevanāsuttavaṇṇanā
6. ச²ட்டே² ஜீவிதபரிக்கா²ராதி ஜீவிதஸம்பா⁴ரா. ஸமுதா³னேதப்³பா³தி ஸமாஹரிதப்³பா³. கஸிரேன ஸமுதா³க³ச்ச²ந்தீதி து³க்கே²ன உப்பஜ்ஜந்தி. ரத்திபா⁴க³ங் வா தி³வஸபா⁴க³ங் வாதி எத்த² ரத்திபா⁴கே³ ஞத்வா ரத்திபா⁴கே³யேவ பக்கமிதப்³ப³ங், ரத்திங் சண்ட³வாளாதி³பரிபந்தே² ஸதி அருணுக்³க³மனங் ஆக³மேதப்³ப³ங். தி³வஸபா⁴கே³ ஞத்வா தி³வா பக்கமிதப்³ப³ங், தி³வா பரிபந்தே² ஸதி ஸூரியத்த²ங்க³மனங் ஆக³மேதப்³ப³ங். ஸங்கா²பீதி ஸாமஞ்ஞத்த²ஸ்ஸ பா⁴வனாபாரிபூரிஆக³மனங் ஜானித்வா. ஸோ புக்³க³லோதி பத³ஸ்ஸ பன ‘‘நானுப³ந்தி⁴தப்³போ³’’தி இமினா ஸம்ப³ந்தோ⁴. அனாபுச்சா²தி இத⁴ பன தங் புக்³க³லங் அனாபுச்சா² பக்கமிதப்³ப³ந்தி அத்தோ². அபி பனுஜ்ஜமானேனாதி அபி நிக்கட்³டி⁴யமானேன. ஏவரூபோ ஹி புக்³க³லோ ஸசேபி தா³ருகலாபஸதங் வா உத³கக⁴டஸதங் வா வாலிகாக⁴டஸதங் வா த³ண்ட³ங் ஆரோபேதி, மா இத⁴ வஸீதி நிக்கட்³டா⁴பேதி வா, தங் க²மாபெத்வாபி யாவஜீவங் ஸோ அனுப³ந்தி⁴தப்³போ³வ, ந விஜஹிதப்³போ³.
6. Chaṭṭhe jīvitaparikkhārāti jīvitasambhārā. Samudānetabbāti samāharitabbā. Kasirena samudāgacchantīti dukkhena uppajjanti. Rattibhāgaṃ vā divasabhāgaṃ vāti ettha rattibhāge ñatvā rattibhāgeyeva pakkamitabbaṃ, rattiṃ caṇḍavāḷādiparipanthe sati aruṇuggamanaṃ āgametabbaṃ. Divasabhāge ñatvā divā pakkamitabbaṃ, divā paripanthe sati sūriyatthaṅgamanaṃ āgametabbaṃ. Saṅkhāpīti sāmaññatthassa bhāvanāpāripūriāgamanaṃ jānitvā. So puggaloti padassa pana ‘‘nānubandhitabbo’’ti iminā sambandho. Anāpucchāti idha pana taṃ puggalaṃ anāpucchā pakkamitabbanti attho. Api panujjamānenāti api nikkaḍḍhiyamānena. Evarūpo hi puggalo sacepi dārukalāpasataṃ vā udakaghaṭasataṃ vā vālikāghaṭasataṃ vā daṇḍaṃ āropeti, mā idha vasīti nikkaḍḍhāpeti vā, taṃ khamāpetvāpi yāvajīvaṃ so anubandhitabbova, na vijahitabbo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 6. ஸேவனாஸுத்தங் • 6. Sevanāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 6. ஸேவனாஸுத்தவண்ணனா • 6. Sevanāsuttavaṇṇanā
