| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. сзванаасуд̇д̇аван̣н̣анаа
6. Sevanāsuttavaṇṇanā
6. чадтз ж̇ийвид̇абаригкаараад̇и ж̇ийвид̇асамбхаараа. самуд̣̇аанзд̇аб̣б̣аад̇и самаахарид̇аб̣б̣аа. гасирзна самуд̣̇ааг̇ажчанд̇ийд̇и д̣̇угкзна уббаж̇ж̇анд̇и. рад̇д̇ибхааг̇ам̣ ваа д̣̇ивасабхааг̇ам̣ ваад̇и зд̇т̇а рад̇д̇ибхааг̇з н̃ад̇ваа рад̇д̇ибхааг̇зязва баггамид̇аб̣б̣ам̣, рад̇д̇им̣ жан̣д̣аваал̣аад̣̇ибарибант̇з сад̇и арун̣уг̇г̇аманам̣ ааг̇амзд̇аб̣б̣ам̣. д̣̇ивасабхааг̇з н̃ад̇ваа д̣̇иваа баггамид̇аб̣б̣ам̣, д̣̇иваа барибант̇з сад̇и суурияад̇т̇ан̇г̇аманам̣ ааг̇амзд̇аб̣б̣ам̣. сан̇каабийд̇и сааман̃н̃ад̇т̇асса бхааванаабаарибууриааг̇аманам̣ ж̇аанид̇ваа. со буг̇г̇алод̇и бад̣̇асса бана ‘‘наануб̣анд̇хид̇аб̣б̣о’’д̇и иминаа самб̣анд̇хо. анаабужчаад̇и ид̇ха бана д̇ам̣ буг̇г̇алам̣ анаабужчаа баггамид̇аб̣б̣анд̇и ад̇т̇о. аби бануж̇ж̇амаанзнаад̇и аби ниггад̣дхияамаанзна. зваруубо хи буг̇г̇ало сажзби д̣̇ааругалаабасад̇ам̣ ваа уд̣̇агагхадасад̇ам̣ ваа ваалигаагхадасад̇ам̣ ваа д̣̇ан̣д̣ам̣ ааробзд̇и, маа ид̇ха васийд̇и ниггад̣дхаабзд̇и ваа, д̇ам̣ камаабзд̇вааби яааваж̇ийвам̣ со ануб̣анд̇хид̇аб̣б̣ова, на виж̇ахид̇аб̣б̣о.
6. Chaṭṭhe jīvitaparikkhārāti jīvitasambhārā. Samudānetabbāti samāharitabbā. Kasirena samudāgacchantīti dukkhena uppajjanti. Rattibhāgaṃ vā divasabhāgaṃ vāti ettha rattibhāge ñatvā rattibhāgeyeva pakkamitabbaṃ, rattiṃ caṇḍavāḷādiparipanthe sati aruṇuggamanaṃ āgametabbaṃ. Divasabhāge ñatvā divā pakkamitabbaṃ, divā paripanthe sati sūriyatthaṅgamanaṃ āgametabbaṃ. Saṅkhāpīti sāmaññatthassa bhāvanāpāripūriāgamanaṃ jānitvā. So puggaloti padassa pana ‘‘nānubandhitabbo’’ti iminā sambandho. Anāpucchāti idha pana taṃ puggalaṃ anāpucchā pakkamitabbanti attho. Api panujjamānenāti api nikkaḍḍhiyamānena. Evarūpo hi puggalo sacepi dārukalāpasataṃ vā udakaghaṭasataṃ vā vālikāghaṭasataṃ vā daṇḍaṃ āropeti, mā idha vasīti nikkaḍḍhāpeti vā, taṃ khamāpetvāpi yāvajīvaṃ so anubandhitabbova, na vijahitabbo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. сзванаасуд̇д̇ам̣ • 6. Sevanāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. сзванаасуд̇д̇аван̣н̣анаа • 6. Sevanāsuttavaṇṇanā
