| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༦. སེཝནཱསུཏྟཝཎྞནཱ
6. Sevanāsuttavaṇṇanā
༦. ཚཊྛེ ཛཱིཝིཏཔརིཀྑཱརཱཏི ཛཱིཝིཏསམྦྷཱརཱ། སམུདཱནེཏབྦཱཏི སམཱཧརིཏབྦཱ། ཀསིརེན སམུདཱགཙྪནྟཱིཏི དུཀྑེན ཨུཔྤཛྫནྟི། རཏྟིབྷཱགཾ ཝཱ དིཝསབྷཱགཾ ཝཱཏི ཨེཏྠ རཏྟིབྷཱགེ ཉཏྭཱ རཏྟིབྷཱགེཡེཝ པཀྐམིཏབྦཾ, རཏྟིཾ ཙཎྜཝཱལཱ༹དིཔརིཔནྠེ སཏི ཨརུཎུགྒམནཾ ཨཱགམེཏབྦཾ། དིཝསབྷཱགེ ཉཏྭཱ དིཝཱ པཀྐམིཏབྦཾ, དིཝཱ པརིཔནྠེ སཏི སཱུརིཡཏྠངྒམནཾ ཨཱགམེཏབྦཾ། སངྑཱཔཱིཏི སཱམཉྙཏྠསྶ བྷཱཝནཱཔཱརིཔཱུརིཨཱགམནཾ ཛཱནིཏྭཱ། སོ པུགྒལོཏི པདསྶ པན ‘‘ནཱནུབནྡྷིཏབྦོ’’ཏི ཨིམིནཱ སམྦནྡྷོ། ཨནཱཔུཙྪཱཏི ཨིདྷ པན ཏཾ པུགྒལཾ ཨནཱཔུཙྪཱ པཀྐམིཏབྦནྟི ཨཏྠོ། ཨཔི པནུཛྫམཱནེནཱཏི ཨཔི ནིཀྐཌྜྷིཡམཱནེན། ཨེཝརཱུཔོ ཧི པུགྒལོ སཙེཔི དཱརུཀལཱཔསཏཾ ཝཱ ཨུདཀགྷཊསཏཾ ཝཱ ཝཱལིཀཱགྷཊསཏཾ ཝཱ དཎྜཾ ཨཱརོཔེཏི, མཱ ཨིདྷ ཝསཱིཏི ནིཀྐཌྜྷཱཔེཏི ཝཱ, ཏཾ ཁམཱཔེཏྭཱཔི ཡཱཝཛཱིཝཾ སོ ཨནུབནྡྷིཏབྦོཝ, ན ཝིཛཧིཏབྦོ།
6. Chaṭṭhe jīvitaparikkhārāti jīvitasambhārā. Samudānetabbāti samāharitabbā. Kasirena samudāgacchantīti dukkhena uppajjanti. Rattibhāgaṃ vā divasabhāgaṃ vāti ettha rattibhāge ñatvā rattibhāgeyeva pakkamitabbaṃ, rattiṃ caṇḍavāḷādiparipanthe sati aruṇuggamanaṃ āgametabbaṃ. Divasabhāge ñatvā divā pakkamitabbaṃ, divā paripanthe sati sūriyatthaṅgamanaṃ āgametabbaṃ. Saṅkhāpīti sāmaññatthassa bhāvanāpāripūriāgamanaṃ jānitvā. So puggaloti padassa pana ‘‘nānubandhitabbo’’ti iminā sambandho. Anāpucchāti idha pana taṃ puggalaṃ anāpucchā pakkamitabbanti attho. Api panujjamānenāti api nikkaḍḍhiyamānena. Evarūpo hi puggalo sacepi dārukalāpasataṃ vā udakaghaṭasataṃ vā vālikāghaṭasataṃ vā daṇḍaṃ āropeti, mā idha vasīti nikkaḍḍhāpeti vā, taṃ khamāpetvāpi yāvajīvaṃ so anubandhitabbova, na vijahitabbo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༦. སེཝནཱསུཏྟཾ • 6. Sevanāsuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༦. སེཝནཱསུཏྟཝཎྞནཱ • 6. Sevanāsuttavaṇṇanā
