| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਸੇવਨਾਸੁਤ੍ਤવਣ੍ਣਨਾ
6. Sevanāsuttavaṇṇanā
੬. ਛਟ੍ਠੇ ਜੀવਿਤਪਰਿਕ੍ਖਾਰਾਤਿ ਜੀવਿਤਸਮ੍ਭਾਰਾ। ਸਮੁਦਾਨੇਤਬ੍ਬਾਤਿ ਸਮਾਹਰਿਤਬ੍ਬਾ। ਕਸਿਰੇਨ ਸਮੁਦਾਗਚ੍ਛਨ੍ਤੀਤਿ ਦੁਕ੍ਖੇਨ ਉਪ੍ਪਜ੍ਜਨ੍ਤਿ। ਰਤ੍ਤਿਭਾਗਂ વਾ ਦਿવਸਭਾਗਂ વਾਤਿ ਏਤ੍ਥ ਰਤ੍ਤਿਭਾਗੇ ਞਤ੍વਾ ਰਤ੍ਤਿਭਾਗੇਯੇવ ਪਕ੍ਕਮਿਤਬ੍ਬਂ, ਰਤ੍ਤਿਂ ਚਣ੍ਡવਾਲ਼ਾਦਿਪਰਿਪਨ੍ਥੇ ਸਤਿ ਅਰੁਣੁਗ੍ਗਮਨਂ ਆਗਮੇਤਬ੍ਬਂ। ਦਿવਸਭਾਗੇ ਞਤ੍વਾ ਦਿવਾ ਪਕ੍ਕਮਿਤਬ੍ਬਂ, ਦਿવਾ ਪਰਿਪਨ੍ਥੇ ਸਤਿ ਸੂਰਿਯਤ੍ਥਙ੍ਗਮਨਂ ਆਗਮੇਤਬ੍ਬਂ। ਸਙ੍ਖਾਪੀਤਿ ਸਾਮਞ੍ਞਤ੍ਥਸ੍ਸ ਭਾવਨਾਪਾਰਿਪੂਰਿਆਗਮਨਂ ਜਾਨਿਤ੍વਾ। ਸੋ ਪੁਗ੍ਗਲੋਤਿ ਪਦਸ੍ਸ ਪਨ ‘‘ਨਾਨੁਬਨ੍ਧਿਤਬ੍ਬੋ’’ਤਿ ਇਮਿਨਾ ਸਮ੍ਬਨ੍ਧੋ। ਅਨਾਪੁਚ੍ਛਾਤਿ ਇਧ ਪਨ ਤਂ ਪੁਗ੍ਗਲਂ ਅਨਾਪੁਚ੍ਛਾ ਪਕ੍ਕਮਿਤਬ੍ਬਨ੍ਤਿ ਅਤ੍ਥੋ। ਅਪਿ ਪਨੁਜ੍ਜਮਾਨੇਨਾਤਿ ਅਪਿ ਨਿਕ੍ਕਡ੍ਢਿਯਮਾਨੇਨ। ਏવਰੂਪੋ ਹਿ ਪੁਗ੍ਗਲੋ ਸਚੇਪਿ ਦਾਰੁਕਲਾਪਸਤਂ વਾ ਉਦਕਘਟਸਤਂ વਾ વਾਲਿਕਾਘਟਸਤਂ વਾ ਦਣ੍ਡਂ ਆਰੋਪੇਤਿ, ਮਾ ਇਧ વਸੀਤਿ ਨਿਕ੍ਕਡ੍ਢਾਪੇਤਿ વਾ, ਤਂ ਖਮਾਪੇਤ੍વਾਪਿ ਯਾવਜੀવਂ ਸੋ ਅਨੁਬਨ੍ਧਿਤਬ੍ਬੋવ, ਨ વਿਜਹਿਤਬ੍ਬੋ।
6. Chaṭṭhe jīvitaparikkhārāti jīvitasambhārā. Samudānetabbāti samāharitabbā. Kasirena samudāgacchantīti dukkhena uppajjanti. Rattibhāgaṃ vā divasabhāgaṃ vāti ettha rattibhāge ñatvā rattibhāgeyeva pakkamitabbaṃ, rattiṃ caṇḍavāḷādiparipanthe sati aruṇuggamanaṃ āgametabbaṃ. Divasabhāge ñatvā divā pakkamitabbaṃ, divā paripanthe sati sūriyatthaṅgamanaṃ āgametabbaṃ. Saṅkhāpīti sāmaññatthassa bhāvanāpāripūriāgamanaṃ jānitvā. So puggaloti padassa pana ‘‘nānubandhitabbo’’ti iminā sambandho. Anāpucchāti idha pana taṃ puggalaṃ anāpucchā pakkamitabbanti attho. Api panujjamānenāti api nikkaḍḍhiyamānena. Evarūpo hi puggalo sacepi dārukalāpasataṃ vā udakaghaṭasataṃ vā vālikāghaṭasataṃ vā daṇḍaṃ āropeti, mā idha vasīti nikkaḍḍhāpeti vā, taṃ khamāpetvāpi yāvajīvaṃ so anubandhitabbova, na vijahitabbo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਸੇવਨਾਸੁਤ੍ਤਂ • 6. Sevanāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਸੇવਨਾਸੁਤ੍ਤવਣ੍ਣਨਾ • 6. Sevanāsuttavaṇṇanā
