| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
4. сзвид̇аб̣б̣аасзвид̇аб̣б̣асуд̇д̇аван̣н̣анаа
4. Sevitabbāsevitabbasuttavaṇṇanā
109. ан̃н̃аман̃н̃анд̇и ан̃н̃ам̣ ан̃н̃ам̣. д̇знааха ‘‘ан̃н̃ам̣ сзвид̇аб̣б̣а’’нд̇иаад̣̇и. сад̇д̇ахи бад̣̇зхийд̇и сад̇д̇ахи ваагязхи. баж̇ж̇ад̇и зд̇зна яат̇аад̇хиббзд̇о ад̇т̇од̇и бад̣̇ам̣, ваагяам̣. саарибуд̇д̇ад̇т̇зрасса огаасагаран̣ам̣ д̇хаммад̣̇ааяаад̣̇з (ма. ни. 1.31) вуд̇д̇анаязна взд̣̇ид̇аб̣б̣ам̣.
109.Aññamaññanti aññaṃ aññaṃ. Tenāha ‘‘aññaṃ sevitabba’’ntiādi. Sattahi padehīti sattahi vākyehi. Pajjati etena yathādhippeto atthoti padaṃ, vākyaṃ. Sāriputtattherassa okāsakaraṇaṃ dhammadāyāde (ma. ni. 1.31) vuttanayena veditabbaṃ.
113. д̣̇идтиязва бажжаяавасзна бадилад̣̇д̇хад̇ааяа д̣̇идтибадилаабхо. сан̃н̃аабадилаабхзби зсзва наяо. мижчаад̣̇идтисаммаад̣̇идтияо…бз… на г̇ахид̇аа гаммабат̇аббад̇д̇аанам̣ д̇зсам̣ маносамаажаарабхаавзна г̇ахид̇ад̇д̇аа. яад̣̇и звам̣ гасмаа д̣̇идти жид̇д̇уббаад̣̇аваарз на г̇ахид̇аад̇и? гаамам̣ мижчаад̣̇идтияаа аваяавибхааво лаб̣бхад̇и, д̇ат̇ааби жид̇д̇уббаад̣̇агкан̣з логияалогуд̇д̇аражид̇д̇уббаад̣̇зсу гаммабат̇агодтаасо на уд̣̇д̇хадо.
113. Diṭṭhiyeva paccayavasena paṭiladdhatāya diṭṭhipaṭilābho. Saññāpaṭilābhepi eseva nayo. Micchādiṭṭhisammādiṭṭhiyo…pe… na gahitā kammapathappattānaṃ tesaṃ manosamācārabhāvena gahitattā. Yadi evaṃ kasmā diṭṭhi cittuppādavāre na gahitāti? Kāmaṃ micchādiṭṭhiyā avayavibhāvo labbhati, tathāpi cittuppādakkhaṇe lokiyalokuttaracittuppādesu kammapathakoṭṭhāso na uddhaṭo.
115. гаамасан̃н̃аад̣̇ийнанд̇и зд̇т̇а аад̣̇и-сад̣̇д̣̇зна яат̇аа б̣яаабаад̣̇авихим̣саасан̃н̃аа сан̇г̇ахид̇аа, звам̣ анабхиж̇жхаааб̣яаабаад̣̇аавихим̣саасан̃н̃аа сан̇г̇ахид̇аа батамзна аад̣̇исад̣̇д̣̇зна ‘‘анабхиж̇жхаасахаг̇ад̇ааяа сан̃н̃ааяаа’’д̇иаад̣̇ибаатасса сан̇г̇ахид̇ад̇д̇аа.
115.Kāmasaññādīnanti ettha ādi-saddena yathā byāpādavihiṃsāsaññā saṅgahitā, evaṃ anabhijjhāabyāpādaavihiṃsāsaññā saṅgahitā paṭhamena ādisaddena ‘‘anabhijjhāsahagatāya saññāyā’’tiādipāṭhassa saṅgahitattā.
117. д̇и гаамабхаваад̣̇ийнам̣ абарияосаанааяа барияосаанам̣ ижчад̇оби д̇аад̣̇исасса бхаваанам̣ абарияосаанамзва ход̇и . жад̇д̇ааро хонд̇и буг̇г̇алавасзна. д̇знааха ‘‘бут̇уж̇ж̇аноби хий’’д̇иаад̣̇и. агусалаа д̇хаммаа вад̣дханд̇ийд̇и д̇зсам̣ бахаанааяа аббадибаж̇ж̇амаанассаад̇и ад̇хиббааяо, д̇ад̇о зва гусалаа д̇хаммаа барихааяанд̇и. д̇знасса гилзсад̣̇угкзна вибаагад̣̇угкзна жа сад̣̇угкамзва ад̇д̇абхаавам̣ абхиниб̣б̣ад̇д̇зд̇и. орамбхааг̇ияасам̣яож̇анаани бахааяа суд̣̇д̇хааваасзсу ниб̣б̣ад̇д̇анаарахо анааг̇аамий гат̇ам̣…бз… абхивад̣дханд̇ийд̇и ааха ‘‘анааг̇аамийбий’’д̇иаад̣̇и. сад̣̇угкамзва ад̇д̇абхаавам̣ абхиниб̣б̣ад̇д̇зд̇и, яааяа лаб̣бхамаанаагусалаабхивуд̣̇д̇хим̣ гусалабарихаанин̃жа г̇ахзд̇ваа анааг̇ааминоби саб̣яааб̣аж̇жхаад̇д̇абхааваабхиниб̣б̣ад̇д̇анам̣ вуд̇д̇ам̣. звам̣ яат̇аалаб̣бхамаанам̣ агусалабарихааним̣ гусалаабхивуд̣̇д̇хин̃жа г̇ахзд̇ваа бут̇уж̇ж̇анассаби анд̇имабхавигасса аб̣яааб̣аж̇жхаад̇д̇абхааваабхиниб̣б̣ад̇д̇анам̣ вуд̇д̇анд̇и д̣̇адтаб̣б̣ам̣. д̇знааха ‘‘бут̇уж̇ж̇анобий’’д̇иаад̣̇и. агусаламзва хааяад̇и,на гусалам̣ д̇асса б̣уд̣̇д̇хибагкз тид̇ад̇д̇аа. д̇ад̇т̇ааби вибассанамзва г̇аб̣бхам̣ г̇ан̣хаабзд̇и, на ваддаг̇аб̣бхам̣ анд̇имабхавигад̇ааяа виваддуубаниссид̇ад̇д̇аа аж̇жхаасаяасса, н̃аан̣асса жа баагаг̇аманад̇о.
117. Ti kāmabhavādīnaṃ apariyosānāya pariyosānaṃ icchatopi tādisassa bhavānaṃ apariyosānameva hoti . Cattāro honti puggalavasena. Tenāha ‘‘puthujjanopi hī’’tiādi. Akusalā dhammā vaḍḍhantīti tesaṃ pahānāya appaṭipajjamānassāti adhippāyo, tato eva kusalā dhammā parihāyanti. Tenassa kilesadukkhena vipākadukkhena ca sadukkhameva attabhāvaṃ abhinibbatteti. Orambhāgiyasaṃyojanāni pahāya suddhāvāsesu nibbattanāraho anāgāmī kathaṃ…pe… abhivaḍḍhantīti āha ‘‘anāgāmīpī’’tiādi. Sadukkhameva attabhāvaṃ abhinibbatteti, yāya labbhamānaakusalābhivuddhiṃ kusalaparihāniñca gahetvā anāgāminopi sabyābajjhaattabhāvābhinibbattanaṃ vuttaṃ. Evaṃ yathālabbhamānaṃ akusalaparihāniṃ kusalābhivuddhiñca gahetvā puthujjanassapi antimabhavikassa abyābajjhaattabhāvābhinibbattanaṃ vuttanti daṭṭhabbaṃ. Tenāha ‘‘puthujjanopī’’tiādi. Akusalameva hāyati,na kusalaṃ tassa buddhipakkhe ṭhitattā. Tatthāpi vipassanameva gabbhaṃ gaṇhāpeti, na vaṭṭagabbhaṃ antimabhavikatāya vivaṭṭūpanissitattā ajjhāsayassa, ñāṇassa ca pākagamanato.
119. згажжассаад̇и саамиважанам̣ ‘‘абхинанд̣̇ад̇ий’’д̇иаад̣̇ийсу бажжад̇д̇авасзна барин̣аамзд̇аб̣б̣ам̣, д̇ат̇аа ‘‘ниб̣б̣инд̣̇ад̇ий’’д̇иаад̣̇ийсуби. уг̇г̇ан̣хид̇ваабийд̇и би-сад̣̇д̣̇о луд̇д̇анид̣̇д̣̇идто. бхаг̇авад̇о бхаасид̇асса ад̇т̇ам̣ аж̇аананд̇аа д̇аава д̣̇ийгхарад̇д̇ам̣ хид̇асукад̇о бариб̣аахираа хонд̇у ж̇аананд̇аанамби саб̣б̣зсам̣ д̣̇ийгхарад̇д̇ам̣ хид̇ааяа сукааяа ход̇ийд̇и анзгам̣сигад̇ам̣ жод̣̇знд̇о ‘‘звам̣ санд̇збий’’д̇иаад̣̇имааха. ид̇аро саб̣б̣зсамби д̣̇ийгхарад̇д̇ам̣ хид̇ааяа сукааяа ход̇иязваад̇и, ‘‘аббадисанд̇хигаа’’д̇иаад̣̇инаа анзгам̣сигад̇ам̣ барихарад̇и. сзсам̣ сувин̃н̃зяяамзва.
119.Ekaccassāti sāmivacanaṃ ‘‘abhinandatī’’tiādīsu paccattavasena pariṇāmetabbaṃ, tathā ‘‘nibbindatī’’tiādīsupi. Uggaṇhitvāpīti pi-saddo luttaniddiṭṭho. Bhagavato bhāsitassa atthaṃ ajānantā tāva dīgharattaṃ hitasukhato paribāhirā hontu jānantānampi sabbesaṃ dīgharattaṃ hitāya sukhāya hotīti anekaṃsikataṃ codento ‘‘evaṃ santepī’’tiādimāha. Itaro sabbesampi dīgharattaṃ hitāya sukhāya hotiyevāti, ‘‘appaṭisandhikā’’tiādinā anekaṃsikataṃ pariharati. Sesaṃ suviññeyyameva.
сзвид̇аб̣б̣аасзвид̇аб̣б̣асуд̇д̇аван̣н̣анааяа лийнад̇т̇аббагаасанаа самад̇д̇аа.
Sevitabbāsevitabbasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. сзвид̇аб̣б̣аасзвид̇аб̣б̣асуд̇д̇ам̣ • 4. Sevitabbāsevitabbasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. сзвид̇аб̣б̣аасзвид̇аб̣б̣асуд̇д̇аван̣н̣анаа • 4. Sevitabbāsevitabbasuttavaṇṇanā
