| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. сзвид̇аб̣б̣асуд̇д̇ам̣
6. Sevitabbasuttaṃ
26. ‘‘д̇аяомз , бхигкавз, буг̇г̇алаа санд̇о сам̣виж̇ж̇амаанаа логасмим̣. гад̇амз д̇аяо? ад̇т̇и, бхигкавз, буг̇г̇ало на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о. ад̇т̇и, бхигкавз, буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. ад̇т̇и, бхигкавз, буг̇г̇ало саггад̇ваа г̇арум̣ гад̇ваа сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. гад̇амо жа, бхигкавз, буг̇г̇ало на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о? ид̇ха, бхигкавз, згажжо буг̇г̇ало хийно ход̇и сийлзна самаад̇хинаа бан̃н̃ааяа. зваруубо, бхигкавз, буг̇г̇ало на сзвид̇аб̣б̣о на бхаж̇ид̇аб̣б̣о на баяирубаасид̇аб̣б̣о ан̃н̃ад̇ра ануд̣̇д̣̇аяаа ан̃н̃ад̇ра анугамбаа.
26. ‘‘Tayome , bhikkhave, puggalā santo saṃvijjamānā lokasmiṃ. Katame tayo? Atthi, bhikkhave, puggalo na sevitabbo na bhajitabbo na payirupāsitabbo. Atthi, bhikkhave, puggalo sevitabbo bhajitabbo payirupāsitabbo. Atthi, bhikkhave, puggalo sakkatvā garuṃ katvā sevitabbo bhajitabbo payirupāsitabbo. Katamo ca, bhikkhave, puggalo na sevitabbo na bhajitabbo na payirupāsitabbo? Idha, bhikkhave, ekacco puggalo hīno hoti sīlena samādhinā paññāya. Evarūpo, bhikkhave, puggalo na sevitabbo na bhajitabbo na payirupāsitabbo aññatra anuddayā aññatra anukampā.
‘‘гад̇амо жа, бхигкавз, буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о? ид̇ха, бхигкавз, згажжо буг̇г̇ало сад̣̇исо ход̇и сийлзна самаад̇хинаа бан̃н̃ааяа. зваруубо, бхигкавз, буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. д̇ам̣ гисса хзд̇у? сийласааман̃н̃аг̇ад̇аанам̣ сад̇ам̣ сийлагат̇аа жа но бхависсад̇и, саа жа но бавад̇д̇иний 1 бхависсад̇и, саа жа но паасу бхависсад̇и. самаад̇хисааман̃н̃аг̇ад̇аанам̣ сад̇ам̣ самаад̇хигат̇аа жа но бхависсад̇и, саа жа но бавад̇д̇иний бхависсад̇и, саа жа но паасу бхависсад̇и. бан̃н̃аасааман̃н̃аг̇ад̇аанам̣ сад̇ам̣ бан̃н̃аагат̇аа жа но бхависсад̇и, саа жа но бавад̇д̇иний бхависсад̇и, саа жа но паасу бхависсад̇ийд̇и. д̇асмаа зваруубо буг̇г̇ало сзвид̇аб̣б̣о бхаж̇ид̇аб̣б̣о баяирубаасид̇аб̣б̣о.
‘‘Katamo ca, bhikkhave, puggalo sevitabbo bhajitabbo payirupāsitabbo? Idha, bhikkhave, ekacco puggalo sadiso hoti sīlena samādhinā paññāya. Evarūpo, bhikkhave, puggalo sevitabbo bhajitabbo payirupāsitabbo. Taṃ kissa hetu? Sīlasāmaññagatānaṃ sataṃ sīlakathā ca no bhavissati, sā ca no pavattinī 2 bhavissati, sā ca no phāsu bhavissati. Samādhisāmaññagatānaṃ sataṃ samādhikathā ca no bhavissati, sā ca no pavattinī bhavissati, sā ca no phāsu bhavissati. Paññāsāmaññagatānaṃ sataṃ paññākathā ca no bhavissati, sā ca no pavattinī bhavissati, sā ca no phāsu bhavissatīti. Tasmā evarūpo puggalo sevitabbo bhajitabbo payirupāsitabbo.
‘‘гад̇амо жа, бхигкавз, буг̇г̇ало саггад̇ваа г̇арум̣ гад̇ваа сзвид̇аб̣б̣о бхаж̇ид̇аб̣б̣о баяирубаасид̇аб̣б̣о? ид̇ха, бхигкавз , згажжо буг̇г̇ало ад̇хиго ход̇и сийлзна самаад̇хинаа бан̃н̃ааяа. зваруубо, бхигкавз, буг̇г̇ало саггад̇ваа г̇арум̣ гад̇ваа сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. д̇ам̣ гисса хзд̇у? ид̇и абарибуурам̣ ваа сийлагканд̇хам̣ барибуурзссаами, барибуурам̣ ваа сийлагканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ахзссаами; абарибуурам̣ ваа самаад̇хигканд̇хам̣ барибуурзссаами, барибуурам̣ ваа самаад̇хигканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ахзссаами; абарибуурам̣ ваа бан̃н̃аагканд̇хам̣ барибуурзссаами, барибуурам̣ ваа бан̃н̃аагканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ахзссаамийд̇и. д̇асмаа зваруубо буг̇г̇ало саггад̇ваа г̇арум̣ гад̇ваа сзвид̇аб̣б̣о бхаж̇ид̇аб̣б̣о баяирубаасид̇аб̣б̣о. имз ко, бхигкавз, д̇аяо буг̇г̇алаа санд̇о сам̣виж̇ж̇амаанаа логасми’’нд̇и.
‘‘Katamo ca, bhikkhave, puggalo sakkatvā garuṃ katvā sevitabbo bhajitabbo payirupāsitabbo? Idha, bhikkhave , ekacco puggalo adhiko hoti sīlena samādhinā paññāya. Evarūpo, bhikkhave, puggalo sakkatvā garuṃ katvā sevitabbo bhajitabbo payirupāsitabbo. Taṃ kissa hetu? Iti aparipūraṃ vā sīlakkhandhaṃ paripūressāmi, paripūraṃ vā sīlakkhandhaṃ tattha tattha paññāya anuggahessāmi; aparipūraṃ vā samādhikkhandhaṃ paripūressāmi, paripūraṃ vā samādhikkhandhaṃ tattha tattha paññāya anuggahessāmi; aparipūraṃ vā paññākkhandhaṃ paripūressāmi, paripūraṃ vā paññākkhandhaṃ tattha tattha paññāya anuggahessāmīti. Tasmā evarūpo puggalo sakkatvā garuṃ katvā sevitabbo bhajitabbo payirupāsitabbo. Ime kho, bhikkhave, tayo puggalā santo saṃvijjamānā lokasmi’’nti.
‘‘нихийяад̇и бурисо нихийнасзвий,
‘‘Nihīyati puriso nihīnasevī,
на жа хааязт̇а гад̣̇аажи д̇уляасзвий;
Na ca hāyetha kadāci tulyasevī;
сздтамубанамам̣ уд̣̇зд̇и киббам̣,
Seṭṭhamupanamaṃ udeti khippaṃ,
д̇асмаа ад̇д̇ано уд̇д̇арим̣ бхаж̇зт̇аа’’д̇и. чадтам̣;
Tasmā attano uttariṃ bhajethā’’ti. chaṭṭhaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. сзвид̇аб̣б̣асуд̇д̇аван̣н̣анаа • 6. Sevitabbasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. сзвид̇аб̣б̣асуд̇д̇аван̣н̣анаа • 6. Sevitabbasuttavaṇṇanā
