| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๔. จตุตฺถปณฺณาสกํ
4. Catutthapaṇṇāsakaṃ
(๑๖) ๑. ปุคฺคลวโคฺค
(16) 1. Puggalavaggo
๑. เสวิตพฺพสุตฺตํ
1. Sevitabbasuttaṃ
๑๕๕. ‘‘ทสหิ , ภิกฺขเว, ธเมฺมหิ สมนฺนาคโต ปุคฺคโล น เสวิตโพฺพฯ กตเมหิ ทสหิ? มิจฺฉาทิฎฺฐิโก โหติ, มิจฺฉาสงฺกโปฺป โหติ, มิจฺฉาวาโจ โหติ, มิจฺฉากมฺมโนฺต โหติ, มิจฺฉาอาชีโว โหติ, มิจฺฉาวายาโม โหติ, มิจฺฉาสติ โหติ, มิจฺฉาสมาธิ โหติ, มิจฺฉาญาณี โหติ, มิจฺฉาวิมุตฺติ โหติ – อิเมหิ โข, ภิกฺขเว, ทสหิ ธเมฺมหิ สมนฺนาคโต ปุคฺคโล น เสวิตโพฺพฯ
155. ‘‘Dasahi , bhikkhave, dhammehi samannāgato puggalo na sevitabbo. Katamehi dasahi? Micchādiṭṭhiko hoti, micchāsaṅkappo hoti, micchāvāco hoti, micchākammanto hoti, micchāājīvo hoti, micchāvāyāmo hoti, micchāsati hoti, micchāsamādhi hoti, micchāñāṇī hoti, micchāvimutti hoti – imehi kho, bhikkhave, dasahi dhammehi samannāgato puggalo na sevitabbo.
‘‘ทสหิ, ภิกฺขเว, ธเมฺมหิ สมนฺนาคโต ปุคฺคโล เสวิตโพฺพฯ กตเมหิ ทสหิ? สมฺมาทิฎฺฐิโก โหติ, สมฺมาสงฺกโปฺป โหติ, สมฺมาวาโจ โหติ, สมฺมากมฺมโนฺต โหติ, สมฺมาอาชีโว โหติ, สมฺมาวายาโม โหติ, สมฺมาสติ โหติ, สมฺมาสมาธิ โหติ, สมฺมาญาณี โหติ, สมฺมาวิมุตฺติ โหติ – อิเมหิ โข, ภิกฺขเว, ทสหิ ธเมฺมหิ สมนฺนาคโต ปุคฺคโล เสวิตโพฺพ’’ติฯ
‘‘Dasahi, bhikkhave, dhammehi samannāgato puggalo sevitabbo. Katamehi dasahi? Sammādiṭṭhiko hoti, sammāsaṅkappo hoti, sammāvāco hoti, sammākammanto hoti, sammāājīvo hoti, sammāvāyāmo hoti, sammāsati hoti, sammāsamādhi hoti, sammāñāṇī hoti, sammāvimutti hoti – imehi kho, bhikkhave, dasahi dhammehi samannāgato puggalo sevitabbo’’ti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๔. จตุตฺถปณฺณาสกํ • 4. Catutthapaṇṇāsakaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๔๔. พฺราหฺมณปโจฺจโรหณีสุตฺตาทิวณฺณนา • 1-44. Brāhmaṇapaccorohaṇīsuttādivaṇṇanā
