| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
4. චතුත්‌ථපණ්‌ණාසකං
4. Catutthapaṇṇāsakaṃ
(16) 1. පුග්‌ගලවග්‌ගො
(16) 1. Puggalavaggo
1. සෙවිතබ්‌බසුත්‌තං
1. Sevitabbasuttaṃ
155. ‘‘දසහි , භික්‌ඛවෙ, ධම්‌මෙහි සමන්‌නාගතො පුග්‌ගලො න සෙවිතබ්‌බො. කතමෙහි දසහි? මිච්‌ඡාදිට්‌ඨිකො හොති, මිච්‌ඡාසඞ්‌කප්‌පො හොති, මිච්‌ඡාවාචො හොති, මිච්‌ඡාකම්‌මන්‌තො හොති, මිච්‌ඡාආජීවො හොති, මිච්‌ඡාවායාමො හොති, මිච්‌ඡාසති හොති, මිච්‌ඡාසමාධි හොති, මිච්‌ඡාඤාණී හොති, මිච්‌ඡාවිමුත්‌ති හොති – ඉමෙහි ඛො, භික්‌ඛවෙ, දසහි ධම්‌මෙහි සමන්‌නාගතො පුග්‌ගලො න සෙවිතබ්‌බො.
155. ‘‘Dasahi , bhikkhave, dhammehi samannāgato puggalo na sevitabbo. Katamehi dasahi? Micchādiṭṭhiko hoti, micchāsaṅkappo hoti, micchāvāco hoti, micchākammanto hoti, micchāājīvo hoti, micchāvāyāmo hoti, micchāsati hoti, micchāsamādhi hoti, micchāñāṇī hoti, micchāvimutti hoti – imehi kho, bhikkhave, dasahi dhammehi samannāgato puggalo na sevitabbo.
‘‘දසහි, භික්‌ඛවෙ, ධම්‌මෙහි සමන්‌නාගතො පුග්‌ගලො සෙවිතබ්‌බො. කතමෙහි දසහි? සම්‌මාදිට්‌ඨිකො හොති, සම්‌මාසඞ්‌කප්‌පො හොති, සම්‌මාවාචො හොති, සම්‌මාකම්‌මන්‌තො හොති, සම්‌මාආජීවො හොති, සම්‌මාවායාමො හොති, සම්‌මාසති හොති, සම්‌මාසමාධි හොති, සම්‌මාඤාණී හොති, සම්‌මාවිමුත්‌ති හොති – ඉමෙහි ඛො, භික්‌ඛවෙ, දසහි ධම්‌මෙහි සමන්‌නාගතො පුග්‌ගලො සෙවිතබ්‌බො’’ති.
‘‘Dasahi, bhikkhave, dhammehi samannāgato puggalo sevitabbo. Katamehi dasahi? Sammādiṭṭhiko hoti, sammāsaṅkappo hoti, sammāvāco hoti, sammākammanto hoti, sammāājīvo hoti, sammāvāyāmo hoti, sammāsati hoti, sammāsamādhi hoti, sammāñāṇī hoti, sammāvimutti hoti – imehi kho, bhikkhave, dasahi dhammehi samannāgato puggalo sevitabbo’’ti.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 4. චතුත්‌ථපණ්‌ණාසකං • 4. Catutthapaṇṇāsakaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-44. බ්‍රාහ්‌මණපච්‌චොරොහණීසුත්‌තාදිවණ්‌ණනා • 1-44. Brāhmaṇapaccorohaṇīsuttādivaṇṇanā
