| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ • Aṅguttaranikāya |
༤. ཙཏུཏྠཔཎྞཱསཀཾ
4. Catutthapaṇṇāsakaṃ
(༡༦) ༡. པུགྒལཝགྒོ
(16) 1. Puggalavaggo
༡. སེཝིཏབྦསུཏྟཾ
1. Sevitabbasuttaṃ
༡༥༥. ‘‘དསཧི , བྷིཀྑཝེ, དྷམྨེཧི སམནྣཱགཏོ པུགྒལོ ན སེཝིཏབྦོ། ཀཏམེཧི དསཧི? མིཙྪཱདིཊྛིཀོ ཧོཏི, མིཙྪཱསངྐཔྤོ ཧོཏི, མིཙྪཱཝཱཙོ ཧོཏི, མིཙྪཱཀམྨནྟོ ཧོཏི, མིཙྪཱཨཱཛཱིཝོ ཧོཏི, མིཙྪཱཝཱཡཱམོ ཧོཏི, མིཙྪཱསཏི ཧོཏི, མིཙྪཱསམཱདྷི ཧོཏི, མིཙྪཱཉཱཎཱི ཧོཏི, མིཙྪཱཝིམུཏྟི ཧོཏི – ཨིམེཧི ཁོ, བྷིཀྑཝེ, དསཧི དྷམྨེཧི སམནྣཱགཏོ པུགྒལོ ན སེཝིཏབྦོ།
155. ‘‘Dasahi , bhikkhave, dhammehi samannāgato puggalo na sevitabbo. Katamehi dasahi? Micchādiṭṭhiko hoti, micchāsaṅkappo hoti, micchāvāco hoti, micchākammanto hoti, micchāājīvo hoti, micchāvāyāmo hoti, micchāsati hoti, micchāsamādhi hoti, micchāñāṇī hoti, micchāvimutti hoti – imehi kho, bhikkhave, dasahi dhammehi samannāgato puggalo na sevitabbo.
‘‘དསཧི, བྷིཀྑཝེ, དྷམྨེཧི སམནྣཱགཏོ པུགྒལོ སེཝིཏབྦོ། ཀཏམེཧི དསཧི? སམྨཱདིཊྛིཀོ ཧོཏི, སམྨཱསངྐཔྤོ ཧོཏི, སམྨཱཝཱཙོ ཧོཏི, སམྨཱཀམྨནྟོ ཧོཏི, སམྨཱཨཱཛཱིཝོ ཧོཏི, སམྨཱཝཱཡཱམོ ཧོཏི, སམྨཱསཏི ཧོཏི, སམྨཱསམཱདྷི ཧོཏི, སམྨཱཉཱཎཱི ཧོཏི, སམྨཱཝིམུཏྟི ཧོཏི – ཨིམེཧི ཁོ, བྷིཀྑཝེ, དསཧི དྷམྨེཧི སམནྣཱགཏོ པུགྒལོ སེཝིཏབྦོ’’ཏི།
‘‘Dasahi, bhikkhave, dhammehi samannāgato puggalo sevitabbo. Katamehi dasahi? Sammādiṭṭhiko hoti, sammāsaṅkappo hoti, sammāvāco hoti, sammākammanto hoti, sammāājīvo hoti, sammāvāyāmo hoti, sammāsati hoti, sammāsamādhi hoti, sammāñāṇī hoti, sammāvimutti hoti – imehi kho, bhikkhave, dasahi dhammehi samannāgato puggalo sevitabbo’’ti.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༤. ཙཏུཏྠཔཎྞཱསཀཾ • 4. Catutthapaṇṇāsakaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༤༤. བྲཱཧྨཎཔཙྩོརོཧཎཱིསུཏྟཱདིཝཎྞནཱ • 1-44. Brāhmaṇapaccorohaṇīsuttādivaṇṇanā
