| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
6. сзвид̇аб̣б̣асуд̇д̇аван̣н̣анаа
6. Sevitabbasuttavaṇṇanā
26. чадтз сзвид̇аб̣б̣од̇и убасан̇гамид̇аб̣б̣о. бхаж̇ид̇аб̣б̣од̇и аллийяид̇аб̣б̣о. баяирубаасид̇аб̣б̣од̇и санд̇игз нисийд̣̇анавасзна бунаббунам̣ убаасид̇аб̣б̣о. саггад̇ваа г̇арум̣ гад̇ваад̇и саггааран̃жзва г̇аругааран̃жа гад̇ваа. хийно ход̇и сийлзнаад̇иаад̣̇ийсу убаад̣̇ааяубаад̣̇ааяа хийнад̇аа взд̣̇ид̇аб̣б̣аа. д̇ад̇т̇а яо хи бан̃жа сийлаани рагкад̇и, со д̣̇аса сийлаани рагканд̇зна на сзвид̇аб̣б̣о . яо д̣̇аса сийлаани рагкад̇и, со жад̇убаарисуд̣̇д̇хисийлам̣ рагканд̇зна на сзвид̇аб̣б̣о. ан̃н̃ад̇ра ануд̣̇д̣̇аяаа ан̃н̃ад̇ра анугамбаад̇и табзд̇ваа ануд̣̇д̣̇аяан̃жа анугамбан̃жа. ад̇д̇ано ад̇т̇ааязва хи зваруубо буг̇г̇ало на сзвид̇аб̣б̣о, ануд̣̇д̣̇аяаанугамбаавасзна бана д̇ам̣ убасан̇гамид̇ум̣ ваддад̇и.
26. Chaṭṭhe sevitabboti upasaṅkamitabbo. Bhajitabboti allīyitabbo. Payirupāsitabboti santike nisīdanavasena punappunaṃ upāsitabbo. Sakkatvā garuṃ katvāti sakkārañceva garukārañca katvā. Hīno hoti sīlenātiādīsu upādāyupādāya hīnatā veditabbā. Tattha yo hi pañca sīlāni rakkhati, so dasa sīlāni rakkhantena na sevitabbo . Yo dasa sīlāni rakkhati, so catupārisuddhisīlaṃ rakkhantena na sevitabbo. Aññatra anuddayā aññatra anukampāti ṭhapetvā anuddayañca anukampañca. Attano atthāyeva hi evarūpo puggalo na sevitabbo, anuddayānukampāvasena pana taṃ upasaṅkamituṃ vaṭṭati.
сийласааман̃н̃аг̇ад̇аанам̣ сад̇анд̇и сийлзна самаанабхаавам̣ г̇ад̇аанам̣ санд̇аанам̣. сийлагат̇аа жа но бхависсад̇ийд̇и звам̣ самаанасийлаанам̣ амхаагам̣ сийламзва аараб̣бха гат̇аа бхависсад̇и. саа жа но бавад̇д̇иний бхависсад̇ийд̇и саа жа амхаагам̣ гат̇аа д̣̇ивасамби гат̇знд̇аанам̣ бавад̇д̇иссад̇и на бадихан̃н̃иссад̇и. саа жа но паасу бхависсад̇ийд̇и саа жа д̣̇ивасамби бавад̇д̇амаанаа сийлагат̇аа амхаагам̣ паасувихааро сукавихааро бхависсад̇и. самаад̇хибан̃н̃аагат̇аасуби зсзва наяо.
Sīlasāmaññagatānaṃ satanti sīlena samānabhāvaṃ gatānaṃ santānaṃ. Sīlakathāca no bhavissatīti evaṃ samānasīlānaṃ amhākaṃ sīlameva ārabbha kathā bhavissati. Sā ca no pavattinī bhavissatīti sā ca amhākaṃ kathā divasampi kathentānaṃ pavattissati na paṭihaññissati. Sā ca no phāsu bhavissatīti sā ca divasampi pavattamānā sīlakathā amhākaṃ phāsuvihāro sukhavihāro bhavissati. Samādhipaññākathāsupi eseva nayo.
сийлагканд̇ханд̇и сийлараасим̣. д̇ад̇т̇а д̇ад̇т̇а бан̃н̃ааяа ануг̇г̇ахзссаамийд̇и зд̇т̇а сийласса асаббааяз анубагаарад̇хаммз важ̇ж̇зд̇ваа саббааяз убагаарад̇хаммз сзванд̇о д̇асмим̣ д̇асмим̣ таанз сийлагканд̇хам̣ бан̃н̃ааяа ануг̇г̇ан̣хаад̇и наама. самаад̇хибан̃н̃аагканд̇хзсуби зсзва наяо. нихийяад̇ийд̇и ад̇д̇ано хийнад̇арам̣ буг̇г̇алам̣ сзванд̇о каарабариссааванз аасид̇д̇ауд̣̇агам̣ вияа сад̇ад̇ам̣ самид̇ам̣ хааяад̇и барихааяад̇и. д̇уляасзвийд̇и ад̇д̇анаа самаанасзвий. сздтамубанаманд̇и сздтам̣ буг̇г̇алам̣ он̣аманд̇о. уд̣̇зд̇и киббанд̇и киббамзва вад̣дхад̇и. д̇асмаа ад̇д̇ано уд̇д̇арим̣ бхаж̇зт̇аад̇и яасмаа сздтам̣ буг̇г̇алам̣ убанаманд̇о уд̣̇зд̇и киббам̣, д̇асмаа ад̇д̇ано уд̇д̇арид̇арам̣ висидтад̇арам̣ бхаж̇зт̇а.
Sīlakkhandhanti sīlarāsiṃ. Tattha tattha paññāya anuggahessāmīti ettha sīlassa asappāye anupakāradhamme vajjetvā sappāye upakāradhamme sevanto tasmiṃ tasmiṃ ṭhāne sīlakkhandhaṃ paññāya anuggaṇhāti nāma. Samādhipaññākkhandhesupi eseva nayo. Nihīyatīti attano hīnataraṃ puggalaṃ sevanto khāraparissāvane āsittaudakaṃ viya satataṃ samitaṃ hāyati parihāyati. Tulyasevīti attanā samānasevī. Seṭṭhamupanamanti seṭṭhaṃ puggalaṃ oṇamanto. Udeti khippanti khippameva vaḍḍhati. Tasmā attano uttariṃ bhajethāti yasmā seṭṭhaṃ puggalaṃ upanamanto udeti khippaṃ, tasmā attano uttaritaraṃ visiṭṭhataraṃ bhajetha.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. сзвид̇аб̣б̣асуд̇д̇ам̣ • 6. Sevitabbasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6. сзвид̇аб̣б̣асуд̇д̇аван̣н̣анаа • 6. Sevitabbasuttavaṇṇanā
