| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
6. сзвид̇аб̣б̣асуд̇д̇аван̣н̣анаа
6. Sevitabbasuttavaṇṇanā
26. чадтз убасан̇гамид̇аб̣б̣од̇и гаалзна гаалам̣ убасан̇гамид̇аб̣б̣о. аллийяид̇аб̣б̣од̇и чааяааяа вияа винаа бхааванааяа ниллийяид̇аб̣б̣о. бунаббунам̣ убаасид̇аб̣б̣од̇и абхин̣хасо убанисийд̣̇ид̇аб̣б̣о. ануд̣̇д̣̇аяаад̇и мзд̇д̇аабуб̣б̣абхааг̇о. убасан̇гамид̇ум̣ ваддад̇ийд̇и ‘‘зд̇асса сийлзна абхивуд̣̇д̇хи бхависсад̇ий’’д̇и убагаарад̇т̇ам̣ убасзванаад̣̇и ваддад̇и.
26. Chaṭṭhe upasaṅkamitabboti kālena kālaṃ upasaṅkamitabbo. Allīyitabboti chāyāya viya vinā bhāvanāya nillīyitabbo. Punappunaṃ upāsitabboti abhiṇhaso upanisīditabbo. Anuddayāti mettāpubbabhāgo. Upasaṅkamituṃ vaṭṭatīti ‘‘etassa sīlena abhivuddhi bhavissatī’’ti upakāratthaṃ upasevanādi vaṭṭati.
на бадихан̃н̃иссад̇ийд̇и ‘‘абзхи, гим̣ зд̇знаа’’д̇и бадигкзбаабхаавад̇о бияасийлад̇д̇аа на бадихан̃н̃иссад̇и. паасу бхависсад̇ийд̇и д̣̇вийсу хи сийлаванд̇зсу згзна сийласса ван̣н̣з гат̇ид̇з ид̇аро анумод̣̇ад̇и. д̇зна д̇зсам̣ гат̇аа паасу жзва ход̇и бавад̇д̇иний жа. згасмим̣ бана д̣̇уссийлз сад̇и д̣̇уссийласса сийлагат̇аа д̣̇уггат̇аа, нзва сийлагат̇аа ход̇и, на паасу ход̇и, на бавад̇д̇иний. д̣̇уссийласса хи сийлагат̇аа апаасу бхависсад̇и. сийлагат̇ааяа вуд̇д̇амад̇т̇ам̣ самаад̇хибан̃н̃аагат̇аасуби ад̇ид̣̇исад̇и ‘‘самаад̇хибан̃н̃аагат̇аасуби зсзва наяо’’д̇и. д̣̇вз хи самаад̇хилаабхино самаад̇хигат̇ам̣ саббан̃н̃аа жа бан̃н̃аагат̇ам̣ гат̇знд̇аа рад̇д̇им̣ ваа д̣̇ивасам̣ ваа ад̇иггаманд̇амби на ж̇аананд̇и.
Na paṭihaññissatīti ‘‘apehi, kiṃ etenā’’ti paṭikkhepābhāvato piyasīlattā na paṭihaññissati. Phāsu bhavissatīti dvīsu hi sīlavantesu ekena sīlassa vaṇṇe kathite itaro anumodati. Tena tesaṃ kathā phāsu ceva hoti pavattinī ca. Ekasmiṃ pana dussīle sati dussīlassa sīlakathā dukkathā, neva sīlakathā hoti, na phāsu hoti, na pavattinī. Dussīlassa hi sīlakathā aphāsu bhavissati. Sīlakathāya vuttamatthaṃ samādhipaññākathāsupi atidisati ‘‘samādhipaññākathāsupi eseva nayo’’ti. Dve hi samādhilābhino samādhikathaṃ sappaññā ca paññākathaṃ kathentā rattiṃ vā divasaṃ vā atikkamantampi na jānanti.
д̇ад̇т̇а д̇ад̇т̇а бан̃н̃ааяа ануг̇г̇ахзссаамийд̇и д̇асмим̣ д̇асмим̣ ануг̇г̇ахзд̇аб̣б̣з бан̃н̃ааяа сод̇хзд̇аб̣б̣з вад̣дхзд̇аб̣б̣з жа ад̇хигасийлам̣ ниссааяа уббаннабан̃н̃ааяа ануг̇г̇ахзссаамийд̇и ад̇т̇о. д̇ан̃жа ануг̇г̇ан̣ханам̣ сийласса асаббааяаанубагаарад̇хаммз важ̇ж̇зд̇ваа д̇аббадибагкасзванзна ход̇ийд̇и ааха ‘‘сийласса асаббааяз’’д̇иаад̣̇и. сийласса асаббааяаанубагаарад̇хаммаа наама анаажаарааг̇ожараад̣̇аяо, д̇аббадибагкад̇о убагаарад̇хаммаа взд̣̇ид̇аб̣б̣аа. д̇асмим̣ д̇асмим̣ таанзд̇и д̇ам̣д̇ам̣сигкаагодтаасабад̣̇адтаанз. ануг̇г̇ан̣хаад̇и наамаад̇и абхиннам̣ асам̣гилидтам̣ гад̇ваа ануг̇г̇ан̣хаад̇и наама. каарабариссааванзд̇и раж̇агаанам̣ уусакаараад̣̇икаарабариссааванабадз. хааяад̇ийд̇и сийлаад̣̇инаа барихааяад̇и. сздтам̣ буг̇г̇аланд̇и сийлаад̣̇иг̇ун̣зхи сздтам̣ уд̇д̇арид̇арам̣ уд̇д̇амам̣ буг̇г̇алам̣.
Tattha tattha paññāya anuggahessāmīti tasmiṃ tasmiṃ anuggahetabbe paññāya sodhetabbe vaḍḍhetabbe ca adhikasīlaṃ nissāya uppannapaññāya anuggahessāmīti attho. Tañca anuggaṇhanaṃ sīlassa asappāyānupakāradhamme vajjetvā tappaṭipakkhasevanena hotīti āha ‘‘sīlassa asappāye’’tiādi. Sīlassa asappāyānupakāradhammā nāma anācārāgocarādayo, tappaṭipakkhato upakāradhammā veditabbā. Tasmiṃ tasmiṃṭhāneti taṃtaṃsikkhākoṭṭhāsapadaṭṭhāne. Anuggaṇhāti nāmāti abhinnaṃ asaṃkiliṭṭhaṃ katvā anuggaṇhāti nāma. Khāraparissāvaneti rajakānaṃ ūsakhārādikhāraparissāvanapaṭe. Hāyatīti sīlādinā parihāyati. Seṭṭhaṃ puggalanti sīlādiguṇehi seṭṭhaṃ uttaritaraṃ uttamaṃ puggalaṃ.
сзвид̇аб̣б̣асуд̇д̇аван̣н̣анаа нидтид̇аа.
Sevitabbasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 6. сзвид̇аб̣б̣асуд̇д̇ам̣ • 6. Sevitabbasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. сзвид̇аб̣б̣асуд̇д̇аван̣н̣анаа • 6. Sevitabbasuttavaṇṇanā
