| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੬. ਸੇવਿਤਬ੍ਬਸੁਤ੍ਤવਣ੍ਣਨਾ
6. Sevitabbasuttavaṇṇanā
੨੬. ਛਟ੍ਠੇ ਸੇવਿਤਬ੍ਬੋਤਿ ਉਪਸਙ੍ਕਮਿਤਬ੍ਬੋ। ਭਜਿਤਬ੍ਬੋਤਿ ਅਲ੍ਲੀਯਿਤਬ੍ਬੋ। ਪਯਿਰੁਪਾਸਿਤਬ੍ਬੋਤਿ ਸਨ੍ਤਿਕੇ ਨਿਸੀਦਨવਸੇਨ ਪੁਨਪ੍ਪੁਨਂ ਉਪਾਸਿਤਬ੍ਬੋ। ਸਕ੍ਕਤ੍વਾ ਗਰੁਂ ਕਤ੍વਾਤਿ ਸਕ੍ਕਾਰਞ੍ਚੇવ ਗਰੁਕਾਰਞ੍ਚ ਕਤ੍વਾ। ਹੀਨੋ ਹੋਤਿ ਸੀਲੇਨਾਤਿਆਦੀਸੁ ਉਪਾਦਾਯੁਪਾਦਾਯ ਹੀਨਤਾ વੇਦਿਤਬ੍ਬਾ। ਤਤ੍ਥ ਯੋ ਹਿ ਪਞ੍ਚ ਸੀਲਾਨਿ ਰਕ੍ਖਤਿ, ਸੋ ਦਸ ਸੀਲਾਨਿ ਰਕ੍ਖਨ੍ਤੇਨ ਨ ਸੇવਿਤਬ੍ਬੋ । ਯੋ ਦਸ ਸੀਲਾਨਿ ਰਕ੍ਖਤਿ, ਸੋ ਚਤੁਪਾਰਿਸੁਦ੍ਧਿਸੀਲਂ ਰਕ੍ਖਨ੍ਤੇਨ ਨ ਸੇવਿਤਬ੍ਬੋ। ਅਞ੍ਞਤ੍ਰ ਅਨੁਦ੍ਦਯਾ ਅਞ੍ਞਤ੍ਰ ਅਨੁਕਮ੍ਪਾਤਿ ਠਪੇਤ੍વਾ ਅਨੁਦ੍ਦਯਞ੍ਚ ਅਨੁਕਮ੍ਪਞ੍ਚ। ਅਤ੍ਤਨੋ ਅਤ੍ਥਾਯੇવ ਹਿ ਏવਰੂਪੋ ਪੁਗ੍ਗਲੋ ਨ ਸੇવਿਤਬ੍ਬੋ, ਅਨੁਦ੍ਦਯਾਨੁਕਮ੍ਪਾવਸੇਨ ਪਨ ਤਂ ਉਪਸਙ੍ਕਮਿਤੁਂ વਟ੍ਟਤਿ।
26. Chaṭṭhe sevitabboti upasaṅkamitabbo. Bhajitabboti allīyitabbo. Payirupāsitabboti santike nisīdanavasena punappunaṃ upāsitabbo. Sakkatvā garuṃ katvāti sakkārañceva garukārañca katvā. Hīno hoti sīlenātiādīsu upādāyupādāya hīnatā veditabbā. Tattha yo hi pañca sīlāni rakkhati, so dasa sīlāni rakkhantena na sevitabbo . Yo dasa sīlāni rakkhati, so catupārisuddhisīlaṃ rakkhantena na sevitabbo. Aññatra anuddayā aññatra anukampāti ṭhapetvā anuddayañca anukampañca. Attano atthāyeva hi evarūpo puggalo na sevitabbo, anuddayānukampāvasena pana taṃ upasaṅkamituṃ vaṭṭati.
ਸੀਲਸਾਮਞ੍ਞਗਤਾਨਂ ਸਤਨ੍ਤਿ ਸੀਲੇਨ ਸਮਾਨਭਾવਂ ਗਤਾਨਂ ਸਨ੍ਤਾਨਂ। ਸੀਲਕਥਾ ਚ ਨੋ ਭવਿਸ੍ਸਤੀਤਿ ਏવਂ ਸਮਾਨਸੀਲਾਨਂ ਅਮ੍ਹਾਕਂ ਸੀਲਮੇવ ਆਰਬ੍ਭ ਕਥਾ ਭવਿਸ੍ਸਤਿ। ਸਾ ਚ ਨੋ ਪવਤ੍ਤਿਨੀ ਭવਿਸ੍ਸਤੀਤਿ ਸਾ ਚ ਅਮ੍ਹਾਕਂ ਕਥਾ ਦਿવਸਮ੍ਪਿ ਕਥੇਨ੍ਤਾਨਂ ਪવਤ੍ਤਿਸ੍ਸਤਿ ਨ ਪਟਿਹਞ੍ਞਿਸ੍ਸਤਿ। ਸਾ ਚ ਨੋ ਫਾਸੁ ਭવਿਸ੍ਸਤੀਤਿ ਸਾ ਚ ਦਿવਸਮ੍ਪਿ ਪવਤ੍ਤਮਾਨਾ ਸੀਲਕਥਾ ਅਮ੍ਹਾਕਂ ਫਾਸੁવਿਹਾਰੋ ਸੁਖવਿਹਾਰੋ ਭવਿਸ੍ਸਤਿ। ਸਮਾਧਿਪਞ੍ਞਾਕਥਾਸੁਪਿ ਏਸੇવ ਨਯੋ।
Sīlasāmaññagatānaṃ satanti sīlena samānabhāvaṃ gatānaṃ santānaṃ. Sīlakathāca no bhavissatīti evaṃ samānasīlānaṃ amhākaṃ sīlameva ārabbha kathā bhavissati. Sā ca no pavattinī bhavissatīti sā ca amhākaṃ kathā divasampi kathentānaṃ pavattissati na paṭihaññissati. Sā ca no phāsu bhavissatīti sā ca divasampi pavattamānā sīlakathā amhākaṃ phāsuvihāro sukhavihāro bhavissati. Samādhipaññākathāsupi eseva nayo.
ਸੀਲਕ੍ਖਨ੍ਧਨ੍ਤਿ ਸੀਲਰਾਸਿਂ। ਤਤ੍ਥ ਤਤ੍ਥ ਪਞ੍ਞਾਯ ਅਨੁਗ੍ਗਹੇਸ੍ਸਾਮੀਤਿ ਏਤ੍ਥ ਸੀਲਸ੍ਸ ਅਸਪ੍ਪਾਯੇ ਅਨੁਪਕਾਰਧਮ੍ਮੇ વਜ੍ਜੇਤ੍વਾ ਸਪ੍ਪਾਯੇ ਉਪਕਾਰਧਮ੍ਮੇ ਸੇવਨ੍ਤੋ ਤਸ੍ਮਿਂ ਤਸ੍ਮਿਂ ਠਾਨੇ ਸੀਲਕ੍ਖਨ੍ਧਂ ਪਞ੍ਞਾਯ ਅਨੁਗ੍ਗਣ੍ਹਾਤਿ ਨਾਮ। ਸਮਾਧਿਪਞ੍ਞਾਕ੍ਖਨ੍ਧੇਸੁਪਿ ਏਸੇવ ਨਯੋ। ਨਿਹੀਯਤੀਤਿ ਅਤ੍ਤਨੋ ਹੀਨਤਰਂ ਪੁਗ੍ਗਲਂ ਸੇવਨ੍ਤੋ ਖਾਰਪਰਿਸ੍ਸਾવਨੇ ਆਸਿਤ੍ਤਉਦਕਂ વਿਯ ਸਤਤਂ ਸਮਿਤਂ ਹਾਯਤਿ ਪਰਿਹਾਯਤਿ। ਤੁਲ੍ਯਸੇવੀਤਿ ਅਤ੍ਤਨਾ ਸਮਾਨਸੇવੀ। ਸੇਟ੍ਠਮੁਪਨਮਨ੍ਤਿ ਸੇਟ੍ਠਂ ਪੁਗ੍ਗਲਂ ਓਣਮਨ੍ਤੋ। ਉਦੇਤਿ ਖਿਪ੍ਪਨ੍ਤਿ ਖਿਪ੍ਪਮੇવ વਡ੍ਢਤਿ। ਤਸ੍ਮਾ ਅਤ੍ਤਨੋ ਉਤ੍ਤਰਿਂ ਭਜੇਥਾਤਿ ਯਸ੍ਮਾ ਸੇਟ੍ਠਂ ਪੁਗ੍ਗਲਂ ਉਪਨਮਨ੍ਤੋ ਉਦੇਤਿ ਖਿਪ੍ਪਂ, ਤਸ੍ਮਾ ਅਤ੍ਤਨੋ ਉਤ੍ਤਰਿਤਰਂ વਿਸਿਟ੍ਠਤਰਂ ਭਜੇਥ।
Sīlakkhandhanti sīlarāsiṃ. Tattha tattha paññāya anuggahessāmīti ettha sīlassa asappāye anupakāradhamme vajjetvā sappāye upakāradhamme sevanto tasmiṃ tasmiṃ ṭhāne sīlakkhandhaṃ paññāya anuggaṇhāti nāma. Samādhipaññākkhandhesupi eseva nayo. Nihīyatīti attano hīnataraṃ puggalaṃ sevanto khāraparissāvane āsittaudakaṃ viya satataṃ samitaṃ hāyati parihāyati. Tulyasevīti attanā samānasevī. Seṭṭhamupanamanti seṭṭhaṃ puggalaṃ oṇamanto. Udeti khippanti khippameva vaḍḍhati. Tasmā attano uttariṃ bhajethāti yasmā seṭṭhaṃ puggalaṃ upanamanto udeti khippaṃ, tasmā attano uttaritaraṃ visiṭṭhataraṃ bhajetha.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੬. ਸੇવਿਤਬ੍ਬਸੁਤ੍ਤਂ • 6. Sevitabbasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੬. ਸੇવਿਤਬ੍ਬਸੁਤ੍ਤવਣ੍ਣਨਾ • 6. Sevitabbasuttavaṇṇanā
