| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[310] 10. сзяяаж̇аад̇агаван̣н̣анаа
[310] 10. Seyyajātakavaṇṇanā
сасамуд̣̇д̣̇абарияааяанд̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇абхигкум̣ аараб̣бха гат̇зси. со хи саавад̇т̇ияам̣ бин̣д̣ааяа жаранд̇о згам̣ абхируубам̣ алан̇гад̇абадияад̇д̇ам̣ ид̇т̇им̣ д̣̇исваа угган̣тид̇о саасанз наабхирами. ат̇а бхигкуу бхаг̇авад̇о аарожзсум̣. со бхаг̇авад̇аа ‘‘сажжам̣ гира д̇вам̣ бхигку угган̣тид̇осий’’д̇и будто ‘‘сажжам̣, бханд̇з’’д̇и вад̇ваа ‘‘го д̇ам̣ угган̣таабзсий’’д̇и вуд̇д̇з д̇амад̇т̇ам̣ аарожзси. сад̇т̇аа ‘‘гасмаа д̇вам̣ зваруубз нияяаанигасаасанз баб̣б̣аж̇ид̇ваа угган̣тид̇оси, буб̣б̣з бан̣д̣ид̇аа бурохид̇адтаанам̣ лабханд̇ааби д̇ам̣ бадигкибид̇ваа баб̣б̣аж̇им̣суу’’д̇и вад̇ваа ад̇ийд̇ам̣ аахари.
Sasamuddapariyāyanti idaṃ satthā jetavane viharanto ukkaṇṭhitabhikkhuṃ ārabbha kathesi. So hi sāvatthiyaṃ piṇḍāya caranto ekaṃ abhirūpaṃ alaṅkatapaṭiyattaṃ itthiṃ disvā ukkaṇṭhito sāsane nābhirami. Atha bhikkhū bhagavato ārocesuṃ. So bhagavatā ‘‘saccaṃ kira tvaṃ bhikkhu ukkaṇṭhitosī’’ti puṭṭho ‘‘saccaṃ, bhante’’ti vatvā ‘‘ko taṃ ukkaṇṭhāpesī’’ti vutte tamatthaṃ ārocesi. Satthā ‘‘kasmā tvaṃ evarūpe niyyānikasāsane pabbajitvā ukkaṇṭhitosi, pubbe paṇḍitā purohitaṭṭhānaṃ labhantāpi taṃ paṭikkhipitvā pabbajiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о бурохид̇асса б̣раахман̣ияаа гужчимхи бадисанд̇хим̣ г̇ан̣хид̇ваа ран̃н̃о буд̇д̇зна сад̣̇д̇хим̣ згад̣̇ивасз виж̇ааяи. рааж̇аа ‘‘ад̇т̇и ну ко гожи мз буд̇д̇зна сад̣̇д̇хим̣ згад̣̇ивасз ж̇аад̇о’’д̇и амажжз бужчи. ‘‘ад̇т̇и, махаарааж̇а, бурохид̇асса буд̇д̇о’’д̇и. рааж̇аа д̇ам̣ аахараабзд̇ваа д̇хаад̇ийнам̣ д̣̇ад̇ваа буд̇д̇зна сад̣̇д̇хим̣ згад̇ова бадиж̇аг̇г̇аабзси. убхиннам̣ аабхаран̣аани жзва баанабхож̇анаад̣̇ийни жа згасад̣̇исаанзва ахзсум̣. д̇з ваяаббад̇д̇аа згад̇ова д̇аггасилам̣ г̇анд̇ваа саб̣б̣асиббаани уг̇г̇ан̣хид̇ваа ааг̇амам̣су. рааж̇аа буд̇д̇асса обараж̇ж̇ам̣ ад̣̇ааси, махааяасо ахоси. д̇ад̇о бадтааяа б̣од̇хисад̇д̇о рааж̇абуд̇д̇зна сад̣̇д̇хим̣ згад̇ова каад̣̇ад̇и бивад̇и саяад̇и, ан̃н̃аман̃н̃ам̣ виссаасо т̇иро ахоси.
Atīte bārāṇasiyaṃ brahmadatte rajjaṃ kārente bodhisatto purohitassa brāhmaṇiyā kucchimhi paṭisandhiṃ gaṇhitvā rañño puttena saddhiṃ ekadivase vijāyi. Rājā ‘‘atthi nu kho koci me puttena saddhiṃ ekadivase jāto’’ti amacce pucchi. ‘‘Atthi, mahārāja, purohitassa putto’’ti. Rājā taṃ āharāpetvā dhātīnaṃ datvā puttena saddhiṃ ekatova paṭijaggāpesi. Ubhinnaṃ ābharaṇāni ceva pānabhojanādīni ca ekasadisāneva ahesuṃ. Te vayappattā ekatova takkasilaṃ gantvā sabbasippāni uggaṇhitvā āgamaṃsu. Rājā puttassa oparajjaṃ adāsi, mahāyaso ahosi. Tato paṭṭhāya bodhisatto rājaputtena saddhiṃ ekatova khādati pivati sayati, aññamaññaṃ vissāso thiro ahosi.
абарабхааг̇з рааж̇абуд̇д̇о бид̇у ажжаязна раж̇ж̇з бад̇идтааяа махаасамбад̇д̇им̣ анубхави. б̣од̇хисад̇д̇о жинд̇зси ‘‘маяхам̣ сахааяо раж̇ж̇аманусаасад̇и, саллагкид̇агкан̣зязва ко бана маяхам̣ бурохид̇адтаанам̣ д̣̇ассад̇и, гим̣ мз гхарааваасзна, баб̣б̣аж̇ид̇ваа вивзгамануб̣руухзссаамий’’д̇и? со маад̇аабид̇аро ванд̣̇ид̇ваа баб̣б̣аж̇ж̇ам̣ ануж̇аанаабзд̇ваа махаасамбад̇д̇им̣ чад̣д̣зд̇ваа згагова нигкамид̇ваа химаванд̇ам̣ бависид̇ваа манорамз бхуумибхааг̇з бан̣н̣асаалам̣ маабзд̇ваа исибаб̣б̣аж̇ж̇ам̣ баб̣б̣аж̇ид̇ваа абхин̃н̃аа жа самаабад̇д̇ияо жа ниб̣б̣ад̇д̇зд̇ваа жхаанагийл̣ам̣ гийл̣анд̇о вихааси. д̇ад̣̇аа рааж̇аа д̇ам̣ ануссарид̇ваа ‘‘маяхам̣ сахааяо на бан̃н̃ааяад̇и, гахам̣ со’’д̇и бужчи. амажжаа д̇асса баб̣б̣аж̇ид̇абхаавам̣ аарожзд̇ваа ‘‘раман̣ийяз гира ванасан̣д̣з васад̇ий’’д̇и аахам̣су. рааж̇аа д̇асса васаногаасам̣ бужчид̇ваа сзяяам̣ наама амажжам̣ ‘‘г̇ажча сахааяам̣ мз г̇ахзд̇ваа зхи, бурохид̇адтаанамасса д̣̇ассаамий’’д̇и ааха. со ‘‘саад̇хуу’’д̇и бадиссун̣ид̇ваа б̣аараан̣асид̇о нигкамид̇ваа анубуб̣б̣зна бажжанд̇аг̇аамам̣ бад̇ваа д̇ад̇т̇а канд̇хааваарам̣ табзд̇ваа ванажарагзхи сад̣̇д̇хим̣ б̣од̇хисад̇д̇асса васаногаасам̣ г̇анд̇ваа б̣од̇хисад̇д̇ам̣ бан̣н̣асаалад̣̇ваарз суван̣н̣абадимам̣ вияа нисиннам̣ д̣̇исваа ванд̣̇ид̇ваа згаманд̇ам̣ нисийд̣̇ид̇ваа гад̇абадисант̇ааро ‘‘бханд̇з, рааж̇аа д̇уяхам̣ бурохид̇адтаанам̣ д̣̇аад̇угаамо, ааг̇аманам̣ д̇з ижчад̇ий’’д̇и ааха.
Aparabhāge rājaputto pitu accayena rajje patiṭṭhāya mahāsampattiṃ anubhavi. Bodhisatto cintesi ‘‘mayhaṃ sahāyo rajjamanusāsati, sallakkhitakkhaṇeyeva kho pana mayhaṃ purohitaṭṭhānaṃ dassati, kiṃ me gharāvāsena, pabbajitvā vivekamanubrūhessāmī’’ti? So mātāpitaro vanditvā pabbajjaṃ anujānāpetvā mahāsampattiṃ chaḍḍetvā ekakova nikkhamitvā himavantaṃ pavisitvā manorame bhūmibhāge paṇṇasālaṃ māpetvā isipabbajjaṃ pabbajitvā abhiññā ca samāpattiyo ca nibbattetvā jhānakīḷaṃ kīḷanto vihāsi. Tadā rājā taṃ anussaritvā ‘‘mayhaṃ sahāyo na paññāyati, kahaṃ so’’ti pucchi. Amaccā tassa pabbajitabhāvaṃ ārocetvā ‘‘ramaṇīye kira vanasaṇḍe vasatī’’ti āhaṃsu. Rājā tassa vasanokāsaṃ pucchitvā seyyaṃ nāma amaccaṃ ‘‘gaccha sahāyaṃ me gahetvā ehi, purohitaṭṭhānamassa dassāmī’’ti āha. So ‘‘sādhū’’ti paṭissuṇitvā bārāṇasito nikkhamitvā anupubbena paccantagāmaṃ patvā tattha khandhāvāraṃ ṭhapetvā vanacarakehi saddhiṃ bodhisattassa vasanokāsaṃ gantvā bodhisattaṃ paṇṇasāladvāre suvaṇṇapaṭimaṃ viya nisinnaṃ disvā vanditvā ekamantaṃ nisīditvā katapaṭisanthāro ‘‘bhante, rājā tuyhaṃ purohitaṭṭhānaṃ dātukāmo, āgamanaṃ te icchatī’’ti āha.
б̣од̇хисад̇д̇о ‘‘д̇идтад̇у бурохид̇адтаанам̣, ахам̣ сагалам̣ гаасигосалаж̇амб̣уд̣̇ийбараж̇ж̇ам̣ жаггавад̇д̇исиримзва ваа лабханд̇оби на г̇ажчиссаами, на хи бан̣д̣ид̇аа сагим̣ ж̇ахид̇агилзсз буна г̇ан̣ханд̇и, сагим̣ ж̇ахид̇ан̃хи нидтубхакзл̣асад̣̇исам̣ ход̇ий’’д̇и вад̇ваа имаа г̇аат̇аа абхааси –
Bodhisatto ‘‘tiṭṭhatu purohitaṭṭhānaṃ, ahaṃ sakalaṃ kāsikosalajambudīparajjaṃ cakkavattisirimeva vā labhantopi na gacchissāmi, na hi paṇḍitā sakiṃ jahitakilese puna gaṇhanti, sakiṃ jahitañhi niṭṭhubhakheḷasadisaṃ hotī’’ti vatvā imā gāthā abhāsi –
37.
37.
‘‘сасамуд̣̇д̣̇абарияааяам̣, махим̣ сааг̇арагун̣д̣алам̣;
‘‘Sasamuddapariyāyaṃ, mahiṃ sāgarakuṇḍalaṃ;
на ижчз саха нинд̣̇ааяа, звам̣ сзяяа виж̇аанахи.
Na icche saha nindāya, evaṃ seyya vijānahi.
38.
38.
‘‘д̇хирад̇т̇у д̇ам̣ яасалаабхам̣, д̇ханалаабхан̃жа б̣раахман̣а;
‘‘Dhiratthu taṃ yasalābhaṃ, dhanalābhañca brāhmaṇa;
яаа вуд̇д̇и винибаад̇зна, ад̇хаммажаран̣зна ваа.
Yā vutti vinipātena, adhammacaraṇena vā.
39.
39.
‘‘аби жз бад̇д̇амаад̣̇ааяа, анаг̇ааро бариб̣б̣аж̇з;
‘‘Api ce pattamādāya, anagāro paribbaje;
сааязва ж̇ийвигаа сзяяо, яаа жаад̇хаммзна зсанаа.
Sāyeva jīvikā seyyo, yā cādhammena esanā.
40.
40.
‘‘аби жз бад̇д̇амаад̣̇ааяа, анаг̇ааро бариб̣б̣аж̇з;
‘‘Api ce pattamādāya, anagāro paribbaje;
ан̃н̃ам̣ ахим̣саяам̣ логз, аби раж̇ж̇зна д̇ам̣ вара’’нд̇и.
Aññaṃ ahiṃsayaṃ loke, api rajjena taṃ vara’’nti.
д̇ад̇т̇а сасамуд̣̇д̣̇абарияааяанд̇и барияааяо вужжад̇и баривааро, самуд̣̇д̣̇ам̣ бариваарзд̇ваа тид̇зна жаггаваал̣абаб̣б̣ад̇зна сад̣̇д̇хим̣, самуд̣̇д̣̇асан̇каад̇зна ваа бариваарзна сад̣̇д̇хинд̇и ад̇т̇о. сааг̇арагун̣д̣аланд̇и сааг̇арамаж̇жхз д̣̇ийбавасзна тид̇ад̇д̇аа д̇асса гун̣д̣алабхууд̇анд̇и ад̇т̇о. нинд̣̇ааяаад̇и жхаанасукасамбаннам̣ баб̣б̣аж̇ж̇ам̣ чад̣д̣зд̇ваа иссарияам̣ г̇ан̣хийд̇и имааяа нинд̣̇ааяа. сзяяаад̇и д̇ам̣ наамзнаалабад̇и. виж̇аанахийд̇и д̇хаммам̣ виж̇аанаахи. яаа вуд̇д̇и винибаад̇знаад̇и яаа бурохид̇адтаанавасзна лад̣̇д̇хаа яасалаабхад̇ханалаабхавуд̇д̇и жхаанасукад̇о ад̇д̇авинибаад̇анасан̇каад̇зна винибаад̇зна ид̇о г̇анд̇ваа иссарияамад̣̇амад̇д̇асса ад̇хаммажаран̣зна ваа ход̇и, д̇ам̣ вуд̇д̇им̣ д̇хирад̇т̇у.
Tattha sasamuddapariyāyanti pariyāyo vuccati parivāro, samuddaṃ parivāretvā ṭhitena cakkavāḷapabbatena saddhiṃ, samuddasaṅkhātena vā parivārena saddhinti attho. Sāgarakuṇḍalanti sāgaramajjhe dīpavasena ṭhitattā tassa kuṇḍalabhūtanti attho. Nindāyāti jhānasukhasampannaṃ pabbajjaṃ chaḍḍetvā issariyaṃ gaṇhīti imāya nindāya. Seyyāti taṃ nāmenālapati. Vijānahīti dhammaṃ vijānāhi. Yā vutti vinipātenāti yā purohitaṭṭhānavasena laddhā yasalābhadhanalābhavutti jhānasukhato attavinipātanasaṅkhātena vinipātena ito gantvā issariyamadamattassa adhammacaraṇena vā hoti, taṃ vuttiṃ dhiratthu.
бад̇д̇амаад̣̇ааяаад̇и бхигкаабхааж̇анам̣ г̇ахзд̇ваа. анаг̇аарод̇и аби ахам̣ аг̇ааравирахид̇о барагулзсу жарзяяам̣. сааязва ж̇ийвигаад̇и саа зва мз ж̇ийвигаа сзяяо варад̇араа. яаа жаад̇хаммзна зсанаад̇и яаа жа ад̇хаммзна зсанаа. ид̣̇ам̣ вуд̇д̇ам̣ ход̇и – яаа ад̇хаммзна зсанаа, д̇ад̇о зсаава ж̇ийвигаа сунд̣̇арад̇араад̇и. ахим̣саяанд̇и авихзтзнд̇о. аби раж̇ж̇знаад̇и звам̣ барам̣ авихзтзнд̇о габаалахад̇т̇асса мама ж̇ийвигагаббанам̣ раж̇ж̇знааби варам̣ уд̇д̇аманд̇и.
Pattamādāyāti bhikkhābhājanaṃ gahetvā. Anagāroti api ahaṃ agāravirahito parakulesu careyyaṃ. Sāyeva jīvikāti sā eva me jīvikā seyyo varatarā. Yā cādhammena esanāti yā ca adhammena esanā. Idaṃ vuttaṃ hoti – yā adhammena esanā, tato esāva jīvikā sundaratarāti. Ahiṃsayanti aviheṭhento. Api rajjenāti evaṃ paraṃ aviheṭhento kapālahatthassa mama jīvikakappanaṃ rajjenāpi varaṃ uttamanti.
ид̇и со бунаббунам̣ яаажанд̇амби д̇ам̣ бадигкиби. сзяяоби д̇асса манам̣ алабхид̇ваа д̇ам̣ ванд̣̇ид̇ваа г̇анд̇ваа д̇асса анааг̇аманабхаавам̣ ран̃н̃о аарожзси.
Iti so punappunaṃ yācantampi taṃ paṭikkhipi. Seyyopi tassa manaṃ alabhitvā taṃ vanditvā gantvā tassa anāgamanabhāvaṃ rañño ārocesi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи, абарзби б̣ахуу сод̇аабад̇д̇ипалаад̣̇ийни сажчигарим̣су.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi, aparepi bahū sotāpattiphalādīni sacchikariṃsu.
д̇ад̣̇аа рааж̇аа аананд̣̇о ахоси, сзяяо саарибуд̇д̇о, бурохид̇абуд̇д̇о бана ахамзва ахосинд̇и.
Tadā rājā ānando ahosi, seyyo sāriputto, purohitaputto pana ahameva ahosinti.
сзяяаж̇аад̇агаван̣н̣анаа д̣̇асамаа.
Seyyajātakavaṇṇanā dasamā.
гаалин̇г̇аваг̇г̇о батамо.
Kāliṅgavaggo paṭhamo.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 310. сзяяаж̇аад̇агам̣ • 310. Seyyajātakaṃ
