| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
4-7. сзяяаасуд̇д̇аад̣̇иван̣н̣анаа
4-7. Seyyāsuttādivaṇṇanā
246-9. жад̇уд̇т̇з бзд̇аад̇и бзжжабхаавам̣ г̇ад̇аа. д̇з бана яасмаа ид̇ха гад̇агаалагирияаа гаалзна гад̇аж̇ийвид̇ужчзд̣̇аа хонд̇и, д̇асмаа вуд̇д̇ам̣ ‘‘гаалагад̇аа вужжанд̇ий’’д̇и, мад̇аад̇и ад̇т̇о. ат̇а ваа бзжжабхавам̣ г̇ад̇аа, бзд̇уубабад̇д̇ивасзна ниб̣б̣ад̇д̇им̣ убаг̇ад̇аад̇и ад̇т̇о. д̇знааха ‘‘ат̇а ваа бзд̇ависаяз ниб̣б̣ад̇д̇аа бзд̇аа наамаа’’д̇и. згзна бассзна саяид̇ум̣ на саггонд̇и д̣̇угкуббад̇д̇ид̇о.
246-9. Catutthe petāti peccabhāvaṃ gatā. Te pana yasmā idha katakālakiriyā kālena katajīvitucchedā honti, tasmā vuttaṃ ‘‘kālakatā vuccantī’’ti, matāti attho. Atha vā peccabhavaṃ gatā, petūpapattivasena nibbattiṃ upagatāti attho. Tenāha ‘‘atha vā petavisaye nibbattā petā nāmā’’ti. Ekena passena sayituṃ na sakkonti dukkhuppattito.
д̇зж̇уссад̣̇ад̇д̇аад̇и иминаа сийхасса абхийругабхаавам̣ д̣̇ассзд̇и. бхийругаа сзсамиг̇аа ад̇д̇ано аасаяам̣ бависид̇ваа санд̇аасабуб̣б̣агам̣ яат̇аа д̇ат̇аа саяанд̇и, сийхо бана абхийруго сабхаавад̇о сад̇огаарий бхигку вияа сад̇им̣ убадтабзд̇ваава саяад̇и. д̇знааха ‘‘д̣̇вз буримабаад̣̇з’’д̇иаад̣̇и. д̣̇агкин̣з буримабаад̣̇з ваамасса буримабаад̣̇асса табанавасзна д̣̇вз буримабаад̣̇з згасмим̣ таанз табзд̇ваа. бажчимабаад̣̇з вуд̇д̇анаязнзва ид̇хааби згасмим̣ таанз табанам̣ взд̣̇ид̇аб̣б̣ам̣, тид̇огаасасаллагкан̣ам̣ абхийругавасзнзва. сийсам̣ бана угкибид̇ваад̇иаад̣̇инаа вуд̇д̇асийхагирияаа ануд̇расд̇аббаб̣уж̇жханаа вияа абхийрубхаавасид̣̇д̇хад̇хаммад̇аавасзнзваад̇и взд̣̇ид̇аб̣б̣аа. сийхавиж̇амбханам̣ ад̇ивзлам̣ згаагаарз табид̇аанам̣ сарийрааваяаваанам̣ г̇аманаад̣̇игирияаасу яог̇яабхааваабаад̣̇анад̇т̇ам̣. д̇игкад̇д̇ум̣ сийханаад̣̇анад̣̇анам̣ аббзсагкамиг̇арааж̇зхи барид̇д̇аасабарихаран̣ад̇т̇ам̣.
Tejussadattāti iminā sīhassa abhīrukabhāvaṃ dasseti. Bhīrukā sesamigā attano āsayaṃ pavisitvā santāsapubbakaṃ yathā tathā sayanti, sīho pana abhīruko sabhāvato satokārī bhikkhu viya satiṃ upaṭṭhapetvāva sayati. Tenāha ‘‘dve purimapāde’’tiādi. Dakkhiṇe purimapāde vāmassa purimapādassa ṭhapanavasena dve purimapāde ekasmiṃ ṭhāne ṭhapetvā. Pacchimapāde vuttanayeneva idhāpi ekasmiṃ ṭhāne ṭhapanaṃ veditabbaṃ, ṭhitokāsasallakkhaṇaṃ abhīrukavaseneva. Sīsaṃ pana ukkhipitvātiādinā vuttasīhakiriyā anutrastappabujjhanā viya abhīrubhāvasiddhadhammatāvasenevāti veditabbā. Sīhavijambhanaṃ ativelaṃ ekākāre ṭhapitānaṃ sarīrāvayavānaṃ gamanādikiriyāsu yogyabhāvāpādanatthaṃ. Tikkhattuṃ sīhanādanadanaṃ appesakkhamigarājehi parittāsapariharaṇatthaṃ.
аяам̣ вужжад̇и, бхигкавз, д̇ат̇ааг̇ад̇асзяяаад̇и иминаа жад̇уд̇т̇аж̇жхаанасзяяаа д̇ат̇ааг̇ад̇асзяяаа наамаад̇и д̣̇ассзд̇и. сзд̇и аб̣яаавадабхаавзна бавад̇д̇ад̇и зд̇т̇аад̇и сзяяаа, жад̇уд̇т̇аж̇жхаанамзва сзяяаа жад̇уд̇т̇аж̇жхаанасзяяаа. гим̣ бана д̇ам̣ жад̇уд̇т̇аж̇жхаананд̇и? аанаабаанажад̇уд̇т̇аж̇жхаанам̣. д̇ад̇т̇а хи тад̇ваа вибассанам̣ вад̣дхзд̇ваа бхаг̇аваа ануггамзна аг̇г̇амаг̇г̇ам̣ ад̇хиг̇анд̇ваа д̇ат̇ааг̇ад̇о ж̇аад̇од̇и. д̇аяид̣̇ам̣ бад̣̇адтаанам̣ наама на сзяяаа, д̇ат̇ааби яасмаа ‘‘жад̇уд̇т̇аж̇жхаанасамананд̇араа бхаг̇аваа бариниб̣б̣ааяий’’д̇и махаабариниб̣б̣аанз (д̣̇ий. ни. 2.219) ааг̇ад̇ам̣, д̇асмаа логияажад̇уд̇т̇аж̇жхаанасамаабад̇д̇и зва д̇ат̇ааг̇ад̇асзяяаад̇и гзжи. звам̣ сад̇и бариниб̣б̣аанагаалигаава д̇ат̇ааг̇ад̇асзяяаа аабаж̇ж̇ад̇и, на жа бхаг̇аваа логияажад̇уд̇т̇аж̇жхаанасамаабаж̇ж̇анаб̣ахуло вихааси. аг̇г̇апалавасзна бавад̇д̇ам̣ банзд̇т̇а жад̇уд̇т̇аж̇жхаанам̣ взд̣̇ид̇аб̣б̣ам̣. д̇ад̇т̇а яат̇аа сад̇д̇аанам̣ нид̣̇д̣̇уубаг̇амалагкан̣аа сзяяаа бхаван̇г̇ажид̇д̇авасзна ход̇и, саа бана нзсам̣ батамаж̇аад̇исаманваяаа язбхуяяавуд̇д̇игаа, звам̣ бхаг̇авад̇о арияаж̇аад̇исаманваяам̣ язбхуяяавуд̇д̇игам̣ аг̇г̇апалабхууд̇ам̣ жад̇уд̇т̇аж̇жхаанам̣ д̇ат̇ааг̇ад̇асзяяаад̇и взд̣̇ид̇аб̣б̣ам̣. бан̃жамаад̣̇ийни уд̇д̇аанад̇т̇аани.
Ayaṃvuccati, bhikkhave, tathāgataseyyāti iminā catutthajjhānaseyyā tathāgataseyyā nāmāti dasseti. Seti abyāvaṭabhāvena pavattati etthāti seyyā, catutthajjhānameva seyyā catutthajjhānaseyyā. Kiṃ pana taṃ catutthajjhānanti? Ānāpānacatutthajjhānaṃ. Tattha hi ṭhatvā vipassanaṃ vaḍḍhetvā bhagavā anukkamena aggamaggaṃ adhigantvā tathāgato jātoti. Tayidaṃ padaṭṭhānaṃ nāma na seyyā, tathāpi yasmā ‘‘catutthajjhānasamanantarā bhagavā parinibbāyī’’ti mahāparinibbāne (dī. ni. 2.219) āgataṃ, tasmā lokiyacatutthajjhānasamāpatti eva tathāgataseyyāti keci. Evaṃ sati parinibbānakālikāva tathāgataseyyā āpajjati, na ca bhagavā lokiyacatutthajjhānasamāpajjanabahulo vihāsi. Aggaphalavasena pavattaṃ panettha catutthajjhānaṃ veditabbaṃ. Tattha yathā sattānaṃ niddūpagamalakkhaṇā seyyā bhavaṅgacittavasena hoti, sā pana nesaṃ paṭhamajātisamanvayā yebhuyyavuttikā, evaṃ bhagavato ariyajātisamanvayaṃ yebhuyyavuttikaṃ aggaphalabhūtaṃ catutthajjhānaṃ tathāgataseyyāti veditabbaṃ. Pañcamādīni uttānatthāni.
сзяяаасуд̇д̇аад̣̇иван̣н̣анаа нидтид̇аа.
Seyyāsuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
4. сзяяаасуд̇д̇ам̣ • 4. Seyyāsuttaṃ
5. т̇уубаарахасуд̇д̇ам̣ • 5. Thūpārahasuttaṃ
6. бан̃н̃аавуд̣̇д̇хисуд̇д̇ам̣ • 6. Paññāvuddhisuttaṃ
7. б̣ахугаарасуд̇д̇ам̣ • 7. Bahukārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
4. сзяяаасуд̇д̇аван̣н̣анаа • 4. Seyyāsuttavaṇṇanā
5. т̇уубаарахасуд̇д̇аван̣н̣анаа • 5. Thūpārahasuttavaṇṇanā
