| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. сзяяаасуд̇д̇ам̣
4. Seyyāsuttaṃ
246. ‘‘жад̇ассо имаа, бхигкавз, сзяяаа. гад̇амаа жад̇ассо? бзд̇асзяяаа, гаамабхог̇исзяяаа , сийхасзяяаа, д̇ат̇ааг̇ад̇асзяяаа. гад̇амаа жа, бхигкавз, бзд̇асзяяаа? язбхуяязна, бхигкавз, бзд̇аа уд̇д̇аанаа сзнд̇и; аяам̣ вужжад̇и, бхигкавз, бзд̇асзяяаа.
246. ‘‘Catasso imā, bhikkhave, seyyā. Katamā catasso? Petaseyyā, kāmabhogiseyyā , sīhaseyyā, tathāgataseyyā. Katamā ca, bhikkhave, petaseyyā? Yebhuyyena, bhikkhave, petā uttānā senti; ayaṃ vuccati, bhikkhave, petaseyyā.
‘‘гад̇амаа жа, бхигкавз, гаамабхог̇исзяяаа? язбхуяязна, бхигкавз, гаамабхог̇ий ваамзна бассзна сзнд̇и; аяам̣ вужжад̇и, бхигкавз, гаамабхог̇исзяяаа.
‘‘Katamā ca, bhikkhave, kāmabhogiseyyā? Yebhuyyena, bhikkhave, kāmabhogī vāmena passena senti; ayaṃ vuccati, bhikkhave, kāmabhogiseyyā.
‘‘гад̇амаа жа, бхигкавз, сийхасзяяаа? сийхо , бхигкавз, миг̇арааж̇аа д̣̇агкин̣зна бассзна сзяяам̣ габбзд̇и, баад̣̇з баад̣̇ам̣ ажжаад̇хааяа, анд̇арасад̇т̇имхи нан̇г̇удтам̣ анубагкибид̇ваа. со бадиб̣уж̇жхид̇ваа буримам̣ гааяам̣ аб̣бхуннаамзд̇ваа бажчимам̣ гааяам̣ анувилогзд̇и. сажз, бхигкавз, сийхо миг̇арааж̇аа гин̃жи бассад̇и гааяасса вигкид̇д̇ам̣ ваа висадам̣ ваа, д̇зна, бхигкавз, сийхо миг̇арааж̇аа анад̇д̇амано ход̇и. сажз бана, бхигкавз, сийхо миг̇арааж̇аа на гин̃жи бассад̇и гааяасса вигкид̇д̇ам̣ ваа висадам̣ ваа, д̇зна , бхигкавз, сийхо миг̇арааж̇аа ад̇д̇амано ход̇и. аяам̣ вужжад̇и, бхигкавз, сийхасзяяаа.
‘‘Katamā ca, bhikkhave, sīhaseyyā? Sīho , bhikkhave, migarājā dakkhiṇena passena seyyaṃ kappeti, pāde pādaṃ accādhāya, antarasatthimhi naṅguṭṭhaṃ anupakkhipitvā. So paṭibujjhitvā purimaṃ kāyaṃ abbhunnāmetvā pacchimaṃ kāyaṃ anuviloketi. Sace, bhikkhave, sīho migarājā kiñci passati kāyassa vikkhittaṃ vā visaṭaṃ vā, tena, bhikkhave, sīho migarājā anattamano hoti. Sace pana, bhikkhave, sīho migarājā na kiñci passati kāyassa vikkhittaṃ vā visaṭaṃ vā, tena , bhikkhave, sīho migarājā attamano hoti. Ayaṃ vuccati, bhikkhave, sīhaseyyā.
‘‘гад̇амаа жа, бхигкавз, д̇ат̇ааг̇ад̇асзяяаа? ид̇ха, бхигкавз, д̇ат̇ааг̇ад̇о вивижжзва гаамзхи…бз… жад̇уд̇т̇ам̣ жхаанам̣ убасамбаж̇ж̇а вихарад̇и. аяам̣ вужжад̇и, бхигкавз, д̇ат̇ааг̇ад̇асзяяаа. имаа ко, бхигкавз, жад̇ассо сзяяаа’’д̇и. жад̇уд̇т̇ам̣.
‘‘Katamā ca, bhikkhave, tathāgataseyyā? Idha, bhikkhave, tathāgato vivicceva kāmehi…pe… catutthaṃ jhānaṃ upasampajja viharati. Ayaṃ vuccati, bhikkhave, tathāgataseyyā. Imā kho, bhikkhave, catasso seyyā’’ti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. сзяяаасуд̇д̇аван̣н̣анаа • 4. Seyyāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4-7. сзяяаасуд̇д̇аад̣̇иван̣н̣анаа • 4-7. Seyyāsuttādivaṇṇanā
