| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੪. ਸੇਯ੍ਯਾਸੁਤ੍ਤਂ
4. Seyyāsuttaṃ
੨੪੬. ‘‘ਚਤਸ੍ਸੋ ਇਮਾ, ਭਿਕ੍ਖવੇ, ਸੇਯ੍ਯਾ। ਕਤਮਾ ਚਤਸ੍ਸੋ? ਪੇਤਸੇਯ੍ਯਾ, ਕਾਮਭੋਗਿਸੇਯ੍ਯਾ , ਸੀਹਸੇਯ੍ਯਾ, ਤਥਾਗਤਸੇਯ੍ਯਾ। ਕਤਮਾ ਚ, ਭਿਕ੍ਖવੇ, ਪੇਤਸੇਯ੍ਯਾ? ਯੇਭੁਯ੍ਯੇਨ, ਭਿਕ੍ਖવੇ, ਪੇਤਾ ਉਤ੍ਤਾਨਾ ਸੇਨ੍ਤਿ; ਅਯਂ વੁਚ੍ਚਤਿ, ਭਿਕ੍ਖવੇ, ਪੇਤਸੇਯ੍ਯਾ।
246. ‘‘Catasso imā, bhikkhave, seyyā. Katamā catasso? Petaseyyā, kāmabhogiseyyā , sīhaseyyā, tathāgataseyyā. Katamā ca, bhikkhave, petaseyyā? Yebhuyyena, bhikkhave, petā uttānā senti; ayaṃ vuccati, bhikkhave, petaseyyā.
‘‘ਕਤਮਾ ਚ, ਭਿਕ੍ਖવੇ, ਕਾਮਭੋਗਿਸੇਯ੍ਯਾ? ਯੇਭੁਯ੍ਯੇਨ, ਭਿਕ੍ਖવੇ, ਕਾਮਭੋਗੀ વਾਮੇਨ ਪਸ੍ਸੇਨ ਸੇਨ੍ਤਿ; ਅਯਂ વੁਚ੍ਚਤਿ, ਭਿਕ੍ਖવੇ, ਕਾਮਭੋਗਿਸੇਯ੍ਯਾ।
‘‘Katamā ca, bhikkhave, kāmabhogiseyyā? Yebhuyyena, bhikkhave, kāmabhogī vāmena passena senti; ayaṃ vuccati, bhikkhave, kāmabhogiseyyā.
‘‘ਕਤਮਾ ਚ, ਭਿਕ੍ਖવੇ, ਸੀਹਸੇਯ੍ਯਾ? ਸੀਹੋ , ਭਿਕ੍ਖવੇ, ਮਿਗਰਾਜਾ ਦਕ੍ਖਿਣੇਨ ਪਸ੍ਸੇਨ ਸੇਯ੍ਯਂ ਕਪ੍ਪੇਤਿ, ਪਾਦੇ ਪਾਦਂ ਅਚ੍ਚਾਧਾਯ, ਅਨ੍ਤਰਸਤ੍ਥਿਮ੍ਹਿ ਨਙ੍ਗੁਟ੍ਠਂ ਅਨੁਪਕ੍ਖਿਪਿਤ੍વਾ। ਸੋ ਪਟਿਬੁਜ੍ਝਿਤ੍વਾ ਪੁਰਿਮਂ ਕਾਯਂ ਅਬ੍ਭੁਨ੍ਨਾਮੇਤ੍વਾ ਪਚ੍ਛਿਮਂ ਕਾਯਂ ਅਨੁવਿਲੋਕੇਤਿ। ਸਚੇ, ਭਿਕ੍ਖવੇ, ਸੀਹੋ ਮਿਗਰਾਜਾ ਕਿਞ੍ਚਿ ਪਸ੍ਸਤਿ ਕਾਯਸ੍ਸ વਿਕ੍ਖਿਤ੍ਤਂ વਾ વਿਸਟਂ વਾ, ਤੇਨ, ਭਿਕ੍ਖવੇ, ਸੀਹੋ ਮਿਗਰਾਜਾ ਅਨਤ੍ਤਮਨੋ ਹੋਤਿ। ਸਚੇ ਪਨ, ਭਿਕ੍ਖવੇ, ਸੀਹੋ ਮਿਗਰਾਜਾ ਨ ਕਿਞ੍ਚਿ ਪਸ੍ਸਤਿ ਕਾਯਸ੍ਸ વਿਕ੍ਖਿਤ੍ਤਂ વਾ વਿਸਟਂ વਾ, ਤੇਨ , ਭਿਕ੍ਖવੇ, ਸੀਹੋ ਮਿਗਰਾਜਾ ਅਤ੍ਤਮਨੋ ਹੋਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਸੀਹਸੇਯ੍ਯਾ।
‘‘Katamā ca, bhikkhave, sīhaseyyā? Sīho , bhikkhave, migarājā dakkhiṇena passena seyyaṃ kappeti, pāde pādaṃ accādhāya, antarasatthimhi naṅguṭṭhaṃ anupakkhipitvā. So paṭibujjhitvā purimaṃ kāyaṃ abbhunnāmetvā pacchimaṃ kāyaṃ anuviloketi. Sace, bhikkhave, sīho migarājā kiñci passati kāyassa vikkhittaṃ vā visaṭaṃ vā, tena, bhikkhave, sīho migarājā anattamano hoti. Sace pana, bhikkhave, sīho migarājā na kiñci passati kāyassa vikkhittaṃ vā visaṭaṃ vā, tena , bhikkhave, sīho migarājā attamano hoti. Ayaṃ vuccati, bhikkhave, sīhaseyyā.
‘‘ਕਤਮਾ ਚ, ਭਿਕ੍ਖવੇ, ਤਥਾਗਤਸੇਯ੍ਯਾ? ਇਧ, ਭਿਕ੍ਖવੇ, ਤਥਾਗਤੋ વਿવਿਚ੍ਚੇવ ਕਾਮੇਹਿ…ਪੇ॰… ਚਤੁਤ੍ਥਂ ਝਾਨਂ ਉਪਸਮ੍ਪਜ੍ਜ વਿਹਰਤਿ। ਅਯਂ વੁਚ੍ਚਤਿ, ਭਿਕ੍ਖવੇ, ਤਥਾਗਤਸੇਯ੍ਯਾ। ਇਮਾ ਖੋ, ਭਿਕ੍ਖવੇ, ਚਤਸ੍ਸੋ ਸੇਯ੍ਯਾ’’ਤਿ। ਚਤੁਤ੍ਥਂ।
‘‘Katamā ca, bhikkhave, tathāgataseyyā? Idha, bhikkhave, tathāgato vivicceva kāmehi…pe… catutthaṃ jhānaṃ upasampajja viharati. Ayaṃ vuccati, bhikkhave, tathāgataseyyā. Imā kho, bhikkhave, catasso seyyā’’ti. Catutthaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਸੇਯ੍ਯਾਸੁਤ੍ਤવਣ੍ਣਨਾ • 4. Seyyāsuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪-੭. ਸੇਯ੍ਯਾਸੁਤ੍ਤਾਦਿવਣ੍ਣਨਾ • 4-7. Seyyāsuttādivaṇṇanā
