| Library / Tipiṭaka / д̇ибидага • Tipiṭaka / б̣уд̣̇д̇хавам̣са-адтагат̇аа • Buddhavaṃsa-aṭṭhakathā |
18. сид̣̇д̇хад̇т̇аб̣уд̣̇д̇хавам̣саван̣н̣анаа
18. Siddhatthabuddhavaṃsavaṇṇanā
д̇хаммад̣̇ассимхи бхаг̇авад̇и бариниб̣б̣уд̇з анд̇арахид̇з жасса саасанз д̇асмим̣ габбз ад̇ийд̇з габбасахассз жа сад̇д̇асу габбасад̇зсу жа часу габбзсу жа ад̇игганд̇зсу ид̇о жад̇унавуд̇игаббамад̇т̇агз згасмим̣ габбз згова логад̇т̇ажаро ад̇хиг̇ад̇абарамад̇т̇о сид̣̇д̇хад̇т̇о наама сад̇т̇аа логз баад̇урахоси. д̇зна вуд̇д̇ам̣ –
Dhammadassimhi bhagavati parinibbute antarahite cassa sāsane tasmiṃ kappe atīte kappasahasse ca sattasu kappasatesu ca chasu kappesu ca atikkantesu ito catunavutikappamatthake ekasmiṃ kappe ekova lokatthacaro adhigataparamattho siddhattho nāma satthā loke pāturahosi. Tena vuttaṃ –
1.
1.
‘‘д̇хаммад̣̇ассисса абарзна, сид̣̇д̇хад̇т̇о логанааяаго;
‘‘Dhammadassissa aparena, siddhattho lokanāyako;
ниханид̇ваа д̇амам̣ саб̣б̣ам̣, суурияо аб̣бхуг̇г̇ад̇о яат̇аа’’д̇и.
Nihanitvā tamaṃ sabbaṃ, sūriyo abbhuggato yathā’’ti.
сид̣̇д̇хад̇т̇о б̣од̇хисад̇д̇оби баарамияо буурзд̇ваа д̇усид̇абхаванз ниб̣б̣ад̇д̇ид̇ваа д̇ад̇о жавид̇ваа взбхааранаг̇арз уд̣̇знасса наама ран̃н̃о аг̇г̇амахзсияаа супассааяа наама д̣̇звияаа гужчисмим̣ бадисанд̇хим̣ г̇ахзд̇ваа д̣̇асаннам̣ маасаанам̣ ажжаязна вийрияуяяаанз маад̇угужчид̇о нигками. ж̇аад̇з бана махаабурисз саб̣б̣зсам̣ аарад̣̇д̇хагамманд̇аа жа ижчид̇аа жа ад̇т̇аа сид̣̇д̇химаг̇амам̣су. д̇асмаа банасса н̃аад̇агаа ‘‘сид̣̇д̇хад̇т̇о’’д̇и наамамагам̣су. со д̣̇асавассасахассаани аг̇аарамаж̇жхз васи. д̇асса гогаа-суббала-бад̣̇уманаамагаа д̇аяо баасаад̣̇аа ахзсум̣. соманассаад̣̇звиббамукаани адтажад̇д̇аалийса ид̇т̇исахассаани бажжубадтид̇аани ахзсум̣.
Siddhattho bodhisattopi pāramiyo pūretvā tusitabhavane nibbattitvā tato cavitvā vebhāranagare udenassa nāma rañño aggamahesiyā suphassāya nāma deviyā kucchismiṃ paṭisandhiṃ gahetvā dasannaṃ māsānaṃ accayena vīriyuyyāne mātukucchito nikkhami. Jāte pana mahāpurise sabbesaṃ āraddhakammantā ca icchitā ca atthā siddhimagamaṃsu. Tasmā panassa ñātakā ‘‘siddhattho’’ti nāmamakaṃsu. So dasavassasahassāni agāramajjhe vasi. Tassa kokā-suppala-padumanāmakā tayo pāsādā ahesuṃ. Somanassādevippamukhāni aṭṭhacattālīsa itthisahassāni paccupaṭṭhitāni ahesuṃ.
со жад̇д̇аари нимид̇д̇аани д̣̇исваа соманассаад̣̇звияаа буд̇д̇з анубамагумаарз уббаннз аасаал̣хибун̣н̣амияам̣ суван̣н̣асивигааяа нигкамид̇ваа вийрияуяяаанам̣ г̇анд̇ваа баб̣б̣аж̇и. д̇ам̣ годисад̇асахассамануссаа анубаб̣б̣аж̇им̣су. махаабурисо гира д̇зхи сад̣̇д̇хим̣ д̣̇аса маасз бад̇хаанажарияам̣ жарид̇ваа висаакабун̣н̣амааяам̣ асад̣̇исаб̣раахман̣аг̇аамз сунзд̇д̇ааяа наама б̣раахман̣аган̃н̃ааяа д̣̇иннам̣ мад̇хубааяаасам̣ барибхун̃ж̇ид̇ваа б̣ад̣̇араванз д̣̇иваавихаарам̣ вийд̇инаамзд̇ваа сааяанхасамаяз варун̣зна наама яавабаалзна д̣̇иннаа адта д̇ин̣амудтияо г̇ахзд̇ваа ган̣игаараб̣од̇хим̣ убаг̇анд̇ваа жад̇д̇аалийсахад̇т̇авид̇т̇ад̇ам̣ д̇ин̣асант̇арам̣ сант̇арид̇ваа баллан̇гам̣ аабхуж̇ид̇ваа саб̣б̣ан̃н̃уд̇ам̣ баабун̣ид̇ваа – ‘‘анзгаж̇аад̇исам̣саарам̣…бз… д̇ан̣хаанам̣ каяамаж̇жхаг̇аа’’д̇и уд̣̇аанам̣ уд̣̇аанзд̇ваа сад̇д̇асад̇д̇аахам̣ вийд̇инаамзд̇ваа ад̇д̇анаа саха баб̣б̣аж̇ид̇аанам̣ бхигкуунам̣ годисад̇асахассаанам̣ жад̇усажжабадивзд̇хасамад̇т̇ад̇ам̣ д̣̇исваа анилабат̇зна г̇анд̇ваа г̇аяаамиг̇ад̣̇ааяз од̇арид̇ваа д̇зсам̣ д̇хаммажаггам̣ бавад̇д̇зси, д̇ад̣̇аа годисад̇асахассаанам̣ батамо абхисамаяо ахоси. д̇зна вуд̇д̇ам̣ –
So cattāri nimittāni disvā somanassādeviyā putte anupamakumāre uppanne āsāḷhipuṇṇamiyaṃ suvaṇṇasivikāya nikkhamitvā vīriyuyyānaṃ gantvā pabbaji. Taṃ koṭisatasahassamanussā anupabbajiṃsu. Mahāpuriso kira tehi saddhiṃ dasa māse padhānacariyaṃ caritvā visākhapuṇṇamāyaṃ asadisabrāhmaṇagāme sunettāya nāma brāhmaṇakaññāya dinnaṃ madhupāyāsaṃ paribhuñjitvā badaravane divāvihāraṃ vītināmetvā sāyanhasamaye varuṇena nāma yavapālena dinnā aṭṭha tiṇamuṭṭhiyo gahetvā kaṇikārabodhiṃ upagantvā cattālīsahatthavitthataṃ tiṇasantharaṃ santharitvā pallaṅkaṃ ābhujitvā sabbaññutaṃ pāpuṇitvā – ‘‘anekajātisaṃsāraṃ…pe… taṇhānaṃ khayamajjhagā’’ti udānaṃ udānetvā sattasattāhaṃ vītināmetvā attanā saha pabbajitānaṃ bhikkhūnaṃ koṭisatasahassānaṃ catusaccapaṭivedhasamatthataṃ disvā anilapathena gantvā gayāmigadāye otaritvā tesaṃ dhammacakkaṃ pavattesi, tadā koṭisatasahassānaṃ paṭhamo abhisamayo ahosi. Tena vuttaṃ –
2.
2.
‘‘соби бад̇ваана самб̣од̇хим̣, санд̇аарзнд̇о сад̣̇звагам̣;
‘‘Sopi patvāna sambodhiṃ, santārento sadevakaṃ;
абхивасси д̇хаммамзгхзна, ниб̣б̣аабзнд̇о сад̣̇звагам̣.
Abhivassi dhammameghena, nibbāpento sadevakaṃ.
3.
3.
‘‘д̇ассааби ад̇улад̇зж̇асса, ахзсум̣ абхисамаяаа д̇аяо;
‘‘Tassāpi atulatejassa, ahesuṃ abhisamayā tayo;
годисад̇асахассаанам̣, батамаабхисамаяо ахуу’’д̇и.
Koṭisatasahassānaṃ, paṭhamābhisamayo ahū’’ti.
д̇ад̇т̇а сад̣̇зваганд̇и сад̣̇звагам̣ логам̣. д̇хаммамзгхзнаад̇и д̇хаммагат̇аамзгхавассзна. буна бхиймарат̇анаг̇арз бхиймарат̇зна наама ран̃н̃аа ниманд̇ид̇о наг̇арамаж̇жхз гад̇з сант̇ааг̇аарз нисинно гаравийгаруд̇аман̃ж̇унаа саванасукзна барамамад̇хурзна бан̣д̣ид̇аж̇анахад̣̇аяан̇г̇амзна амад̇аабхисзгасад̣̇исзна б̣рахмассарзна д̣̇аса д̣̇исаа барибуурзнд̇о д̇хаммаамад̇ад̣̇унд̣̇убхимаахани, д̇ад̣̇аа навуд̇игодийнам̣ д̣̇уд̇ияо абхисамаяо ахоси. д̇зна вуд̇д̇ам̣ –
Tattha sadevakanti sadevakaṃ lokaṃ. Dhammameghenāti dhammakathāmeghavassena. Puna bhīmarathanagare bhīmarathena nāma raññā nimantito nagaramajjhe kate santhāgāre nisinno karavīkarutamañjunā savanasukhena paramamadhurena paṇḍitajanahadayaṅgamena amatābhisekasadisena brahmassarena dasa disā paripūrento dhammāmatadundubhimāhani, tadā navutikoṭīnaṃ dutiyo abhisamayo ahosi. Tena vuttaṃ –
4.
4.
‘‘бунаабарам̣ бхиймарат̇з, яад̣̇аа аахани д̣̇унд̣̇убхим̣;
‘‘Punāparaṃ bhīmarathe, yadā āhani dundubhiṃ;
д̇ад̣̇аа навуд̇игодийнам̣, д̣̇уд̇ияаабхисамаяо ахуу’’д̇и.
Tadā navutikoṭīnaṃ, dutiyābhisamayo ahū’’ti.
яад̣̇аа бана взбхааранаг̇арз н̃аад̇исамааг̇амз б̣уд̣̇д̇хавам̣сам̣ д̣̇зсзнд̇о навуд̇игодийнам̣ д̇хаммажагкум̣ уббаад̣̇зси, со д̇ад̇ияо абхисамаяо ахоси. д̇зна вуд̇д̇ам̣ –
Yadā pana vebhāranagare ñātisamāgame buddhavaṃsaṃ desento navutikoṭīnaṃ dhammacakkhuṃ uppādesi, so tatiyo abhisamayo ahosi. Tena vuttaṃ –
5.
5.
‘‘яад̣̇аа б̣уд̣̇д̇хо д̇хаммам̣ д̣̇зсзси, взбхаарз со буруд̇д̇амз;
‘‘Yadā buddho dhammaṃ desesi, vebhāre so puruttame;
д̇ад̣̇аа навуд̇игодийнам̣, д̇ад̇ияаабхисамаяо ахуу’’д̇и.
Tadā navutikoṭīnaṃ, tatiyābhisamayo ahū’’ti.
амараружирад̣̇ассанз амаранаг̇арз наама самб̣ало жа сумид̇д̇о жа д̣̇вз бхаад̇аро раж̇ж̇ам̣ гаарзсум̣. ат̇а сид̣̇д̇хад̇т̇о сад̇т̇аа д̇зсам̣ рааж̇уунам̣ убаниссаяасамбад̇д̇им̣ д̣̇исваа г̇аг̇анад̇алзна г̇анд̇ваа амаранаг̇арамаж̇жхз од̇арид̇ваа жаггаалан̇гад̇ад̇алзхи жаран̣зхи бат̇авид̇алам̣ мад̣̇д̣̇анд̇о вияа бад̣̇ажзд̇ияаани д̣̇ассзд̇ваа амаруяяаанам̣ г̇анд̇ваа барамараман̣ийяз ад̇д̇ано гарун̣аасийд̇алз силаад̇алз нисийд̣̇и. д̇ад̇о д̣̇взби бхаад̇игарааж̇аано д̣̇асаб̣аласса бад̣̇ажзд̇ияаани д̣̇исваа бад̣̇аани ануг̇анд̇ваа сид̣̇д̇хад̇т̇ам̣ ад̇хиг̇ад̇абарамад̇т̇ам̣ сад̇т̇аарам̣ саб̣б̣алоганзд̇аарам̣ сабариваарам̣ убасан̇гамид̇ваа абхиваад̣̇зд̇ваа бхаг̇аванд̇ам̣ бариваарзд̇ваа нисийд̣̇им̣су. д̇зсам̣ бхаг̇аваа аж̇жхаасаяаануруубам̣ д̇хаммам̣ д̣̇зсзси. д̇асса д̇з д̇хаммагат̇ам̣ суд̇ваа сан̃ж̇аад̇асад̣̇д̇хаа худ̇ваа саб̣б̣зва баб̣б̣аж̇ид̇ваа арахад̇д̇ам̣ баабун̣им̣су. д̇зсам̣ годисад̇аанам̣ кийн̣аасаваанам̣ маж̇жхз бхаг̇аваа баад̇имогкам̣ уд̣̇д̣̇иси, со батамо саннибаад̇о ахоси. взбхааранаг̇арз н̃аад̇исамааг̇амз баб̣б̣аж̇ид̇аанам̣ навуд̇игодийнам̣ маж̇жхз баад̇имогкам̣ уд̣̇д̣̇иси, со д̣̇уд̇ияо саннибаад̇о ахоси. суд̣̇ассанавихаарз саннибад̇ид̇аанам̣ асийд̇игодийнам̣ маж̇жхз баад̇имогкам̣ уд̣̇д̣̇иси, со д̇ад̇ияо саннибаад̇о ахоси. д̇зна вуд̇д̇ам̣ –
Amararuciradassane amaranagare nāma sambalo ca sumitto ca dve bhātaro rajjaṃ kāresuṃ. Atha siddhattho satthā tesaṃ rājūnaṃ upanissayasampattiṃ disvā gaganatalena gantvā amaranagaramajjhe otaritvā cakkālaṅkatatalehi caraṇehi pathavitalaṃ maddanto viya padacetiyāni dassetvā amaruyyānaṃ gantvā paramaramaṇīye attano karuṇāsītale silātale nisīdi. Tato dvepi bhātikarājāno dasabalassa padacetiyāni disvā padāni anugantvā siddhatthaṃ adhigataparamatthaṃ satthāraṃ sabbalokanetāraṃ saparivāraṃ upasaṅkamitvā abhivādetvā bhagavantaṃ parivāretvā nisīdiṃsu. Tesaṃ bhagavā ajjhāsayānurūpaṃ dhammaṃ desesi. Tassa te dhammakathaṃ sutvā sañjātasaddhā hutvā sabbeva pabbajitvā arahattaṃ pāpuṇiṃsu. Tesaṃ koṭisatānaṃ khīṇāsavānaṃ majjhe bhagavā pātimokkhaṃ uddisi, so paṭhamo sannipāto ahosi. Vebhāranagare ñātisamāgame pabbajitānaṃ navutikoṭīnaṃ majjhe pātimokkhaṃ uddisi, so dutiyo sannipāto ahosi. Sudassanavihāre sannipatitānaṃ asītikoṭīnaṃ majjhe pātimokkhaṃ uddisi, so tatiyo sannipāto ahosi. Tena vuttaṃ –
6.
6.
‘‘саннибаад̇аа д̇аяо аасум̣, д̇асмимби д̣̇вибад̣̇уд̇д̇амз;
‘‘Sannipātā tayo āsuṃ, tasmimpi dvipaduttame;
кийн̣аасаваанам̣ вималаанам̣, санд̇ажид̇д̇аана д̇аад̣̇инам̣.
Khīṇāsavānaṃ vimalānaṃ, santacittāna tādinaṃ.
7.
7.
‘‘годисад̇аанам̣ навуд̇ийнам̣, асийд̇ияааби жа годинам̣;
‘‘Koṭisatānaṃ navutīnaṃ, asītiyāpi ca koṭinaṃ;
зд̇з аасум̣ д̇аяо таанаа, вималаанам̣ самааг̇амз’’д̇и.
Ete āsuṃ tayo ṭhānā, vimalānaṃ samāgame’’ti.
д̇ад̇т̇а навуд̇ийнам̣, асийд̇ияааби жа годинанд̇и навуд̇ийнам̣ годийнам̣ асийд̇ияааби жа годийнам̣ саннибаад̇аа ахзсунд̇и ад̇т̇о. зд̇з аасум̣ д̇аяо таанаад̇и зд̇аани д̇ийн̣и саннибаад̇адтаанаани ахзсунд̇и ад̇т̇о. ‘‘таанаанз д̇аани д̇ийн̣и ахзсу’’нд̇иби баато.
Tattha navutīnaṃ, asītiyāpi ca koṭinanti navutīnaṃ koṭīnaṃ asītiyāpi ca koṭīnaṃ sannipātā ahesunti attho. Ete āsuṃ tayo ṭhānāti etāni tīṇi sannipātaṭṭhānāni ahesunti attho. ‘‘Ṭhānāne tāni tīṇi ahesu’’ntipi pāṭho.
д̇ад̣̇аа амхаагам̣ б̣од̇хисад̇д̇о сурасзнанаг̇арз ман̇г̇ало наама б̣раахман̣о худ̇ваа взд̣̇авзд̣̇ан̇г̇аанам̣ баарам̣ г̇анд̇ваа анзгагодисан̇кам̣ д̇ханасаннижаяам̣ д̣̇ийнаанаат̇аад̣̇ийнам̣ барижжаж̇ид̇ваа вивзгаараамо худ̇ваа д̇аабасабаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃ааяо ниб̣б̣ад̇д̇зд̇ваа вихаранд̇о – ‘‘сид̣̇д̇хад̇т̇о наама б̣уд̣̇д̇хо логз уббанно’’д̇и суд̇ваа д̇ам̣ убасан̇гамид̇ваа ванд̣̇ид̇ваа д̇асса д̇хаммагат̇ам̣ суд̇ваа яааяа ж̇амб̣уяаа аяам̣ ж̇амб̣уд̣̇ийбо бан̃н̃ааяад̇и, ид̣̇д̇хияаа д̇ам̣ ж̇амб̣ум̣ убасан̇гамид̇ваа д̇ад̇о палам̣ аахарид̇ваа навуд̇игодибхигкубариваарам̣ сид̣̇д̇хад̇т̇ам̣ сад̇т̇аарам̣ сурасзнавихаарз нисийд̣̇аабзд̇ваа ж̇амб̣упалзхи санд̇аббзси самбаваарзси . ат̇а сад̇т̇аа д̇ам̣ палам̣ барибхун̃ж̇ид̇ваа – ‘‘ид̇о жад̇унавуд̇игаббамад̇т̇агз г̇од̇амо наама б̣уд̣̇д̇хо бхависсад̇ий’’д̇и б̣яаагааси. д̇зна вуд̇д̇ам̣ –
Tadā amhākaṃ bodhisatto surasenanagare maṅgalo nāma brāhmaṇo hutvā vedavedaṅgānaṃ pāraṃ gantvā anekakoṭisaṅkhaṃ dhanasannicayaṃ dīnānāthādīnaṃ pariccajitvā vivekārāmo hutvā tāpasapabbajjaṃ pabbajitvā jhānābhiññāyo nibbattetvā viharanto – ‘‘siddhattho nāma buddho loke uppanno’’ti sutvā taṃ upasaṅkamitvā vanditvā tassa dhammakathaṃ sutvā yāya jambuyā ayaṃ jambudīpo paññāyati, iddhiyā taṃ jambuṃ upasaṅkamitvā tato phalaṃ āharitvā navutikoṭibhikkhuparivāraṃ siddhatthaṃ satthāraṃ surasenavihāre nisīdāpetvā jambuphalehi santappesi sampavāresi . Atha satthā taṃ phalaṃ paribhuñjitvā – ‘‘ito catunavutikappamatthake gotamo nāma buddho bhavissatī’’ti byākāsi. Tena vuttaṃ –
8.
8.
‘‘ахам̣ д̇зна самаязна, ман̇г̇ало наама д̇аабасо;
‘‘Ahaṃ tena samayena, maṅgalo nāma tāpaso;
уг̇г̇ад̇зж̇о д̣̇уббасахо, абхин̃н̃ааб̣аласамаахид̇о.
Uggatejo duppasaho, abhiññābalasamāhito.
9.
9.
‘‘ж̇амб̣уд̇о паламаанзд̇ваа, сид̣̇д̇хад̇т̇асса ад̣̇аасахам̣;
‘‘Jambuto phalamānetvā, siddhatthassa adāsahaṃ;
бадиг̇г̇ахзд̇ваа самб̣уд̣̇д̇хо, ид̣̇ам̣ важанамаб̣рави.
Paṭiggahetvā sambuddho, idaṃ vacanamabravi.
10.
10.
‘‘бассат̇а имам̣ д̇аабасам̣, ж̇адилам̣ уг̇г̇ад̇аабанам̣;
‘‘Passatha imaṃ tāpasaṃ, jaṭilaṃ uggatāpanaṃ;
жад̇унавуд̇ид̇о габбз, аяам̣ б̣уд̣̇д̇хо бхависсад̇и.
Catunavutito kappe, ayaṃ buddho bhavissati.
11.
11.
‘‘бад̇хаанам̣ бад̣̇ахид̇ваана…бз… хзссаама саммукаа имам̣.
‘‘Padhānaṃ padahitvāna…pe… hessāma sammukhā imaṃ.
12.
12.
‘‘д̇ассааби важанам̣ суд̇ваа, бхияяо жид̇д̇ам̣ басаад̣̇аяим̣;
‘‘Tassāpi vacanaṃ sutvā, bhiyyo cittaṃ pasādayiṃ;
уд̇д̇арим̣ вад̇амад̇хидтаасим̣, д̣̇асабаарамибуурияаа’’д̇и.
Uttariṃ vatamadhiṭṭhāsiṃ, dasapāramipūriyā’’ti.
д̇ад̇т̇а д̣̇уббасаход̇и д̣̇ураасад̣̇о. аяамзва ваа баато. д̇асса бана бхаг̇авад̇о наг̇арам̣ взбхаарам̣ наама ахоси. уд̣̇зно наама рааж̇аа бид̇аа, ж̇аяасзнод̇иби д̇ассзва наамам̣, супассаа наама маад̇аа, самб̣ало жа сумид̇д̇о жа д̣̇вз аг̇г̇асаавагаа, рзвад̇о наамубадтааго, сийвалаа жа сураамаа жа д̣̇вз аг̇г̇асаавигаа, ган̣игаараругко б̣од̇хи, сарийрам̣ садтихад̇т̇уб̣б̣зд̇хам̣ ахоси. вассасад̇асахассам̣ ааяу, соманассаа наама аг̇г̇амахзсий ахоси, анубамо наама буд̇д̇о, суван̣н̣асивигааяа нигками. д̇зна вуд̇д̇ам̣ –
Tattha duppasahoti durāsado. Ayameva vā pāṭho. Tassa pana bhagavato nagaraṃ vebhāraṃ nāma ahosi. Udeno nāma rājā pitā, jayasenotipi tasseva nāmaṃ, suphassā nāma mātā, sambalo ca sumitto ca dve aggasāvakā, revato nāmupaṭṭhāko, sīvalā ca surāmā ca dve aggasāvikā, kaṇikārarukkho bodhi, sarīraṃ saṭṭhihatthubbedhaṃ ahosi. Vassasatasahassaṃ āyu, somanassā nāma aggamahesī ahosi, anupamo nāma putto, suvaṇṇasivikāya nikkhami. Tena vuttaṃ –
13.
13.
‘‘взбхаарам̣ наама наг̇арам̣, уд̣̇зно наама кад̇д̇ияо;
‘‘Vebhāraṃ nāma nagaraṃ, udeno nāma khattiyo;
супассаа наама ж̇анигаа, сид̣̇д̇хид̇т̇асса махзсино.
Suphassā nāma janikā, siddhitthassa mahesino.
18.
18.
‘‘самб̣ало жа сумид̇д̇о жа, ахзсум̣ аг̇г̇асаавагаа;
‘‘Sambalo ca sumitto ca, ahesuṃ aggasāvakā;
рзвад̇о наамубадтааго, сид̣̇д̇хад̇т̇асса махзсино.
Revato nāmupaṭṭhāko, siddhatthassa mahesino.
19.
19.
‘‘сийвалаа жа сураамаа жа, ахзсум̣ аг̇г̇асаавигаа;
‘‘Sīvalā ca surāmā ca, ahesuṃ aggasāvikā;
б̣од̇хи д̇асса бхаг̇авад̇о, ган̣игаарод̇и вужжад̇и.
Bodhi tassa bhagavato, kaṇikāroti vuccati.
21.
21.
‘‘со б̣уд̣̇д̇хо садтирад̇анам̣, ахоси набхамуг̇г̇ад̇о;
‘‘So buddho saṭṭhiratanaṃ, ahosi nabhamuggato;
ган̃жанаг̇гхияасан̇гаасо, д̣̇асасахассий вирожад̇и.
Kañcanagghiyasaṅkāso, dasasahassī virocati.
22.
22.
‘‘соби б̣уд̣̇д̇хо асамасамо, ад̇уло аббадибуг̇г̇ало;
‘‘Sopi buddho asamasamo, atulo appaṭipuggalo;
вассасад̇асахассаани, логз адтааси жагкумаа.
Vassasatasahassāni, loke aṭṭhāsi cakkhumā.
23.
23.
‘‘вибулам̣ бабхам̣ д̣̇ассаяид̇ваа, бубпаабзд̇ваана саавагз;
‘‘Vipulaṃ pabhaṃ dassayitvā, pupphāpetvāna sāvake;
вилаасзд̇ваа самаабад̇яаа, ниб̣б̣уд̇о со сасааваго’’д̇и.
Vilāsetvā samāpatyā, nibbuto so sasāvako’’ti.
д̇ад̇т̇а садтирад̇ананд̇и садтирад̇анаббамаан̣ам̣ набхам̣ уг̇г̇ад̇од̇и ад̇т̇о. ган̃жанаг̇гхияасан̇гаасод̇и наанаарад̇анавижид̇д̇аганагамаяааг̇гхияасад̣̇исад̣̇ассанод̇и ад̇т̇о. д̣̇асасахассий вирожад̇ийд̇и д̣̇асасахассияам̣ вирожад̇и. вибуланд̇и ул̣аарам̣ обхаасам̣. бубпаабзд̇ваанаад̇и жхаанаабхин̃н̃аамаг̇г̇апаласамаабад̇д̇ибубпзхи бубпид̇з барамасобхаг̇г̇аббад̇д̇з гад̇ваад̇и ад̇т̇о. вилаасзд̇ваад̇и вилаасаяид̇ваа гийл̣ид̇ваа. самаабад̇яаад̇и логияалогуд̇д̇араахи самаабад̇д̇ийхи абхин̃н̃аахи жа. ниб̣б̣уд̇од̇и анубаад̣̇аабариниб̣б̣аанзна ниб̣б̣уд̇о.
Tattha saṭṭhiratananti saṭṭhiratanappamāṇaṃ nabhaṃ uggatoti attho. Kañcanagghiyasaṅkāsoti nānāratanavicittakanakamayaagghiyasadisadassanoti attho. Dasasahassī virocatīti dasasahassiyaṃ virocati. Vipulanti uḷāraṃ obhāsaṃ. Pupphāpetvānāti jhānābhiññāmaggaphalasamāpattipupphehi pupphite paramasobhaggappatte katvāti attho. Vilāsetvāti vilāsayitvā kīḷitvā. Samāpatyāti lokiyalokuttarāhi samāpattīhi abhiññāhi ca. Nibbutoti anupādāparinibbānena nibbuto.
сид̣̇д̇хад̇т̇о гира сад̇т̇аа ган̃жанавзл̣унаг̇арз аномуяяаанз бариниб̣б̣ааяи. д̇ад̇т̇звасса рад̇анамаяам̣ жад̇уяож̇ануб̣б̣зд̇хам̣ жзд̇ияамагам̣сууд̇и. сзсаг̇аат̇аасу саб̣б̣ад̇т̇а баагадамзваад̇и.
Siddhattho kira satthā kañcanaveḷunagare anomuyyāne parinibbāyi. Tatthevassa ratanamayaṃ catuyojanubbedhaṃ cetiyamakaṃsūti. Sesagāthāsu sabbattha pākaṭamevāti.
сид̣̇д̇хад̇т̇аб̣уд̣̇д̇хавам̣саван̣н̣анаа нидтид̇аа.
Siddhatthabuddhavaṃsavaṇṇanā niṭṭhitā.
нидтид̇о сол̣асамо б̣уд̣̇д̇хавам̣со.
Niṭṭhito soḷasamo buddhavaṃso.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / б̣уд̣̇д̇хавам̣сабаал̣и • Buddhavaṃsapāḷi / 18. сид̣̇д̇хад̇т̇аб̣уд̣̇д̇хавам̣со • 18. Siddhatthabuddhavaṃso
