| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
сид̣̇д̇хад̇т̇о б̣уд̣̇д̇хо
Siddhattho buddho
д̇асса абарабхааг̇з ид̇о жад̇унавуд̇игаббамад̇т̇агз згасмим̣ габбз згова сид̣̇д̇хад̇т̇о наама саммаасамб̣уд̣̇д̇хо уд̣̇абаад̣̇и. д̇ассааби д̇аяо саавагасаннибаад̇аа. батамасаннибаад̇з годисад̇ам̣ бхигкуу ахзсум̣, д̣̇уд̇ияз навуд̇игодияо, д̇ад̇ияз асийд̇игодияо. д̇ад̣̇аа б̣од̇хисад̇д̇о уг̇г̇ад̇зж̇о абхин̃н̃ааб̣аласамбанно ман̇г̇ало наама д̇аабасо худ̇ваа махааж̇амб̣упалам̣ аахарид̇ваа д̇ат̇ааг̇ад̇асса ад̣̇ааси. сад̇т̇аа д̇ам̣ палам̣ барибхун̃ж̇ид̇ваа ‘‘жад̇унавуд̇игаббамад̇т̇агз б̣уд̣̇д̇хо бхависсад̇ий’’д̇и б̣яаагааси. д̇асса бхаг̇авад̇о наг̇арам̣ взбхаарам̣ наама ахоси, бид̇аа ж̇аяасзно наама рааж̇аа, маад̇аа супассаа наама д̣̇звий, самб̣ало жа сумид̇д̇о жа д̣̇вз аг̇г̇асаавагаа, рзвад̇о наамубадтааго, сийвалаа жа сураамаа жа д̣̇вз аг̇г̇асаавигаа , ган̣игаараругко б̣од̇хи, сарийрам̣ садтихад̇т̇уб̣б̣зд̇хам̣ ахоси, вассасад̇асахассам̣ ааяууд̇и.
Tassa aparabhāge ito catunavutikappamatthake ekasmiṃ kappe ekova siddhattho nāma sammāsambuddho udapādi. Tassāpi tayo sāvakasannipātā. Paṭhamasannipāte koṭisataṃ bhikkhū ahesuṃ, dutiye navutikoṭiyo, tatiye asītikoṭiyo. Tadā bodhisatto uggatejo abhiññābalasampanno maṅgalo nāma tāpaso hutvā mahājambuphalaṃ āharitvā tathāgatassa adāsi. Satthā taṃ phalaṃ paribhuñjitvā ‘‘catunavutikappamatthake buddho bhavissatī’’ti byākāsi. Tassa bhagavato nagaraṃ vebhāraṃ nāma ahosi, pitā jayaseno nāma rājā, mātā suphassā nāma devī, sambalo ca sumitto ca dve aggasāvakā, revato nāmupaṭṭhāko, sīvalā ca surāmā ca dve aggasāvikā , kaṇikārarukkho bodhi, sarīraṃ saṭṭhihatthubbedhaṃ ahosi, vassasatasahassaṃ āyūti.
‘‘д̇хаммад̣̇ассисса абарзна, сид̣̇д̇хад̇т̇о логанааяаго;
‘‘Dhammadassissa aparena, siddhattho lokanāyako;
ниханид̇ваа д̇амам̣ саб̣б̣ам̣, суурияо аб̣бхуг̇г̇ад̇о яат̇аа’’д̇и. (б̣у. вам̣. 18.1);
Nihanitvā tamaṃ sabbaṃ, sūriyo abbhuggato yathā’’ti. (bu. vaṃ. 18.1);
