| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. сийханаад̣̇аваг̇г̇о
2. Sīhanādavaggo
1. сийханаад̣̇асуд̇д̇ам̣
1. Sīhanādasuttaṃ
11. згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. ат̇а ко ааяасмаа саарибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа – ‘‘вуд̇т̇о мз, бханд̇з, саавад̇т̇ияам̣ вассааваасо. ижчаамахам̣, бханд̇з, ж̇анабад̣̇ажааригам̣ баггамид̇у’’нд̇и. ‘‘яассад̣̇аани д̇вам̣, саарибуд̇д̇а, гаалам̣ ман̃н̃асий’’д̇и. ат̇а ко ааяасмаа саарибуд̇д̇о удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами. ат̇а ко ан̃н̃ад̇аро бхигку ажирабагганд̇з ааяасманд̇з саарибуд̇д̇з бхаг̇аванд̇ам̣ зд̇ад̣̇авожа – ‘‘ааяасмаа мам̣, бханд̇з, саарибуд̇д̇о аасаж̇ж̇а аббадиниссаж̇ж̇а жааригам̣ багганд̇о’’д̇и. ат̇а ко бхаг̇аваа ан̃н̃ад̇арам̣ бхигкум̣ ааманд̇зси – ‘‘зхи д̇вам̣, бхигку, мама важанзна саарибуд̇д̇ам̣ ааманд̇зхи – ‘сад̇т̇аа д̇ам̣, аавусо саарибуд̇д̇а, ааманд̇зд̇ий’’’д̇и. ‘‘звам̣, бханд̇з’’д̇и ко со бхигку бхаг̇авад̇о бадиссуд̇ваа язнааяасмаа саарибуд̇д̇о д̇знубасан̇гами; убасан̇гамид̇ваа ааяасманд̇ам̣ саарибуд̇д̇ам̣ зд̇ад̣̇авожа – ‘‘сад̇т̇аа д̇ам̣, аавусо саарибуд̇д̇а, ааманд̇зд̇ий’’д̇и. ‘‘звамаавусо’’д̇и ко ааяасмаа саарибуд̇д̇о д̇асса бхигкуно бажжассоси.
11. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā sāriputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sāriputto bhagavantaṃ etadavoca – ‘‘vuttho me, bhante, sāvatthiyaṃ vassāvāso. Icchāmahaṃ, bhante, janapadacārikaṃ pakkamitu’’nti. ‘‘Yassadāni tvaṃ, sāriputta, kālaṃ maññasī’’ti. Atha kho āyasmā sāriputto uṭṭhāyāsanā bhagavantaṃ abhivādetvā padakkhiṇaṃ katvā pakkāmi. Atha kho aññataro bhikkhu acirapakkante āyasmante sāriputte bhagavantaṃ etadavoca – ‘‘āyasmā maṃ, bhante, sāriputto āsajja appaṭinissajja cārikaṃ pakkanto’’ti. Atha kho bhagavā aññataraṃ bhikkhuṃ āmantesi – ‘‘ehi tvaṃ, bhikkhu, mama vacanena sāriputtaṃ āmantehi – ‘satthā taṃ, āvuso sāriputta, āmantetī’’’ti. ‘‘Evaṃ, bhante’’ti kho so bhikkhu bhagavato paṭissutvā yenāyasmā sāriputto tenupasaṅkami; upasaṅkamitvā āyasmantaṃ sāriputtaṃ etadavoca – ‘‘satthā taṃ, āvuso sāriputta, āmantetī’’ti. ‘‘Evamāvuso’’ti kho āyasmā sāriputto tassa bhikkhuno paccassosi.
д̇зна ко бана самаязна ааяасмаа жа махаамог̇г̇аллаано 1 ааяасмаа жа аананд̣̇о аваабуран̣ам̣ 2 аад̣̇ааяа вихаарз аахин̣д̣анд̇и 3 – ‘‘абхиггамат̇ааяасманд̇о, абхиггамат̇ааяасманд̇о! ид̣̇аанааяасмаа саарибуд̇д̇о бхаг̇авад̇о саммукаа сийханаад̣̇ам̣ над̣̇иссад̇ий’’д̇и. ат̇а ко ааяасмаа саарибуд̇д̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннам̣ ко ааяасманд̇ам̣ саарибуд̇д̇ам̣ бхаг̇аваа зд̇ад̣̇авожа – ‘‘ид̇ха д̇з, саарибуд̇д̇а, ан̃н̃ад̇аро саб̣рахмажаарий кийяанад̇хаммам̣ аабанно – ‘ааяасмаа мам̣, бханд̇з, саарибуд̇д̇о аасаж̇ж̇а аббадиниссаж̇ж̇ажааригам̣ багганд̇о’’’д̇и.
Tena kho pana samayena āyasmā ca mahāmoggallāno 4 āyasmā ca ānando avāpuraṇaṃ 5 ādāya vihāre āhiṇḍanti 6 – ‘‘abhikkamathāyasmanto, abhikkamathāyasmanto! Idānāyasmā sāriputto bhagavato sammukhā sīhanādaṃ nadissatī’’ti. Atha kho āyasmā sāriputto yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho āyasmantaṃ sāriputtaṃ bhagavā etadavoca – ‘‘idha te, sāriputta, aññataro sabrahmacārī khīyanadhammaṃ āpanno – ‘āyasmā maṃ, bhante, sāriputto āsajja appaṭinissajjacārikaṃ pakkanto’’’ti.
‘‘яасса нууна, бханд̇з, гааяз гааяаг̇ад̇аасад̇и анубадтид̇аа асса, со ид̇ха ан̃н̃ад̇арам̣ саб̣рахмажаарим̣ аасаж̇ж̇а аббадиниссаж̇ж̇а жааригам̣ баггамзяяа.
‘‘Yassa nūna, bhante, kāye kāyagatāsati anupaṭṭhitā assa, so idha aññataraṃ sabrahmacāriṃ āsajja appaṭinissajja cārikaṃ pakkameyya.
‘‘сзяяат̇ааби, бханд̇з, бат̇авияам̣ сужимби нигкибанд̇и асужимби нигкибанд̇и г̇уут̇аг̇ад̇амби нигкибанд̇и муд̇д̇аг̇ад̇амби нигкибанд̇и кзл̣аг̇ад̇амби нигкибанд̇и буб̣б̣аг̇ад̇амби нигкибанд̇и лохид̇аг̇ад̇амби нигкибанд̇и, на жа д̇зна бат̇авий аддийяад̇и ваа харааяад̇и ваа ж̇иг̇ужчад̇и ваа; звамзвам̣ ко ахам̣, бханд̇з, бат̇авийсамзна жзд̇асаа вихараами вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна. яасса нууна, бханд̇з, гааяз гааяаг̇ад̇аасад̇и анубадтид̇аа асса, со ид̇ха ан̃н̃ад̇арам̣ саб̣рахмажаарим̣ аасаж̇ж̇а аббадиниссаж̇ж̇а жааригам̣ баггамзяяа.
‘‘Seyyathāpi, bhante, pathaviyaṃ sucimpi nikkhipanti asucimpi nikkhipanti gūthagatampi nikkhipanti muttagatampi nikkhipanti kheḷagatampi nikkhipanti pubbagatampi nikkhipanti lohitagatampi nikkhipanti, na ca tena pathavī aṭṭīyati vā harāyati vā jigucchati vā; evamevaṃ kho ahaṃ, bhante, pathavīsamena cetasā viharāmi vipulena mahaggatena appamāṇena averena abyāpajjena. Yassa nūna, bhante, kāye kāyagatāsati anupaṭṭhitā assa, so idha aññataraṃ sabrahmacāriṃ āsajja appaṭinissajja cārikaṃ pakkameyya.
‘‘сзяяат̇ааби, бханд̇з, аабасмим̣ сужимби д̇хованд̇и асужимби д̇хованд̇и г̇уут̇аг̇ад̇амби… муд̇д̇аг̇ад̇амби… кзл̣аг̇ад̇амби… буб̣б̣аг̇ад̇амби… лохид̇аг̇ад̇амби д̇хованд̇и, на жа д̇зна аабо аддийяад̇и ваа харааяад̇и ваа ж̇иг̇ужчад̇и ваа; звамзвам̣ ко ахам̣, бханд̇з, аабосамзна жзд̇асаа вихараами вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна. яасса нууна, бханд̇з, гааяз гааяаг̇ад̇аасад̇и анубадтид̇аа асса, со ид̇ха ан̃н̃ад̇арам̣ саб̣рахмажаарим̣ аасаж̇ж̇а аббадиниссаж̇ж̇а жааригам̣ баггамзяяа.
‘‘Seyyathāpi, bhante, āpasmiṃ sucimpi dhovanti asucimpi dhovanti gūthagatampi… muttagatampi… kheḷagatampi… pubbagatampi… lohitagatampi dhovanti, na ca tena āpo aṭṭīyati vā harāyati vā jigucchati vā; evamevaṃ kho ahaṃ, bhante, āposamena cetasā viharāmi vipulena mahaggatena appamāṇena averena abyāpajjena. Yassa nūna, bhante, kāye kāyagatāsati anupaṭṭhitā assa, so idha aññataraṃ sabrahmacāriṃ āsajja appaṭinissajja cārikaṃ pakkameyya.
‘‘сзяяат̇ааби, бханд̇з, д̇зж̇о сужимби д̣ахад̇и асужимби д̣ахад̇и г̇уут̇аг̇ад̇амби… муд̇д̇аг̇ад̇амби… кзл̣аг̇ад̇амби… буб̣б̣аг̇ад̇амби… лохид̇аг̇ад̇амби д̣ахад̇и, на жа д̇зна д̇зж̇о аддийяад̇и ваа харааяад̇и ваа ж̇иг̇ужчад̇и ваа; звамзвам̣ ко ахам̣ , бханд̇з, д̇зж̇осамзна жзд̇асаа вихараами вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна. яасса нууна, бханд̇з, гааяз гааяаг̇ад̇аасад̇и анубадтид̇аа асса, со ид̇ха ан̃н̃ад̇арам̣ саб̣рахмажаарим̣ аасаж̇ж̇а аббадиниссаж̇ж̇а жааригам̣ баггамзяяа.
‘‘Seyyathāpi, bhante, tejo sucimpi ḍahati asucimpi ḍahati gūthagatampi… muttagatampi… kheḷagatampi… pubbagatampi… lohitagatampi ḍahati, na ca tena tejo aṭṭīyati vā harāyati vā jigucchati vā; evamevaṃ kho ahaṃ , bhante, tejosamena cetasā viharāmi vipulena mahaggatena appamāṇena averena abyāpajjena. Yassa nūna, bhante, kāye kāyagatāsati anupaṭṭhitā assa, so idha aññataraṃ sabrahmacāriṃ āsajja appaṭinissajja cārikaṃ pakkameyya.
‘‘сзяяат̇ааби, бханд̇з, вааяо сужимби убавааяад̇и асужимби убавааяад̇и г̇уут̇аг̇ад̇амби… муд̇д̇аг̇ад̇амби… кзл̣аг̇ад̇амби… буб̣б̣аг̇ад̇амби… лохид̇аг̇ад̇амби убавааяад̇и, на жа д̇зна вааяо аддийяад̇и ваа харааяад̇и ваа ж̇иг̇ужчад̇и ваа; звамзвам̣ ко ахам̣, бханд̇з, вааяосамзна жзд̇асаа вихараами вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна. яасса нууна, бханд̇з, гааяз гааяаг̇ад̇аасад̇и анубадтид̇аа асса, со ид̇ха ан̃н̃ад̇арам̣ саб̣рахмажаарим̣ аасаж̇ж̇а аббадиниссаж̇ж̇а жааригам̣ баггамзяяа.
‘‘Seyyathāpi, bhante, vāyo sucimpi upavāyati asucimpi upavāyati gūthagatampi… muttagatampi… kheḷagatampi… pubbagatampi… lohitagatampi upavāyati, na ca tena vāyo aṭṭīyati vā harāyati vā jigucchati vā; evamevaṃ kho ahaṃ, bhante, vāyosamena cetasā viharāmi vipulena mahaggatena appamāṇena averena abyāpajjena. Yassa nūna, bhante, kāye kāyagatāsati anupaṭṭhitā assa, so idha aññataraṃ sabrahmacāriṃ āsajja appaṭinissajja cārikaṃ pakkameyya.
‘‘сзяяат̇ааби , бханд̇з, раж̇охаран̣ам̣ сужимби бун̃чад̇и асужимби бун̃чад̇и г̇уут̇аг̇ад̇амби… муд̇д̇аг̇ад̇амби… кзл̣аг̇ад̇амби… буб̣б̣аг̇ад̇амби… лохид̇аг̇ад̇амби бун̃чад̇и, на жа д̇зна раж̇охаран̣ам̣ аддийяад̇и ваа харааяад̇и ваа ж̇иг̇ужчад̇и ваа; звамзвам̣ ко ахам̣, бханд̇з, раж̇охаран̣асамзна жзд̇асаа вихараами вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна. яасса нууна, бханд̇з, гааяз гааяаг̇ад̇аасад̇и анубадтид̇аа асса, со ид̇ха ан̃н̃ад̇арам̣ саб̣рахмажаарим̣ аасаж̇ж̇а аббадиниссаж̇ж̇а жааригам̣ баггамзяяа.
‘‘Seyyathāpi , bhante, rajoharaṇaṃ sucimpi puñchati asucimpi puñchati gūthagatampi… muttagatampi… kheḷagatampi… pubbagatampi… lohitagatampi puñchati, na ca tena rajoharaṇaṃ aṭṭīyati vā harāyati vā jigucchati vā; evamevaṃ kho ahaṃ, bhante, rajoharaṇasamena cetasā viharāmi vipulena mahaggatena appamāṇena averena abyāpajjena. Yassa nūna, bhante, kāye kāyagatāsati anupaṭṭhitā assa, so idha aññataraṃ sabrahmacāriṃ āsajja appaṭinissajja cārikaṃ pakkameyya.
‘‘сзяяат̇ааби, бханд̇з, жан̣д̣аалагумаараго ваа жан̣д̣аалагумааригаа ваа гал̣обихад̇т̇о нанд̇агаваасий г̇аамам̣ ваа ниг̇амам̣ ваа бависанд̇о нийжажид̇д̇ам̣язва убадтабзд̇ваа бависад̇и; звамзвам̣ ко ахам̣, бханд̇з, жан̣д̣аалагумаарагажан̣д̣аалагумааригаасамзна жзд̇асаа вихараами вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна. яасса нууна, бханд̇з, гааяз гааяаг̇ад̇аасад̇и анубадтид̇аа асса, со ид̇ха ан̃н̃ад̇арам̣ саб̣рахмажаарим̣ аасаж̇ж̇а аббадиниссаж̇ж̇а жааригам̣ баггамзяяа.
‘‘Seyyathāpi, bhante, caṇḍālakumārako vā caṇḍālakumārikā vā kaḷopihattho nantakavāsī gāmaṃ vā nigamaṃ vā pavisanto nīcacittaṃyeva upaṭṭhapetvā pavisati; evamevaṃ kho ahaṃ, bhante, caṇḍālakumārakacaṇḍālakumārikāsamena cetasā viharāmi vipulena mahaggatena appamāṇena averena abyāpajjena. Yassa nūna, bhante, kāye kāyagatāsati anupaṭṭhitā assa, so idha aññataraṃ sabrahmacāriṃ āsajja appaṭinissajja cārikaṃ pakkameyya.
‘‘сзяяат̇ааби, бханд̇з, усабхо чиннависаан̣о суурад̇о суд̣̇анд̇о сувинийд̇о рат̇ияааяа рат̇ияам̣ син̇гхаадагзна син̇гхаадагам̣ анваахин̣д̣анд̇о на гин̃жи хим̣сад̇и баад̣̇зна ваа висаан̣зна ваа; звамзвам̣ ко ахам̣, бханд̇з, усабхачиннависаан̣асамзна жзд̇асаа вихараами вибулзна махаг̇г̇ад̇зна аббамаан̣зна авзрзна аб̣яаабаж̇ж̇зна. яасса нууна, бханд̇з, гааяз гааяаг̇ад̇аасад̇и анубадтид̇аа асса, со ид̇ха ан̃н̃ад̇арам̣ саб̣рахмажаарим̣ аасаж̇ж̇а аббадиниссаж̇ж̇а жааригам̣ баггамзяяа.
‘‘Seyyathāpi, bhante, usabho chinnavisāṇo sūrato sudanto suvinīto rathiyāya rathiyaṃ siṅghāṭakena siṅghāṭakaṃ anvāhiṇḍanto na kiñci hiṃsati pādena vā visāṇena vā; evamevaṃ kho ahaṃ, bhante, usabhachinnavisāṇasamena cetasā viharāmi vipulena mahaggatena appamāṇena averena abyāpajjena. Yassa nūna, bhante, kāye kāyagatāsati anupaṭṭhitā assa, so idha aññataraṃ sabrahmacāriṃ āsajja appaṭinissajja cārikaṃ pakkameyya.
‘‘сзяяат̇ааби, бханд̇з, ид̇т̇ий ваа бурисо ваа д̣̇ахаро яуваа ман̣д̣анагаж̇аад̇иго сийсам̣нхаад̇о ахигун̣абзна ваа гуггурагун̣абзна ваа мануссагун̣абзна ваа ган̣тз аасад̇д̇зна аддийязяяа харааязяяа ж̇иг̇ужчзяяа; звамзвам̣ ко ахам̣, бханд̇з, иминаа бууд̇игааязна аддийяаами харааяаами ж̇иг̇ужчаами. яасса нууна, бханд̇з, гааяз гааяаг̇ад̇аасад̇и анубадтид̇аа асса, со ид̇ха ан̃н̃ад̇арам̣ саб̣рахмажаарим̣ аасаж̇ж̇а аббадиниссаж̇ж̇а жааригам̣ баггамзяяа.
‘‘Seyyathāpi, bhante, itthī vā puriso vā daharo yuvā maṇḍanakajātiko sīsaṃnhāto ahikuṇapena vā kukkurakuṇapena vā manussakuṇapena vā kaṇṭhe āsattena aṭṭīyeyya harāyeyya jiguccheyya; evamevaṃ kho ahaṃ, bhante, iminā pūtikāyena aṭṭīyāmi harāyāmi jigucchāmi. Yassa nūna, bhante, kāye kāyagatāsati anupaṭṭhitā assa, so idha aññataraṃ sabrahmacāriṃ āsajja appaṭinissajja cārikaṃ pakkameyya.
‘‘сзяяат̇ааби , бханд̇з, бурисо мзд̣̇агат̇аалигам̣ барихарзяяа чид̣̇д̣̇аавачид̣̇д̣̇ам̣ уг̇гхаранд̇ам̣ баг̇гхаранд̇ам̣; звамзвам̣ ко ахам̣, бханд̇з, имам̣ гааяам̣ барихараами чид̣̇д̣̇аавачид̣̇д̣̇ам̣ уг̇гхаранд̇ам̣ баг̇гхаранд̇ам̣. яасса нууна, бханд̇з, гааяз гааяаг̇ад̇аасад̇и анубадтид̇аа асса, со ид̇ха ан̃н̃ад̇арам̣ саб̣рахмажаарим̣ аасаж̇ж̇а аббадиниссаж̇ж̇а жааригам̣ баггамзяяаа’’д̇и.
‘‘Seyyathāpi , bhante, puriso medakathālikaṃ parihareyya chiddāvachiddaṃ uggharantaṃ paggharantaṃ; evamevaṃ kho ahaṃ, bhante, imaṃ kāyaṃ pariharāmi chiddāvachiddaṃ uggharantaṃ paggharantaṃ. Yassa nūna, bhante, kāye kāyagatāsati anupaṭṭhitā assa, so idha aññataraṃ sabrahmacāriṃ āsajja appaṭinissajja cārikaṃ pakkameyyā’’ti.
ат̇а ко со бхигку удтааяаасанаа згам̣сам̣ уд̇д̇араасан̇г̇ам̣ гарид̇ваа бхаг̇авад̇о баад̣̇зсу сирасаа нибад̇ид̇ваа бхаг̇аванд̇ам̣ зд̇ад̣̇авожа – ‘‘ажжаяо мам̣, бханд̇з, ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яо ахам̣ ааяасманд̇ам̣ саарибуд̇д̇ам̣ асад̇аа д̇ужчаа мусаа абхууд̇зна аб̣бхаажигким̣. д̇асса мз, бханд̇з, бхаг̇аваа ажжаяам̣ ажжаяад̇о бадиг̇г̇ан̣хад̇у ааяад̇им̣ сам̣варааяаа’’д̇и. ‘‘д̇аг̇гха д̇ам̣ 7, бхигку, ажжаяо ажжаг̇амаа яат̇ааб̣аалам̣ яат̇аамуул̣хам̣ яат̇ааагусалам̣, яо д̇вам̣ саарибуд̇д̇ам̣ асад̇аа д̇ужчаа мусаа абхууд̇зна аб̣бхаажигки. яад̇о жа ко д̇вам̣, бхигку, ажжаяам̣ ажжаяад̇о д̣̇исваа яат̇аад̇хаммам̣ бадигароси, д̇ам̣ д̇з маяам̣ бадиг̇г̇ан̣хаама. вуд̣дхихзсаа, бхигку, арияасса винаяз яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и ааяад̇им̣ сам̣варам̣ аабаж̇ж̇ад̇ий’’д̇и.
Atha kho so bhikkhu uṭṭhāyāsanā ekaṃsaṃ uttarāsaṅgaṃ karitvā bhagavato pādesu sirasā nipatitvā bhagavantaṃ etadavoca – ‘‘accayo maṃ, bhante, accagamā yathābālaṃ yathāmūḷhaṃ yathāakusalaṃ, yo ahaṃ āyasmantaṃ sāriputtaṃ asatā tucchā musā abhūtena abbhācikkhiṃ. Tassa me, bhante, bhagavā accayaṃ accayato paṭiggaṇhatu āyatiṃ saṃvarāyā’’ti. ‘‘Taggha taṃ 8, bhikkhu, accayo accagamā yathābālaṃ yathāmūḷhaṃ yathāakusalaṃ, yo tvaṃ sāriputtaṃ asatā tucchā musā abhūtena abbhācikkhi. Yato ca kho tvaṃ, bhikkhu, accayaṃ accayato disvā yathādhammaṃ paṭikarosi, taṃ te mayaṃ paṭiggaṇhāma. Vuḍḍhihesā, bhikkhu, ariyassa vinaye yo accayaṃ accayato disvā yathādhammaṃ paṭikaroti āyatiṃ saṃvaraṃ āpajjatī’’ti.
ат̇а ко бхаг̇аваа ааяасманд̇ам̣ саарибуд̇д̇ам̣ ааманд̇зси – ‘‘кама, саарибуд̇д̇а, имасса могхабурисасса, бураа д̇асса д̇ад̇т̇зва сад̇д̇ад̇хаа муд̣̇д̇хаа палад̇ий’’д̇и 9. ‘‘камаамахам̣, бханд̇з, д̇асса ааяасмад̇о сажз мам̣ со ааяасмаа звамааха – ‘камад̇у жа мз со ааяасмаа’’’д̇и. батамам̣.
Atha kho bhagavā āyasmantaṃ sāriputtaṃ āmantesi – ‘‘khama, sāriputta, imassa moghapurisassa, purā tassa tattheva sattadhā muddhā phalatī’’ti 10. ‘‘Khamāmahaṃ, bhante, tassa āyasmato sace maṃ so āyasmā evamāha – ‘khamatu ca me so āyasmā’’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. сийханаад̣̇асуд̇д̇аван̣н̣анаа • 1. Sīhanādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1. сийханаад̣̇асуд̇д̇аван̣н̣анаа • 1. Sīhanādasuttavaṇṇanā
