| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
10. ஸீஹனாத³ஸுத்தவண்ணனா
10. Sīhanādasuttavaṇṇanā
64. த³ஸமே ஆஸப⁴ங் டா²னந்தி ஸெட்ட²ங் நிச்சலட்டா²னங். ஸீஹனாத³ந்தி அபீ⁴தனாத³ங் பமுக²னாத³ங். ப்³ரஹ்மசக்கந்தி ஸெட்ட²ஞாணசக்கங் படிவேத⁴ஞாணஞ்சேவ தே³ஸனாஞாணஞ்ச. டா²னஞ்ச டா²னதோதி காரணஞ்ச காரணதோ. யம்பீதி யேன ஞாணேன. இத³ம்பி ததா²க³தஸ்ஸாதி இத³ம்பி டா²னாட்டா²னஞாணங் ததா²க³தஸ்ஸ ததா²க³தப³லங் நாம ஹோதி. ஏவங் ஸப்³ப³பதே³ஸு அத்தோ² வேதி³தப்³போ³. கம்மஸமாதா³னானந்தி ஸமாதி³யித்வா கதானங் குஸலாகுஸலகம்மானங், கம்மமேவ வா கம்மஸமாதா³னங். டா²னஸோ ஹேதுஸோதி பச்சயதோ சேவ ஹேதுதோ ச. தத்த² க³திஉபதி⁴காலபயோகா³ விபாகஸ்ஸ டா²னங், கம்மங் ஹேது. ஜா²னவிமொக்க²ஸமாதி⁴ஸமாபத்தீனந்தி சதுன்னங் ஜா²னானங் அட்ட²ன்னங் விமொக்கா²னங் திண்ணங் ஸமாதீ⁴னங் நவன்னங் அனுபுப்³ப³ஸமாபத்தீனஞ்ச. ஸங்கிலேஸந்தி ஹானபா⁴கி³யங் த⁴ம்மங். வோதா³னந்தி விஸேஸபா⁴கி³யங் த⁴ம்மங். வுட்டா²னந்தி ‘‘வோதா³னம்பி வுட்டா²னங், தம்ஹா தம்ஹா ஸமாதி⁴ம்ஹா வுட்டா²னம்பி வுட்டா²ன’’ந்தி (விப⁴॰ 828) ஏவங் வுத்தங் பகு³ணஜ்ஜா²னஞ்சேவ ப⁴வங்க³னப²லஸமாபத்தியோ ச. ஹெட்டி²மங் ஹெட்டி²மஞ்ஹி பகு³ணஜ்ஜா²னங் உபரிமஸ்ஸ உபரிமஸ்ஸ பத³ட்டா²னங் ஹோதி, தஸ்மா ‘‘வோதா³னம்பி வுட்டா²ன’’ந்தி வுத்தங். ப⁴வங்கே³ன பன ஸப்³ப³ஜ்ஜா²னேஹி வுட்டா²னங் ஹோதி, ப²லஸமாபத்தியா நிரோத⁴ஸமாபத்திதோ வுட்டா²னங் ஹோதி. தங் ஸந்தா⁴ய ‘‘தம்ஹா தம்ஹா ஸமாதி⁴ம்ஹா வுட்டா²னம்பி வுட்டா²ன’’ந்தி வுத்தங். அனேகவிஹிதந்திஆதீ³னி விஸுத்³தி⁴மக்³கே³ (விஸுத்³தி⁴॰ 2.402) வண்ணிதானி. ஆஸவக்க²யஞாணங் ஹெட்டா² வுத்தத்த²மேவ. புரிமஸ்ஸாபி ஞாணத்தயஸ்ஸ வித்தா²ரகத²ங் இச்ச²ந்தேன மஜ்ஜி²மட்ட²கதா²ய மஹாஸீஹனாத³வண்ணனா (ம॰ நி॰ அட்ட²॰ 1.146 ஆத³யோ) ஓலோகேதப்³பா³. ஸமாஹிதஸ்ஸாதி ஏகக்³க³சித்தஸ்ஸ. ஸமாதி⁴ மக்³கோ³தி ஸமாதி⁴ ஏதேஸங் ஞாணானங் அதி⁴க³மாய உபாயோ. அஸமாதீ⁴தி அனேகக்³க³பா⁴வோ. கும்மக்³கோ³தி மிச்சா²மக்³கோ³. இமஸ்மிங் ஸுத்தே ததா²க³தஸ்ஸ ஞாணப³லங் கதி²தந்தி.
64. Dasame āsabhaṃ ṭhānanti seṭṭhaṃ niccalaṭṭhānaṃ. Sīhanādanti abhītanādaṃ pamukhanādaṃ. Brahmacakkanti seṭṭhañāṇacakkaṃ paṭivedhañāṇañceva desanāñāṇañca. Ṭhānañca ṭhānatoti kāraṇañca kāraṇato. Yampīti yena ñāṇena. Idampi tathāgatassāti idampi ṭhānāṭṭhānañāṇaṃ tathāgatassa tathāgatabalaṃ nāma hoti. Evaṃ sabbapadesu attho veditabbo. Kammasamādānānanti samādiyitvā katānaṃ kusalākusalakammānaṃ, kammameva vā kammasamādānaṃ. Ṭhānaso hetusoti paccayato ceva hetuto ca. Tattha gatiupadhikālapayogā vipākassa ṭhānaṃ, kammaṃ hetu. Jhānavimokkhasamādhisamāpattīnanti catunnaṃ jhānānaṃ aṭṭhannaṃ vimokkhānaṃ tiṇṇaṃ samādhīnaṃ navannaṃ anupubbasamāpattīnañca. Saṃkilesanti hānabhāgiyaṃ dhammaṃ. Vodānanti visesabhāgiyaṃ dhammaṃ. Vuṭṭhānanti ‘‘vodānampi vuṭṭhānaṃ, tamhā tamhā samādhimhā vuṭṭhānampi vuṭṭhāna’’nti (vibha. 828) evaṃ vuttaṃ paguṇajjhānañceva bhavaṅganaphalasamāpattiyo ca. Heṭṭhimaṃ heṭṭhimañhi paguṇajjhānaṃ uparimassa uparimassa padaṭṭhānaṃ hoti, tasmā ‘‘vodānampi vuṭṭhāna’’nti vuttaṃ. Bhavaṅgena pana sabbajjhānehi vuṭṭhānaṃ hoti, phalasamāpattiyā nirodhasamāpattito vuṭṭhānaṃ hoti. Taṃ sandhāya ‘‘tamhā tamhā samādhimhā vuṭṭhānampi vuṭṭhāna’’nti vuttaṃ. Anekavihitantiādīni visuddhimagge (visuddhi. 2.402) vaṇṇitāni. Āsavakkhayañāṇaṃ heṭṭhā vuttatthameva. Purimassāpi ñāṇattayassa vitthārakathaṃ icchantena majjhimaṭṭhakathāya mahāsīhanādavaṇṇanā (ma. ni. aṭṭha. 1.146 ādayo) oloketabbā. Samāhitassāti ekaggacittassa. Samādhi maggoti samādhi etesaṃ ñāṇānaṃ adhigamāya upāyo. Asamādhīti anekaggabhāvo. Kummaggoti micchāmaggo. Imasmiṃ sutte tathāgatassa ñāṇabalaṃ kathitanti.
மஹாவக்³கோ³ ச²ட்டோ².
Mahāvaggo chaṭṭho.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. ஸீஹனாத³ஸுத்தங் • 10. Sīhanādasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 10. ஸீஹனாத³ஸுத்தவண்ணனா • 10. Sīhanādasuttavaṇṇanā
