| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
2. ஸீஹனாத³வக்³கோ³
2. Sīhanādavaggo
1. ஸீஹனாத³ஸுத்தவண்ணனா
1. Sīhanādasuttavaṇṇanā
11. து³தியஸ்ஸ பட²மே அவாபுரெந்தி விவரந்தி த்³வாரங் ஏதேனாதி அவாபுரணங். ரஜங் ஹரந்தி ஏதேனாதி ரஜோஹரணங். களோபிஹத்தோ²தி விலீவமயபா⁴ஜனஹத்தோ², ‘‘சம்மமயபா⁴ஜனஹத்தோ²’’தி ச வத³ந்தி. சி²ன்னானி விஸாணானி ஏதஸ்ஸாதி சி²ன்னவிஸாணோ, உஸபோ⁴ ச ஸோ சி²ன்னவிஸாணோ சாதி உஸப⁴சி²ன்னவிஸாணோ. விஸேஸனபரோயங் ஸமாஸோ. அஹிகுணபேன வாதிஆதி³ அதிஜேகு³ச்ச²ப்படிகூலகுணபத³ஸ்ஸனத்த²ங் வுத்தங். கண்டே² ஆஸத்தேனாதி கேனசிதே³வ பச்சத்தி²கேன ஆனெத்வா கண்டே² ப³த்³தே⁴ன, ஓமுக்கேனாதி அத்தோ². அட்டோ ஆதுரோ து³க்³க³ந்த⁴பீளாய பீளிதோ. அச்சயஸ்ஸ படிக்³க³ண்ஹனங் வா அதி⁴வாஸனங். ஏவஞ்ஹி ஸோ காரணே தே³ஸியமானே ததோ விக³தோ நாம ஹோதி. தேனாஹ ‘‘படிக்³க³ண்ஹதூதி க²மதூ’’தி. ஸேஸமெத்த² ஸுவிஞ்ஞெய்யமேவ.
11. Dutiyassa paṭhame avāpurenti vivaranti dvāraṃ etenāti avāpuraṇaṃ. Rajaṃ haranti etenāti rajoharaṇaṃ. Kaḷopihatthoti vilīvamayabhājanahattho, ‘‘cammamayabhājanahattho’’ti ca vadanti. Chinnāni visāṇāni etassāti chinnavisāṇo, usabho ca so chinnavisāṇo cāti usabhachinnavisāṇo. Visesanaparoyaṃ samāso. Ahikuṇapena vātiādi atijegucchappaṭikūlakuṇapadassanatthaṃ vuttaṃ. Kaṇṭhe āsattenāti kenacideva paccatthikena ānetvā kaṇṭhe baddhena, omukkenāti attho. Aṭṭo āturo duggandhapīḷāya pīḷito. Accayassa paṭiggaṇhanaṃ vā adhivāsanaṃ. Evañhi so kāraṇe desiyamāne tato vigato nāma hoti. Tenāha ‘‘paṭiggaṇhatūti khamatū’’ti. Sesamettha suviññeyyameva.
ஸீஹனாத³ஸுத்தவண்ணனா நிட்டி²தா.
Sīhanādasuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 1. ஸீஹனாத³ஸுத்தங் • 1. Sīhanādasuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 1. ஸீஹனாத³ஸுத்தவண்ணனா • 1. Sīhanādasuttavaṇṇanā
