| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
10. сийханаад̣̇асуд̇д̇аван̣н̣анаа
10. Sīhanādasuttavaṇṇanā
64. д̣̇асамз аасабхам̣ таананд̇и сздтам̣ нижжаладтаанам̣. сийханаад̣̇анд̇и абхийд̇анаад̣̇ам̣ бамуканаад̣̇ам̣. б̣рахмажагганд̇и сздтан̃аан̣ажаггам̣ бадивзд̇хан̃аан̣ан̃жзва д̣̇зсанаан̃аан̣ан̃жа. таанан̃жа таанад̇од̇и гааран̣ан̃жа гааран̣ад̇о. яамбийд̇и язна н̃аан̣зна. ид̣̇амби д̇ат̇ааг̇ад̇ассаад̇и ид̣̇амби таанаадтаанан̃аан̣ам̣ д̇ат̇ааг̇ад̇асса д̇ат̇ааг̇ад̇аб̣алам̣ наама ход̇и. звам̣ саб̣б̣абад̣̇зсу ад̇т̇о взд̣̇ид̇аб̣б̣о. гаммасамаад̣̇аанаананд̇и самаад̣̇ияид̇ваа гад̇аанам̣ гусалаагусалагаммаанам̣, гаммамзва ваа гаммасамаад̣̇аанам̣. таанасо хзд̇усод̇и бажжаяад̇о жзва хзд̇уд̇о жа. д̇ад̇т̇а г̇ад̇иубад̇хигаалабаяог̇аа вибаагасса таанам̣, гаммам̣ хзд̇у. жхаанавимогкасамаад̇хисамаабад̇д̇ийнанд̇и жад̇уннам̣ жхаанаанам̣ адтаннам̣ вимогкаанам̣ д̇ин̣н̣ам̣ самаад̇хийнам̣ наваннам̣ анубуб̣б̣асамаабад̇д̇ийнан̃жа. сам̣гилзсанд̇и хаанабхааг̇ияам̣ д̇хаммам̣. вод̣̇аананд̇и висзсабхааг̇ияам̣ д̇хаммам̣. вудтаананд̇и ‘‘вод̣̇аанамби вудтаанам̣, д̇амхаа д̇амхаа самаад̇химхаа вудтаанамби вудтаана’’нд̇и (вибха. 828) звам̣ вуд̇д̇ам̣ баг̇ун̣аж̇жхаанан̃жзва бхаван̇г̇анапаласамаабад̇д̇ияо жа. хздтимам̣ хздтиман̃хи баг̇ун̣аж̇жхаанам̣ убаримасса убаримасса бад̣̇адтаанам̣ ход̇и, д̇асмаа ‘‘вод̣̇аанамби вудтаана’’нд̇и вуд̇д̇ам̣. бхаван̇г̇зна бана саб̣б̣аж̇жхаанзхи вудтаанам̣ ход̇и, паласамаабад̇д̇ияаа нирод̇хасамаабад̇д̇ид̇о вудтаанам̣ ход̇и. д̇ам̣ санд̇хааяа ‘‘д̇амхаа д̇амхаа самаад̇химхаа вудтаанамби вудтаана’’нд̇и вуд̇д̇ам̣. анзгавихид̇анд̇иаад̣̇ийни висуд̣̇д̇химаг̇г̇з (висуд̣̇д̇хи. 2.402) ван̣н̣ид̇аани. аасавагкаяан̃аан̣ам̣ хздтаа вуд̇д̇ад̇т̇амзва. буримассааби н̃аан̣ад̇д̇аяасса вид̇т̇аарагат̇ам̣ ижчанд̇зна маж̇жхимадтагат̇ааяа махаасийханаад̣̇аван̣н̣анаа (ма. ни. адта. 1.146 аад̣̇аяо) ологзд̇аб̣б̣аа. самаахид̇ассаад̇и згаг̇г̇ажид̇д̇асса. самаад̇хи маг̇г̇од̇и самаад̇хи зд̇зсам̣ н̃аан̣аанам̣ ад̇хиг̇амааяа убааяо. асамаад̇хийд̇и анзгаг̇г̇абхааво. гуммаг̇г̇од̇и мижчаамаг̇г̇о. имасмим̣ суд̇д̇з д̇ат̇ааг̇ад̇асса н̃аан̣аб̣алам̣ гат̇ид̇анд̇и.
64. Dasame āsabhaṃ ṭhānanti seṭṭhaṃ niccalaṭṭhānaṃ. Sīhanādanti abhītanādaṃ pamukhanādaṃ. Brahmacakkanti seṭṭhañāṇacakkaṃ paṭivedhañāṇañceva desanāñāṇañca. Ṭhānañca ṭhānatoti kāraṇañca kāraṇato. Yampīti yena ñāṇena. Idampi tathāgatassāti idampi ṭhānāṭṭhānañāṇaṃ tathāgatassa tathāgatabalaṃ nāma hoti. Evaṃ sabbapadesu attho veditabbo. Kammasamādānānanti samādiyitvā katānaṃ kusalākusalakammānaṃ, kammameva vā kammasamādānaṃ. Ṭhānaso hetusoti paccayato ceva hetuto ca. Tattha gatiupadhikālapayogā vipākassa ṭhānaṃ, kammaṃ hetu. Jhānavimokkhasamādhisamāpattīnanti catunnaṃ jhānānaṃ aṭṭhannaṃ vimokkhānaṃ tiṇṇaṃ samādhīnaṃ navannaṃ anupubbasamāpattīnañca. Saṃkilesanti hānabhāgiyaṃ dhammaṃ. Vodānanti visesabhāgiyaṃ dhammaṃ. Vuṭṭhānanti ‘‘vodānampi vuṭṭhānaṃ, tamhā tamhā samādhimhā vuṭṭhānampi vuṭṭhāna’’nti (vibha. 828) evaṃ vuttaṃ paguṇajjhānañceva bhavaṅganaphalasamāpattiyo ca. Heṭṭhimaṃ heṭṭhimañhi paguṇajjhānaṃ uparimassa uparimassa padaṭṭhānaṃ hoti, tasmā ‘‘vodānampi vuṭṭhāna’’nti vuttaṃ. Bhavaṅgena pana sabbajjhānehi vuṭṭhānaṃ hoti, phalasamāpattiyā nirodhasamāpattito vuṭṭhānaṃ hoti. Taṃ sandhāya ‘‘tamhā tamhā samādhimhā vuṭṭhānampi vuṭṭhāna’’nti vuttaṃ. Anekavihitantiādīni visuddhimagge (visuddhi. 2.402) vaṇṇitāni. Āsavakkhayañāṇaṃ heṭṭhā vuttatthameva. Purimassāpi ñāṇattayassa vitthārakathaṃ icchantena majjhimaṭṭhakathāya mahāsīhanādavaṇṇanā (ma. ni. aṭṭha. 1.146 ādayo) oloketabbā. Samāhitassāti ekaggacittassa. Samādhi maggoti samādhi etesaṃ ñāṇānaṃ adhigamāya upāyo. Asamādhīti anekaggabhāvo. Kummaggoti micchāmaggo. Imasmiṃ sutte tathāgatassa ñāṇabalaṃ kathitanti.
махааваг̇г̇о чадто.
Mahāvaggo chaṭṭho.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. сийханаад̣̇асуд̇д̇ам̣ • 10. Sīhanādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 10. сийханаад̣̇асуд̇д̇аван̣н̣анаа • 10. Sīhanādasuttavaṇṇanā
