2. сийханаад̣̇аваг̇г̇о

1. сийханаад̣̇асуд̇д̇аван̣н̣анаа

11. д̣̇уд̇ияасса батамз язна бхаг̇аваа д̇знубасан̇гамийд̇и ‘‘сажз сад̇т̇аа жааригам̣ баггамид̇угаамо асса , имасмим̣ гаалз баггамзяяа. ханд̣̇аахам̣ жааригам̣ г̇аманад̇т̇ааяа сад̇т̇аарам̣ аабужчаамий’’д̇и жинд̇зд̇ваа бхигкусан̇гхабаривуд̇о убасан̇гами. ааяасмаа мам̣, бханд̇зд̇и со гира бхигку т̇зрам̣ махад̇аа бхигкубариваарзна г̇ажчанд̇ам̣ д̣̇исваа ‘‘имз бхигкуу д̇ат̇ааг̇ад̇ам̣ бахааяа саарибуд̇д̇ам̣ бариваарзд̇ваа нигканд̇аа, г̇аманавижчзд̣̇амасса гариссаамий’’д̇и адтаанз гобам̣ б̣анд̇хид̇ваа звамааха. д̇ад̇т̇а аасаж̇ж̇аад̇и гхаддзд̇ваа. аббадиниссаж̇ж̇аад̇и агкамаабзд̇ваа ажжаяам̣ ад̣̇зсзд̇ваа. гисмим̣ бана со гааран̣з аагхаад̇ам̣ б̣анд̇хийд̇и? т̇зрасса гира д̣̇асаб̣алам̣ ванд̣̇ид̇ваа удтааяа г̇ажчад̇о жийвараган̣н̣о д̇асса сарийрам̣ пуси, ваад̇о бахарийд̇иби вад̣̇анд̇и. зд̇д̇агзна аагхаад̇ам̣ б̣анд̇хид̇ваа т̇зрам̣ махад̇аа бариваарзна г̇ажчанд̇ам̣ д̣̇исваа усууяамаано ‘‘г̇аманавижчзд̣̇амасса гариссаамий’’д̇и звамааха. зхи д̇вам̣ бхигкууд̇и сад̇т̇аа д̇асса бхигкуно важанам̣ суд̇ваа ‘‘на д̇ам̣ бхигку саарибуд̇д̇о бахарийд̇и вуд̇д̇з, ‘бханд̇з, д̇умхз ад̇д̇ано аг̇г̇асаавагассзва багкам̣ вахат̇а, на маяха’нд̇и маяи манобад̣̇осам̣ гад̇ваа абааяз ниб̣б̣ад̇д̇зяяаа’’д̇и н̃ад̇ваа ‘‘саарибуд̇д̇ам̣ баггосаабзд̇ваа имамад̇т̇ам̣ бужчиссаамий’’д̇и згам̣ бхигкум̣ ааманд̇зд̇ваа звамааха. аваабуран̣ам̣ аад̣̇ааяаад̇и гун̃жигам̣ г̇ахзд̇ваа. сийханаад̣̇анд̇и сздтанаад̣̇ам̣ бамуканаад̣̇ам̣ аббадивад̇д̇ияанаад̣̇ам̣. звам̣ д̣̇вийхи махаат̇зрзхи аарожид̇о бхигкусан̇гхо рад̇д̇идтаанад̣̇иваадтаанаани бахааяа сад̇т̇у санд̇игам̣ аг̇амааси. кийяанад̇хамманд̇и гат̇аад̇хаммам̣.

г̇уут̇аг̇ад̇анд̇и г̇уут̇амзва. сзсзсуби зсзва наяо. бат̇авийсамзнаад̇и агуж̇жханадтзна бат̇авияаа самаанзна. на хи бат̇авий ‘‘маяи сужим̣ нигкибанд̇ий’’д̇и соманассам̣ гарод̇и, на ‘‘асужим̣ нигкибанд̇ий’’д̇и д̣̇оманассам̣. маяхамби зваруубам̣ жид̇д̇анд̇и д̣̇ассзд̇и. вибулзнаад̇и абарид̇д̇зна. махаг̇г̇ад̇знаад̇и маханд̇абхаавам̣ г̇ад̇зна. аббамаан̣знаад̇и вад̣дхид̇аббамаан̣зна. авзрзнаад̇и агусалавзрабуг̇г̇алавзрарахид̇зна. аб̣яаабаж̇жхзнаад̇и нид̣̇д̣̇угкзна виг̇ад̇ад̣̇оманассзна. со ид̇хаад̇и со анубадтид̇агааяаанубассанаасад̇ибадтаано бхигку звам̣ гарзяяа, маад̣̇исо гат̇ам̣ зваруубам̣ гариссад̇и, бханд̇зд̇и батамам̣ сийханаад̣̇ам̣ над̣̇и. звам̣ саб̣б̣ад̇т̇а яож̇анаа взд̣̇ид̇аб̣б̣аа.

раж̇охаран̣анд̇и раж̇асаммаж̇ж̇анажол̣агам̣, баад̣̇абун̃чанд̇и, д̇ассзва наамам̣. гал̣обихад̇т̇од̇и бажчихад̇т̇о угкалихад̇т̇о ваа. нанд̇агаваасийд̇и анд̇ажчиннабилод̇игавасано. суурад̇од̇и сужисийло соражжзна саманнааг̇ад̇о. суд̣̇анд̇од̇и судту д̣̇амат̇ам̣ убаг̇ад̇о. сувинийд̇од̇и судту сигкид̇о. на ган̃жи хим̣сад̇ийд̇и висаан̣аад̣̇ийсу г̇ан̣ханд̇амби бидтим̣ баримаж̇ж̇анд̇амби на ган̃жи вихзтзд̇и. усабхачиннависаан̣асамзнаад̇и усабхасса чиннависаан̣асса жид̇д̇асад̣̇исзна.

аддийязяяаад̇и аддо бийл̣ид̇о бхавзяяа. харааязяяаад̇и лаж̇ж̇зяяа. ж̇иг̇ужчзяяаад̇и ж̇иг̇ужчам̣ аабаж̇ж̇зяяа.

мзд̣̇агат̇аалиганд̇и мзд̣̇агат̇аалигаа вужжад̇и суунагаарагзхи яуусанигкаманад̇т̇ааяа д̇ад̇т̇а д̇ад̇т̇а гад̇ачид̣̇д̣̇аа т̇аалигаа. барихарзяяаад̇и мам̣сасса буурзд̇ваа угкибид̇ваа г̇ажчзяяа. чид̣̇д̣̇аавачид̣̇д̣̇анд̇и барид̇д̇амаханд̇зхи чид̣̇д̣̇зхи саманнааг̇ад̇ам̣. уг̇гхаранд̇анд̇и убаримукзхи чид̣̇д̣̇зхи нигкамамаанаяуусам̣. баг̇гхаранд̇анд̇и ад̇хомукзхи нигкамамаанаяуусам̣. звамасса сагаласарийрам̣ яуусамагкид̇ам̣ бхавзяяа. чид̣̇д̣̇аавачид̣̇д̣̇анд̇и навахи ван̣амукзхи барид̇д̇амаханд̇а чид̣̇д̣̇ам̣. звамзд̇т̇а адтаманавамзхи д̣̇вийхи ан̇г̇зхи т̇зро ад̇д̇ано сарийрз нижчанд̣̇арааг̇ад̇ам̣ гат̇зси.

ат̇а ко со бхигкууд̇и звам̣ т̇зрзна навахи гааран̣зхи сийханаад̣̇з над̣̇ид̇з ат̇а со бхигку. ажжаяод̇и абараад̇хо. мам̣ ажжаг̇амаад̇и мам̣ ад̇иггамма абхибхавид̇ваа бавад̇д̇о. бад̇иг̇г̇ан̣хад̇ууд̇и камад̇у. ааяад̇им̣ сам̣варааяаад̇и анааг̇ад̇з сам̣варан̣ад̇т̇ааяа, буна зваруубасса абараад̇хасса агаран̣ад̇т̇ааяа. д̇аг̇гхаад̇и згам̣сзна. яат̇аад̇хаммам̣ бадигаросийд̇и яат̇аа д̇хаммо тид̇о, д̇ат̇зва гароси, камаабзсийд̇и вуд̇д̇ам̣ ход̇и. д̇ам̣ д̇з маяам̣ бадиг̇г̇ан̣хаамаад̇и д̇ам̣ д̇ава абараад̇хам̣ маяам̣ камаама. вуд̣̇д̇хихзсаа бхигку арияасса винаязд̇и зсаа бхигку арияасса винаяз б̣уд̣̇д̇хасса бхаг̇авад̇о саасанз вуд̣дхи наама. гад̇амаа? ажжаяам̣ ажжаяад̇о д̣̇исваа яат̇аад̇хаммам̣ бадигарид̇ваа ааяад̇им̣ сам̣вараабаж̇ж̇анаа. д̣̇зсанам̣ бана буг̇г̇алаад̇хидтаанам̣ гаронд̇о яо ажжаяам̣ ажжаяад̇о д̣̇исваа яат̇аад̇хаммам̣ бадигарод̇и, ааяад̇им̣ сам̣варам̣ аабаж̇ж̇ад̇ийд̇и ааха. палад̇ийд̇и сажз хи т̇зро на камзяяа, д̇асса бхигкуно д̇ад̇т̇зва сад̇д̇ад̇хаа муд̣̇д̇хаа палзяяа. д̇асмаа бхаг̇аваа звамааха. сажз мам̣ сод̇и сажз мам̣ аяам̣ бхигку камаахийд̇и звам̣ вад̣̇ад̇и. камад̇у жа мз сод̇и аяамби жааяасмаа маяхам̣ камад̇ууд̇и звам̣ т̇зро д̇асса ажжаяам̣ бадиг̇г̇ан̣хид̇ваа саяамби д̇ам̣ сад̇т̇у саммукз камаабзсийд̇и.