| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. сийханаад̣̇асуд̇д̇аван̣н̣анаа
10. Sīhanādasuttavaṇṇanā
64. д̣̇асамз д̇ат̇ааг̇ад̇аб̣алаанийд̇и ан̃н̃зхи асаад̇хааран̣аани д̇ат̇ааг̇ад̇ассзва б̣алаани. нану жзд̇аани саавагаанамби згажжаани уббаж̇ж̇анд̇ийд̇и? гаамам̣ уббаж̇ж̇анд̇и, яаад̣̇исаани бана б̣уд̣̇д̇хаанам̣ таанаадтаанан̃аан̣аад̣̇ийни, на д̇аад̣̇исаани д̇ад̣̇ан̃н̃зсам̣ гад̣̇аажи уббаж̇ж̇анд̇ийд̇и ан̃н̃зхи асаад̇хааран̣аани. имамзва хи яат̇аавуд̇д̇ам̣ лзсам̣ абзгкид̇ваа саад̇хааран̣абхаавад̇о аасаяаанусаяан̃аан̣аад̣̇ийсу зва асаад̇хааран̣асаман̃н̃аа нирул̣хаа. яат̇аа буб̣б̣аб̣уд̣̇д̇хаанам̣ б̣алаани бун̃н̃асса самбад̇д̇ияаа ааг̇ад̇аани, д̇ат̇аа ааг̇ад̇аб̣алаанийд̇и ваа д̇ат̇ааг̇ад̇аб̣алаани. усабхасса ид̣̇ам̣ аасабхам̣, сздтадтаанам̣. бамуканаад̣̇анд̇и сздтанаад̣̇ам̣ . бадивзд̇хан̃аан̣ан̃жзва д̣̇зсанаан̃аан̣ан̃жаад̇и зд̇т̇а бан̃н̃ааяа бабхаавид̇ам̣ ад̇д̇ано арияапалаавахам̣ бадивзд̇хан̃аан̣ам̣. гарун̣ааяа бабхаавид̇ам̣ саавагаанам̣ арияапалаавахам̣ д̣̇зсанаан̃аан̣ам̣. д̇ад̇т̇а бадивзд̇хан̃аан̣ам̣ уббаж̇ж̇амаанам̣ уббаннанд̇и д̣̇увид̇хам̣. д̇ан̃хи абхинигкаманад̇о яаава арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̇усид̇абхаванад̇о яаава махааб̣од̇хибаллан̇гз арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̣̇ийбан̇гарад̇о бадтааяа яаава арахад̇д̇амаг̇г̇аа уббаж̇ж̇амаанам̣, палагкан̣з уббаннам̣ наама. д̣̇зсанаан̃аан̣амби бавад̇д̇амаанам̣ бавад̇д̇анд̇и д̣̇увид̇хам̣. д̇ан̃хи яаава ан̃н̃аад̇агон̣д̣ан̃н̃асса сод̇аабад̇д̇имаг̇г̇аа бавад̇д̇амаанам̣, палагкан̣з бавад̇д̇ам̣ наама. д̇зсу бадивзд̇хан̃аан̣ам̣ логуд̇д̇арам̣, д̣̇зсанаан̃аан̣ам̣ логияам̣. убхаяамби банзд̇ам̣ ан̃н̃зхи асаад̇хааран̣ам̣, б̣уд̣̇д̇хаанан̃н̃зва орасан̃аан̣ам̣.
64. Dasame tathāgatabalānīti aññehi asādhāraṇāni tathāgatasseva balāni. Nanu cetāni sāvakānampi ekaccāni uppajjantīti? Kāmaṃ uppajjanti, yādisāni pana buddhānaṃ ṭhānāṭṭhānañāṇādīni, na tādisāni tadaññesaṃ kadāci uppajjantīti aññehi asādhāraṇāni. Imameva hi yathāvuttaṃ lesaṃ apekkhitvā sādhāraṇabhāvato āsayānusayañāṇādīsu eva asādhāraṇasamaññā niruḷhā. Yathā pubbabuddhānaṃ balāni puññassa sampattiyā āgatāni, tathā āgatabalānīti vā tathāgatabalāni. Usabhassa idaṃ āsabhaṃ, seṭṭhaṭṭhānaṃ. Pamukhanādanti seṭṭhanādaṃ . Paṭivedhañāṇañceva desanāñāṇañcāti ettha paññāya pabhāvitaṃ attano ariyaphalāvahaṃ paṭivedhañāṇaṃ. Karuṇāya pabhāvitaṃ sāvakānaṃ ariyaphalāvahaṃ desanāñāṇaṃ. Tattha paṭivedhañāṇaṃ uppajjamānaṃ uppannanti duvidhaṃ. Tañhi abhinikkhamanato yāva arahattamaggā uppajjamānaṃ, phalakkhaṇe uppannaṃ nāma. Tusitabhavanato yāva mahābodhipallaṅke arahattamaggā uppajjamānaṃ, phalakkhaṇe uppannaṃ nāma. Dīpaṅkarato paṭṭhāya yāva arahattamaggā uppajjamānaṃ, phalakkhaṇe uppannaṃ nāma. Desanāñāṇampi pavattamānaṃ pavattanti duvidhaṃ. Tañhi yāva aññātakoṇḍaññassa sotāpattimaggā pavattamānaṃ, phalakkhaṇe pavattaṃ nāma. Tesu paṭivedhañāṇaṃ lokuttaraṃ, desanāñāṇaṃ lokiyaṃ. Ubhayampi panetaṃ aññehi asādhāraṇaṃ, buddhānaññeva orasañāṇaṃ.
таанан̃жа таанад̇о баж̇аанаад̇ийд̇и гааран̣ан̃жа гааран̣ад̇о баж̇аанаад̇и. яасмаа д̇ад̇т̇а палам̣ д̇идтад̇и д̇ад̣̇ааяад̇д̇авуд̇д̇ид̇ааяа уббаж̇ж̇ад̇и жзва бавад̇д̇ад̇и жа, д̇асмаа таананд̇и вужжад̇и. бхаг̇аваа ‘‘яз яз д̇хаммаа язсам̣ язсам̣ д̇хаммаанам̣ хзд̇уу бажжаяаа уббаад̣̇ааяа, д̇ам̣ д̇ам̣ таанам̣, яз яз д̇хаммаа язяам̣ язяам̣ д̇хаммаанам̣ на хзд̇уу на бажжаяаа уббаад̣̇ааяа, д̇ам̣ д̇ам̣ адтаана’’нд̇и баж̇аананд̇о таанад̇о адтаанад̇о яат̇аабхууд̇ам̣ баж̇аанаад̇и.
Ṭhānañca ṭhānato pajānātīti kāraṇañca kāraṇato pajānāti. Yasmā tattha phalaṃ tiṭṭhati tadāyattavuttitāya uppajjati ceva pavattati ca, tasmā ṭhānanti vuccati. Bhagavā ‘‘ye ye dhammā yesaṃ yesaṃ dhammānaṃ hetū paccayā uppādāya, taṃ taṃ ṭhānaṃ, ye ye dhammā yeyaṃ yeyaṃ dhammānaṃ na hetū na paccayā uppādāya, taṃ taṃ aṭṭhāna’’nti pajānanto ṭhānato aṭṭhānato yathābhūtaṃ pajānāti.
самаад̣̇ияанд̇ийд̇и самаад̣̇аанаани, д̇аани бана самаад̣̇ияид̇ваа гад̇аани хонд̇ийд̇и ааха ‘‘самаад̣̇ияид̇ваа гад̇аана’’нд̇и. гаммамзва ваа гаммасамаад̣̇аананд̇и зд̇зна ‘‘самаад̣̇аана’’нд̇и сад̣̇д̣̇асса абуб̣б̣ад̇т̇аабхаавам̣ д̣̇ассзд̇и муд̇д̇аг̇ад̇асад̣̇д̣̇з г̇ад̇асад̣̇д̣̇асса вияа. г̇ад̇ийд̇и нираяаад̣̇иг̇ад̇ияо. убад̇хийд̇и ад̇д̇абхааво. гаалод̇и гаммасса вибажжанаарахагаало. баяог̇од̇и вибаагуббад̇д̇ияаа бажжаяабхууд̇аа гирияаа.
Samādiyantīti samādānāni, tāni pana samādiyitvā katāni hontīti āha ‘‘samādiyitvā katāna’’nti. Kammameva vā kammasamādānanti etena ‘‘samādāna’’nti saddassa apubbatthābhāvaṃ dasseti muttagatasadde gatasaddassa viya. Gatīti nirayādigatiyo. Upadhīti attabhāvo. Kāloti kammassa vipaccanārahakālo. Payogoti vipākuppattiyā paccayabhūtā kiriyā.
жад̇уннам̣ жхаанаананд̇и бажжанийгаж̇жхаабанадтзна аарамман̣уубаниж̇жхаанадтзна жа жад̇уннам̣ руубааважараж̇жхаанаанам̣. жад̇угганаязна хзд̇ам̣ вуд̇д̇ам̣. адтаннам̣ вимогкаананд̇и ‘‘руубий руубаани бассад̇ий’’д̇иаад̣̇ийнам̣ (ма. ни. 2.248; 3.312; д̇ха. са. 248; бади. ма. 1.209) адтаннам̣ вимогкаанам̣. д̇ин̣н̣ам̣ самаад̇хийнанд̇и савид̇аггасавижаараад̣̇ийнам̣ д̇ин̣н̣ам̣ самаад̇хийнам̣. наваннам̣ анубуб̣б̣асамаабад̇д̇ийнанд̇и батамаж̇жхаанасамаабад̇д̇иаад̣̇ийнам̣ наваннам̣ анубуб̣б̣асамаабад̇д̇ийнам̣. зд̇т̇а жа бадибаадияаа адтаннам̣ самаад̇хийд̇иби наамам̣, самаабад̇д̇ийд̇иби жид̇д̇згаг̇г̇ад̇аасаб̣бхаавад̇о, нирод̇хасамаабад̇д̇ияаа д̇ад̣̇абхаавад̇о на самаад̇хийд̇и наамам̣. хаанабхааг̇ияам̣ д̇хамманд̇и аббаг̇ун̣зхи батамаж̇жхаанаад̣̇ийхи вудтид̇асса сан̃н̃ааманасигаараанам̣ гаамаад̣̇ибагканд̣̇анам̣. висзсабхааг̇ияам̣ д̇хамманд̇и баг̇ун̣зхи батамаж̇жхаанаад̣̇ийхи вудтид̇асса сан̃н̃ааманасигаараанам̣ д̣̇уд̇ияаж̇жхаанаад̣̇ибагканд̣̇анам̣. ид̇и сан̃н̃ааманасигаараанам̣ гаамаад̣̇ид̣̇уд̇ияаж̇жхаанаад̣̇ибагканд̣̇анаани хаанабхааг̇ияависзсабхааг̇ияад̇хаммаад̇и д̣̇ассид̇аани. д̇зхи бана жхаанаанам̣ д̇ам̣сабхаавад̇аа д̇хаммасад̣̇д̣̇зна вуд̇д̇аа. д̇асмаад̇и вуд̇д̇амзвад̇т̇ам̣ хзд̇убхаавзна бажжаамасад̇и. вод̣̇аананд̇и баг̇ун̣ад̇аасан̇каад̇ам̣ вод̣̇аанам̣. д̇ан̃хи батамаж̇жхаанаад̣̇ийхи вудтахид̇ваа д̣̇уд̇ияаж̇жхаанаад̣̇ийнам̣ ад̇хиг̇амасса бажжаяад̇д̇аа ‘‘вудтаана’’нд̇и вуд̇д̇ам̣. яз бана ‘‘нирод̇хад̇о паласамаабад̇д̇ияаа вудтаананд̇и баал̣и над̇т̇ий’’д̇и вад̣̇анд̇и. д̇з ‘‘нирод̇хаа вудтаханд̇асса нзвасан̃н̃аанаасан̃н̃ааяад̇анам̣ паласамаабад̇д̇ияаа ананд̇арабажжаязна бажжаяо’’д̇и имааяа баал̣ияам̣ (бадтаа. 1.1.417) бадисзд̇хзд̇аб̣б̣аа.
Catunnaṃ jhānānanti paccanīkajjhāpanaṭṭhena ārammaṇūpanijjhānaṭṭhena ca catunnaṃ rūpāvacarajjhānānaṃ. Catukkanayena hetaṃ vuttaṃ. Aṭṭhannaṃ vimokkhānanti ‘‘rūpī rūpāni passatī’’tiādīnaṃ (ma. ni. 2.248; 3.312; dha. sa. 248; paṭi. ma. 1.209) aṭṭhannaṃ vimokkhānaṃ. Tiṇṇaṃ samādhīnanti savitakkasavicārādīnaṃ tiṇṇaṃ samādhīnaṃ. Navannaṃ anupubbasamāpattīnanti paṭhamajjhānasamāpattiādīnaṃ navannaṃ anupubbasamāpattīnaṃ. Ettha ca paṭipāṭiyā aṭṭhannaṃ samādhītipi nāmaṃ, samāpattītipi cittekaggatāsabbhāvato, nirodhasamāpattiyā tadabhāvato na samādhīti nāmaṃ. Hānabhāgiyaṃ dhammanti appaguṇehi paṭhamajjhānādīhi vuṭṭhitassa saññāmanasikārānaṃ kāmādipakkhandanaṃ. Visesabhāgiyaṃ dhammanti paguṇehi paṭhamajjhānādīhi vuṭṭhitassa saññāmanasikārānaṃ dutiyajjhānādipakkhandanaṃ. Iti saññāmanasikārānaṃ kāmādidutiyajjhānādipakkhandanāni hānabhāgiyavisesabhāgiyadhammāti dassitāni. Tehi pana jhānānaṃ taṃsabhāvatā dhammasaddena vuttā. Tasmāti vuttamevatthaṃ hetubhāvena paccāmasati. Vodānanti paguṇatāsaṅkhātaṃ vodānaṃ. Tañhi paṭhamajjhānādīhi vuṭṭhahitvā dutiyajjhānādīnaṃ adhigamassa paccayattā ‘‘vuṭṭhāna’’nti vuttaṃ. Ye pana ‘‘nirodhato phalasamāpattiyā vuṭṭhānanti pāḷi natthī’’ti vadanti. Te ‘‘nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo’’ti imāya pāḷiyaṃ (paṭṭhā. 1.1.417) paṭisedhetabbā.
сийханаад̣̇асуд̇д̇аван̣н̣анаа нидтид̇аа.
Sīhanādasuttavaṇṇanā niṭṭhitā.
махааваг̇г̇аван̣н̣анаа нидтид̇аа.
Mahāvaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. сийханаад̣̇асуд̇д̇ам̣ • 10. Sīhanādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. сийханаад̣̇асуд̇д̇аван̣н̣анаа • 10. Sīhanādasuttavaṇṇanā
