| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3. махааваг̇г̇о
3. Mahāvaggo
1. сийханаад̣̇асуд̇д̇аван̣н̣анаа
1. Sīhanādasuttavaṇṇanā
21. д̇ад̇ияасса батамз висамадтаанзсууд̇и бабаад̇аад̣̇ийсу висамадтаанзсу. ‘‘ан̃н̃зхи асаад̇хааран̣ааний’’д̇и гасмаа вуд̇д̇ам̣, нану жзд̇аани саавагаанамби згажжаанам̣ уббаж̇ж̇анд̇ийд̇и? гаамам̣ уббаж̇ж̇анд̇и, яаад̣̇исаани бана б̣уд̣̇д̇хаанам̣ таанаадтаанан̃аан̣аад̣̇ийни, на д̇аад̣̇исаани д̇ад̣̇ан̃н̃зсам̣ гад̣̇аажиби уббаж̇ж̇анд̇ийд̇и ан̃н̃зхи асаад̇хааран̣аанийд̇и . д̇знааха ‘‘д̇ат̇ааг̇ад̇ассзва б̣алааний’’д̇и. имамзва хи яат̇аавуд̇д̇алзсам̣ абзгкид̇ваа д̇ад̣̇абхаавад̇о аасаяаанусаяан̃аан̣аад̣̇ийсу зва асаад̇хааран̣асаман̃н̃аа нирул̣хаа. гаамам̣ н̃аан̣аб̣алаанам̣ н̃аан̣асамбхааро висзсабажжаяо, бун̃н̃асамбхаароби бана нзсам̣ бажжаяо зва. н̃аан̣асамбхаарассаби ваа бун̃н̃асамбхаарабхаавад̇о ‘‘бун̃н̃уссаяасамбад̇д̇ияаа ааг̇ад̇ааний’’д̇и вуд̇д̇ам̣.
21. Tatiyassa paṭhame visamaṭṭhānesūti papātādīsu visamaṭṭhānesu. ‘‘Aññehi asādhāraṇānī’’ti kasmā vuttaṃ, nanu cetāni sāvakānampi ekaccānaṃ uppajjantīti? Kāmaṃ uppajjanti, yādisāni pana buddhānaṃ ṭhānāṭṭhānañāṇādīni, na tādisāni tadaññesaṃ kadācipi uppajjantīti aññehi asādhāraṇānīti . Tenāha ‘‘tathāgatasseva balānī’’ti. Imameva hi yathāvuttalesaṃ apekkhitvā tadabhāvato āsayānusayañāṇādīsu eva asādhāraṇasamaññā niruḷhā. Kāmaṃ ñāṇabalānaṃ ñāṇasambhāro visesapaccayo, puññasambhāropi pana nesaṃ paccayo eva. Ñāṇasambhārassapi vā puññasambhārabhāvato ‘‘puññussayasampattiyā āgatānī’’ti vuttaṃ.
багад̇ихад̇т̇игуланд̇и (сам̣. ни. дий. 2.2.22) г̇ирижаранад̣̇ижараванажараад̣̇иббабхзд̣̇аа г̇ожарияагаалааваганаамаа саб̣б̣ааби б̣алзна баагад̇игаа хад̇т̇иж̇аад̇и. д̣̇асаннам̣ бурисаананд̇и т̇аамамаж̇жхимаанам̣ д̣̇асаннам̣ бурисаанам̣. згасса д̇ат̇ааг̇ад̇асса гааяаб̣аланд̇и аанзд̇ваа самб̣анд̇хо. згассаад̇и жа д̇ат̇аа хздтаа гат̇ааяам̣ ааг̇ад̇ад̇д̇аа д̣̇зсанаасод̇зна вуд̇д̇ам̣. наарааяанасан̇гхаад̇аб̣аланд̇и зд̇т̇а наараа вужжанд̇и расмияо. д̇аа б̣ахуу наанаавид̇хаа ид̇о уббаж̇ж̇анд̇ийд̇и наарааяанам̣, важ̇ирам̣, д̇асмаа наарааяанасан̇гхаад̇аб̣аланд̇и важ̇ирасан̇гхаад̇аб̣аланд̇и ад̇т̇о. н̃аан̣аб̣алам̣ бана баал̣ияам̣ ааг̇ад̇амзва, на гааяаб̣алам̣ вияа адтагат̇аарул̣хамзваад̇и ад̇хиббааяо.
Pakatihatthikulanti (saṃ. ni. ṭī. 2.2.22) giricaranadicaravanacarādippabhedā gocariyakālāvakanāmā sabbāpi balena pākatikā hatthijāti. Dasannaṃ purisānanti thāmamajjhimānaṃ dasannaṃ purisānaṃ. Ekassa tathāgatassa kāyabalanti ānetvā sambandho. Ekassāti ca tathā heṭṭhā kathāyaṃ āgatattā desanāsotena vuttaṃ. Nārāyanasaṅghātabalanti ettha nārā vuccanti rasmiyo. Tā bahū nānāvidhā ito uppajjantīti nārāyanaṃ, vajiraṃ, tasmā nārāyanasaṅghātabalanti vajirasaṅghātabalanti attho. Ñāṇabalaṃ pana pāḷiyaṃ āgatameva, na kāyabalaṃ viya aṭṭhakathāruḷhamevāti adhippāyo.
сам̣яуд̇д̇агз (сам̣. ни. 2.33) ааг̇ад̇аани д̇зсад̇д̇ад̇и н̃аан̣аани, сад̇д̇асад̇д̇ад̇и н̃аан̣аанийд̇и вуд̇д̇ам̣, д̇ад̇т̇а (вибха. мууладий. 760) бана нид̣̇аанаваг̇г̇з сад̇д̇асад̇д̇ад̇и ааг̇ад̇аани жад̇ужад̇д̇аарийсан̃жа. д̇зсад̇д̇ад̇и бана бадисамбхид̣̇аамаг̇г̇з (бади. ма. 1.1) суд̇амаяаад̣̇ийни ааг̇ад̇аани д̣̇иссанд̇и, на сам̣яуд̇д̇агз. ан̃н̃аанибийд̇и зд̇зна н̃аан̣авад̇т̇увибхан̇г̇з (вибха. 751 аад̣̇аяо) згагаад̣̇ивасзна вуд̇д̇аани, ан̃н̃ад̇т̇а жа ‘‘буб̣б̣анд̇з н̃аан̣а’’нд̇иаад̣̇инаа (д̇ха. са. 1063) б̣рахмаж̇аалаад̣̇ийсу жа ‘‘д̇аяид̣̇ам̣ д̇ат̇ааг̇ад̇о баж̇аанаад̇и ‘имаани д̣̇идтидтаанаани звам̣ г̇ахид̇ааний’д̇и’’аад̣̇инаа (д̣̇ий. ни. 1.36) вуд̇д̇аани анзгаани н̃аан̣аббабхзд̣̇аани сан̇г̇ан̣хаад̇и. яаат̇ааваббадивзд̇хад̇о саяан̃жа агамбияам̣ буг̇г̇алан̃жа д̇ам̣саман̇г̇инам̣ нзяязсу ад̇хиб̣алам̣ гарод̇ийд̇и ааха ‘‘агамбияадтзна убад̇т̇амбханадтзна жаа’’д̇и.
Saṃyuttake (saṃ. ni. 2.33) āgatāni tesattati ñāṇāni, sattasattati ñāṇānīti vuttaṃ, tattha (vibha. mūlaṭī. 760) pana nidānavagge sattasattati āgatāni catucattārīsañca. Tesattati pana paṭisambhidāmagge (paṭi. ma. 1.1) sutamayādīni āgatāni dissanti, na saṃyuttake. Aññānipīti etena ñāṇavatthuvibhaṅge (vibha. 751 ādayo) ekakādivasena vuttāni, aññattha ca ‘‘pubbante ñāṇa’’ntiādinā (dha. sa. 1063) brahmajālādīsu ca ‘‘tayidaṃ tathāgato pajānāti ‘imāni diṭṭhiṭṭhānāni evaṃ gahitānī’ti’’ādinā (dī. ni. 1.36) vuttāni anekāni ñāṇappabhedāni saṅgaṇhāti. Yāthāvappaṭivedhato sayañca akampiyaṃ puggalañca taṃsamaṅginaṃ neyyesu adhibalaṃ karotīti āha ‘‘akampiyaṭṭhena upatthambhanaṭṭhena cā’’ti.
усабхасса ид̣̇анд̇и аасабхам̣, сздтадтаанам̣. саб̣б̣ан̃н̃уд̇аабадиж̇аананавасзна абхимукам̣ г̇ажчанд̇и, адта ваа барисаа убасан̇гаманд̇ийд̇и аасабхаа, буб̣б̣аб̣уд̣̇д̇хаа. ид̣̇ам̣ банаад̇и б̣уд̣̇д̇хаанам̣ таанам̣ саб̣б̣ан̃н̃уд̇амзва вад̣̇ад̇и. д̇идтамаановаад̇и авад̣̇анд̇оби д̇идтамаанова бадиж̇аанаад̇и наамаад̇и ад̇т̇о. убаг̇ажчад̇ийд̇и ануж̇аанаад̇и.
Usabhassa idanti āsabhaṃ, seṭṭhaṭṭhānaṃ. Sabbaññutāpaṭijānanavasena abhimukhaṃ gacchanti, aṭṭha vā parisā upasaṅkamantīti āsabhā, pubbabuddhā. Idaṃ panāti buddhānaṃ ṭhānaṃ sabbaññutameva vadati. Tiṭṭhamānovāti avadantopi tiṭṭhamānova paṭijānāti nāmāti attho. Upagacchatīti anujānāti.
адтасу барисаасууд̇и ‘‘абхиж̇аанаами ко банаахам̣, саарибуд̇д̇а, анзгасад̇ам̣ кад̇д̇ияабарисам̣…бз… д̇ад̇ра вад̇а мам̣ бхаяам̣ ваа саараж̇ж̇ам̣ ваа оггамиссад̇ийд̇и нимид̇д̇амзд̇ам̣, саарибуд̇д̇а, на саманубассаамий’’д̇и (ма. ни. 1.151) вуд̇д̇аасу адтасу барисаасу. абхийд̇анаад̣̇ам̣ над̣̇ад̇ийд̇и барад̇о д̣̇ассид̇ан̃аан̣аяог̇зна д̣̇асаб̣алоханд̇и абхийд̇анаад̣̇ам̣ над̣̇ад̇и.
Aṭṭhasuparisāsūti ‘‘abhijānāmi kho panāhaṃ, sāriputta, anekasataṃ khattiyaparisaṃ…pe… tatra vata maṃ bhayaṃ vā sārajjaṃ vā okkamissatīti nimittametaṃ, sāriputta, na samanupassāmī’’ti (ma. ni. 1.151) vuttāsu aṭṭhasu parisāsu. Abhītanādaṃ nadatīti parato dassitañāṇayogena dasabalohanti abhītanādaṃ nadati.
бадивзд̇ханидтад̇д̇аа арахад̇д̇амаг̇г̇ан̃аан̣ам̣ бадивзд̇ход̇и ‘‘палагкан̣з уббаннам̣ наамаа’’д̇и вуд̇д̇ам̣. д̇зна бадилад̣̇д̇хассаби д̣̇зсанаан̃аан̣асса гижжанибпад̇д̇и барасса аваб̣уж̇жханамад̇д̇зна ход̇ийд̇и ‘‘ан̃н̃аасигон̣д̣ан̃н̃асса сод̇аабад̇д̇ипалагкан̣з бавад̇д̇ам̣ наамаа’’д̇и вуд̇д̇ам̣. д̇ад̇о барам̣ бана яаава бариниб̣б̣аанаа д̣̇зсанаан̃аан̣абавад̇д̇и д̇ассзва бавад̇д̇ид̇асса д̇хаммажаггасса таананд̇и взд̣̇ид̇аб̣б̣ам̣ бавад̇д̇ид̇ажаггасса жаггавад̇д̇ино жаггарад̇анасса таанам̣ вияа.
Paṭivedhaniṭṭhattā arahattamaggañāṇaṃ paṭivedhoti ‘‘phalakkhaṇe uppannaṃ nāmā’’ti vuttaṃ. Tena paṭiladdhassapi desanāñāṇassa kiccanipphatti parassa avabujjhanamattena hotīti ‘‘aññāsikoṇḍaññassa sotāpattiphalakkhaṇe pavattaṃ nāmā’’ti vuttaṃ. Tato paraṃ pana yāva parinibbānā desanāñāṇapavatti tasseva pavattitassa dhammacakkassa ṭhānanti veditabbaṃ pavattitacakkassa cakkavattino cakkaratanassa ṭhānaṃ viya.
д̇идтад̇ийд̇и вуд̇д̇ам̣, гим̣ бхуумияам̣ бурисо вияа, нод̇и ааха ‘‘д̇ад̣̇ааяад̇д̇авуд̇д̇ид̇ааяаа’’д̇и. таананд̇и жзд̇т̇а ад̇д̇алаабхо д̇харамаанад̇аа жа, на г̇ад̇инивад̇д̇ийд̇и ааха ‘‘уббаж̇ж̇ад̇и жзва бавад̇д̇ад̇и жаа’’д̇и. яад̇т̇а банзд̇ам̣ д̣̇асаб̣алан̃аан̣ам̣ вид̇т̇аарид̇ам̣, д̇ам̣ д̣̇ассзнд̇о ‘‘абхид̇хаммз банаа’’д̇иаад̣̇имааха. сзсзсуби зсзва наяо.
Tiṭṭhatīti vuttaṃ, kiṃ bhūmiyaṃ puriso viya, noti āha ‘‘tadāyattavuttitāyā’’ti. Ṭhānanti cettha attalābho dharamānatā ca, na gatinivattīti āha ‘‘uppajjati ceva pavattati cā’’ti. Yattha panetaṃ dasabalañāṇaṃ vitthāritaṃ, taṃ dassento ‘‘abhidhamme panā’’tiādimāha. Sesesupi eseva nayo.
самаад̣̇ияанд̇ийд̇и самаад̣̇аанаани, д̇аани бана самаад̣̇ияид̇ваа гад̇аани хонд̇ийд̇и ааха ‘‘самаад̣̇ияид̇ваа гад̇аана’’нд̇и. гаммамзва ваа гаммасамаад̣̇аананд̇и зд̇зна самаад̣̇аанасад̣̇д̣̇асса абуб̣б̣ад̇т̇аабхаавам̣ д̣̇ассзд̇и муд̇д̇аг̇ад̇асад̣̇д̣̇з г̇ад̇асад̣̇д̣̇асса вияа. г̇ад̇ийд̇и нираяаад̣̇иг̇ад̇ияо. убад̇хийд̇и ад̇д̇абхааво. гаалод̇и гаммасса вибажжанаарахагаало. баяог̇од̇и вибаагуббад̇д̇ияаа бажжаяабхууд̇аа гирияаа.
Samādiyantīti samādānāni, tāni pana samādiyitvā katāni hontīti āha ‘‘samādiyitvā katāna’’nti. Kammameva vā kammasamādānanti etena samādānasaddassa apubbatthābhāvaṃ dasseti muttagatasadde gatasaddassa viya. Gatīti nirayādigatiyo. Upadhīti attabhāvo. Kāloti kammassa vipaccanārahakālo. Payogoti vipākuppattiyā paccayabhūtā kiriyā.
аг̇ад̇иг̇аамининд̇и ниб̣б̣аанаг̇ааминим̣. вуд̇д̇ан̃хи ‘‘ниб̣б̣аанан̃жаахам̣, саарибуд̇д̇а, баж̇аанаами ниб̣б̣аанаг̇ааминин̃жа бадибад̣̇а’’нд̇и (ма. ни. 1.153). б̣ахуусуби мануссзсу згамзва баан̣ам̣ гхаад̇знд̇зсу гаамам̣ саб̣б̣зсамби жзд̇анаа д̇ассзвзгасса ж̇ийвид̇инд̣̇рияаарамман̣аа, д̇ам̣ бана гаммам̣ д̇зсам̣ наанаагаарам̣. д̇зсу (вибха. адта. 811) хи зго аад̣̇арзна чанд̣̇аж̇аад̇о гарод̇и, зго ‘‘зхи д̇вамби гарохий’’д̇и барзхи ниббийл̣ид̇о гарод̇и, зго самаанажчанд̣̇о вияа худ̇ваа аббадиб̣аахамаано вижарад̇и. д̇зсу зго д̇знзва гаммзна нираяз ниб̣б̣ад̇д̇ад̇и, зго д̇иражчаанаяонияам̣, зго бзд̇д̇ивисаяз. д̇ам̣ д̇ат̇ааг̇ад̇о ааяууханагкан̣зязва ‘‘иминаа нийхаарзна ааяуухид̇ад̇д̇аа зса нираяз ниб̣б̣ад̇д̇иссад̇и, зса д̇иражчаанаяонияам̣, зса бзд̇д̇ивисаяз’’д̇и ж̇аанаад̇и. нираяз ниб̣б̣ад̇д̇амаанамби ‘‘зса махаанираяз ниб̣б̣ад̇д̇иссад̇и, зса уссад̣̇анираяз’’д̇и ж̇аанаад̇и. д̇иражчаанаяонияам̣ ниб̣б̣ад̇д̇амаанамби ‘‘зса абаад̣̇аго бхависсад̇и, зса д̣̇вибаад̣̇аго, зса жад̇уббад̣̇о, зса б̣ахуббад̣̇о’’д̇и ж̇аанаад̇и. бзд̇д̇ивисаяз ниб̣б̣ад̇д̇амаанамби ‘‘зса ниж̇жхаамад̇ан̣хиго бхависсад̇и, зса куббибаасиго, зса барад̣̇ад̇д̇уубаж̇ийвий’’д̇и ж̇аанаад̇и. д̇зсу жа гаммзсу ‘‘ид̣̇ам̣ гаммам̣ бадисанд̇хим̣ аагад̣дхиссад̇и, ид̣̇ам̣ ан̃н̃зна д̣̇иннааяа бадисанд̇хияаа убад̇хивзбаггам̣ бхависсад̇ий’’д̇и ж̇аанаад̇и.
Agatigāmininti nibbānagāminiṃ. Vuttañhi ‘‘nibbānañcāhaṃ, sāriputta, pajānāmi nibbānagāminiñca paṭipada’’nti (ma. ni. 1.153). Bahūsupi manussesu ekameva pāṇaṃ ghātentesu kāmaṃ sabbesampi cetanā tassevekassa jīvitindriyārammaṇā, taṃ pana kammaṃ tesaṃ nānākāraṃ. Tesu (vibha. aṭṭha. 811) hi eko ādarena chandajāto karoti, eko ‘‘ehi tvampi karohī’’ti parehi nippīḷito karoti, eko samānacchando viya hutvā appaṭibāhamāno vicarati. Tesu eko teneva kammena niraye nibbattati, eko tiracchānayoniyaṃ, eko pettivisaye. Taṃ tathāgato āyūhanakkhaṇeyeva ‘‘iminā nīhārena āyūhitattā esa niraye nibbattissati, esa tiracchānayoniyaṃ, esa pettivisaye’’ti jānāti. Niraye nibbattamānampi ‘‘esa mahāniraye nibbattissati, esa ussadaniraye’’ti jānāti. Tiracchānayoniyaṃ nibbattamānampi ‘‘esa apādako bhavissati, esa dvipādako, esa catuppado, esa bahuppado’’ti jānāti. Pettivisaye nibbattamānampi ‘‘esa nijjhāmataṇhiko bhavissati, esa khuppipāsiko, esa paradattūpajīvī’’ti jānāti. Tesu ca kammesu ‘‘idaṃ kammaṃ paṭisandhiṃ ākaḍḍhissati, idaṃ aññena dinnāya paṭisandhiyā upadhivepakkaṃ bhavissatī’’ti jānāti.
д̇ат̇аа сагалаг̇аамаваасигзсу згад̇о бин̣д̣абаад̇ам̣ д̣̇ад̣̇амаанзсу гаамам̣ саб̣б̣зсамби жзд̇анаа бин̣д̣абаад̇аарамман̣аава, д̇ам̣ бана гаммам̣ д̇зсам̣ наанаагаарам̣. д̇зсу хи зго аад̣̇арзна гарод̇ийд̇и саб̣б̣ам̣ буримасад̣̇исам̣, д̇асмаа д̇зсу гзжи д̣̇звалогз ниб̣б̣ад̇д̇анд̇и, гзжи мануссалогз. д̇ам̣ д̇ат̇ааг̇ад̇о ааяууханагкан̣зязва ж̇аанаад̇и. ‘‘иминаа нийхаарзна ааяуухид̇ад̇д̇аа зса мануссалогз ниб̣б̣ад̇д̇иссад̇и, зса д̣̇звалогз. д̇ад̇т̇ааби зса кад̇д̇ияагулз, зса б̣раахман̣агулз, зса взссагулз, зса суд̣̇д̣̇агулз, зса бараниммид̇авасавад̇д̇ийсу, зса ниммаанарад̇ийсу, зса д̇усид̇зсу, зса яаамзсу, зса д̇аавад̇им̣сзсу, зса жаад̇умахаарааж̇игзсу, зса бхуммад̣̇звзсуу’’д̇иаад̣̇инаа д̇ад̇т̇а д̇ад̇т̇а хийнабан̣ийд̇асуван̣н̣ад̣̇уб̣б̣ан̣н̣ааббабариваарамахаабариваарад̇аад̣̇ибхзд̣̇ам̣ д̇ам̣ д̇ам̣ висзсам̣ ааяууханагкан̣зязва ж̇аанаад̇и.
Tathā sakalagāmavāsikesu ekato piṇḍapātaṃ dadamānesu kāmaṃ sabbesampi cetanā piṇḍapātārammaṇāva, taṃ pana kammaṃ tesaṃ nānākāraṃ. Tesu hi eko ādarena karotīti sabbaṃ purimasadisaṃ, tasmā tesu keci devaloke nibbattanti, keci manussaloke. Taṃ tathāgato āyūhanakkhaṇeyeva jānāti. ‘‘Iminā nīhārena āyūhitattā esa manussaloke nibbattissati, esa devaloke. Tatthāpi esa khattiyakule, esa brāhmaṇakule, esa vessakule, esa suddakule, esa paranimmitavasavattīsu, esa nimmānaratīsu, esa tusitesu, esa yāmesu, esa tāvatiṃsesu, esa cātumahārājikesu, esa bhummadevesū’’tiādinā tattha tattha hīnapaṇītasuvaṇṇadubbaṇṇaappaparivāramahāparivāratādibhedaṃ taṃ taṃ visesaṃ āyūhanakkhaṇeyeva jānāti.
д̇ат̇аа вибассанам̣ бадтабзнд̇зсуязва ‘‘иминаа нийхаарзна зса гин̃жи саллагкзд̇ум̣ на сагкиссад̇и, зса махаабхууд̇амад̇д̇амзва вавад̇т̇абзссад̇и, зса руубабариг̇г̇ахзязва тассад̇и, зса аруубабариг̇г̇ахзязва, зса наамаруубабариг̇г̇ахзязва, зса бажжаяабариг̇г̇ахзязва, зса лагкан̣аарамман̣игавибассанааяамзва, зса батамапалзязва, зса д̣̇уд̇ияапалзязва, зса д̇ад̇ияапалзязва, зса арахад̇д̇ам̣ баабун̣иссад̇ий’’д̇и ж̇аанаад̇и. гасин̣абаригаммам̣ гаронд̇зсуби ‘‘имасса баригаммамад̇д̇амзва бхависсад̇и, зса нимид̇д̇ам̣ уббаад̣̇зссад̇и, зса аббанам̣ зва баабун̣иссад̇и, зса жхаанам̣ баад̣̇агам̣ гад̇ваа вибассанам̣ бадтабзд̇ваа арахад̇д̇ам̣ г̇ан̣хиссад̇ий’’д̇и ж̇аанаад̇и. д̇знааха ‘‘имасса жзд̇анаа’’д̇иаад̣̇и.
Tathā vipassanaṃ paṭṭhapentesuyeva ‘‘iminā nīhārena esa kiñci sallakkhetuṃ na sakkhissati, esa mahābhūtamattameva vavatthapessati, esa rūpapariggaheyeva ṭhassati, esa arūpapariggaheyeva, esa nāmarūpapariggaheyeva, esa paccayapariggaheyeva, esa lakkhaṇārammaṇikavipassanāyameva, esa paṭhamaphaleyeva, esa dutiyaphaleyeva, esa tatiyaphaleyeva, esa arahattaṃ pāpuṇissatī’’ti jānāti. Kasiṇaparikammaṃ karontesupi ‘‘imassa parikammamattameva bhavissati, esa nimittaṃ uppādessati, esa appanaṃ eva pāpuṇissati, esa jhānaṃ pādakaṃ katvā vipassanaṃ paṭṭhapetvā arahattaṃ gaṇhissatī’’ti jānāti. Tenāha ‘‘imassa cetanā’’tiādi.
гааманад̇о гаамзд̇аб̣б̣ад̇о гаамаббадисам̣яуд̇д̇ад̇о жа д̇хаад̇у гаамад̇хаад̇у. аад̣̇и-сад̣̇д̣̇зна б̣яаабаад̣̇ад̇хаад̇уруубад̇хаад̇уаад̣̇ийнам̣ сан̇г̇ахо. вилагкан̣ад̇ааяаад̇и висад̣̇исасабхаавад̇ааяа. канд̇хааяад̇анад̇хаад̇улоганд̇и анзгад̇хаад̇ум̣ наанаад̇хаад̇ум̣ канд̇халогам̣ ааяад̇аналогам̣ д̇хаад̇улогам̣ яат̇аабхууд̇ам̣ баж̇аанаад̇ийд̇и яож̇анаа. ‘‘аяам̣ руубагканд̇хо наама…бз… аяам̣ вин̃н̃аан̣агканд̇хо наама. д̇зсуби згавид̇хзна руубагканд̇хо, згаад̣̇асавид̇хзна руубагканд̇хо. згавид̇хзна взд̣̇анаагканд̇хо, б̣ахувид̇хзна взд̣̇анаагканд̇хо. згавид̇хзна сан̃н̃аагканд̇хо…бз… сан̇каарагканд̇хо…бз… вин̃н̃аан̣агканд̇хо, б̣ахувид̇хзна вин̃н̃аан̣агканд̇хо’’д̇и звам̣ д̇аава канд̇халогасса, ‘‘ид̣̇ам̣ жагкааяад̇анам̣ наама…бз… ид̣̇ам̣ д̇хаммааяад̇анам̣ наама. д̇ад̇т̇а д̣̇асааяад̇анаа гаамааважараа, д̣̇вз жаад̇убхуумагаа’’д̇иаад̣̇инаа ааяад̇аналогасса, ‘‘аяам̣ жагкуд̇хаад̇у наама…бз… аяам̣ мановин̃н̃аан̣ад̇хаад̇у наама. д̇ад̇т̇а сол̣аса д̇хаад̇уяо гаамааважараа, д̣̇вз жаад̇убхуумагаа’’д̇иаад̣̇инаа д̇хаад̇улогасса анзгасабхаавам̣ наанаасабхааван̃жа баж̇аанаад̇и. на гзвалам̣ убаад̣̇иннасан̇кааралогассзва, ат̇а ко анубаад̣̇иннагасан̇кааралогассаби ‘‘имааяа наама д̇хаад̇уяаа уссаннад̇д̇аа имасса ругкасса канд̇хо сзд̇о, имасса гаал̣о, имасса мадто, имасса саган̣даго, имасса б̣ахалад̇д̇ажо, имасса д̇ануд̇д̇ажо, имасса бад̇д̇ам̣ ван̣н̣асан̣таанаад̣̇ивасзна зваруубам̣, имасса бубпам̣ нийлам̣ бийд̇ам̣ лохид̇ам̣ од̣̇аад̇ам̣ суг̇анд̇хам̣ д̣̇уг̇г̇анд̇хам̣, имасса палам̣ куд̣̇д̣̇агам̣ маханд̇ам̣ д̣̇ийгхам̣ ваддам̣ сусан̣таанам̣ д̣̇уссан̣таанам̣ мадтам̣ парусам̣ суг̇анд̇хам̣ д̣̇уг̇г̇анд̇хам̣ мад̇хурам̣ д̇ид̇д̇агам̣ гадугам̣ амб̣илам̣ гасаавам̣, имасса ган̣даго д̇икин̣о гун̣то уж̇уго гудило д̇амб̣о гаал̣о од̣̇аад̇о ход̇ий’’д̇иаад̣̇инаа баж̇аанаад̇и. саб̣б̣ан̃н̃уб̣уд̣̇д̇хаанам̣ зва хи зд̇ам̣ б̣алам̣, на ан̃н̃зсам̣.
Kāmanato kāmetabbato kāmappaṭisaṃyuttato ca dhātu kāmadhātu. Ādi-saddena byāpādadhāturūpadhātuādīnaṃ saṅgaho. Vilakkhaṇatāyāti visadisasabhāvatāya. Khandhāyatanadhātulokanti anekadhātuṃ nānādhātuṃ khandhalokaṃ āyatanalokaṃ dhātulokaṃ yathābhūtaṃ pajānātīti yojanā. ‘‘Ayaṃ rūpakkhandho nāma…pe… ayaṃ viññāṇakkhandho nāma. Tesupi ekavidhena rūpakkhandho, ekādasavidhena rūpakkhandho. Ekavidhena vedanākkhandho, bahuvidhena vedanākkhandho. Ekavidhena saññākkhandho…pe… saṅkhārakkhandho…pe… viññāṇakkhandho, bahuvidhena viññāṇakkhandho’’ti evaṃ tāva khandhalokassa, ‘‘idaṃ cakkhāyatanaṃ nāma…pe… idaṃ dhammāyatanaṃ nāma. Tattha dasāyatanā kāmāvacarā, dve cātubhūmakā’’tiādinā āyatanalokassa, ‘‘ayaṃ cakkhudhātu nāma…pe… ayaṃ manoviññāṇadhātu nāma. Tattha soḷasa dhātuyo kāmāvacarā, dve cātubhūmakā’’tiādinā dhātulokassa anekasabhāvaṃ nānāsabhāvañca pajānāti. Na kevalaṃ upādinnasaṅkhāralokasseva, atha kho anupādinnakasaṅkhāralokassapi ‘‘imāya nāma dhātuyā ussannattā imassa rukkhassa khandho seto, imassa kāḷo, imassa maṭṭho, imassa sakaṇṭako, imassa bahalattaco, imassa tanuttaco, imassa pattaṃ vaṇṇasaṇṭhānādivasena evarūpaṃ, imassa pupphaṃ nīlaṃ pītaṃ lohitaṃ odātaṃ sugandhaṃ duggandhaṃ, imassa phalaṃ khuddakaṃ mahantaṃ dīghaṃ vaṭṭaṃ susaṇṭhānaṃ dussaṇṭhānaṃ maṭṭhaṃ pharusaṃ sugandhaṃ duggandhaṃ madhuraṃ tittakaṃ kaṭukaṃ ambilaṃ kasāvaṃ, imassa kaṇṭako tikhiṇo kuṇṭho ujuko kuṭilo tambo kāḷo odāto hotī’’tiādinā pajānāti. Sabbaññubuddhānaṃ eva hi etaṃ balaṃ, na aññesaṃ.
наанаад̇химуд̇д̇игад̇анд̇и наанаж̇жхаасаяад̇ам̣. ад̇химуд̇д̇и наама аж̇жхаасаяад̇хаад̇у аж̇жхаасаяасабхааво. со бана хийнабан̣ийд̇ад̇аасааман̃н̃зна баал̣ияам̣ д̣̇вид̇хаава вуд̇д̇оби хийнабан̣ийд̇аад̣̇ибхзд̣̇зна анзгавид̇ход̇и ааха ‘‘хийнаад̣̇ийхи ад̇химуд̇д̇ийхи наанаад̇химуд̇д̇игабхаава’’нд̇и. д̇ад̇т̇а яз яз сад̇д̇аа яам̣яам̣ад̇химуд̇д̇игаа, д̇з д̇з д̇ам̣д̇ад̣̇ад̇химуд̇д̇игз зва сзванд̇и бхаж̇анд̇и баяирубаасанд̇и д̇хаад̇усабхааг̇ад̇о. яат̇аа г̇уут̇аад̣̇ийнам̣ д̇хаад̇уунам̣ сабхааво зсо, яам̣ г̇уут̇аад̣̇ийхи зва сам̣санд̣̇анд̇и самзнд̇и, звам̣ хийнаж̇жхаасаяаа д̣̇уссийлаад̣̇ийхзва сам̣санд̣̇анд̇и самзнд̇и, самбаннасийлаад̣̇аяо жа самбаннасийлаад̣̇ийхзва. д̇ам̣ нзсам̣ наанаад̇химуд̇д̇игад̇ам̣ бхаг̇аваа яат̇аабхууд̇ам̣ баж̇аанаад̇ийд̇и.
Nānādhimuttikatanti nānajjhāsayataṃ. Adhimutti nāma ajjhāsayadhātu ajjhāsayasabhāvo. So pana hīnapaṇītatāsāmaññena pāḷiyaṃ dvidhāva vuttopi hīnapaṇītādibhedena anekavidhoti āha ‘‘hīnādīhi adhimuttīhi nānādhimuttikabhāva’’nti. Tattha ye ye sattā yaṃyaṃadhimuttikā, te te taṃtadadhimuttike eva sevanti bhajanti payirupāsanti dhātusabhāgato. Yathā gūthādīnaṃ dhātūnaṃ sabhāvo eso, yaṃ gūthādīhi eva saṃsandanti samenti, evaṃ hīnajjhāsayā dussīlādīheva saṃsandanti samenti, sampannasīlādayo ca sampannasīlādīheva. Taṃ nesaṃ nānādhimuttikataṃ bhagavā yathābhūtaṃ pajānātīti.
вуд̣̇д̇хим̣ хаанин̃жаад̇и бажжаяависзсзна саамад̇т̇ияад̇о ад̇хигад̇ам̣ анад̇хигад̇ан̃жа. инд̣̇рияабаробарияад̇д̇ан̃аан̣анид̣̇д̣̇зсз (вибха. 814; бади. ма. 113) ‘‘аасаяам̣ ж̇аанаад̇и, анусаяам̣ ж̇аанаад̇ий’’д̇и аасаяаад̣̇иж̇аананам̣ гасмаа нид̣̇д̣̇идтанд̇и? аасаяаж̇аананаад̣̇инаа язхи инд̣̇риязхи баробарзхи сад̇д̇аа галяаан̣абаабаасаяаад̣̇игаа хонд̇и, д̇зсам̣ ж̇аананасса вибхааванад̇о. зван̃жа гад̇ваа инд̣̇рияабаробарияад̇д̇ааасаяаанусаяан̃аан̣аанам̣ висум̣ асаад̇хааран̣ад̇аа, инд̣̇рияабаробарияад̇д̇анаанаад̇химуд̇д̇игад̇аан̃аан̣аанам̣ висум̣ б̣алавад̇аа жа сид̣̇д̇хаа ход̇и. д̇ад̇т̇а аасаяанд̇и яад̇т̇а сад̇д̇аа нивасанд̇и, д̇ам̣ д̇зсам̣ ниваасадтаанам̣, д̣̇идтиг̇ад̇ам̣ ваа яат̇аабхууд̇ан̃аан̣ам̣ ваа аасаяо, анусаяо аббахийнабхаавзна т̇аамаг̇ад̇о гилзсо. д̇ам̣ бана бхаг̇аваа сад̇д̇аанам̣ аасаяам̣ ж̇аананд̇о д̇зсам̣ д̇зсам̣ д̣̇идтиг̇ад̇аанам̣ вибассанаамаг̇г̇ан̃аан̣аанан̃жа аббавад̇д̇игкан̣зби ж̇аанаад̇и. вуд̇д̇ан̃хзд̇ам̣ –
Vuddhiṃhāniñcāti paccayavisesena sāmatthiyato adhikataṃ anadhikatañca. Indriyaparopariyattañāṇaniddese (vibha. 814; paṭi. ma. 113) ‘‘āsayaṃ jānāti, anusayaṃ jānātī’’ti āsayādijānanaṃ kasmā niddiṭṭhanti? Āsayajānanādinā yehi indriyehi paroparehi sattā kalyāṇapāpāsayādikā honti, tesaṃ jānanassa vibhāvanato. Evañca katvā indriyaparopariyattaāsayānusayañāṇānaṃ visuṃ asādhāraṇatā, indriyaparopariyattanānādhimuttikatāñāṇānaṃ visuṃ balavatā ca siddhā hoti. Tattha āsayanti yattha sattā nivasanti, taṃ tesaṃ nivāsaṭṭhānaṃ, diṭṭhigataṃ vā yathābhūtañāṇaṃ vā āsayo, anusayo appahīnabhāvena thāmagato kileso. Taṃ pana bhagavā sattānaṃ āsayaṃ jānanto tesaṃ tesaṃ diṭṭhigatānaṃ vipassanāmaggañāṇānañca appavattikkhaṇepi jānāti. Vuttañhetaṃ –
‘‘гаамам̣ сзванд̇ам̣язва бхаг̇аваа ж̇аанаад̇и – ‘аяам̣ буг̇г̇ало гаамаг̇аруго гаамаасаяо гаамаад̇химуд̇д̇о’д̇и. гаамам̣ сзванд̇ам̣язва ж̇аанаад̇и – ‘аяам̣ буг̇г̇ало нзгкаммаг̇аруго нзгкаммаасаяо нзгкаммаад̇химуд̇д̇о’д̇и. нзгкаммам̣ сзванд̇ам̣язва ж̇аанаад̇и. б̣яаабаад̣̇ам̣, аб̣яаабаад̣̇ам̣, т̇инамид̣̇д̇хам̣, аалогасан̃н̃ам̣ сзванд̇ам̣язва ж̇аанаад̇и – ‘аяам̣ буг̇г̇ало т̇инамид̣̇д̇хаг̇аруго т̇инамид̣̇д̇хаасаяо т̇инамид̣̇д̇хаад̇химуд̇д̇о’’’д̇и (бади. ма. 1.113).
‘‘Kāmaṃ sevantaṃyeva bhagavā jānāti – ‘ayaṃ puggalo kāmagaruko kāmāsayo kāmādhimutto’ti. Kāmaṃ sevantaṃyeva jānāti – ‘ayaṃ puggalo nekkhammagaruko nekkhammāsayo nekkhammādhimutto’ti. Nekkhammaṃ sevantaṃyeva jānāti. Byāpādaṃ, abyāpādaṃ, thinamiddhaṃ, ālokasaññaṃ sevantaṃyeva jānāti – ‘ayaṃ puggalo thinamiddhagaruko thinamiddhāsayo thinamiddhādhimutto’’’ti (paṭi. ma. 1.113).
батамаад̣̇ийнам̣ жад̇уннам̣ жхаанаананд̇и руубааважараанам̣ батамаад̣̇ийнам̣ бажжанийгаж̇жхаабанадтзна аарамман̣уубаниж̇жхаабанадтзна жа жхаанаанам̣. жад̇угганаязна хзд̇ам̣ вуд̇д̇ам̣. адтаннам̣ вимогкаананд̇и зд̇т̇а бадибаадияаа сад̇д̇а аббид̇аббид̇агкан̣з бажжанийгад̇хаммзхи вимужжанад̇о аарамман̣з жа ад̇химужжанад̇о вимогкаа наама. адтамо бана саб̣б̣асо сан̃н̃аавзд̣̇аяид̇зхи вимуд̇д̇ад̇д̇аа абаг̇амавимогко наама. жад̇угганаяабан̃жаганаязсу батамаж̇жхаанасамаад̇хи савид̇аггасавижааро наама. бан̃жаганаяз д̣̇уд̇ияаж̇жхаанасамаад̇хи авид̇аггавижаарамад̇д̇о. наяад̣̇ваязби убари д̇ийсу жхаанзсу самаад̇хи авид̇аггаавижааро. самаабад̇д̇ийсу бадибаадияаа адтаннам̣ самаад̇хийд̇иби наамам̣, самаабад̇д̇ийд̇иби жид̇д̇згаг̇г̇ад̇аасаб̣бхаавад̇о, нирод̇хасамаабад̇д̇ияаа д̇ад̣̇абхаавад̇о на самаад̇хийд̇и наамам̣. хаанабхааг̇ияад̇хамманд̇и аббаг̇ун̣зхи батамаж̇жхаанаад̣̇ийхи вудтид̇асса сан̃н̃ааманасигаараанам̣ гаамаад̣̇ианубагканд̣̇анам̣ . висзсабхааг̇ияад̇хамманд̇и баг̇ун̣зхи батамаж̇жхаанаад̣̇ийхи вудтид̇асса сан̃н̃ааманасигаараанам̣ д̣̇уд̇ияаж̇жхаанаад̣̇ибагканд̣̇анам̣. ид̇и сан̃н̃ааманасигаараанам̣ гаамаад̣̇ид̣̇уд̇ияаж̇жхаанаад̣̇ибагканд̣̇анаани хаанабхааг̇ияависзсабхааг̇ияаа д̇хаммаад̇и д̣̇ассид̇аани. д̇зхи бана жхаанаанам̣ д̇ам̣сабхаавад̇аа жа д̇хаммасад̣̇д̣̇зна вуд̇д̇аа. д̇асмаад̇и вуд̇д̇амзвад̇т̇ам̣ хзд̇убхаавзна бажжаамасад̇и. вод̣̇аананд̇и баг̇ун̣ад̇аасан̇каад̇ам̣ вод̣̇аанам̣. д̇ан̃хи батамаж̇жхаанаад̣̇ийхи вудтахид̇ваа д̣̇уд̇ияаж̇жхаанаад̣̇иад̇хиг̇амасса бажжаяад̇д̇аа ‘‘вудтаана’’нд̇и вуд̇д̇ам̣. гзжи бана ‘‘нирод̇хад̇о паласамаабад̇д̇ияаа вудтаананд̇и баал̣и над̇т̇ий’’д̇и вад̣̇анд̇и. д̇з ‘‘нирод̇хаа вудтаханд̇асса нзвасан̃н̃аанаасан̃н̃ааяад̇анам̣ паласамаабад̇д̇ияаа ананд̇арабажжаязна бажжаяо’’д̇и имааяа баал̣ияаа (бадтаа. 1.1.417) бадисзд̇хзд̇аб̣б̣аа. яо самаабад̇д̇илаабхий самаано зва ‘‘на лаабхиймхий’’д̇и, гаммадтаанам̣ самаанам̣ зва ‘‘на гаммадтаана’’нд̇и сан̃н̃ий ход̇и, со самбад̇д̇им̣язва самаанам̣ ‘‘вибад̇д̇ий’’д̇и бажжзд̇ийд̇и взд̣̇ид̇аб̣б̣о.
Paṭhamādīnaṃ catunnaṃ jhānānanti rūpāvacarānaṃ paṭhamādīnaṃ paccanīkajjhāpanaṭṭhena ārammaṇūpanijjhāpanaṭṭhena ca jhānānaṃ. Catukkanayena hetaṃ vuttaṃ. Aṭṭhannaṃ vimokkhānanti ettha paṭipāṭiyā satta appitappitakkhaṇe paccanīkadhammehi vimuccanato ārammaṇe ca adhimuccanato vimokkhā nāma. Aṭṭhamo pana sabbaso saññāvedayitehi vimuttattā apagamavimokkho nāma. Catukkanayapañcakanayesu paṭhamajjhānasamādhi savitakkasavicāro nāma. Pañcakanaye dutiyajjhānasamādhi avitakkavicāramatto. Nayadvayepi upari tīsu jhānesu samādhi avitakkaavicāro. Samāpattīsu paṭipāṭiyā aṭṭhannaṃ samādhītipi nāmaṃ, samāpattītipi cittekaggatāsabbhāvato, nirodhasamāpattiyā tadabhāvato na samādhīti nāmaṃ. Hānabhāgiyadhammanti appaguṇehi paṭhamajjhānādīhi vuṭṭhitassa saññāmanasikārānaṃ kāmādianupakkhandanaṃ . Visesabhāgiyadhammanti paguṇehi paṭhamajjhānādīhi vuṭṭhitassa saññāmanasikārānaṃ dutiyajjhānādipakkhandanaṃ. Iti saññāmanasikārānaṃ kāmādidutiyajjhānādipakkhandanāni hānabhāgiyavisesabhāgiyā dhammāti dassitāni. Tehi pana jhānānaṃ taṃsabhāvatā ca dhammasaddena vuttā. Tasmāti vuttamevatthaṃ hetubhāvena paccāmasati. Vodānanti paguṇatāsaṅkhātaṃ vodānaṃ. Tañhi paṭhamajjhānādīhi vuṭṭhahitvā dutiyajjhānādiadhigamassa paccayattā ‘‘vuṭṭhāna’’nti vuttaṃ. Keci pana ‘‘nirodhato phalasamāpattiyā vuṭṭhānanti pāḷi natthī’’ti vadanti. Te ‘‘nirodhā vuṭṭhahantassa nevasaññānāsaññāyatanaṃ phalasamāpattiyā anantarapaccayena paccayo’’ti imāya pāḷiyā (paṭṭhā. 1.1.417) paṭisedhetabbā. Yo samāpattilābhī samāno eva ‘‘na lābhīmhī’’ti, kammaṭṭhānaṃ samānaṃ eva ‘‘na kammaṭṭhāna’’nti saññī hoti, so sampattiṃyeva samānaṃ ‘‘vipattī’’ti paccetīti veditabbo.
на д̇ат̇аа д̣̇адтаб̣б̣анд̇и яат̇аа бараваад̣̇инаа вуд̇д̇ам̣, д̇ат̇аа на д̣̇адтаб̣б̣ам̣. сагасагагижжамзва ж̇аанаад̇ийд̇и таанаадтаанаж̇аананаад̣̇исагасагамзва гижжам̣ гаад̇ум̣ ж̇аанаад̇и, яат̇аасагамзва висаяам̣ бадивиж̇жхад̇ийд̇и ад̇т̇о. д̇амбийд̇и д̇зхи д̣̇асаб̣алан̃аан̣зхи ж̇аанид̇аб̣б̣амби. гаммавибааганд̇арамзваад̇и гамманд̇арасса вибааганд̇арамзва ж̇аанаад̇и. жзд̇анаажзд̇анаасамбаяуд̇д̇ад̇хаммз нираяаад̣̇иниб̣б̣аанаг̇ааминиббадибад̣̇аабхууд̇з гамманд̇и г̇ахзд̇ваа ааха ‘‘гаммабарижчзд̣̇амзваа’’д̇и. д̇хаад̇унаанад̇д̇ан̃жа д̇хаад̇унаанад̇д̇агааран̣ан̃жа д̇хаад̇унаанад̇д̇агааран̣анд̇и згад̣̇зсасаруубзгасзсо д̣̇адтаб̣б̣о. д̇ан̃хи н̃аан̣ам̣ д̇ад̣̇убхаяамби ж̇аанаад̇и. ‘‘имааяа наама д̇хаад̇уяаа уссаннад̇д̇аа’’д̇иаад̣̇инаа (вибха. адта. 812) д̇ат̇аа жзва сам̣ван̣н̣ид̇ам̣. сажжабарижчзд̣̇амзваад̇и барин̃н̃аабхисамаяаад̣̇ивасзна сажжаанам̣ барижчиннамзва. аббзд̇ум̣ на саггод̇и адтаманавамаб̣алаани вияа д̇ам̣сад̣̇исам̣, ид̣̇д̇хивид̇хан̃аан̣амива вигуб̣б̣ид̇ум̣. зд̇знасса б̣аласад̣̇исад̇ан̃жа ниваарзд̇и. жхаанаад̣̇ин̃аан̣ам̣ вияа ваа аббзд̇ум̣ вигуб̣б̣ид̇ун̃жа. яад̣̇иби хи жхаанаад̣̇ибажжавзгкан̣ан̃аан̣ам̣ сад̇д̇амаб̣аланд̇и д̇асса савид̇аггасавижаарад̇аа вуд̇д̇аа, д̇ат̇ааби жхаанаад̣̇ийхи винаа бажжавзгкан̣аа над̇т̇ийд̇и жхаанаад̣̇исахаг̇ад̇ам̣ н̃аан̣ам̣ д̇ад̣̇анд̇ог̇ад̇хам̣ гад̇ваа звам̣ вуд̇д̇анд̇и взд̣̇ид̇аб̣б̣ам̣. ат̇а ваа саб̣б̣ан̃н̃уд̇ан̃н̃аан̣ам̣ жхаанаад̣̇игижжам̣ вияа на саб̣б̣ам̣ б̣алагижжам̣ гаад̇ум̣ саггод̇ийд̇и д̣̇ассзд̇ум̣ ‘‘жхаанам̣ худ̇ваа аббзд̇ум̣, ид̣̇д̇хи худ̇ваа вигуб̣б̣ид̇ун̃жа на саггод̇ий’’д̇и вуд̇д̇ам̣, на бана гассажи б̣аласса жхаанаид̣̇д̇хибхаавад̇од̇и д̣̇адтаб̣б̣ам̣.
Na tathā daṭṭhabbanti yathā paravādinā vuttaṃ, tathā na daṭṭhabbaṃ. Sakasakakiccameva jānātīti ṭhānāṭṭhānajānanādisakasakameva kiccaṃ kātuṃ jānāti, yathāsakameva visayaṃ paṭivijjhatīti attho. Tampīti tehi dasabalañāṇehi jānitabbampi. Kammavipākantaramevāti kammantarassa vipākantarameva jānāti. Cetanācetanāsampayuttadhamme nirayādinibbānagāminippaṭipadābhūte kammanti gahetvā āha ‘‘kammaparicchedamevā’’ti. Dhātunānattañca dhātunānattakāraṇañca dhātunānattakāraṇanti ekadesasarūpekaseso daṭṭhabbo. Tañhi ñāṇaṃ tadubhayampi jānāti. ‘‘Imāya nāma dhātuyā ussannattā’’tiādinā (vibha. aṭṭha. 812) tathā ceva saṃvaṇṇitaṃ. Saccaparicchedamevāti pariññābhisamayādivasena saccānaṃ paricchinnameva. Appetuṃ na sakkoti aṭṭhamanavamabalāni viya taṃsadisaṃ, iddhividhañāṇamiva vikubbituṃ. Etenassa balasadisatañca nivāreti. Jhānādiñāṇaṃ viya vā appetuṃ vikubbituñca. Yadipi hi jhānādipaccavekkhaṇañāṇaṃ sattamabalanti tassa savitakkasavicāratā vuttā, tathāpi jhānādīhi vinā paccavekkhaṇā natthīti jhānādisahagataṃ ñāṇaṃ tadantogadhaṃ katvā evaṃ vuttanti veditabbaṃ. Atha vā sabbaññutaññāṇaṃ jhānādikiccaṃ viya na sabbaṃ balakiccaṃ kātuṃ sakkotīti dassetuṃ ‘‘jhānaṃ hutvā appetuṃ, iddhi hutvā vikubbituñca na sakkotī’’ti vuttaṃ, na pana kassaci balassa jhānaiddhibhāvatoti daṭṭhabbaṃ.
звам̣ гижжависзсавасзнаби д̣̇асаб̣алан̃аан̣асаб̣б̣ан̃н̃уд̇ан̃н̃аан̣ависзсам̣ д̣̇ассзд̇ваа ид̣̇аани вид̇аггад̇д̇игабхууманд̇аравасзнаби д̇ам̣ д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣. бадибаадияаад̇иаад̣̇ид̇о бадтааяа бадибаадияаа.
Evaṃ kiccavisesavasenapi dasabalañāṇasabbaññutaññāṇavisesaṃ dassetvā idāni vitakkattikabhūmantaravasenapi taṃ dassetuṃ ‘‘apicā’’tiādi vuttaṃ. Paṭipāṭiyātiādito paṭṭhāya paṭipāṭiyā.
анубад̣̇аван̣н̣анам̣ н̃ад̇ваа взд̣̇ид̇аб̣б̣аанийд̇и самб̣анд̇хо. гилзсааваран̣ам̣ нияад̇амижчаад̣̇идти. гилзсааваран̣асса абхааво аасавагкаяан̃аан̣аад̇хиг̇амасса таанам̣, д̇аб̣бхааво адтаанам̣. анад̇хиг̇амасса бана д̇ад̣̇убхаяамби яат̇ааггамам̣ адтаанам̣ таанан̃жаад̇и д̇ад̇т̇а гааран̣ам̣ д̣̇ассзнд̇о ‘‘логияа…бз… д̣̇ассанад̇о жаа’’д̇и ааха. д̇ад̇т̇а логияасаммаад̣̇идтияаа тид̇и аасавагкаяаад̇хиг̇амасса таанам̣ гилзсааваран̣аабхаавасса гааран̣ад̇д̇аа. саа хи д̇асмим̣ сад̇и на ход̇и, асад̇и жа ход̇и. зд̇зна д̇ассаа адтид̇ияаа д̇асса адтаанад̇аа вуд̇д̇аа зва. нзсам̣ взнзяяасад̇д̇аанам̣. д̇хаад̇увзмад̇д̇ад̣̇ассанад̇од̇и гаамад̇хаад̇уаад̣̇ийнам̣ бавад̇д̇ибхзд̣̇ад̣̇ассанад̇о, яад̣̇аг̇г̇зна д̇хаад̇увзмад̇д̇ам̣ ж̇аанаад̇и, д̇ад̣̇аг̇г̇зна жарияаад̣̇ивисзсамби ж̇аанаад̇и. д̇хаад̇увзмад̇д̇ад̣̇ассанад̇од̇и ваа д̇хаммад̇хаад̇увзмад̇д̇ад̣̇ассанад̇о. саб̣б̣ааби хи жарияаа д̇хаммад̇хаад̇убарияаабаннаа зваад̇и. баяог̇ам̣ анаад̣̇ияид̇вааби санд̇ад̇имахаамад̇д̇аад̣̇ийнам̣ вияа. д̣̇иб̣б̣ажагкаанубхаавад̇о бад̇д̇аб̣б̣знаад̇и зд̇т̇а д̣̇иб̣б̣ажагкунаа барасса хад̣̇аяавад̇т̇усанниссаяалохид̇аван̣н̣ад̣̇ассанамукзна д̇ад̣̇аа бавад̇д̇амаанажид̇д̇аж̇аананад̇т̇ам̣ баригаммагаран̣ам̣ наама саавагаанам̣, д̇ан̃жа ко аад̣̇игаммигаанам̣, яад̇о д̣̇иб̣б̣ажагкуаанубхаавад̇о жзд̇обарияан̃аан̣асса бад̇д̇аб̣б̣ад̇аа сияаа. б̣уд̣̇д̇хаанам̣ бана яад̣̇иби аасавагкаяан̃аан̣аад̇хиг̇амад̇о баг̇зва д̣̇иб̣б̣ажагкун̃аан̣аад̇хиг̇амо, д̇ат̇ааби д̇ат̇аабаригаммагаран̣ам̣ над̇т̇и виж̇ж̇аад̇д̇аяасид̣̇д̇хияаа сиж̇жханад̇о. сзсаабхин̃н̃аад̇д̇аяз жзд̇обарияан̃аан̣ам̣ д̣̇иб̣б̣ажагкун̃аан̣аад̇хиг̇амзна бад̇д̇анд̇и жа вад̇д̇аб̣б̣ад̇ам̣ лабхад̇ийд̇и д̇ат̇аа вуд̇д̇анд̇и д̣̇адтаб̣б̣ам̣.
Anupadavaṇṇanaṃ ñatvā veditabbānīti sambandho. Kilesāvaraṇaṃ niyatamicchādiṭṭhi. Kilesāvaraṇassa abhāvo āsavakkhayañāṇādhigamassa ṭhānaṃ, tabbhāvo aṭṭhānaṃ. Anadhigamassa pana tadubhayampi yathākkamaṃ aṭṭhānaṃ ṭhānañcāti tattha kāraṇaṃ dassento ‘‘lokiya…pe… dassanato cā’’ti āha. Tattha lokiyasammādiṭṭhiyā ṭhiti āsavakkhayādhigamassa ṭhānaṃ kilesāvaraṇābhāvassa kāraṇattā. Sā hi tasmiṃ sati na hoti, asati ca hoti. Etena tassā aṭṭhitiyā tassa aṭṭhānatā vuttā eva. Nesaṃ veneyyasattānaṃ. Dhātuvemattadassanatoti kāmadhātuādīnaṃ pavattibhedadassanato, yadaggena dhātuvemattaṃ jānāti, tadaggena cariyādivisesampi jānāti. Dhātuvemattadassanatoti vā dhammadhātuvemattadassanato. Sabbāpi hi cariyā dhammadhātupariyāpannā evāti. Payogaṃ anādiyitvāpi santatimahāmattādīnaṃ viya. Dibbacakkhānubhāvato pattabbenāti ettha dibbacakkhunā parassa hadayavatthusannissayalohitavaṇṇadassanamukhena tadā pavattamānacittajānanatthaṃ parikammakaraṇaṃ nāma sāvakānaṃ, tañca kho ādikammikānaṃ, yato dibbacakkhuānubhāvato cetopariyañāṇassa pattabbatā siyā. Buddhānaṃ pana yadipi āsavakkhayañāṇādhigamato pageva dibbacakkhuñāṇādhigamo, tathāpi tathāparikammakaraṇaṃ natthi vijjāttayasiddhiyā sijjhanato. Sesābhiññāttaye cetopariyañāṇaṃ dibbacakkhuñāṇādhigamena pattanti ca vattabbataṃ labhatīti tathā vuttanti daṭṭhabbaṃ.
сийханаад̣̇асуд̇д̇аван̣н̣анаа нидтид̇аа.
Sīhanādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 1. сийханаад̣̇асуд̇д̇ам̣ • 1. Sīhanādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1. сийханаад̣̇асуд̇д̇аван̣н̣анаа • 1. Sīhanādasuttavaṇṇanā
