| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๒. สีหนาทวโคฺค
2. Sīhanādavaggo
๑. สีหนาทสุตฺตวณฺณนา
1. Sīhanādasuttavaṇṇanā
๑๑. ทุติยสฺส ปฐเม อวาปุเรนฺติ วิวรนฺติ ทฺวารํ เอเตนาติ อวาปุรณํฯ รชํ หรนฺติ เอเตนาติ รโชหรณํฯ กโฬปิหโตฺถติ วิลีวมยภาชนหโตฺถ, ‘‘จมฺมมยภาชนหโตฺถ’’ติ จ วทนฺติฯ ฉินฺนานิ วิสาณานิ เอตสฺสาติ ฉินฺนวิสาโณ, อุสโภ จ โส ฉินฺนวิสาโณ จาติ อุสภฉินฺนวิสาโณฯ วิเสสนปโรยํ สมาโสฯ อหิกุณเปน วาติอาทิ อติเชคุจฺฉปฺปฎิกูลกุณปทสฺสนตฺถํ วุตฺตํฯ กเณฺฐ อาสเตฺตนาติ เกนจิเทว ปจฺจตฺถิเกน อาเนตฺวา กเณฺฐ พเทฺธน, โอมุเกฺกนาติ อโตฺถฯ อโฎฺฎ อาตุโร ทุคฺคนฺธปีฬาย ปีฬิโตฯ อจฺจยสฺส ปฎิคฺคณฺหนํ วา อธิวาสนํฯ เอวญฺหิ โส การเณ เทสิยมาเน ตโต วิคโต นาม โหติฯ เตนาห ‘‘ปฎิคฺคณฺหตูติ ขมตู’’ติฯ เสสเมตฺถ สุวิเญฺญยฺยเมวฯ
11. Dutiyassa paṭhame avāpurenti vivaranti dvāraṃ etenāti avāpuraṇaṃ. Rajaṃ haranti etenāti rajoharaṇaṃ. Kaḷopihatthoti vilīvamayabhājanahattho, ‘‘cammamayabhājanahattho’’ti ca vadanti. Chinnāni visāṇāni etassāti chinnavisāṇo, usabho ca so chinnavisāṇo cāti usabhachinnavisāṇo. Visesanaparoyaṃ samāso. Ahikuṇapena vātiādi atijegucchappaṭikūlakuṇapadassanatthaṃ vuttaṃ. Kaṇṭhe āsattenāti kenacideva paccatthikena ānetvā kaṇṭhe baddhena, omukkenāti attho. Aṭṭo āturo duggandhapīḷāya pīḷito. Accayassa paṭiggaṇhanaṃ vā adhivāsanaṃ. Evañhi so kāraṇe desiyamāne tato vigato nāma hoti. Tenāha ‘‘paṭiggaṇhatūti khamatū’’ti. Sesamettha suviññeyyameva.
สีหนาทสุตฺตวณฺณนา นิฎฺฐิตาฯ
Sīhanādasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑. สีหนาทสุตฺตํ • 1. Sīhanādasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑. สีหนาทสุตฺตวณฺณนา • 1. Sīhanādasuttavaṇṇanā
