| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਸੀਹਨਾਦવਗ੍ਗੋ
2. Sīhanādavaggo
੧. ਸੀਹਨਾਦਸੁਤ੍ਤવਣ੍ਣਨਾ
1. Sīhanādasuttavaṇṇanā
੧੧. ਦੁਤਿਯਸ੍ਸ ਪਠਮੇ ਯੇਨ ਭਗવਾ ਤੇਨੁਪਸਙ੍ਕਮੀਤਿ ‘‘ਸਚੇ ਸਤ੍ਥਾ ਚਾਰਿਕਂ ਪਕ੍ਕਮਿਤੁਕਾਮੋ ਅਸ੍ਸ , ਇਮਸ੍ਮਿਂ ਕਾਲੇ ਪਕ੍ਕਮੇਯ੍ਯ। ਹਨ੍ਦਾਹਂ ਚਾਰਿਕਂ ਗਮਨਤ੍ਥਾਯ ਸਤ੍ਥਾਰਂ ਆਪੁਚ੍ਛਾਮੀ’’ਤਿ ਚਿਨ੍ਤੇਤ੍વਾ ਭਿਕ੍ਖੁਸਙ੍ਘਪਰਿવੁਤੋ ਉਪਸਙ੍ਕਮਿ। ਆਯਸ੍ਮਾ ਮਂ, ਭਨ੍ਤੇਤਿ ਸੋ ਕਿਰ ਭਿਕ੍ਖੁ ਥੇਰਂ ਮਹਤਾ ਭਿਕ੍ਖੁਪਰਿવਾਰੇਨ ਗਚ੍ਛਨ੍ਤਂ ਦਿਸ੍વਾ ‘‘ਇਮੇ ਭਿਕ੍ਖੂ ਤਥਾਗਤਂ ਪਹਾਯ ਸਾਰਿਪੁਤ੍ਤਂ ਪਰਿવਾਰੇਤ੍વਾ ਨਿਕ੍ਖਨ੍ਤਾ, ਗਮਨવਿਚ੍ਛੇਦਮਸ੍ਸ ਕਰਿਸ੍ਸਾਮੀ’’ਤਿ ਅਟ੍ਠਾਨੇ ਕੋਪਂ ਬਨ੍ਧਿਤ੍વਾ ਏવਮਾਹ। ਤਤ੍ਥ ਆਸਜ੍ਜਾਤਿ ਘਟ੍ਟੇਤ੍વਾ। ਅਪ੍ਪਟਿਨਿਸ੍ਸਜ੍ਜਾਤਿ ਅਕ੍ਖਮਾਪੇਤ੍વਾ ਅਚ੍ਚਯਂ ਅਦੇਸੇਤ੍વਾ। ਕਿਸ੍ਮਿਂ ਪਨ ਸੋ ਕਾਰਣੇ ਆਘਾਤਂ ਬਨ੍ਧੀਤਿ? ਥੇਰਸ੍ਸ ਕਿਰ ਦਸਬਲਂ વਨ੍ਦਿਤ੍વਾ ਉਟ੍ਠਾਯ ਗਚ੍ਛਤੋ ਚੀવਰਕਣ੍ਣੋ ਤਸ੍ਸ ਸਰੀਰਂ ਫੁਸਿ, વਾਤੋ ਪਹਰੀਤਿਪਿ વਦਨ੍ਤਿ। ਏਤ੍ਤਕੇਨ ਆਘਾਤਂ ਬਨ੍ਧਿਤ੍વਾ ਥੇਰਂ ਮਹਤਾ ਪਰਿવਾਰੇਨ ਗਚ੍ਛਨ੍ਤਂ ਦਿਸ੍વਾ ਉਸੂਯਮਾਨੋ ‘‘ਗਮਨવਿਚ੍ਛੇਦਮਸ੍ਸ ਕਰਿਸ੍ਸਾਮੀ’’ਤਿ ਏવਮਾਹ। ਏਹਿ ਤ੍વਂ ਭਿਕ੍ਖੂਤਿ ਸਤ੍ਥਾ ਤਸ੍ਸ ਭਿਕ੍ਖੁਨੋ વਚਨਂ ਸੁਤ੍વਾ ‘‘ਨ ਤਂ ਭਿਕ੍ਖੁ ਸਾਰਿਪੁਤ੍ਤੋ ਪਹਰੀਤਿ વੁਤ੍ਤੇ, ‘ਭਨ੍ਤੇ, ਤੁਮ੍ਹੇ ਅਤ੍ਤਨੋ ਅਗ੍ਗਸਾવਕਸ੍ਸੇવ ਪਕ੍ਖਂ વਹਥ, ਨ ਮਯ੍ਹ’ਨ੍ਤਿ ਮਯਿ ਮਨੋਪਦੋਸਂ ਕਤ੍વਾ ਅਪਾਯੇ ਨਿਬ੍ਬਤ੍ਤੇਯ੍ਯਾ’’ਤਿ ਞਤ੍વਾ ‘‘ਸਾਰਿਪੁਤ੍ਤਂ ਪਕ੍ਕੋਸਾਪੇਤ੍વਾ ਇਮਮਤ੍ਥਂ ਪੁਚ੍ਛਿਸ੍ਸਾਮੀ’’ਤਿ ਏਕਂ ਭਿਕ੍ਖੁਂ ਆਮਨ੍ਤੇਤ੍વਾ ਏવਮਾਹ। ਅવਾਪੁਰਣਂ ਆਦਾਯਾਤਿ ਕੁਞ੍ਚਿਕਂ ਗਹੇਤ੍વਾ। ਸੀਹਨਾਦਨ੍ਤਿ ਸੇਟ੍ਠਨਾਦਂ ਪਮੁਖਨਾਦਂ ਅਪ੍ਪਟਿવਤ੍ਤਿਯਨਾਦਂ। ਏવਂ ਦ੍વੀਹਿ ਮਹਾਥੇਰੇਹਿ ਆਰੋਚਿਤੋ ਭਿਕ੍ਖੁਸਙ੍ਘੋ ਰਤ੍ਤਿਟ੍ਠਾਨਦਿવਾਟ੍ਠਾਨਾਨਿ ਪਹਾਯ ਸਤ੍ਥੁ ਸਨ੍ਤਿਕਂ ਅਗਮਾਸਿ। ਖੀਯਨਧਮ੍ਮਨ੍ਤਿ ਕਥਾਧਮ੍ਮਂ।
11. Dutiyassa paṭhame yena bhagavā tenupasaṅkamīti ‘‘sace satthā cārikaṃ pakkamitukāmo assa , imasmiṃ kāle pakkameyya. Handāhaṃ cārikaṃ gamanatthāya satthāraṃ āpucchāmī’’ti cintetvā bhikkhusaṅghaparivuto upasaṅkami. Āyasmā maṃ, bhanteti so kira bhikkhu theraṃ mahatā bhikkhuparivārena gacchantaṃ disvā ‘‘ime bhikkhū tathāgataṃ pahāya sāriputtaṃ parivāretvā nikkhantā, gamanavicchedamassa karissāmī’’ti aṭṭhāne kopaṃ bandhitvā evamāha. Tattha āsajjāti ghaṭṭetvā. Appaṭinissajjāti akkhamāpetvā accayaṃ adesetvā. Kismiṃ pana so kāraṇe āghātaṃ bandhīti? Therassa kira dasabalaṃ vanditvā uṭṭhāya gacchato cīvarakaṇṇo tassa sarīraṃ phusi, vāto paharītipi vadanti. Ettakena āghātaṃ bandhitvā theraṃ mahatā parivārena gacchantaṃ disvā usūyamāno ‘‘gamanavicchedamassa karissāmī’’ti evamāha. Ehi tvaṃ bhikkhūti satthā tassa bhikkhuno vacanaṃ sutvā ‘‘na taṃ bhikkhu sāriputto paharīti vutte, ‘bhante, tumhe attano aggasāvakasseva pakkhaṃ vahatha, na mayha’nti mayi manopadosaṃ katvā apāye nibbatteyyā’’ti ñatvā ‘‘sāriputtaṃ pakkosāpetvā imamatthaṃ pucchissāmī’’ti ekaṃ bhikkhuṃ āmantetvā evamāha. Avāpuraṇaṃ ādāyāti kuñcikaṃ gahetvā. Sīhanādanti seṭṭhanādaṃ pamukhanādaṃ appaṭivattiyanādaṃ. Evaṃ dvīhi mahātherehi ārocito bhikkhusaṅgho rattiṭṭhānadivāṭṭhānāni pahāya satthu santikaṃ agamāsi. Khīyanadhammanti kathādhammaṃ.
ਗੂਥਗਤਨ੍ਤਿ ਗੂਥਮੇવ। ਸੇਸੇਸੁਪਿ ਏਸੇવ ਨਯੋ। ਪਥવੀਸਮੇਨਾਤਿ ਅਕੁਜ੍ਝਨਟ੍ਠੇਨ ਪਥવਿਯਾ ਸਮਾਨੇਨ। ਨ ਹਿ ਪਥવੀ ‘‘ਮਯਿ ਸੁਚਿਂ ਨਿਕ੍ਖਿਪਨ੍ਤੀ’’ਤਿ ਸੋਮਨਸ੍ਸਂ ਕਰੋਤਿ, ਨ ‘‘ਅਸੁਚਿਂ ਨਿਕ੍ਖਿਪਨ੍ਤੀ’’ਤਿ ਦੋਮਨਸ੍ਸਂ। ਮਯ੍ਹਮ੍ਪਿ ਏવਰੂਪਂ ਚਿਤ੍ਤਨ੍ਤਿ ਦਸ੍ਸੇਤਿ। વਿਪੁਲੇਨਾਤਿ ਅਪਰਿਤ੍ਤੇਨ। ਮਹਗ੍ਗਤੇਨਾਤਿ ਮਹਨ੍ਤਭਾવਂ ਗਤੇਨ। ਅਪ੍ਪਮਾਣੇਨਾਤਿ વਡ੍ਢਿਤਪ੍ਪਮਾਣੇਨ। ਅવੇਰੇਨਾਤਿ ਅਕੁਸਲવੇਰਪੁਗ੍ਗਲવੇਰਰਹਿਤੇਨ। ਅਬ੍ਯਾਪਜ੍ਝੇਨਾਤਿ ਨਿਦ੍ਦੁਕ੍ਖੇਨ વਿਗਤਦੋਮਨਸ੍ਸੇਨ। ਸੋ ਇਧਾਤਿ ਸੋ ਅਨੁਪਟ੍ਠਿਤਕਾਯਾਨੁਪਸ੍ਸਨਾਸਤਿਪਟ੍ਠਾਨੋ ਭਿਕ੍ਖੁ ਏવਂ ਕਰੇਯ੍ਯ, ਮਾਦਿਸੋ ਕਥਂ ਏવਰੂਪਂ ਕਰਿਸ੍ਸਤਿ, ਭਨ੍ਤੇਤਿ ਪਠਮਂ ਸੀਹਨਾਦਂ ਨਦਿ। ਏવਂ ਸਬ੍ਬਤ੍ਥ ਯੋਜਨਾ વੇਦਿਤਬ੍ਬਾ।
Gūthagatanti gūthameva. Sesesupi eseva nayo. Pathavīsamenāti akujjhanaṭṭhena pathaviyā samānena. Na hi pathavī ‘‘mayi suciṃ nikkhipantī’’ti somanassaṃ karoti, na ‘‘asuciṃ nikkhipantī’’ti domanassaṃ. Mayhampi evarūpaṃ cittanti dasseti. Vipulenāti aparittena. Mahaggatenāti mahantabhāvaṃ gatena. Appamāṇenāti vaḍḍhitappamāṇena. Averenāti akusalaverapuggalaverarahitena. Abyāpajjhenāti niddukkhena vigatadomanassena. So idhāti so anupaṭṭhitakāyānupassanāsatipaṭṭhāno bhikkhu evaṃ kareyya, mādiso kathaṃ evarūpaṃ karissati, bhanteti paṭhamaṃ sīhanādaṃ nadi. Evaṃ sabbattha yojanā veditabbā.
ਰਜੋਹਰਣਨ੍ਤਿ ਰਜਸਮ੍ਮਜ੍ਜਨਚੋਲ਼ਕਂ, ਪਾਦਪੁਞ੍ਛਨ੍ਤਿ, ਤਸ੍ਸੇવ ਨਾਮਂ। ਕਲ਼ੋਪਿਹਤ੍ਥੋਤਿ ਪਚ੍ਛਿਹਤ੍ਥੋ ਉਕ੍ਖਲਿਹਤ੍ਥੋ વਾ। ਨਨ੍ਤਕવਾਸੀਤਿ ਅਨ੍ਤਚ੍ਛਿਨ੍ਨਪਿਲੋਤਿਕવਸਨੋ। ਸੂਰਤੋਤਿ ਸੁਚਿਸੀਲੋ ਸੋਰਚ੍ਚੇਨ ਸਮਨ੍ਨਾਗਤੋ। ਸੁਦਨ੍ਤੋਤਿ ਸੁਟ੍ਠੁ ਦਮਥਂ ਉਪਗਤੋ। ਸੁવਿਨੀਤੋਤਿ ਸੁਟ੍ਠੁ ਸਿਕ੍ਖਿਤੋ। ਨ ਕਞ੍ਚਿ ਹਿਂਸਤੀਤਿ વਿਸਾਣਾਦੀਸੁ ਗਣ੍ਹਨ੍ਤਮ੍ਪਿ ਪਿਟ੍ਠਿਂ ਪਰਿਮਜ੍ਜਨ੍ਤਮ੍ਪਿ ਨ ਕਞ੍ਚਿ વਿਹੇਠੇਤਿ। ਉਸਭਛਿਨ੍ਨવਿਸਾਣਸਮੇਨਾਤਿ ਉਸਭਸ੍ਸ ਛਿਨ੍ਨવਿਸਾਣਸ੍ਸ ਚਿਤ੍ਤਸਦਿਸੇਨ।
Rajoharaṇanti rajasammajjanacoḷakaṃ, pādapuñchanti, tasseva nāmaṃ. Kaḷopihatthoti pacchihattho ukkhalihattho vā. Nantakavāsīti antacchinnapilotikavasano. Sūratoti sucisīlo soraccena samannāgato. Sudantoti suṭṭhu damathaṃ upagato. Suvinītoti suṭṭhu sikkhito. Na kañci hiṃsatīti visāṇādīsu gaṇhantampi piṭṭhiṃ parimajjantampi na kañci viheṭheti. Usabhachinnavisāṇasamenāti usabhassa chinnavisāṇassa cittasadisena.
ਅਟ੍ਟੀਯੇਯ੍ਯਾਤਿ ਅਟ੍ਟੋ ਪੀਲ਼ਿਤੋ ਭવੇਯ੍ਯ। ਹਰਾਯੇਯ੍ਯਾਤਿ ਲਜ੍ਜੇਯ੍ਯ। ਜਿਗੁਚ੍ਛੇਯ੍ਯਾਤਿ ਜਿਗੁਚ੍ਛਂ ਆਪਜ੍ਜੇਯ੍ਯ।
Aṭṭīyeyyāti aṭṭo pīḷito bhaveyya. Harāyeyyāti lajjeyya. Jiguccheyyāti jigucchaṃ āpajjeyya.
ਮੇਦਕਥਾਲਿਕਨ੍ਤਿ ਮੇਦਕਥਾਲਿਕਾ વੁਚ੍ਚਤਿ ਸੂਨਕਾਰਕੇਹਿ ਯੂਸਨਿਕ੍ਖਮਨਤ੍ਥਾਯ ਤਤ੍ਥ ਤਤ੍ਥ ਕਤਛਿਦ੍ਦਾ ਥਾਲਿਕਾ। ਪਰਿਹਰੇਯ੍ਯਾਤਿ ਮਂਸਸ੍ਸ ਪੂਰੇਤ੍વਾ ਉਕ੍ਖਿਪਿਤ੍વਾ ਗਚ੍ਛੇਯ੍ਯ। ਛਿਦ੍ਦਾવਛਿਦ੍ਦਨ੍ਤਿ ਪਰਿਤ੍ਤਮਹਨ੍ਤੇਹਿ ਛਿਦ੍ਦੇਹਿ ਸਮਨ੍ਨਾਗਤਂ। ਉਗ੍ਘਰਨ੍ਤਨ੍ਤਿ ਉਪਰਿਮੁਖੇਹਿ ਛਿਦ੍ਦੇਹਿ ਨਿਕ੍ਖਮਮਾਨਯੂਸਂ। ਪਗ੍ਘਰਨ੍ਤਨ੍ਤਿ ਅਧੋਮੁਖੇਹਿ ਨਿਕ੍ਖਮਮਾਨਯੂਸਂ। ਏવਮਸ੍ਸ ਸਕਲਸਰੀਰਂ ਯੂਸਮਕ੍ਖਿਤਂ ਭવੇਯ੍ਯ। ਛਿਦ੍ਦਾવਛਿਦ੍ਦਨ੍ਤਿ ਨવਹਿ વਣਮੁਖੇਹਿ ਪਰਿਤ੍ਤਮਹਨ੍ਤ ਛਿਦ੍ਦਂ। ਏવਮੇਤ੍ਥ ਅਟ੍ਠਮਨવਮੇਹਿ ਦ੍વੀਹਿ ਅਙ੍ਗੇਹਿ ਥੇਰੋ ਅਤ੍ਤਨੋ ਸਰੀਰੇ ਨਿਚ੍ਛਨ੍ਦਰਾਗਤਂ ਕਥੇਸਿ।
Medakathālikanti medakathālikā vuccati sūnakārakehi yūsanikkhamanatthāya tattha tattha katachiddā thālikā. Parihareyyāti maṃsassa pūretvā ukkhipitvā gaccheyya. Chiddāvachiddanti parittamahantehi chiddehi samannāgataṃ. Uggharantanti uparimukhehi chiddehi nikkhamamānayūsaṃ. Paggharantanti adhomukhehi nikkhamamānayūsaṃ. Evamassa sakalasarīraṃ yūsamakkhitaṃ bhaveyya. Chiddāvachiddanti navahi vaṇamukhehi parittamahanta chiddaṃ. Evamettha aṭṭhamanavamehi dvīhi aṅgehi thero attano sarīre nicchandarāgataṃ kathesi.
ਅਥ ਖੋ ਸੋ ਭਿਕ੍ਖੂਤਿ ਏવਂ ਥੇਰੇਨ ਨવਹਿ ਕਾਰਣੇਹਿ ਸੀਹਨਾਦੇ ਨਦਿਤੇ ਅਥ ਸੋ ਭਿਕ੍ਖੁ। ਅਚ੍ਚਯੋਤਿ ਅਪਰਾਧੋ। ਮਂ ਅਚ੍ਚਗਮਾਤਿ ਮਂ ਅਤਿਕ੍ਕਮ੍ਮ ਅਭਿਭવਿਤ੍વਾ ਪવਤ੍ਤੋ। ਪਤਿਗ੍ਗਣ੍ਹਤੂਤਿ ਖਮਤੁ। ਆਯਤਿਂ ਸਂવਰਾਯਾਤਿ ਅਨਾਗਤੇ ਸਂવਰਣਤ੍ਥਾਯ, ਪੁਨ ਏવਰੂਪਸ੍ਸ ਅਪਰਾਧਸ੍ਸ ਅਕਰਣਤ੍ਥਾਯ। ਤਗ੍ਘਾਤਿ ਏਕਂਸੇਨ। ਯਥਾਧਮ੍ਮਂ ਪਟਿਕਰੋਸੀਤਿ ਯਥਾ ਧਮ੍ਮੋ ਠਿਤੋ, ਤਥੇવ ਕਰੋਸਿ, ਖਮਾਪੇਸੀਤਿ વੁਤ੍ਤਂ ਹੋਤਿ। ਤਂ ਤੇ ਮਯਂ ਪਟਿਗ੍ਗਣ੍ਹਾਮਾਤਿ ਤਂ ਤવ ਅਪਰਾਧਂ ਮਯਂ ਖਮਾਮ। વੁਦ੍ਧਿਹੇਸਾ ਭਿਕ੍ਖੁ ਅਰਿਯਸ੍ਸ વਿਨਯੇਤਿ ਏਸਾ ਭਿਕ੍ਖੁ ਅਰਿਯਸ੍ਸ વਿਨਯੇ ਬੁਦ੍ਧਸ੍ਸ ਭਗવਤੋ ਸਾਸਨੇ વੁਡ੍ਢਿ ਨਾਮ। ਕਤਮਾ? ਅਚ੍ਚਯਂ ਅਚ੍ਚਯਤੋ ਦਿਸ੍વਾ ਯਥਾਧਮ੍ਮਂ ਪਟਿਕਰਿਤ੍વਾ ਆਯਤਿਂ ਸਂવਰਾਪਜ੍ਜਨਾ। ਦੇਸਨਂ ਪਨ ਪੁਗ੍ਗਲਾਧਿਟ੍ਠਾਨਂ ਕਰੋਨ੍ਤੋ ਯੋ ਅਚ੍ਚਯਂ ਅਚ੍ਚਯਤੋ ਦਿਸ੍વਾ ਯਥਾਧਮ੍ਮਂ ਪਟਿਕਰੋਤਿ, ਆਯਤਿਂ ਸਂવਰਂ ਆਪਜ੍ਜਤੀਤਿ ਆਹ। ਫਲਤੀਤਿ ਸਚੇ ਹਿ ਥੇਰੋ ਨ ਖਮੇਯ੍ਯ, ਤਸ੍ਸ ਭਿਕ੍ਖੁਨੋ ਤਤ੍ਥੇવ ਸਤ੍ਤਧਾ ਮੁਦ੍ਧਾ ਫਲੇਯ੍ਯ। ਤਸ੍ਮਾ ਭਗવਾ ਏવਮਾਹ। ਸਚੇ ਮਂ ਸੋਤਿ ਸਚੇ ਮਂ ਅਯਂ ਭਿਕ੍ਖੁ ਖਮਾਹੀਤਿ ਏવਂ વਦਤਿ। ਖਮਤੁ ਚ ਮੇ ਸੋਤਿ ਅਯਮ੍ਪਿ ਚਾਯਸ੍ਮਾ ਮਯ੍ਹਂ ਖਮਤੂਤਿ ਏવਂ ਥੇਰੋ ਤਸ੍ਸ ਅਚ੍ਚਯਂ ਪਟਿਗ੍ਗਣ੍ਹਿਤ੍વਾ ਸਯਮ੍ਪਿ ਤਂ ਸਤ੍ਥੁ ਸਮ੍ਮੁਖੇ ਖਮਾਪੇਸੀਤਿ।
Atha kho so bhikkhūti evaṃ therena navahi kāraṇehi sīhanāde nadite atha so bhikkhu. Accayoti aparādho. Maṃ accagamāti maṃ atikkamma abhibhavitvā pavatto. Patiggaṇhatūti khamatu. Āyatiṃ saṃvarāyāti anāgate saṃvaraṇatthāya, puna evarūpassa aparādhassa akaraṇatthāya. Tagghāti ekaṃsena. Yathādhammaṃ paṭikarosīti yathā dhammo ṭhito, tatheva karosi, khamāpesīti vuttaṃ hoti. Taṃ te mayaṃ paṭiggaṇhāmāti taṃ tava aparādhaṃ mayaṃ khamāma. Vuddhihesā bhikkhu ariyassa vinayeti esā bhikkhu ariyassa vinaye buddhassa bhagavato sāsane vuḍḍhi nāma. Katamā? Accayaṃ accayato disvā yathādhammaṃ paṭikaritvā āyatiṃ saṃvarāpajjanā. Desanaṃ pana puggalādhiṭṭhānaṃ karonto yo accayaṃ accayatodisvā yathādhammaṃ paṭikaroti, āyatiṃ saṃvaraṃ āpajjatīti āha. Phalatīti sace hi thero na khameyya, tassa bhikkhuno tattheva sattadhā muddhā phaleyya. Tasmā bhagavā evamāha. Sace maṃ soti sace maṃ ayaṃ bhikkhu khamāhīti evaṃ vadati. Khamatu ca me soti ayampi cāyasmā mayhaṃ khamatūti evaṃ thero tassa accayaṃ paṭiggaṇhitvā sayampi taṃ satthu sammukhe khamāpesīti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸੀਹਨਾਦਸੁਤ੍ਤਂ • 1. Sīhanādasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧. ਸੀਹਨਾਦਸੁਤ੍ਤવਣ੍ਣਨਾ • 1. Sīhanādasuttavaṇṇanā
