| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੨. ਸੀਹਨਾਦવਗ੍ਗੋ
2. Sīhanādavaggo
੧. ਸੀਹਨਾਦਸੁਤ੍ਤવਣ੍ਣਨਾ
1. Sīhanādasuttavaṇṇanā
੧੧. ਦੁਤਿਯਸ੍ਸ ਪਠਮੇ ਅવਾਪੁਰੇਨ੍ਤਿ વਿવਰਨ੍ਤਿ ਦ੍વਾਰਂ ਏਤੇਨਾਤਿ ਅવਾਪੁਰਣਂ। ਰਜਂ ਹਰਨ੍ਤਿ ਏਤੇਨਾਤਿ ਰਜੋਹਰਣਂ। ਕਲ਼ੋਪਿਹਤ੍ਥੋਤਿ વਿਲੀવਮਯਭਾਜਨਹਤ੍ਥੋ, ‘‘ਚਮ੍ਮਮਯਭਾਜਨਹਤ੍ਥੋ’’ਤਿ ਚ વਦਨ੍ਤਿ। ਛਿਨ੍ਨਾਨਿ વਿਸਾਣਾਨਿ ਏਤਸ੍ਸਾਤਿ ਛਿਨ੍ਨવਿਸਾਣੋ, ਉਸਭੋ ਚ ਸੋ ਛਿਨ੍ਨવਿਸਾਣੋ ਚਾਤਿ ਉਸਭਛਿਨ੍ਨવਿਸਾਣੋ। વਿਸੇਸਨਪਰੋਯਂ ਸਮਾਸੋ। ਅਹਿਕੁਣਪੇਨ વਾਤਿਆਦਿ ਅਤਿਜੇਗੁਚ੍ਛਪ੍ਪਟਿਕੂਲਕੁਣਪਦਸ੍ਸਨਤ੍ਥਂ વੁਤ੍ਤਂ। ਕਣ੍ਠੇ ਆਸਤ੍ਤੇਨਾਤਿ ਕੇਨਚਿਦੇવ ਪਚ੍ਚਤ੍ਥਿਕੇਨ ਆਨੇਤ੍વਾ ਕਣ੍ਠੇ ਬਦ੍ਧੇਨ, ਓਮੁਕ੍ਕੇਨਾਤਿ ਅਤ੍ਥੋ। ਅਟ੍ਟੋ ਆਤੁਰੋ ਦੁਗ੍ਗਨ੍ਧਪੀਲ਼ਾਯ ਪੀਲ਼ਿਤੋ। ਅਚ੍ਚਯਸ੍ਸ ਪਟਿਗ੍ਗਣ੍ਹਨਂ વਾ ਅਧਿવਾਸਨਂ। ਏવਞ੍ਹਿ ਸੋ ਕਾਰਣੇ ਦੇਸਿਯਮਾਨੇ ਤਤੋ વਿਗਤੋ ਨਾਮ ਹੋਤਿ। ਤੇਨਾਹ ‘‘ਪਟਿਗ੍ਗਣ੍ਹਤੂਤਿ ਖਮਤੂ’’ਤਿ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
11. Dutiyassa paṭhame avāpurenti vivaranti dvāraṃ etenāti avāpuraṇaṃ. Rajaṃ haranti etenāti rajoharaṇaṃ. Kaḷopihatthoti vilīvamayabhājanahattho, ‘‘cammamayabhājanahattho’’ti ca vadanti. Chinnāni visāṇāni etassāti chinnavisāṇo, usabho ca so chinnavisāṇo cāti usabhachinnavisāṇo. Visesanaparoyaṃ samāso. Ahikuṇapena vātiādi atijegucchappaṭikūlakuṇapadassanatthaṃ vuttaṃ. Kaṇṭhe āsattenāti kenacideva paccatthikena ānetvā kaṇṭhe baddhena, omukkenāti attho. Aṭṭo āturo duggandhapīḷāya pīḷito. Accayassa paṭiggaṇhanaṃ vā adhivāsanaṃ. Evañhi so kāraṇe desiyamāne tato vigato nāma hoti. Tenāha ‘‘paṭiggaṇhatūti khamatū’’ti. Sesamettha suviññeyyameva.
ਸੀਹਨਾਦਸੁਤ੍ਤવਣ੍ਣਨਾ ਨਿਟ੍ਠਿਤਾ।
Sīhanādasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧. ਸੀਹਨਾਦਸੁਤ੍ਤਂ • 1. Sīhanādasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧. ਸੀਹਨਾਦਸੁਤ੍ਤવਣ੍ਣਨਾ • 1. Sīhanādasuttavaṇṇanā
