| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
5. сийхаваг̇г̇о
5. Sīhavaggo
1. сийхан̇г̇абан̃хо
1. Sīhaṅgapañho
1. ‘‘бханд̇з нааг̇асзна, ‘сийхасса сад̇д̇а ан̇г̇аани г̇ахзд̇аб̣б̣ааний’д̇и яам̣ вад̣̇зси, гад̇амаани д̇аани сад̇д̇а ан̇г̇аани г̇ахзд̇аб̣б̣ааний’’д̇и? ‘‘яат̇аа, махаарааж̇а, сийхо наама сзд̇авималабарисуд̣̇д̇хабан̣д̣аро, звамзва ко, махаарааж̇а, яог̇инаа яог̇ааважарзна сзд̇авималабарисуд̣̇д̇хабан̣д̣аражид̇д̇зна б̣яабаг̇ад̇агуггужжзна бхавид̇аб̣б̣ам̣. ид̣̇ам̣, махаарааж̇а, сийхасса батамам̣ ан̇г̇ам̣ г̇ахзд̇аб̣б̣ам̣.
1. ‘‘Bhante nāgasena, ‘sīhassa satta aṅgāni gahetabbānī’ti yaṃ vadesi, katamāni tāni satta aṅgāni gahetabbānī’’ti? ‘‘Yathā, mahārāja, sīho nāma setavimalaparisuddhapaṇḍaro, evameva kho, mahārāja, yoginā yogāvacarena setavimalaparisuddhapaṇḍaracittena byapagatakukkuccena bhavitabbaṃ. Idaṃ, mahārāja, sīhassa paṭhamaṃ aṅgaṃ gahetabbaṃ.
‘‘буна жабарам̣, махаарааж̇а, сийхо жад̇ужаран̣о вигганд̇ажаарий, звамзва ко, махаарааж̇а, яог̇инаа яог̇ааважарзна жад̇урид̣̇д̇хибаад̣̇ажаран̣зна бхавид̇аб̣б̣ам̣. ид̣̇ам̣, махаарааж̇а, сийхасса д̣̇уд̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, sīho catucaraṇo vikkantacārī, evameva kho, mahārāja, yoginā yogāvacarena caturiddhipādacaraṇena bhavitabbaṃ. Idaṃ, mahārāja, sīhassa dutiyaṃ aṅgaṃ gahetabbaṃ.
‘‘буна жабарам̣, махаарааж̇а, сийхо абхируубаружирагзсарий, звамзва ко, махаарааж̇а, яог̇инаа яог̇ааважарзна абхируубаружирасийлагзсаринаа бхавид̇аб̣б̣ам̣. ид̣̇ам̣, махаарааж̇а, сийхасса д̇ад̇ияам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, sīho abhirūparucirakesarī, evameva kho, mahārāja, yoginā yogāvacarena abhirūparucirasīlakesarinā bhavitabbaṃ. Idaṃ, mahārāja, sīhassa tatiyaṃ aṅgaṃ gahetabbaṃ.
‘‘буна жабарам̣, махаарааж̇а, сийхо ж̇ийвид̇абарияаад̣̇аанзби на гассажи онамад̇и, звамзва ко, махаарааж̇а, яог̇инаа яог̇ааважарзна жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарабарияаад̣̇аанзби на гассажи онамид̇аб̣б̣ам̣. ид̣̇ам̣, махаарааж̇а, сийхасса жад̇уд̇т̇ам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, sīho jīvitapariyādānepi na kassaci onamati, evameva kho, mahārāja, yoginā yogāvacarena cīvarapiṇḍapātasenāsanagilānapaccayabhesajjaparikkhārapariyādānepi na kassaci onamitabbaṃ. Idaṃ, mahārāja, sīhassa catutthaṃ aṅgaṃ gahetabbaṃ.
‘‘буна жабарам̣, махаарааж̇а, сийхо сабад̣̇аанабхагко яасмим̣ огаасз нибад̇ад̇и, д̇ад̇т̇зва яаавад̣̇ад̇т̇ам̣ бхагкаяад̇и, на варамам̣сам̣ вижинаад̇и, звамзва ко, махаарааж̇а, яог̇инаа яог̇ааважарзна сабад̣̇аанабхагкзна бхавид̇аб̣б̣ам̣, на гулаани вижинид̇аб̣б̣аани, на буб̣б̣аг̇зхам̣ хид̇ваа гулаани убасан̇гамид̇аб̣б̣аани, на бхож̇анам̣ вижинид̇аб̣б̣ам̣, яасмим̣ огаасз габ̣ал̣ам̣ аад̣̇ийяад̇и, д̇асмим̣ язва огаасз бхун̃ж̇ид̇аб̣б̣ам̣ сарийраяаабанад̇т̇ам̣ 1, на варабхож̇анам̣ вижинид̇аб̣б̣ам̣. ид̣̇ам̣, махаарааж̇а, сийхасса бан̃жамам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, sīho sapadānabhakkho yasmiṃ okāse nipatati, tattheva yāvadatthaṃ bhakkhayati, na varamaṃsaṃ vicināti, evameva kho, mahārāja, yoginā yogāvacarena sapadānabhakkhena bhavitabbaṃ, na kulāni vicinitabbāni, na pubbagehaṃ hitvā kulāni upasaṅkamitabbāni, na bhojanaṃ vicinitabbaṃ, yasmiṃ okāse kabaḷaṃ ādīyati, tasmiṃ yeva okāse bhuñjitabbaṃ sarīrayāpanatthaṃ 2, na varabhojanaṃ vicinitabbaṃ. Idaṃ, mahārāja, sīhassa pañcamaṃ aṅgaṃ gahetabbaṃ.
‘‘буна жабарам̣, махаарааж̇а, сийхо асаннид̇хибхагко, сагим̣ г̇ожарам̣ бхагкаяид̇ваа на буна д̇ам̣ убаг̇ажчад̇и, звамзва ко, махаарааж̇а, яог̇инаа яог̇ааважарзна асаннид̇хигаарабарибхог̇инаа бхавид̇аб̣б̣ам̣. ид̣̇ам̣, махаарааж̇а, сийхасса чадтам̣ ан̇г̇ам̣ г̇ахзд̇аб̣б̣ам̣.
‘‘Puna caparaṃ, mahārāja, sīho asannidhibhakkho, sakiṃ gocaraṃ bhakkhayitvā na puna taṃ upagacchati, evameva kho, mahārāja, yoginā yogāvacarena asannidhikāraparibhoginā bhavitabbaṃ. Idaṃ, mahārāja, sīhassa chaṭṭhaṃ aṅgaṃ gahetabbaṃ.
‘‘буна жабарам̣ , махаарааж̇а, сийхо бхож̇анам̣ алад̣̇д̇хаа на барид̇ассад̇и, лад̣̇д̇хааби бхож̇анам̣ аг̇ад̇хид̇о 3 амужчид̇о анаж̇жхосанно барибхун̃ж̇ад̇и, звамзва ко, махаарааж̇а, яог̇инаа яог̇ааважарзна бхож̇анам̣ алад̣̇д̇хаа на барид̇ассид̇аб̣б̣ам̣, лад̣̇д̇хааби бхож̇анам̣ аг̇ад̇хид̇зна амужчид̇зна анаж̇жхосаннзна аад̣̇ийнавад̣̇ассаавинаа ниссаран̣абан̃н̃зна барибхун̃ж̇ид̇аб̣б̣ам̣. ид̣̇ам̣, махаарааж̇а, сийхасса сад̇д̇амам̣ ан̇г̇ам̣ г̇ахзд̇аб̣б̣ам̣. бхаасид̇амбзд̇ам̣, махаарааж̇а, бхаг̇авад̇аа д̣̇зваад̇ид̣̇звзна сам̣яуд̇д̇анигааяаварз т̇зрам̣ махаагассабам̣ баригид̇д̇аяамаанзна –
‘‘Puna caparaṃ , mahārāja, sīho bhojanaṃ aladdhā na paritassati, laddhāpi bhojanaṃ agadhito 4 amucchito anajjhosanno paribhuñjati, evameva kho, mahārāja, yoginā yogāvacarena bhojanaṃ aladdhā na paritassitabbaṃ, laddhāpi bhojanaṃ agadhitena amucchitena anajjhosannena ādīnavadassāvinā nissaraṇapaññena paribhuñjitabbaṃ. Idaṃ, mahārāja, sīhassa sattamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena saṃyuttanikāyavare theraṃ mahākassapaṃ parikittayamānena –
‘санд̇удтояам̣, бхигкавз, гассабо ид̇арийд̇арзна бин̣д̣абаад̇зна, ид̇арийд̇арабин̣д̣абаад̇асанд̇удтияаа жа ван̣н̣аваад̣̇ий, на жа бин̣д̣абаад̇ахзд̇у анзсанам̣ аббад̇ируубам̣ аабаж̇ж̇ад̇и, алад̣̇д̇хаа жа бин̣д̣абаад̇ам̣ на барид̇ассад̇и, лад̣̇д̇хаа жа бин̣д̣абаад̇ам̣ аг̇ад̇хид̇о амужчид̇о анаж̇жхосанно аад̣̇ийнавад̣̇ассаавий ниссаран̣абан̃н̃о барибхун̃ж̇ад̇ий’’’д̇и.
‘Santuṭṭhoyaṃ, bhikkhave, kassapo itarītarena piṇḍapātena, itarītarapiṇḍapātasantuṭṭhiyā ca vaṇṇavādī, na ca piṇḍapātahetu anesanaṃ appatirūpaṃ āpajjati, aladdhā ca piṇḍapātaṃ na paritassati, laddhā ca piṇḍapātaṃ agadhito amucchito anajjhosanno ādīnavadassāvī nissaraṇapañño paribhuñjatī’’’ti.
сийхан̇г̇абан̃хо батамо.
Sīhaṅgapañho paṭhamo.
Footnotes:
