| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੫. ਸੀਹવਗ੍ਗੋ
5. Sīhavaggo
੧. ਸੀਹਙ੍ਗਪਞ੍ਹੋ
1. Sīhaṅgapañho
੧. ‘‘ਭਨ੍ਤੇ ਨਾਗਸੇਨ, ‘ਸੀਹਸ੍ਸ ਸਤ੍ਤ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਸਤ੍ਤ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਸੀਹੋ ਨਾਮ ਸੇਤવਿਮਲਪਰਿਸੁਦ੍ਧਪਣ੍ਡਰੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸੇਤવਿਮਲਪਰਿਸੁਦ੍ਧਪਣ੍ਡਰਚਿਤ੍ਤੇਨ ਬ੍ਯਪਗਤਕੁਕ੍ਕੁਚ੍ਚੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਸੀਹਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
1. ‘‘Bhante nāgasena, ‘sīhassa satta aṅgāni gahetabbānī’ti yaṃ vadesi, katamāni tāni satta aṅgāni gahetabbānī’’ti? ‘‘Yathā, mahārāja, sīho nāma setavimalaparisuddhapaṇḍaro, evameva kho, mahārāja, yoginā yogāvacarena setavimalaparisuddhapaṇḍaracittena byapagatakukkuccena bhavitabbaṃ. Idaṃ, mahārāja, sīhassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੀਹੋ ਚਤੁਚਰਣੋ વਿਕ੍ਕਨ੍ਤਚਾਰੀ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਚਤੁਰਿਦ੍ਧਿਪਾਦਚਰਣੇਨ ਭવਿਤਬ੍ਬਂ। ਇਦਂ, ਮਹਾਰਾਜ, ਸੀਹਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sīho catucaraṇo vikkantacārī, evameva kho, mahārāja, yoginā yogāvacarena caturiddhipādacaraṇena bhavitabbaṃ. Idaṃ, mahārāja, sīhassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੀਹੋ ਅਭਿਰੂਪਰੁਚਿਰਕੇਸਰੀ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਅਭਿਰੂਪਰੁਚਿਰਸੀਲਕੇਸਰਿਨਾ ਭવਿਤਬ੍ਬਂ। ਇਦਂ, ਮਹਾਰਾਜ, ਸੀਹਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sīho abhirūparucirakesarī, evameva kho, mahārāja, yoginā yogāvacarena abhirūparucirasīlakesarinā bhavitabbaṃ. Idaṃ, mahārāja, sīhassa tatiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੀਹੋ ਜੀવਿਤਪਰਿਯਾਦਾਨੇਪਿ ਨ ਕਸ੍ਸਚਿ ਓਨਮਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਚੀવਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਪਰਿਯਾਦਾਨੇਪਿ ਨ ਕਸ੍ਸਚਿ ਓਨਮਿਤਬ੍ਬਂ। ਇਦਂ, ਮਹਾਰਾਜ, ਸੀਹਸ੍ਸ ਚਤੁਤ੍ਥਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sīho jīvitapariyādānepi na kassaci onamati, evameva kho, mahārāja, yoginā yogāvacarena cīvarapiṇḍapātasenāsanagilānapaccayabhesajjaparikkhārapariyādānepi na kassaci onamitabbaṃ. Idaṃ, mahārāja, sīhassa catutthaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੀਹੋ ਸਪਦਾਨਭਕ੍ਖੋ ਯਸ੍ਮਿਂ ਓਕਾਸੇ ਨਿਪਤਤਿ, ਤਤ੍ਥੇવ ਯਾવਦਤ੍ਥਂ ਭਕ੍ਖਯਤਿ, ਨ વਰਮਂਸਂ વਿਚਿਨਾਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਪਦਾਨਭਕ੍ਖੇਨ ਭવਿਤਬ੍ਬਂ, ਨ ਕੁਲਾਨਿ વਿਚਿਨਿਤਬ੍ਬਾਨਿ, ਨ ਪੁਬ੍ਬਗੇਹਂ ਹਿਤ੍વਾ ਕੁਲਾਨਿ ਉਪਸਙ੍ਕਮਿਤਬ੍ਬਾਨਿ, ਨ ਭੋਜਨਂ વਿਚਿਨਿਤਬ੍ਬਂ, ਯਸ੍ਮਿਂ ਓਕਾਸੇ ਕਬਲ਼ਂ ਆਦੀਯਤਿ, ਤਸ੍ਮਿਂ ਯੇવ ਓਕਾਸੇ ਭੁਞ੍ਜਿਤਬ੍ਬਂ ਸਰੀਰਯਾਪਨਤ੍ਥਂ 1, ਨ વਰਭੋਜਨਂ વਿਚਿਨਿਤਬ੍ਬਂ। ਇਦਂ, ਮਹਾਰਾਜ, ਸੀਹਸ੍ਸ ਪਞ੍ਚਮਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sīho sapadānabhakkho yasmiṃ okāse nipatati, tattheva yāvadatthaṃ bhakkhayati, na varamaṃsaṃ vicināti, evameva kho, mahārāja, yoginā yogāvacarena sapadānabhakkhena bhavitabbaṃ, na kulāni vicinitabbāni, na pubbagehaṃ hitvā kulāni upasaṅkamitabbāni, na bhojanaṃ vicinitabbaṃ, yasmiṃ okāse kabaḷaṃ ādīyati, tasmiṃ yeva okāse bhuñjitabbaṃ sarīrayāpanatthaṃ 2, na varabhojanaṃ vicinitabbaṃ. Idaṃ, mahārāja, sīhassa pañcamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਸੀਹੋ ਅਸਨ੍ਨਿਧਿਭਕ੍ਖੋ, ਸਕਿਂ ਗੋਚਰਂ ਭਕ੍ਖਯਿਤ੍વਾ ਨ ਪੁਨ ਤਂ ਉਪਗਚ੍ਛਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਅਸਨ੍ਨਿਧਿਕਾਰਪਰਿਭੋਗਿਨਾ ਭવਿਤਬ੍ਬਂ। ਇਦਂ, ਮਹਾਰਾਜ, ਸੀਹਸ੍ਸ ਛਟ੍ਠਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, sīho asannidhibhakkho, sakiṃ gocaraṃ bhakkhayitvā na puna taṃ upagacchati, evameva kho, mahārāja, yoginā yogāvacarena asannidhikāraparibhoginā bhavitabbaṃ. Idaṃ, mahārāja, sīhassa chaṭṭhaṃ aṅgaṃ gahetabbaṃ.
‘‘ਪੁਨ ਚਪਰਂ , ਮਹਾਰਾਜ, ਸੀਹੋ ਭੋਜਨਂ ਅਲਦ੍ਧਾ ਨ ਪਰਿਤਸ੍ਸਤਿ, ਲਦ੍ਧਾਪਿ ਭੋਜਨਂ ਅਗਧਿਤੋ 3 ਅਮੁਚ੍ਛਿਤੋ ਅਨਜ੍ਝੋਸਨ੍ਨੋ ਪਰਿਭੁਞ੍ਜਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਭੋਜਨਂ ਅਲਦ੍ਧਾ ਨ ਪਰਿਤਸ੍ਸਿਤਬ੍ਬਂ, ਲਦ੍ਧਾਪਿ ਭੋਜਨਂ ਅਗਧਿਤੇਨ ਅਮੁਚ੍ਛਿਤੇਨ ਅਨਜ੍ਝੋਸਨ੍ਨੇਨ ਆਦੀਨવਦਸ੍ਸਾવਿਨਾ ਨਿਸ੍ਸਰਣਪਞ੍ਞੇਨ ਪਰਿਭੁਞ੍ਜਿਤਬ੍ਬਂ। ਇਦਂ, ਮਹਾਰਾਜ, ਸੀਹਸ੍ਸ ਸਤ੍ਤਮਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਸਂਯੁਤ੍ਤਨਿਕਾਯવਰੇ ਥੇਰਂ ਮਹਾਕਸ੍ਸਪਂ ਪਰਿਕਿਤ੍ਤਯਮਾਨੇਨ –
‘‘Puna caparaṃ , mahārāja, sīho bhojanaṃ aladdhā na paritassati, laddhāpi bhojanaṃ agadhito 4 amucchito anajjhosanno paribhuñjati, evameva kho, mahārāja, yoginā yogāvacarena bhojanaṃ aladdhā na paritassitabbaṃ, laddhāpi bhojanaṃ agadhitena amucchitena anajjhosannena ādīnavadassāvinā nissaraṇapaññena paribhuñjitabbaṃ. Idaṃ, mahārāja, sīhassa sattamaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena saṃyuttanikāyavare theraṃ mahākassapaṃ parikittayamānena –
‘ਸਨ੍ਤੁਟ੍ਠੋਯਂ, ਭਿਕ੍ਖવੇ, ਕਸ੍ਸਪੋ ਇਤਰੀਤਰੇਨ ਪਿਣ੍ਡਪਾਤੇਨ, ਇਤਰੀਤਰਪਿਣ੍ਡਪਾਤਸਨ੍ਤੁਟ੍ਠਿਯਾ ਚ વਣ੍ਣવਾਦੀ, ਨ ਚ ਪਿਣ੍ਡਪਾਤਹੇਤੁ ਅਨੇਸਨਂ ਅਪ੍ਪਤਿਰੂਪਂ ਆਪਜ੍ਜਤਿ, ਅਲਦ੍ਧਾ ਚ ਪਿਣ੍ਡਪਾਤਂ ਨ ਪਰਿਤਸ੍ਸਤਿ, ਲਦ੍ਧਾ ਚ ਪਿਣ੍ਡਪਾਤਂ ਅਗਧਿਤੋ ਅਮੁਚ੍ਛਿਤੋ ਅਨਜ੍ਝੋਸਨ੍ਨੋ ਆਦੀਨવਦਸ੍ਸਾવੀ ਨਿਸ੍ਸਰਣਪਞ੍ਞੋ ਪਰਿਭੁਞ੍ਜਤੀ’’’ਤਿ।
‘Santuṭṭhoyaṃ, bhikkhave, kassapo itarītarena piṇḍapātena, itarītarapiṇḍapātasantuṭṭhiyā ca vaṇṇavādī, na ca piṇḍapātahetu anesanaṃ appatirūpaṃ āpajjati, aladdhā ca piṇḍapātaṃ na paritassati, laddhā ca piṇḍapātaṃ agadhito amucchito anajjhosanno ādīnavadassāvī nissaraṇapañño paribhuñjatī’’’ti.
ਸੀਹਙ੍ਗਪਞ੍ਹੋ ਪਠਮੋ।
Sīhaṅgapañho paṭhamo.
Footnotes:
