| Library / Tipiṭaka / ತಿಪಿಟಕ • Tipiṭaka / ಅಪದಾನಪಾಳಿ • Apadānapāḷi |
೫. ಸೀಹಾಸನದಾಯಕತ್ಥೇರಅಪದಾನಂ
5. Sīhāsanadāyakattheraapadānaṃ
೨೧.
21.
‘‘ನಿಬ್ಬುತೇ ಲೋಕನಾಥಮ್ಹಿ, ಪದುಮುತ್ತರನಾಯಕೇ।
‘‘Nibbute lokanāthamhi, padumuttaranāyake;
ಪಸನ್ನಚಿತ್ತೋ ಸುಮನೋ, ಸೀಹಾಸನಮದಾಸಹಂ॥
Pasannacitto sumano, sīhāsanamadāsahaṃ.
೨೨.
22.
‘‘ಬಹೂಹಿ ಗನ್ಧಮಾಲೇಹಿ, ದಿಟ್ಠಧಮ್ಮಸುಖಾವಹೇ।
‘‘Bahūhi gandhamālehi, diṭṭhadhammasukhāvahe;
ತತ್ಥ ಪೂಜಞ್ಚ ಕತ್ವಾನ, ನಿಬ್ಬಾಯತಿ ಬಹುಜ್ಜನೋ॥
Tattha pūjañca katvāna, nibbāyati bahujjano.
೨೩.
23.
‘‘ಪಸನ್ನಚಿತ್ತೋ ಸುಮನೋ, ವನ್ದಿತ್ವಾ ಬೋಧಿಮುತ್ತಮಂ।
‘‘Pasannacitto sumano, vanditvā bodhimuttamaṃ;
ಕಪ್ಪಾನಂ ಸತಸಹಸ್ಸಂ, ದುಗ್ಗತಿಂ ನುಪಪಜ್ಜಹಂ॥
Kappānaṃ satasahassaṃ, duggatiṃ nupapajjahaṃ.
೨೪.
24.
ಸಿಲುಚ್ಚಯಸನಾಮಾ ಚ, ರಾಜಾನೋ ಚಕ್ಕವತ್ತಿನೋ॥
Siluccayasanāmā ca, rājāno cakkavattino.
೨೫.
25.
‘‘ಪಟಿಸಮ್ಭಿದಾ ಚತಸ್ಸೋ…ಪೇ॰… ಕತಂ ಬುದ್ಧಸ್ಸ ಸಾಸನಂ’’॥
‘‘Paṭisambhidā catasso…pe… kataṃ buddhassa sāsanaṃ’’.
ಇತ್ಥಂ ಸುದಂ ಆಯಸ್ಮಾ ಸೀಹಾಸನದಾಯಕೋ ಥೇರೋ ಇಮಾ ಗಾಥಾಯೋ ಅಭಾಸಿತ್ಥಾತಿ।
Itthaṃ sudaṃ āyasmā sīhāsanadāyako thero imā gāthāyo abhāsitthāti;
ಸೀಹಾಸನದಾಯಕತ್ಥೇರಸ್ಸಾಪದಾನಂ ಪಞ್ಚಮಂ।
Sīhāsanadāyakattherassāpadānaṃ pañcamaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಅಪದಾನ-ಅಟ್ಠಕಥಾ • Apadāna-aṭṭhakathā / ೫. ಸೀಹಾಸನದಾಯಕತ್ಥೇರಅಪದಾನವಣ್ಣನಾ • 5. Sīhāsanadāyakattheraapadānavaṇṇanā
