| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
куд̣̇д̣̇аганигааяз
Khuddakanikāye
абад̣̇аана-адтагат̇аа
Apadāna-aṭṭhakathā
(д̣̇уд̇ияо бхааг̇о)
(Dutiyo bhāgo)
т̇зраабад̣̇аанам̣
Therāpadānaṃ
2. сийхаасанияаваг̇г̇о
2. Sīhāsaniyavaggo
1. сийхаасанад̣̇ааяагад̇т̇зраабад̣̇аанаван̣н̣анаа
1. Sīhāsanadāyakattheraapadānavaṇṇanā
ниб̣б̣уд̇з логанаат̇амхийд̇иаад̣̇игам̣ ааяасмад̇о сийхаасанад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сид̣̇д̇хад̇т̇асса бхаг̇авад̇о гаалз вибхавасамбаннз сад̣̇д̇хаасамбаннз згасмим̣ гулз ниб̣б̣ад̇д̇о, д̇харамаанз бхаг̇авад̇и д̣̇звалогз васид̇ваа ниб̣б̣уд̇з бхаг̇авад̇и уббаннад̇д̇аа вин̃н̃уд̇ам̣ бад̇д̇о бхаг̇авад̇о саарийригажзд̇ияам̣ д̣̇исваа ‘‘ахо мз алаабхаа, бхаг̇авад̇о д̇харамаанз гаалз асамбад̇д̇о’’д̇и жинд̇зд̇ваа жзд̇ияз жид̇д̇ам̣ басаад̣̇зд̇ваа соманассаж̇аад̇о саб̣б̣арад̇анамаяам̣ д̣̇звад̇ааниммид̇асад̣̇исам̣ д̇хаммаасанз сийхаасанам̣ гаарзд̇ваа ж̇ийвамаанагаб̣уд̣̇д̇хасса вияа бууж̇зси. д̇ассубари г̇зхамби д̣̇иб̣б̣авимаанамива гаарзси, баад̣̇адтабанабаад̣̇абийтамби гаарзси. звам̣ яааваж̇ийвам̣ д̣̇ийбад̇хуубабубпаг̇анд̇хаад̣̇ийхи анзгавид̇хам̣ бууж̇ам̣ гад̇ваа д̇ад̇о жуд̇о д̣̇звалогз ниб̣б̣ад̇д̇о ча гаамасаг̇г̇з абараабарам̣ д̣̇иб̣б̣асамбад̇д̇им̣ анубхавид̇ваа мануссзсу жаггавад̇д̇исамбад̇д̇им̣ анзгагкад̇д̇ум̣ анубхавид̇ваа сан̇кяаад̇игганд̇ам̣ бад̣̇зсараж̇ж̇асамбад̇д̇ин̃жа анубхавид̇ваа гассабасса бхаг̇авад̇о саасанз баб̣б̣аж̇ид̇ваа саман̣ад̇хаммам̣ гад̇ваа зд̇т̇анд̇арз д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з згасмим̣ вибхавасамбаннз гулз ниб̣б̣ад̇д̇ид̇ваа вин̃н̃уд̇ам̣ бад̇д̇о сад̇т̇у д̇хаммад̣̇зсанам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа лад̣̇д̇хуубасамбад̣̇о гаммадтаанам̣ г̇ахзд̇ваа гхадзнд̇о вааяаманд̇о нажирассзва арахад̇д̇ам̣ баабун̣и.
Nibbutelokanāthamhītiādikaṃ āyasmato sīhāsanadāyakattherassa apadānaṃ. Ayampi purimabuddhesu katādhikāro tattha tattha bhave puññāni upacinanto siddhatthassa bhagavato kāle vibhavasampanne saddhāsampanne ekasmiṃ kule nibbatto, dharamāne bhagavati devaloke vasitvā nibbute bhagavati uppannattā viññutaṃ patto bhagavato sārīrikacetiyaṃ disvā ‘‘aho me alābhā, bhagavato dharamāne kāle asampatto’’ti cintetvā cetiye cittaṃ pasādetvā somanassajāto sabbaratanamayaṃ devatānimmitasadisaṃ dhammāsane sīhāsanaṃ kāretvā jīvamānakabuddhassa viya pūjesi. Tassupari gehampi dibbavimānamiva kāresi, pādaṭṭhapanapādapīṭhampi kāresi. Evaṃ yāvajīvaṃ dīpadhūpapupphagandhādīhi anekavidhaṃ pūjaṃ katvā tato cuto devaloke nibbatto cha kāmasagge aparāparaṃ dibbasampattiṃ anubhavitvā manussesu cakkavattisampattiṃ anekakkhattuṃ anubhavitvā saṅkhyātikkantaṃ padesarajjasampattiñca anubhavitvā kassapassa bhagavato sāsane pabbajitvā samaṇadhammaṃ katvā etthantare devamanussesu saṃsaranto imasmiṃ buddhuppāde ekasmiṃ vibhavasampanne kule nibbattitvā viññutaṃ patto satthu dhammadesanaṃ sutvā paṭiladdhasaddho pabbajitvā laddhūpasampado kammaṭṭhānaṃ gahetvā ghaṭento vāyamanto nacirasseva arahattaṃ pāpuṇi.
1. звам̣ бад̇д̇аарахад̇д̇апало ад̇д̇ано буб̣б̣агаммам̣ сарид̇ваа соманассам̣ уббаад̣̇зд̇ваа буб̣б̣ажарид̇аабад̣̇аанам̣ багаасзнд̇о ниб̣б̣уд̇з логанаат̇амхийд̇иаад̣̇имааха. д̇ад̇т̇а логасса наат̇о бад̇хаанод̇и логанаат̇о, логад̇д̇аяасаамийд̇и ад̇т̇о. логанаат̇з сид̣̇д̇хад̇т̇амхи ниб̣б̣уд̇зд̇и самб̣анд̇хо. вид̇т̇аарид̇з бааважанзд̇и бааважанз бидагад̇д̇аяз вид̇т̇аарид̇з бад̇т̇адз баагадзд̇и ад̇т̇о. б̣аахуж̇ан̃н̃амхи саасанзд̇и сигкад̇д̇аяасан̇г̇ахид̇з б̣уд̣̇д̇хасаасанз анзгасад̇асахассагодикийн̣аасавасан̇каад̇зхи б̣ахуж̇анзхи н̃аад̇з ад̇хиг̇ад̇зд̇и ад̇т̇о.
1. Evaṃ pattaarahattaphalo attano pubbakammaṃ saritvā somanassaṃ uppādetvā pubbacaritāpadānaṃ pakāsento nibbute lokanāthamhītiādimāha. Tattha lokassa nātho padhānoti lokanātho, lokattayasāmīti attho. Lokanāthe siddhatthamhi nibbuteti sambandho. Vitthārite pāvacaneti pāvacane piṭakattaye vitthārite patthaṭe pākaṭeti attho. Bāhujaññamhi sāsaneti sikkhattayasaṅgahite buddhasāsane anekasatasahassakoṭikhīṇāsavasaṅkhātehi bahujanehi ñāte adhigateti attho.
2-3. басаннажид̇д̇о суманод̇и д̇ад̣̇аа ахам̣ б̣уд̣̇д̇хасса д̇харамаанагаалз асамбад̇д̇о ниб̣б̣уд̇з д̇асмим̣ д̣̇звалогаа жавид̇ваа мануссалогам̣ убабанно д̇асса бхаг̇авад̇о саарийригад̇хаад̇ужзд̇ияам̣ д̣̇исваа басаннажид̇д̇о сад̣̇д̇хаасамбаяуд̇д̇амано сунд̣̇арамано ‘‘ахо мамааг̇аманам̣ свааг̇амана’’нд̇и сан̃ж̇аад̇абасаад̣̇аб̣ахумаано ‘‘маяаа ниб̣б̣аанаад̇хиг̇амааяа згам̣ бун̃н̃ам̣ гаад̇ум̣ ваддад̇ий’’д̇и жинд̇зд̇ваа бхаг̇авад̇о жзд̇ияасамийбз бхаг̇аванд̇ам̣ уд̣̇д̣̇исса хиран̃н̃асуван̣н̣арад̇анаад̣̇ийхи алан̇гарид̇ваава сийхаасанам̣ агааси. д̇ад̇ра нисиннасса баад̣̇адтабанад̇т̇ааяа баад̣̇абийтан̃жа гаарзси. сийхаасанасса ад̇зманад̇т̇ааяа д̇ассубари гхаран̃жа гаарзси. д̇зна вуд̇д̇ам̣ – ‘‘сийхаасанамагаасахам̣…бз… гхарам̣ д̇ад̇т̇а агаасаха’’нд̇и. д̇зна жид̇д̇аббасаад̣̇знаад̇и д̇харамаанасса вияа бхаг̇авад̇о сийхаасанам̣ маяаа гад̇ам̣, д̇зна жид̇д̇аббасаад̣̇зна. д̇усид̇ам̣ убабаж̇ж̇аханд̇и д̇усид̇абхаванз убабаж̇ж̇инд̇и ад̇т̇о.
2-3.Pasannacitto sumanoti tadā ahaṃ buddhassa dharamānakāle asampatto nibbute tasmiṃ devalokā cavitvā manussalokaṃ upapanno tassa bhagavato sārīrikadhātucetiyaṃ disvā pasannacitto saddhāsampayuttamano sundaramano ‘‘aho mamāgamanaṃ svāgamana’’nti sañjātapasādabahumāno ‘‘mayā nibbānādhigamāya ekaṃ puññaṃ kātuṃ vaṭṭatī’’ti cintetvā bhagavato cetiyasamīpe bhagavantaṃ uddissa hiraññasuvaṇṇaratanādīhi alaṅkaritvāva sīhāsanaṃ akāsi. Tatra nisinnassa pādaṭṭhapanatthāya pādapīṭhañca kāresi. Sīhāsanassa atemanatthāya tassupari gharañca kāresi. Tena vuttaṃ – ‘‘sīhāsanamakāsahaṃ…pe… gharaṃ tattha akāsaha’’nti. Tena cittappasādenāti dharamānassa viya bhagavato sīhāsanaṃ mayā kataṃ, tena cittappasādena. Tusitaṃ upapajjahanti tusitabhavane upapajjinti attho.
4. ааяаамзна жад̇уб̣б̣ийсаад̇и д̇ад̇рубабаннасса д̣̇звабхууд̇асса сад̇о маяхам̣ сугад̇ам̣ бун̃н̃зна ниб̣б̣ад̇д̇ид̇ам̣ баад̇убхууд̇ам̣ ааяаамзна ужжад̇о жад̇уб̣б̣ийсаяож̇анам̣ вид̇т̇аарзна д̇ирияад̇о жад̇уд̣̇д̣̇асаяож̇анам̣ д̇аавад̣̇зва ниб̣б̣ад̇д̇игкан̣зязва ааси ахосийд̇и ад̇т̇о. сзсам̣ сувин̃н̃зяяамзва.
4.Āyāmena catubbīsāti tatrupapannassa devabhūtassa sato mayhaṃ sukataṃ puññena nibbattitaṃ pātubhūtaṃ āyāmena uccato catubbīsayojanaṃ vitthārena tiriyato catuddasayojanaṃ tāvadeva nibbattikkhaṇeyeva āsi ahosīti attho. Sesaṃ suviññeyyameva.
9. жад̇уннавуд̇з ид̇о габбзд̇и ид̇о габбад̇о жад̇унавуд̇з габбз яам̣ гаммам̣ агарим̣ агаасим̣, д̇ад̣̇аа д̇ад̇о бадтааяа бун̃н̃аб̣алзна ган̃жи д̣̇уг̇г̇ад̇им̣ наабхиж̇аанаами, на анубхууд̇абуб̣б̣аа гаажи д̣̇уг̇г̇ад̇ийд̇и ад̇т̇о.
9.Catunnavuteito kappeti ito kappato catunavute kappe yaṃ kammaṃ akariṃ akāsiṃ, tadā tato paṭṭhāya puññabalena kañci duggatiṃ nābhijānāmi, na anubhūtapubbā kāci duggatīti attho.
10. д̇зсад̇д̇ад̇имхид̇о габбзд̇и ид̇о габбад̇о д̇зсад̇д̇ад̇игаббз. инд̣̇анаамаа д̇аяо ж̇анаад̇и инд̣̇анаамагаа д̇аяо жаггавад̇д̇ирааж̇аано згасмим̣ габбз д̇ийсу ж̇аад̇ийсу инд̣̇о наама жаггавад̇д̇ий рааж̇аа ахосинд̇и ад̇т̇о. д̣̇взсад̇д̇ад̇имхид̇о габбзд̇и ид̇о д̣̇взсад̇д̇ад̇игаббз. сумананаамагаа д̇аяо ж̇анаа д̇игкад̇д̇ум̣ жаггавад̇д̇ирааж̇аано ахзсум̣.
10.Tesattatimhito kappeti ito kappato tesattatikappe. Indanāmā tayo janāti indanāmakā tayo cakkavattirājāno ekasmiṃ kappe tīsu jātīsu indo nāma cakkavattī rājā ahosinti attho. Dvesattatimhitokappeti ito dvesattatikappe. Sumananāmakā tayo janā tikkhattuṃ cakkavattirājāno ahesuṃ.
11. самасад̇д̇ад̇ид̇о габбзд̇и ид̇о габбад̇о ануунаад̇хигз сад̇д̇ад̇имз габбз варун̣анаамагаа варун̣о жаггавад̇д̇ийд̇и звам̣наамагаа д̇аяо жаггавад̇д̇ирааж̇аано жаггарад̇анасамбаннаа жад̇уд̣̇ийбамхи иссараа ахзсунд̇и ад̇т̇о. сзсам̣ сувин̃н̃зяяамзваад̇и.
11.Samasattatito kappeti ito kappato anūnādhike sattatime kappe varuṇanāmakā varuṇo cakkavattīti evaṃnāmakā tayo cakkavattirājāno cakkaratanasampannā catudīpamhi issarā ahesunti attho. Sesaṃ suviññeyyamevāti.
сийхаасанад̣̇ааяагад̇т̇зраабад̣̇аанаван̣н̣анаа самад̇д̇аа.
Sīhāsanadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 1. сийхаасанад̣̇ааяагад̇т̇зраабад̣̇аанам̣ • 1. Sīhāsanadāyakattheraapadānaṃ
