| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
5. сийхаасанад̣̇ааяагад̇т̇зраабад̣̇аанаван̣н̣анаа
5. Sīhāsanadāyakattheraapadānavaṇṇanā
ниб̣б̣уд̇з логанаат̇амхийд̇иаад̣̇игам̣ ааяасмад̇о сийхаасанад̣̇ааяагад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз ниб̣б̣аанаад̇хиг̇амад̇т̇ааяа гад̇абун̃н̃уубажаяо бад̣̇умуд̇д̇арасса бхаг̇авад̇о гаалз г̇ахабад̇игулз ниб̣б̣ад̇д̇о вин̃н̃уд̇ам̣ бад̇д̇о сад̇т̇у д̇хаммад̣̇зсанам̣ суд̇ваа рад̇анад̇д̇аяз басанно д̇асмим̣ бхаг̇авад̇и бариниб̣б̣уд̇з сад̇д̇ахи рад̇анзхи кажид̇ам̣ сийхаасанам̣ гаараабзд̇ваа б̣од̇хиругкам̣ бууж̇зси, б̣ахуухи маалааг̇анд̇хад̇хуубзхи жа бууж̇зси.
Nibbutelokanāthamhītiādikaṃ āyasmato sīhāsanadāyakattherassa apadānaṃ. Ayampi purimabuddhesu katādhikāro tattha tattha bhave nibbānādhigamatthāya katapuññūpacayo padumuttarassa bhagavato kāle gahapatikule nibbatto viññutaṃ patto satthu dhammadesanaṃ sutvā ratanattaye pasanno tasmiṃ bhagavati parinibbute sattahi ratanehi khacitaṃ sīhāsanaṃ kārāpetvā bodhirukkhaṃ pūjesi, bahūhi mālāgandhadhūpehi ca pūjesi.
21. со д̇зна бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхавид̇ваа саб̣б̣ад̇т̇а бууж̇ид̇о имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз ниб̣б̣ад̇д̇о вуд̣̇д̇хиббад̇д̇о гхарааваасам̣ васанд̇о сад̇т̇у д̇хаммад̣̇зсанам̣ суд̇ваа басаннамаанасо н̃аад̇иваг̇г̇ам̣ бахааяа баб̣б̣аж̇ид̇о нажирассзва арахаа худ̇ваа буб̣б̣уубажид̇агусаласамбхаарам̣ сарид̇ваа сан̃ж̇аад̇асоманассо буб̣б̣ажарид̇аабад̣̇аанам̣ багаасзнд̇о ниб̣б̣уд̇з логанаат̇амхийд̇иаад̣̇имааха. д̇ад̇т̇а сийхаасанамад̣̇аасаханд̇и сийхаруубахиран̃н̃асуван̣н̣арад̇анзхи кажид̇ам̣ аасанам̣ сийхаасанам̣, сийхасса ваа абхийд̇асса бхаг̇авад̇о нисиннаарахам̣, сийхам̣ ваа сздтам̣ уд̇д̇амам̣ аасананд̇и сийхаасанам̣, д̇ам̣ ахам̣ ад̣̇аасим̣, б̣од̇хиругкам̣ бууж̇зсинд̇и ад̇т̇о. сзсам̣ сувин̃н̃зяяамзваад̇и.
21. So tena puññena devamanussesu saṃsaranto ubhayasampattiyo anubhavitvā sabbattha pūjito imasmiṃ buddhuppāde sāvatthiyaṃ kulagehe nibbatto vuddhippatto gharāvāsaṃ vasanto satthu dhammadesanaṃ sutvā pasannamānaso ñātivaggaṃ pahāya pabbajito nacirasseva arahā hutvā pubbūpacitakusalasambhāraṃ saritvā sañjātasomanasso pubbacaritāpadānaṃ pakāsento nibbute lokanāthamhītiādimāha. Tattha sīhāsanamadāsahanti sīharūpahiraññasuvaṇṇaratanehi khacitaṃ āsanaṃ sīhāsanaṃ, sīhassa vā abhītassa bhagavato nisinnārahaṃ, sīhaṃ vā seṭṭhaṃ uttamaṃ āsananti sīhāsanaṃ, taṃ ahaṃ adāsiṃ, bodhirukkhaṃ pūjesinti attho. Sesaṃ suviññeyyamevāti.
сийхаасанад̣̇ааяагад̇т̇зраабад̣̇аанаван̣н̣анаа самад̇д̇аа.
Sīhāsanadāyakattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 5. сийхаасанад̣̇ааяагад̇т̇зраабад̣̇аанам̣ • 5. Sīhāsanadāyakattheraapadānaṃ
