| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. සීහාසනිකත්‌ථෙරඅපදානං
7. Sīhāsanikattheraapadānaṃ
42.
42.
‘‘පදුමුත්‌තරස්‌ස භගවතො, සබ්‌බභූතහිතෙසිනො;
‘‘Padumuttarassa bhagavato, sabbabhūtahitesino;
පසන්‌නචිත්‌තො සුමනො, සීහාසනමදාසහං.
Pasannacitto sumano, sīhāsanamadāsahaṃ.
43.
43.
‘‘දෙවලොකෙ මනුස්‌සෙ වා, යත්‌ථ යත්‌ථ වසාමහං;
‘‘Devaloke manusse vā, yattha yattha vasāmahaṃ;
ලභාමි විපුලං බ්‍යම්‌හං, සීහාසනස්‌සිදං ඵලං.
Labhāmi vipulaṃ byamhaṃ, sīhāsanassidaṃ phalaṃ.
44.
44.
මණිමයා ච පල්‌ලඞ්‌කා, නිබ්‌බත්‌තන්‌ති මමං සදා.
Maṇimayā ca pallaṅkā, nibbattanti mamaṃ sadā.
45.
45.
‘‘බොධියා ආසනං කත්‌වා, ජලජුත්‌තමනාමිනො;
‘‘Bodhiyā āsanaṃ katvā, jalajuttamanāmino;
උච්‌චෙ කුලෙ පජායාමි, අහො ධම්‌මසුධම්‌මතා.
Ucce kule pajāyāmi, aho dhammasudhammatā.
46.
46.
‘‘සතසහස්‌සිතො කප්‌පෙ, සීහාසනමකාසහං;
‘‘Satasahassito kappe, sīhāsanamakāsahaṃ;
දුග්‌ගතිං නාභිජානාමි, සීහාසනස්‌සිදං ඵලං.
Duggatiṃ nābhijānāmi, sīhāsanassidaṃ phalaṃ.
47.
47.
‘‘කිලෙසා ඣාපිතා මය්‌හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
48.
48.
‘‘ස්‌වාගතං වත මෙ ආසි…පෙ.… කතං බුද්‌ධස්‌ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
49.
49.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා සීහාසනිකො ථෙරො ඉමා ගාථායො
Itthaṃ sudaṃ āyasmā sīhāsaniko thero imā gāthāyo
අභාසිත්‌ථාති.
Abhāsitthāti.
සීහාසනිකත්‌ථෙරස්‌සාපදානං සත්‌තමං.
Sīhāsanikattherassāpadānaṃ sattamaṃ.
Footnotes:
