| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
4-5. сийхасзнаабад̇исуд̇д̇аад̣̇иван̣н̣анаа
4-5. Sīhasenāpatisuttādivaṇṇanā
34-35. жад̇уд̇т̇з санд̣̇идтиганд̇и асамбарааяигад̇ааяа саамам̣ д̣̇адтаб̣б̣ам̣. саяам̣ анубхавид̇аб̣б̣ам̣ ад̇д̇абажжагкам̣ д̣̇идтад̇хаммиганд̇и ад̇т̇о. на сад̣̇д̇хаамад̇д̇агзнзва д̇идтад̇ийд̇и ‘‘д̣̇аанам̣ наама саад̇ху сунд̣̇арам̣, б̣уд̣̇д̇хаад̣̇ийхи бан̣д̣ид̇зхи басад̇т̇а’’нд̇и звам̣ сад̣̇д̇хаамад̇д̇агзнзва на д̇идтад̇и. яам̣ д̣̇аанам̣ д̣̇зд̇ийд̇и яам̣ д̣̇зяяад̇хаммам̣ барасса д̣̇зд̇и. д̇асса бад̇и худ̇ваад̇и д̇аб̣б̣исаяам̣ лобхам̣ судту абхибхаванд̇о д̇асса ад̇хибад̇и худ̇ваа д̣̇зд̇и. д̇зна анад̇хибхаванийяад̇д̇аа на д̣̇аасо на сахааяод̇и. д̇ад̇т̇а д̇ад̣̇убхаяам̣ анваяад̇о б̣яад̇ирзгад̇о жа д̣̇ассзд̇ум̣ ‘‘яо хий’’д̇иаад̣̇и вуд̇д̇ам̣. д̣̇аасо худ̇ваа д̣̇зд̇и д̇ан̣хаад̣̇аасаб̣яасса убаг̇ад̇ад̇д̇аа. сахааяо худ̇ваа д̣̇зд̇и д̇асса бияабхааваависсаж̇ж̇анад̇о. саамий худ̇ваа д̣̇зд̇и д̇ад̇т̇а д̇ан̣хаад̣̇аасаб̣яад̇о ад̇д̇аанам̣ можзд̇ваа абхибхуяяа бавад̇д̇анад̇о. ат̇а ваа яо д̣̇аанасийлад̇ааяа д̣̇ааяаго буг̇г̇ало, со д̣̇аанз бавад̇д̇ибхзд̣̇зна д̣̇аанад̣̇аасо, д̣̇аанасахааяо, д̣̇аанабад̇ийд̇и д̇иббагааро ход̇и. д̇ад̣̇асса д̇иббагаарад̇ам̣ вибхаж̇ид̇ваа д̣̇ассзд̇ум̣ ‘‘яо хий’’д̇иаад̣̇и вуд̇д̇ам̣. д̣̇аад̇аб̣б̣адтзна д̣̇аанам̣, аннабаанаад̣̇и.
34-35. Catutthe sandiṭṭhikanti asamparāyikatāya sāmaṃ daṭṭhabbaṃ. Sayaṃ anubhavitabbaṃ attapaccakkhaṃ diṭṭhadhammikanti attho. Na saddhāmattakeneva tiṭṭhatīti ‘‘dānaṃ nāma sādhu sundaraṃ, buddhādīhi paṇḍitehi pasattha’’nti evaṃ saddhāmattakeneva na tiṭṭhati. Yaṃ dānaṃ detīti yaṃ deyyadhammaṃ parassa deti. Tassa pati hutvāti tabbisayaṃ lobhaṃ suṭṭhu abhibhavanto tassa adhipati hutvā deti. Tena anadhibhavanīyattā na dāso na sahāyoti. Tattha tadubhayaṃ anvayato byatirekato ca dassetuṃ ‘‘yo hī’’tiādi vuttaṃ. Dāso hutvā deti taṇhādāsabyassa upagatattā. Sahāyo hutvā deti tassa piyabhāvāvissajjanato. Sāmī hutvā deti tattha taṇhādāsabyato attānaṃ mocetvā abhibhuyya pavattanato. Atha vā yo dānasīlatāya dāyako puggalo, so dāne pavattibhedena dānadāso, dānasahāyo, dānapatīti tippakāro hoti. Tadassa tippakārataṃ vibhajitvā dassetuṃ ‘‘yo hī’’tiādi vuttaṃ. Dātabbaṭṭhena dānaṃ, annapānādi.
д̇ад̇т̇а яам̣ ад̇д̇анаа барибхун̃ж̇ад̇и, д̇ан̣хаад̇хибаннад̇ааяа д̇асса васзна вад̇д̇анад̇о д̣̇аасо вияа ход̇и. яам̣ барзсам̣ д̣̇ийяад̇и, д̇ад̇т̇ааби аннабаанасааман̃н̃зна ид̣̇ам̣ вуд̇д̇ам̣ ‘‘д̣̇аанасан̇каад̇асса д̣̇зяяад̇хаммасса д̣̇аасо худ̇ваа’’д̇и. сахааяо худ̇ваа д̣̇зд̇и ад̇д̇анаа барибхун̃ж̇ид̇аб̣б̣асса барзсам̣ д̣̇аад̇аб̣б̣асса жа самасамам̣ табанад̇о. бад̇и худ̇ваа д̣̇зд̇и саяам̣ д̣̇зяяад̇хаммасса васз авад̇д̇ид̇ваа д̇асса ад̇д̇ано васз вад̇д̇аабанад̇о. абаро наяо – яо ад̇д̇анаа бан̣ийд̇ам̣ барибхун̃ж̇ид̇ваа барзсам̣ нихийнам̣ д̣̇зд̇и, со д̣̇аанад̣̇аасо наама д̇аннимид̇д̇анихийнабхааваабад̇д̇ид̇о. яо яаад̣̇исам̣ ад̇д̇анаа барибхун̃ж̇ад̇и, д̇аад̣̇исамзва барзсам̣ д̣̇зд̇и, со д̣̇аанасахааяо наама д̇аннимид̇д̇ахийнаад̇хигабхаававиваж̇ж̇анзна сад̣̇исабхааваабад̇д̇ид̇о. яо ад̇д̇анаа нихийнам̣ барибхун̃ж̇ид̇ваа барзсам̣ бан̣ийд̇ам̣ д̣̇зд̇и, со д̣̇аанабад̇и наама д̇аннимид̇д̇асздтабхааваабад̇д̇ид̇о.
Tattha yaṃ attanā paribhuñjati, taṇhādhipannatāya tassa vasena vattanato dāso viya hoti. Yaṃ paresaṃ dīyati, tatthāpi annapānasāmaññena idaṃ vuttaṃ ‘‘dānasaṅkhātassa deyyadhammassa dāso hutvā’’ti. Sahāyo hutvā deti attanā paribhuñjitabbassa paresaṃ dātabbassa ca samasamaṃ ṭhapanato. Pati hutvā deti sayaṃ deyyadhammassa vase avattitvā tassa attano vase vattāpanato. Aparo nayo – yo attanā paṇītaṃ paribhuñjitvā paresaṃ nihīnaṃ deti, so dānadāso nāma tannimittanihīnabhāvāpattito. Yo yādisaṃ attanā paribhuñjati, tādisameva paresaṃ deti, so dānasahāyo nāma tannimittahīnādhikabhāvavivajjanena sadisabhāvāpattito. Yo attanā nihīnaṃ paribhuñjitvā paresaṃ paṇītaṃ deti, so dānapati nāma tannimittaseṭṭhabhāvāpattito.
нид̇д̇зж̇абхууд̇о д̇зж̇ахааниббад̇д̇ияаа. саха б̣яад̇и г̇ажчад̇ийд̇и сахаб̣яо, сахабавад̇д̇анаго, д̇асса бхааво сахаб̣яад̇аа, сахабавад̇д̇ийд̇и ааха ‘‘сахабхаавам̣ згийбхаавам̣ г̇ад̇аа’’д̇и. асид̇ассаад̇и ваа аб̣анд̇хасса, д̇ан̣хааб̣анд̇ханзна аб̣анд̇хассаад̇и ад̇т̇о. бан̃жамам̣ уд̇д̇аанамзва.
Nittejabhūto tejahānippattiyā. Saha byati gacchatīti sahabyo, sahapavattanako, tassa bhāvo sahabyatā, sahapavattīti āha ‘‘sahabhāvaṃ ekībhāvaṃ gatā’’ti. Asitassāti vā abandhassa, taṇhābandhanena abandhassāti attho. Pañcamaṃ uttānameva.
сийхасзнаабад̇исуд̇д̇аад̣̇иван̣н̣анаа нидтид̇аа.
Sīhasenāpatisuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
4. сийхасзнаабад̇исуд̇д̇ам̣ • 4. Sīhasenāpatisuttaṃ
5. д̣̇аанаанисам̣сасуд̇д̇ам̣ • 5. Dānānisaṃsasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
4. сийхасзнаабад̇исуд̇д̇аван̣н̣анаа • 4. Sīhasenāpatisuttavaṇṇanā
5. д̣̇аанаанисам̣сасуд̇д̇аван̣н̣анаа • 5. Dānānisaṃsasuttavaṇṇanā
